Ibirawwii 10
10
Jaarsso laano kakiristoosa kallami takkoɂadaamooti
1Seera kamuse horenbbaan kaɂemeeyinaro kaɂidan ayesuun masuussa goorttun hoosiya kuwaarre tarummi middi lakkoɂabanaaye; haannuun gees geesii arggetto kasisamaro jaarssojjool abateeren Waa tos kaɂemeetaro ibbaaddo duuddokki yelin suure lakkodaanddaaro. 2Seera kamuse iso duuddonɂi yelin kadanddeero leewa Waa hedoyisayin kaɂemeetaro ibaaddo kallami takkoɂadamooni c'ubbokko mankkomuc'c'imerawunna c'ubbo kallayinɂi aani sammuuttisooyi baas mankkomaalassamaro maraan jaarsso sisano iisi giraneen. 3Hassu jaarssojjool ade gees geesii iso c'ubbo kashaadisaroyya. 4Aalanttina kakkorjolnna kaɂoreen iigi c'ubbo baasin lakkodaanddaaro.
5Haannuun Kiristoosa alami tos takkoɂemeteree haa ame;
«Jaarssona meebaa ati inkko lakkodoottetto;
maarkkaa goɂameen iin ekkaassetta;
6Kagubataro jaarssona
Kac'ubbo haheso amanokokkiin kaɂenɂaamaro jaarssoyi
ati lakkogeggelaattetto;
7Hassu goorata ani
‹Hedokkee! Mas'aafa k'ulluukki garakkee goggos'aafameroo
Feɂittaa gudisin ani emeeyera› » ame.#Mez. 40:6-8.
8Hanɂu seera kaɂajajaaro goleenna, «Jaarssona meebaa, kagubataro jaarssona c'ubbokko haheso amamano kaɂenɂaamaro jaarsso ati inkko lakkodoottetto; isoonna adde ati lakkogeggelaattetto» ame; 9Debeenna, «Hikkima, ani feɂittaa felin emeeyera» ame; hikkamaleenna kallamikki jaarssokotti banɂee t'aabbisin kahoree jaarsso iggilisera. 10Hikkaniinna «Feɂii» kaɂamaro haafurakokki malee Yesuusa Kiristoosa sooyi kookkii kallami takkoɂadamooti jaarsso lee isi sisatanokotti aalanttii noo k'ulloyinnenna.
11Tuuk'aamo metemeteeyi c'ubbo baasin kadanddeenoon aanɂi jaarssojjool arggetto sisaa arri arri aallee handdaaraan.#Biy. 29:38. 12Kiristoosa ade arggetto kalleero jaarsso koo sise abbaabatere Waa odokotti merggeeyi hamas's'eera. 13Hittakko horenbbaan diinakkeessa odonnatikkeessaa hegelii taa barinaanii oorara; 14Hikkina kakkonlleera hanɂu ok'ulloyeraan jaarsso kookokki garane jiruu jiroomman duuddonɂi mankkoyelero maraanya.
15Ayyaana K'ulluukki ade hikka ayees noon atotaara; horaarjje,
16«Hanɂu arrijjoolkko abbaabayire
Isone wota ani otabinnara ammato ohaafura hinɂayaan amara Goottaa;
Seerakkee wodanattisooyi kayinnara;
Sammuuttisooyinna s'aafinara.»
17Adena «C'ubbokkisoonna omeellan feloɂoottisoo
Hittakko horenbbaan ani lakkoshaadinaro» amara.#Erm. 31:34.
18Haannuun c'ubbo dubba haheso kakkoɂamame goorata c'ubbo haheso amanokokki garaan kasisamara jaarsso hittakko horenbbaan laagiro.
