कुलुसिऔं 3
3
मसी मै नई जिन्दगी
1अगर जब तुम लोगौ कै मसी के संग जिन्दो करो गओ है, तौ सुरग की चीजौ कै ढूंड़नै मै लगे रौह, जहाँ परमेसर के खाने हात की ओर मसी बैठो है। 2धरती की ना पर सुरग की चीजौ मै मन लगाऔ। 3कैसेकै तुम तौ मर गए हौ और तुमरी जिन्दगी मसी के संग परमेसर के भीतर लुकी है। 4मसी तुमरी जिन्दगी है और जब बौ परकट होगो, तौ तुम बी बाके संग महिमा मै परकट हो जाऔगे।
5इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्नै की इच्छा, लालच जे सबई मूरती पूजा के बराबर हैं। 6इनई बातौं के बजै से परमेसर को घुस्सा उन लोगौ के ऊपर पड़ो है, जो बाको हुकम ना मानै है। 7एक ऐंसो बखत हो जब तुम बी ऐंसे काम करकै इनई के हाँई जिन्दगी जीवै हे।
8पर अब तुम लोगौ कै घुस्सा, जरन, दुसमनी, बुराई कन्नी और गारी दैनो, इन सिगरी बातौं कै छोड़ दैनो चँईऐ। 9#इफि 4:22तुमकै एक दूसरे सै झूँट ना बोलनो चँईऐ कैसेकै तुमनै अपनो पुरानो सौभाब और बाके काम अपनी जिन्दगी सै उतारकै फैंक दए हैं। 10#इफि 4:24और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्नै की ओर अग्गे बढ़ानै के ताँई नओ होतो रैहबै है। 11और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।
मसी जिन्दगी
12 #
इफि 4:2
तुम परमेसर के छाँटे भए पबित्तर और पियारे लोग हौ। इसताँई दया, भलाई, दीनता, कोमलता और सबर कै पैहरलो। 13#इफि 4:32अगर किसी सै लड़ाई होए तौ एक दूसरे की सैह लो और माफ करौ, कैसेकै जिस तरै मसी नै तुमकै माफ करो तौ तुमकै बी बैसेई एक दूसरे कै माफ कन्नो चँईऐ। 14इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्खै है। 15मसी की सान्ति तुमरे दिल मै राज करै और जाई सान्ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्नबाद देते रौह।
16 #
इफि 5:19,20 मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्नबाद के संग परमेसर के ताँई किरतन करौ और भजन और आत्मिक गीत गाय करौ। 17तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्नबाद देते रौह।
मसी टब्बर के ताँई हुकम
18 #
इफि 5:22; 1 पतर 3:1 ओ बईयरौं, जैसो परभु मै तुमरे ताँई सई है, बैसेई तुम अपने अपने लोग की बातौं कै मानिओ।
19 #
इफि 5:25; 1 पतर 3:7 ओ लोगौ अपनी अपनी बईयरौं सै पियार करौ और उनके संग सक्त बरताब ना करौ।
20 #
इफि 6:1
ओ बालकौ, अपने अईया-अब्बा की सिगरी बातौं कै माने करौ, कैसेकै परभु इनई बातौं सै खुस होवै है।
21 #
इफि 6:4
ओ बालकौ बारौ, अपने बालकौ कै परेसान ना करौ, कहीं ऐंसो ना होए कै उनकी हिम्मत टूट जाय।
22 #
इफि 6:5–8
सेवकौ, जो जा दुनिया के तरीका सै तुमरे मालिक हैं तौ उनकी सिगरी बातौं कै माने करौ, और उनके सिरप देखतेई टैम ना और ना लोगौ कै खुस कन्नै के ताँई, पर सच्चे दिल सै परमेसर को डर मानते भए काम करौ। 23और जो कुछ बी तुम करौ हौ बाकै सच्चे दिल सै करौ और जौ बात समज लेईओ कै तुम जो कुछ कर रए हौ बाकै आदमी के ताँई ना पर हमरे परभु के ताँई कर रए हौ। 24तुम जौ जानलो कै परभु तुमकै ईनाम के रूप मै अपनी बिरासत देगो, कैसेकै तुम परभु मसी के सेवक हौ। 25#इफि 6:9कैसेकै जो बुरे काम करै हैं, तौ बाकै बाको फल जरूर मिलैगो, और बहाँ कोई भेदभाब ना है।
Currently Selected:
कुलुसिऔं 3: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
