चेलौ के काम 28
28
माल्टा टापू मै पौलुस
1जब हम ठीक ठाक बचकै लिकर आए तबई हमकै जौ पतो लगो कै जौ माल्टा टापू है। 2और बहाँ के रैहनै बारे लोगौ नै हमरे संग अच्छो बरताब करो। कैसेकै बरखा हो रई ही और जाड़े की बजै सै उनौनै आग पजारकै हम सबई को सुआगत करो। 3जब पौलुस लकड़िऔ कै बटोरकै आग मै डार रओ हो तौ तबई आग की आँच की बजै सै एक बिसैलो साँप लिकरो और बाके हात मै काठ कै लटक गओ।
4जब बहाँ के रैहनै बारौ नै साँप कै बाके हात मै लटके भए देखो तौ आपस मै कैललगे कै, “का सच्ची मैई जौ आदमी खूनी है। जौ समन्दर सै तौ बच गओ पर नियाय को देबता जाकै जीनै ना देगो।”
5पर तबई पौलुस नै बा साँप कै आग मै झटक कै फैंक दओ और बाकै कुछ ना भओ। 6तबई लोगौ नै सोची कै जौ सूज जागो या एकदम मर जागो। पर जब बे भौत देर तक देखते रैहए और पौलुस कै कुछ बी ना भओ तौ तबई उन्नै फिर सोची और कैई कै, “जौ तौ कोई देबता है।”
7बा जघै के धौंरेई बा टापू के मुखिया पबलियुस की जमीन ही। बानै हमकै अपने घर मै ले जाकै बड़ी इज्जत के संग तीन दिन हमरी खातरदारी करी। 8पबलियुस को अब्बा बुखार और पैंचिस की बजै सै खटिया मै पड़ो हो। तबई पौलुस बासै मिलनै के ताँई भीतर गओ और हात रक्कै पिराथना करी और बौ ठीक हो गओ। 9जब ऐंसो भओ तौ बा टापू के सिगरे मरीज बी बाके धौंरे आए और ठीक हो गए। 10उनौनै हमरी खूब खातरदारी करी और जब हम जाल लगे तौ उनौनै बे सब चीज जो हमरी जरूरत की हीं जिहाज मै रख दंई।
पौलुस कै रोम की ओर जानो
11तीन महीना के बाद हम सिकन्दरिया के एक जिहाज सै चल पड़े, जो बा टापू मै पूरे जाड़े तक रैहओ और बा जिहाज को निसान जुड़बा देब हो। 12और हम सरकुस मै पौंचे बहाँ तीन दिन रुके। 13बहाँ सै हम घूमते भए रेगियुम सैहर मै आए और एक दिन के बाद दखनैर चल पड़ी और दूसरे दिन हम पुतियुली सैहर मै पौंचे। 14बहाँ कुछ बिसवासी भईया हमकै मिले और उन्नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे। 15जब रोम के बिसवासी भईयौ कै हमरे बारे मै पतो चलो तौ तबई बे अपियुस के चौराए मै तीन सराए नाम की जघै मै हम सै मिलनै के ताँई आए। पौलुस नै जब उनकै देखौ तौ परमेसर कै धन्नबाद दओ और भौत खुस भओ।
पौलुस रोम मै
16जब हम रोम मै पौंच गए, तौ तबई पौलुस कै इकले रैहनै की ईजाजत मिल गई पर बाकी निगरानी कन्नै के ताँई एक सिपाई बाके संग रक्खो।
17तीन दिनौ के बाद पौलुस नै यहूदी नेताऔं कै बुलाओ और बे इखट्टे भए तबई पौलुस नै उनसै कैई कै, “हे भईयौ, मैंनै अपने देस के लोगौ के या अपने बापदादौं के नियम के खिलाप कुछ ना करो तब्बी मैंकै ऐरूसलेम मै बन्दी बनाकै रोमी लोगौ कै सौंप दओ। 18बे मेरी जाँच पड़ताल करकै मैंकै छोड़ दैनै की सोचै हे, कैसेकै मेरे ऊपर मौत की सजा के लायक कोई बी दोस ना हो। 19#चेलौ 25:11पर जब यहूदी लोग जाके बिरोद मै बोलल लगे तबई मैंकै रोमी राजा के धौंरे बिनती कन्नी पड़ी। पर मैंनै अपने लोगौ के ऊपर दोस ना लगाओ। 20और जाई बजै सै मैंनै तुमसै मिलनै और बातचीत कन्नै की सोची। कैसेकै मैं साँकर मै मसी की बजै सै बंधो, जो ईसराइल की आस है।”
21यहूदी नेताऔं नै पौलुस सै कैई कै, “ना तौ तेरे बारे मै यहूदिया सै कोई चिट्ठी आई और ना किसी भईया नै बहाँ सै आकै हमकै खबर दई और नाई तेरे बारे मै कोई बुरी बात कैई। 22पर जाके बारे मै तेरो कैनो का है? हम तेसै सुन्नो चाँहै हैं, कैसेकै हमकै पतो है कै हर जघै इन मसी समू के लोगौ को सबई बिरोद कर रए हैं।”