Waa tos gabbalamano kadootisaro laano
19Goorttanu abbilaalttee! Iigi kayesuusakokki garane aaloo k'ulluutti banɂe tos tabin kakkodaanddenno kaɂabddisiro helannenna. 20Noo kakkotabnanna goggolokeessayiya; haa amanona sooɂootteessakokki garane noon kabanero kaɂusubkkiinna arddokki kalleero raadiiya. 21Daruurii kagiro min kawaayi gutii odonnati kaɂabo kanjiinkki tuuk'aamo abnna. 22Haannuun sammuu orroo kamaalssamaro baas kameellankko goggomuc'c'iminnon wodanattaani muc'c'isayinne, maarkkaani beke omuc'c'imeenii aaligunne, tukkultti wodananna karrummii ammano abayigunne Waa tos gabbalamnno.#Woy. 8:30; Hiz. 36:25. 23Kaɂabddii haafura noon kasisera kaɂabddame mankkollee maraan gidda ammaninne kaɂatotiinnanno abddii haggattola anlleennonii ataayisayi abanna. 24Geelanjjeeyinna felo oɂidanii ataayigunne goggogirnnon koo kakkalee haɂatayiso; 25Arggetto raattoo iinsse eselaa isiɂisiɂorroo isiɂisi ataayisanna kuwaarre kookkoo kukkuɂamano goggoɂiseraan malee noo adi kukkuɂamanokkaani lakkoɂiinsso; haa laanakko Goottaa kakkoɂemeeyinnara arri gabbalamano shaadaa hikka ayees aaloo fela.
26Rummi addeensse giraan abbaabayinne bogi malabaa giraan c'ubbo gofelnne hittakko horenbbaan c'ubbo maraan kasisamara jaarsso koonna laagiro. 27Goortta no kaɂootara ade horenbbaan kalliinnara kaɂabssisaro firddana, kaneebaatara tagubatto taɂabssisso eleentta.#Isa. 26:11. 28Seera kamuse kabbaase gutii ibaaddo lama goorttun seeddo goɂatotee shaaga kallayi goyin murttessaamara.#Ada. 17:6; 1:15. 29Hayya, ere kawaa kattuffate, kakkok'ullooyero kaɂammatoo haafurakokki iigi kafaanchchoyisarana, kasinoo Ayyaana kahabaarara, misitti hittakko taroortte murroo atayin kadootisaro aani laara!#Biy. 24:8. 30«Halo biyaano kakkeeyya; ani tadootisatto muraa murinnara» kaɂamera maayyoyo no kanssowa; usumaleenna, «Waa gosakkeessa gutii firddinnara» amara Goottaa.#Ada. 32:35-36. 31Haannuun arddokki Waakotti genee iyaano aaloo kaɂabssisaroya.
32Ifa isinuun kakkohank'k'aare goorata rakkoo tammooggan atatteenddeen takkoɂobssitetten hasse tat'awoo arri shaada. 33Arri toottoo ibaaddo horee habaaranttettan; abboosanttettaan; toottoo goɂanttaan isin hikka aankkikki abboosa kakkogeero ibaaddone wota saatilaal mankkoleetettaan maraan rakkoo atatteettan. 34Isin taɂidanttina tagudannoon durumma daruurii girano mankkokkassaan maraan oshaameeraawun kooko sisa; urrawoɂoottisinna isinkko kakkoɂatamereen goorata obssiiteddeen geggelooyi atatteen. 35Goortta, kaɂatii barɂaara kakkohelayinattaan kakkoɂabddaattan arooshafatteen. 36Feɂi tawaa gudisaddeen Waa isinuun sisin kaɂammatoo haafuraayi katabero kooko atayin obssii ooratano dootisara. 37Aalanttina haa amame s'aafamera,;
«Emeeyin kagira usu goorata kic'c'arkko abbaabayire emeeyinnara;
lakkoɂadallaayinaro;
38Kakkee kalleera k'ulluukki ibaaddoti ade ammanooyi giri helayinnara;
Haar goggale ani usuu
lakkogeggelaayinaro.»#Inb. 2:3-4.
39Noo goɂameen ammanere kafayyaarone wota unanna kuwaarre haar galegure kabaaro ibaaddokotti una lakkonno.
