गलातिऔ 6
6
सबई के संग भलाई करौ
1पियारे भईयौ, अगर तुम्मै सै कोई आदमी गलत काम करतो भओ पकड़ो जाय तौ तुम्मै सै जो आत्मिक होए बौ बाकै पियार सै समजाऐ, और तुम खुद बी चौकस रौह कै तुम बी किसी लालच मै ना पड़ौ। 2एक दूसरे को बोज उठाऔ और ऐंसे तुम मसी के नियमौ कै पूरो करौ हौ। 3कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है। 4पर सिगरे आदमी जो काम बे करै हैं बाकी जाँच खुद करैं, अगर सिगरे काम अच्छे हैं तौ बाकै अपने ऊपर घमंड कन्नै को मौको मिलैगो, तब तेकै दूसरौं की बराबरी कन्नै की जरूरत ना है। 5कैसेकै सिगरे आदमिऔ कै अपनोई बोज खुदई उठानो पड़ैगो। 6जो तुमकै बचन की सिक्छा देवै है, बाके संग तुमकै अपनी जिन्दगी की अच्छी चीजौ कै बाँटनो चँईऐ।
7धोको ना खाऔ, कैसेकै परमेसर कै कोई बी बेबकूफ ना बना सकै है, जो जैसो बोगो, बौ बैसोई काटैगो बी। 8कैसेकै जो कोई अपने सरीर के ताँई बोबै है, बौ अपने सरीर सै नास की फसल काटैगो। पर जो आत्मा के ताँई बोबै है, बौ आत्मा सै हमेसा की जिन्दगी की फसल काटैगो। 9इसताँई आऔ हम भलाई कन्नै मै कबी ना थकैं, कैसेकै अगर हम भलाई करते रैहंगे तौ सई बखत मै हमकै बाको फल मिलैगो। 10इसताँई जो बी हमकै मौको मिलै है, तौ हमकै सबई के संग भलाई कन्नी चँईऐ, खास करकै बिसवासी लोगौ के संग।
आखरी चितौनी
11देखौ, मैंनै अपने हात सै तुमकै कितने बड़े-बड़े अक्छरौं मै लिखर खाओ है।
12जो लोग तुमरो खतना कन्नै के ताँई दबाब डारै हैं बे लोगौ की नजरौ मै खुद कै बड़ो दिखानो चाँहै हैं, बे जौ इसताँई करै हैं कै उनकै मसी के कुरूस की बजै सै दुख झेलनो ना पड़ै। 13कैसेकै जिन लोगौ नै खतना कर खाओ है, बे खुदई नियम मै ना चलै हैं, पर बे तुमरो खतना इसताँई कन्नो चाँहै हैं कै बे तुमरे जा काम के दुआरा घमंड कर सकैं।
14पर हमरे परभु ईसु मसी के कुरूस के अलाबा मैं किसी और के ऊपर घमंड कन्नो ना चाँहौ हौं। जिसकी बजै सै मैं दुनिया के ताँई और दुनिया मेरे ताँई मर गई। 15कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना। 16और जो लोग जा नियम कै मानै हैं उनके ऊपर और परमेसर के ईसराइली लोगौ के ऊपर सान्ति और दया होती रैह। ऐंसोई होए।
17मैं बिनती करौ हौं कै अब मैंकै और कोई दुख ना दे। कैसेकै ईसु मसी के घाब के निसान मेरे सरीर के ऊपर हैं।
18ओ भईयौ और बहनौ, हमरे परभु ईसु मसी की किरपा तुमरी आत्मा के संग बनी रैह। ऐंसोई होए।
Currently Selected:
गलातिऔ 6: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
गलातिऔ 6
6
सबई के संग भलाई करौ
1पियारे भईयौ, अगर तुम्मै सै कोई आदमी गलत काम करतो भओ पकड़ो जाय तौ तुम्मै सै जो आत्मिक होए बौ बाकै पियार सै समजाऐ, और तुम खुद बी चौकस रौह कै तुम बी किसी लालच मै ना पड़ौ। 2एक दूसरे को बोज उठाऔ और ऐंसे तुम मसी के नियमौ कै पूरो करौ हौ। 3कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है। 4पर सिगरे आदमी जो काम बे करै हैं बाकी जाँच खुद करैं, अगर सिगरे काम अच्छे हैं तौ बाकै अपने ऊपर घमंड कन्नै को मौको मिलैगो, तब तेकै दूसरौं की बराबरी कन्नै की जरूरत ना है। 5कैसेकै सिगरे आदमिऔ कै अपनोई बोज खुदई उठानो पड़ैगो। 6जो तुमकै बचन की सिक्छा देवै है, बाके संग तुमकै अपनी जिन्दगी की अच्छी चीजौ कै बाँटनो चँईऐ।
7धोको ना खाऔ, कैसेकै परमेसर कै कोई बी बेबकूफ ना बना सकै है, जो जैसो बोगो, बौ बैसोई काटैगो बी। 8कैसेकै जो कोई अपने सरीर के ताँई बोबै है, बौ अपने सरीर सै नास की फसल काटैगो। पर जो आत्मा के ताँई बोबै है, बौ आत्मा सै हमेसा की जिन्दगी की फसल काटैगो। 9इसताँई आऔ हम भलाई कन्नै मै कबी ना थकैं, कैसेकै अगर हम भलाई करते रैहंगे तौ सई बखत मै हमकै बाको फल मिलैगो। 10इसताँई जो बी हमकै मौको मिलै है, तौ हमकै सबई के संग भलाई कन्नी चँईऐ, खास करकै बिसवासी लोगौ के संग।
आखरी चितौनी
11देखौ, मैंनै अपने हात सै तुमकै कितने बड़े-बड़े अक्छरौं मै लिखर खाओ है।
12जो लोग तुमरो खतना कन्नै के ताँई दबाब डारै हैं बे लोगौ की नजरौ मै खुद कै बड़ो दिखानो चाँहै हैं, बे जौ इसताँई करै हैं कै उनकै मसी के कुरूस की बजै सै दुख झेलनो ना पड़ै। 13कैसेकै जिन लोगौ नै खतना कर खाओ है, बे खुदई नियम मै ना चलै हैं, पर बे तुमरो खतना इसताँई कन्नो चाँहै हैं कै बे तुमरे जा काम के दुआरा घमंड कर सकैं।
14पर हमरे परभु ईसु मसी के कुरूस के अलाबा मैं किसी और के ऊपर घमंड कन्नो ना चाँहौ हौं। जिसकी बजै सै मैं दुनिया के ताँई और दुनिया मेरे ताँई मर गई। 15कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना। 16और जो लोग जा नियम कै मानै हैं उनके ऊपर और परमेसर के ईसराइली लोगौ के ऊपर सान्ति और दया होती रैह। ऐंसोई होए।
17मैं बिनती करौ हौं कै अब मैंकै और कोई दुख ना दे। कैसेकै ईसु मसी के घाब के निसान मेरे सरीर के ऊपर हैं।
18ओ भईयौ और बहनौ, हमरे परभु ईसु मसी की किरपा तुमरी आत्मा के संग बनी रैह। ऐंसोई होए।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0