23तबई उन्नै बाके ताँई एक दिन ठैराओ और बहाँ भौस्से लोग इखट्टे भए जहाँ पौलुस रुको हो। पौलुस नै परमेसर के राज के बारे मै गभाई दई और मूसा के नियम और नबिऔ की किताबौ सै ईसु के बारे मै सुबे सै रात तक समजातो रैहओ। 24कुछ लोगौ नै बाकी बातौं मै बिसवास करो और कुछ लोगौ नै बिसवास ना करो। 25जब बे आपस मै एक दूसरे की बातौं सै सैहमत ना भए तौ बे जाल लगे, तौ तबई पौलुस नै जौ बात कैई कै, “पबित्तर आत्मा नै यसाया नबी के दुआरा तुमरे बापदादौं के बारे मै ठीक-ठीक कैई ही कै,
26“‘जाकै इन लोगौ सै कैह दे,
तुम सुनते तौ रैहबौ हौ,
पर कुछ ना समजौ हौ।
तुम देखते तौ रैहबौ हौ,
पर तुमकै दिखाई ना देवै है।
27कैसेकै इन लोगौ की अकल मै पत्थर पड़ गओ है,
और इन्नै अपने कान मै गुट्टा लगा लओ है,
और इन्नै अपनी आँखौ कै बन्द कर लओ है,
कै कहीं ऐंसो ना हो जाऐ कै जे अपनी आँखौ से देख लैं
और कान सै सुन लैं,
और मन सै समजैं,
और बे मेरे पिच्छे चलैं,
और मैं उनकै ठीक करौं।’
28“इसताँई तुमकै जा बात कै जान्नो चँईऐ कै परमेसर नै मुक्ति की बातौं कै गैर यहूदी धौंरे बी भेजो है, और बे इनकै सुनंगे।”
29जब पौलुस नै जौ बात कैई तौ तबई यहूदी लोग आपस मै एक दूसरे सै बैहैस बाजी करल लगे और बहाँ सै चले गए।
30पौलुस बहाँ दो साल तक किराए के घर मै रैहओ और जो लोग बासै मिलनै आवै हे, बौ उनको सुआगत करै हो। 31और बिना डरे खुल्लम खुल्ला होकै परमेसर के राज के बारे मै परचार करै हो और परभु ईसु मसी की बातौं कै लोगौ कै सिकाबै हो।
Currently Selected:
चेलौ के काम 28: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
चेलौ के काम 28
28
माल्टा टापू मै पौलुस
1जब हम ठीक ठाक बचकै लिकर आए तबई हमकै जौ पतो लगो कै जौ माल्टा टापू है। 2और बहाँ के रैहनै बारे लोगौ नै हमरे संग अच्छो बरताब करो। कैसेकै बरखा हो रई ही और जाड़े की बजै सै उनौनै आग पजारकै हम सबई को सुआगत करो। 3जब पौलुस लकड़िऔ कै बटोरकै आग मै डार रओ हो तौ तबई आग की आँच की बजै सै एक बिसैलो साँप लिकरो और बाके हात मै काठ कै लटक गओ।
4जब बहाँ के रैहनै बारौ नै साँप कै बाके हात मै लटके भए देखो तौ आपस मै कैललगे कै, “का सच्ची मैई जौ आदमी खूनी है। जौ समन्दर सै तौ बच गओ पर नियाय को देबता जाकै जीनै ना देगो।”
5पर तबई पौलुस नै बा साँप कै आग मै झटक कै फैंक दओ और बाकै कुछ ना भओ। 6तबई लोगौ नै सोची कै जौ सूज जागो या एकदम मर जागो। पर जब बे भौत देर तक देखते रैहए और पौलुस कै कुछ बी ना भओ तौ तबई उन्नै फिर सोची और कैई कै, “जौ तौ कोई देबता है।”
7बा जघै के धौंरेई बा टापू के मुखिया पबलियुस की जमीन ही। बानै हमकै अपने घर मै ले जाकै बड़ी इज्जत के संग तीन दिन हमरी खातरदारी करी। 8पबलियुस को अब्बा बुखार और पैंचिस की बजै सै खटिया मै पड़ो हो। तबई पौलुस बासै मिलनै के ताँई भीतर गओ और हात रक्कै पिराथना करी और बौ ठीक हो गओ। 9जब ऐंसो भओ तौ बा टापू के सिगरे मरीज बी बाके धौंरे आए और ठीक हो गए। 10उनौनै हमरी खूब खातरदारी करी और जब हम जाल लगे तौ उनौनै बे सब चीज जो हमरी जरूरत की हीं जिहाज मै रख दंई।
पौलुस कै रोम की ओर जानो