Currently Selected:
Ibirawwii 10: BayNT
Highlight
Copy
Compare
Share
Want to have your highlights saved across all your devices? Sign up or sign in
The Word for the World Northern Africa
Ibirawwii 10
10
Jaarsso laano kakiristoosa kallami takkoɂadaamooti
1Seera kamuse horenbbaan kaɂemeeyinaro kaɂidan ayesuun masuussa goorttun hoosiya kuwaarre tarummi middi lakkoɂabanaaye; haannuun gees geesii arggetto kasisamaro jaarssojjool abateeren Waa tos kaɂemeetaro ibbaaddo duuddokki yelin suure lakkodaanddaaro. 2Seera kamuse iso duuddonɂi yelin kadanddeero leewa Waa hedoyisayin kaɂemeetaro ibaaddo kallami takkoɂadamooni c'ubbokko mankkomuc'c'imerawunna c'ubbo kallayinɂi aani sammuuttisooyi baas mankkomaalassamaro maraan jaarsso sisano iisi giraneen. 3Hassu jaarssojjool ade gees geesii iso c'ubbo kashaadisaroyya. 4Aalanttina kakkorjolnna kaɂoreen iigi c'ubbo baasin lakkodaanddaaro.
5Haannuun Kiristoosa alami tos takkoɂemeteree haa ame;
«Jaarssona meebaa ati inkko lakkodoottetto;
maarkkaa goɂameen iin ekkaassetta;
6Kagubataro jaarssona
Kac'ubbo haheso amanokokkiin kaɂenɂaamaro jaarssoyi
ati lakkogeggelaattetto;
7Hassu goorata ani
‹Hedokkee! Mas'aafa k'ulluukki garakkee goggos'aafameroo
Feɂittaa gudisin ani emeeyera› » ame.#Mez. 40:6-8.
8Hanɂu seera kaɂajajaaro goleenna, «Jaarssona meebaa, kagubataro jaarssona c'ubbokko haheso amamano kaɂenɂaamaro jaarsso ati inkko lakkodoottetto; isoonna adde ati lakkogeggelaattetto» ame; 9Debeenna, «Hikkima, ani feɂittaa felin emeeyera» ame; hikkamaleenna kallamikki jaarssokotti banɂee t'aabbisin kahoree jaarsso iggilisera. 10Hikkaniinna «Feɂii» kaɂamaro haafurakokki malee Yesuusa Kiristoosa sooyi kookkii kallami takkoɂadamooti jaarsso lee isi sisatanokotti aalanttii noo k'ulloyinnenna.
11Tuuk'aamo metemeteeyi c'ubbo baasin kadanddeenoon aanɂi jaarssojjool arggetto sisaa arri arri aallee handdaaraan.#Biy. 29:38. 12Kiristoosa ade arggetto kalleero jaarsso koo sise abbaabatere Waa odokotti merggeeyi hamas's'eera. 13Hittakko horenbbaan diinakkeessa odonnatikkeessaa hegelii taa barinaanii oorara; 14Hikkina kakkonlleera hanɂu ok'ulloyeraan jaarsso kookokki garane jiruu jiroomman duuddonɂi mankkoyelero maraanya.
15Ayyaana K'ulluukki ade hikka ayees noon atotaara; horaarjje,
16«Hanɂu arrijjoolkko abbaabayire
Isone wota ani otabinnara ammato ohaafura hinɂayaan amara Goottaa;
Seerakkee wodanattisooyi kayinnara;
Sammuuttisooyinna s'aafinara.»
17Adena «C'ubbokkisoonna omeellan feloɂoottisoo
Hittakko horenbbaan ani lakkoshaadinaro» amara.#Erm. 31:34.
18Haannuun c'ubbo dubba haheso kakkoɂamame goorata c'ubbo haheso amanokokki garaan kasisamara jaarsso hittakko horenbbaan laagiro.