कुलुसिऔं 3
3
मसी मै नई जिन्दगी
1अगर जब तुम लोगौ कै मसी के संग जिन्दो करो गओ है, तौ सुरग की चीजौ कै ढूंड़नै मै लगे रौह, जहाँ परमेसर के खाने हात की ओर मसी बैठो है। 2धरती की ना पर सुरग की चीजौ मै मन लगाऔ। 3कैसेकै तुम तौ मर गए हौ और तुमरी जिन्दगी मसी के संग परमेसर के भीतर लुकी है। 4मसी तुमरी जिन्दगी है और जब बौ परकट होगो, तौ तुम बी बाके संग महिमा मै परकट हो जाऔगे।
5इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्नै की इच्छा, लालच जे सबई मूरती पूजा के बराबर हैं। 6इनई बातौं के बजै से परमेसर को घुस्सा उन लोगौ के ऊपर पड़ो है, जो बाको हुकम ना मानै है। 7एक ऐंसो बखत हो जब तुम बी ऐंसे काम करकै इनई के हाँई जिन्दगी जीवै हे।
8पर अब तुम लोगौ कै घुस्सा, जरन, दुसमनी, बुराई कन्नी और गारी दैनो, इन सिगरी बातौं कै छोड़ दैनो चँईऐ। 9#इफि 4:22तुमकै एक दूसरे सै झूँट ना बोलनो चँईऐ कैसेकै तुमनै अपनो पुरानो सौभाब और बाके काम अपनी जिन्दगी सै उतारकै फैंक दए हैं। 10#इफि 4:24और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्नै की ओर अग्गे बढ़ानै के ताँई नओ होतो रैहबै है। 11और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।
मसी जिन्दगी
12 #
इफि 4:2
तुम परमेसर के छाँटे भए पबित्तर और पियारे लोग हौ। इसताँई दया, भलाई, दीनता, कोमलता और सबर कै पैहरलो। 13#इफि 4:32अगर किसी सै लड़ाई होए तौ एक दूसरे की सैह लो और माफ करौ, कैसेकै जिस तरै मसी नै तुमकै माफ करो तौ तुमकै बी बैसेई एक दूसरे कै माफ कन्नो चँईऐ। 14इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्खै है। 15मसी की सान्ति तुमरे दिल मै राज करै और जाई सान्ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्नबाद देते रौह।
16 #
इफि 5:19,20 मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्नबाद के संग परमेसर के ताँई किरतन करौ और भजन और आत्मिक गीत गाय करौ। 17तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्नबाद देते रौह।
मसी टब्बर के ताँई हुकम
18 #
इफि 5:22; 1 पतर 3:1 ओ बईयरौं, जैसो परभु मै तुमरे ताँई सई है, बैसेई तुम अपने अपने लोग की बातौं कै मानिओ।
19 #
इफि 5:25; 1 पतर 3:7 ओ लोगौ अपनी अपनी बईयरौं सै पियार करौ और उनके संग सक्त बरताब ना करौ।
20 #
इफि 6:1
ओ बालकौ, अपने अईया-अब्बा की सिगरी बातौं कै माने करौ, कैसेकै परभु इनई बातौं सै खुस होवै है।
21 #
इफि 6:4
ओ बालकौ बारौ, अपने बालकौ कै परेसान ना करौ, कहीं ऐंसो ना होए कै उनकी हिम्मत टूट जाय।
22 #
इफि 6:5–8
सेवकौ, जो जा दुनिया के तरीका सै तुमरे मालिक हैं तौ उनकी सिगरी बातौं कै माने करौ, और उनके सिरप देखतेई टैम ना और ना लोगौ कै खुस कन्नै के ताँई, पर सच्चे दिल सै परमेसर को डर मानते भए काम करौ। 23और जो कुछ बी तुम करौ हौ बाकै सच्चे दिल सै करौ और जौ बात समज लेईओ कै तुम जो कुछ कर रए हौ बाकै आदमी के ताँई ना पर हमरे परभु के ताँई कर रए हौ। 24तुम जौ जानलो कै परभु तुमकै ईनाम के रूप मै अपनी बिरासत देगो, कैसेकै तुम परभु मसी के सेवक हौ। 25#इफि 6:9कैसेकै जो बुरे काम करै हैं, तौ बाकै बाको फल जरूर मिलैगो, और बहाँ कोई भेदभाब ना है।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0