11तीन महीना के बाद हम सिकन्दरिया के एक जिहाज सै चल पड़े, जो बा टापू मै पूरे जाड़े तक रैहओ और बा जिहाज को निसान जुड़बा देब हो। 12और हम सरकुस मै पौंचे बहाँ तीन दिन रुके। 13बहाँ सै हम घूमते भए रेगियुम सैहर मै आए और एक दिन के बाद दखनैर चल पड़ी और दूसरे दिन हम पुतियुली सैहर मै पौंचे। 14बहाँ कुछ बिसवासी भईया हमकै मिले और उन्नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे। 15जब रोम के बिसवासी भईयौ कै हमरे बारे मै पतो चलो तौ तबई बे अपियुस के चौराए मै तीन सराए नाम की जघै मै हम सै मिलनै के ताँई आए। पौलुस नै जब उनकै देखौ तौ परमेसर कै धन्नबाद दओ और भौत खुस भओ।
पौलुस रोम मै
16जब हम रोम मै पौंच गए, तौ तबई पौलुस कै इकले रैहनै की ईजाजत मिल गई पर बाकी निगरानी कन्नै के ताँई एक सिपाई बाके संग रक्खो।
17तीन दिनौ के बाद पौलुस नै यहूदी नेताऔं कै बुलाओ और बे इखट्टे भए तबई पौलुस नै उनसै कैई कै, “हे भईयौ, मैंनै अपने देस के लोगौ के या अपने बापदादौं के नियम के खिलाप कुछ ना करो तब्बी मैंकै ऐरूसलेम मै बन्दी बनाकै रोमी लोगौ कै सौंप दओ। 18बे मेरी जाँच पड़ताल करकै मैंकै छोड़ दैनै की सोचै हे, कैसेकै मेरे ऊपर मौत की सजा के लायक कोई बी दोस ना हो। 19#चेलौ 25:11पर जब यहूदी लोग जाके बिरोद मै बोलल लगे तबई मैंकै रोमी राजा के धौंरे बिनती कन्नी पड़ी। पर मैंनै अपने लोगौ के ऊपर दोस ना लगाओ। 20और जाई बजै सै मैंनै तुमसै मिलनै और बातचीत कन्नै की सोची। कैसेकै मैं साँकर मै मसी की बजै सै बंधो, जो ईसराइल की आस है।”
21यहूदी नेताऔं नै पौलुस सै कैई कै, “ना तौ तेरे बारे मै यहूदिया सै कोई चिट्ठी आई और ना किसी भईया नै बहाँ सै आकै हमकै खबर दई और नाई तेरे बारे मै कोई बुरी बात कैई। 22पर जाके बारे मै तेरो कैनो का है? हम तेसै सुन्नो चाँहै हैं, कैसेकै हमकै पतो है कै हर जघै इन मसी समू के लोगौ को सबई बिरोद कर रए हैं।”
23तबई उन्नै बाके ताँई एक दिन ठैराओ और बहाँ भौस्से लोग इखट्टे भए जहाँ पौलुस रुको हो। पौलुस नै परमेसर के राज के बारे मै गभाई दई और मूसा के नियम और नबिऔ की किताबौ सै ईसु के बारे मै सुबे सै रात तक समजातो रैहओ। 24कुछ लोगौ नै बाकी बातौं मै बिसवास करो और कुछ लोगौ नै बिसवास ना करो। 25जब बे आपस मै एक दूसरे की बातौं सै सैहमत ना भए तौ बे जाल लगे, तौ तबई पौलुस नै जौ बात कैई कै, “पबित्तर आत्मा नै यसाया नबी के दुआरा तुमरे बापदादौं के बारे मै ठीक-ठीक कैई ही कै,
26“‘जाकै इन लोगौ सै कैह दे,
तुम सुनते तौ रैहबौ हौ,
पर कुछ ना समजौ हौ।
तुम देखते तौ रैहबौ हौ,
पर तुमकै दिखाई ना देवै है।
27कैसेकै इन लोगौ की अकल मै पत्थर पड़ गओ है,
और इन्नै अपने कान मै गुट्टा लगा लओ है,
और इन्नै अपनी आँखौ कै बन्द कर लओ है,
कै कहीं ऐंसो ना हो जाऐ कै जे अपनी आँखौ से देख लैं
और कान सै सुन लैं,
और मन सै समजैं,
और बे मेरे पिच्छे चलैं,
और मैं उनकै ठीक करौं।’
28“इसताँई तुमकै जा बात कै जान्नो चँईऐ कै परमेसर नै मुक्ति की बातौं कै गैर यहूदी धौंरे बी भेजो है, और बे इनकै सुनंगे।”
29जब पौलुस नै जौ बात कैई तौ तबई यहूदी लोग आपस मै एक दूसरे सै बैहैस बाजी करल लगे और बहाँ सै चले गए।
30पौलुस बहाँ दो साल तक किराए के घर मै रैहओ और जो लोग बासै मिलनै आवै हे, बौ उनको सुआगत करै हो। 31और बिना डरे खुल्लम खुल्ला होकै परमेसर के राज के बारे मै परचार करै हो और परभु ईसु मसी की बातौं कै लोगौ कै सिकाबै हो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0