Waa tos gabbalamano kadootisaro laano
19Goorttanu abbilaalttee! Iigi kayesuusakokki garane aaloo k'ulluutti banɂe tos tabin kakkodaanddenno kaɂabddisiro helannenna. 20Noo kakkotabnanna goggolokeessayiya; haa amanona sooɂootteessakokki garane noon kabanero kaɂusubkkiinna arddokki kalleero raadiiya. 21Daruurii kagiro min kawaayi gutii odonnati kaɂabo kanjiinkki tuuk'aamo abnna. 22Haannuun sammuu orroo kamaalssamaro baas kameellankko goggomuc'c'iminnon wodanattaani muc'c'isayinne, maarkkaani beke omuc'c'imeenii aaligunne, tukkultti wodananna karrummii ammano abayigunne Waa tos gabbalamnno.#Woy. 8:30; Hiz. 36:25. 23Kaɂabddii haafura noon kasisera kaɂabddame mankkollee maraan gidda ammaninne kaɂatotiinnanno abddii haggattola anlleennonii ataayisayi abanna. 24Geelanjjeeyinna felo oɂidanii ataayigunne goggogirnnon koo kakkalee haɂatayiso; 25Arggetto raattoo iinsse eselaa isiɂisiɂorroo isiɂisi ataayisanna kuwaarre kookkoo kukkuɂamano goggoɂiseraan malee noo adi kukkuɂamanokkaani lakkoɂiinsso; haa laanakko Goottaa kakkoɂemeeyinnara arri gabbalamano shaadaa hikka ayees aaloo fela.
26Rummi addeensse giraan abbaabayinne bogi malabaa giraan c'ubbo gofelnne hittakko horenbbaan c'ubbo maraan kasisamara jaarsso koonna laagiro. 27Goortta no kaɂootara ade horenbbaan kalliinnara kaɂabssisaro firddana, kaneebaatara tagubatto taɂabssisso eleentta.#Isa. 26:11. 28Seera kamuse kabbaase gutii ibaaddo lama goorttun seeddo goɂatotee shaaga kallayi goyin murttessaamara.#Ada. 17:6; 1:15. 29Hayya, ere kawaa kattuffate, kakkok'ullooyero kaɂammatoo haafurakokki iigi kafaanchchoyisarana, kasinoo Ayyaana kahabaarara, misitti hittakko taroortte murroo atayin kadootisaro aani laara!#Biy. 24:8. 30«Halo biyaano kakkeeyya; ani tadootisatto muraa murinnara» kaɂamera maayyoyo no kanssowa; usumaleenna, «Waa gosakkeessa gutii firddinnara» amara Goottaa.#Ada. 32:35-36. 31Haannuun arddokki Waakotti genee iyaano aaloo kaɂabssisaroya.
32Ifa isinuun kakkohank'k'aare goorata rakkoo tammooggan atatteenddeen takkoɂobssitetten hasse tat'awoo arri shaada. 33Arri toottoo ibaaddo horee habaaranttettan; abboosanttettaan; toottoo goɂanttaan isin hikka aankkikki abboosa kakkogeero ibaaddone wota saatilaal mankkoleetettaan maraan rakkoo atatteettan. 34Isin taɂidanttina tagudannoon durumma daruurii girano mankkokkassaan maraan oshaameeraawun kooko sisa; urrawoɂoottisinna isinkko kakkoɂatamereen goorata obssiiteddeen geggelooyi atatteen. 35Goortta, kaɂatii barɂaara kakkohelayinattaan kakkoɂabddaattan arooshafatteen. 36Feɂi tawaa gudisaddeen Waa isinuun sisin kaɂammatoo haafuraayi katabero kooko atayin obssii ooratano dootisara. 37Aalanttina haa amame s'aafamera,;
«Emeeyin kagira usu goorata kic'c'arkko abbaabayire emeeyinnara;
lakkoɂadallaayinaro;
38Kakkee kalleera k'ulluukki ibaaddoti ade ammanooyi giri helayinnara;
Haar goggale ani usuu
lakkogeggelaayinaro.»#Inb. 2:3-4.
39Noo goɂameen ammanere kafayyaarone wota unanna kuwaarre haar galegure kabaaro ibaaddokotti una lakkonno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World Northern Africa