1 थिसलुनीकियौ 4
4
परमेसर कै खुस कन्नै बारी जिन्दगी
1इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्नै के ताँई कैसी जिन्दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ। 2कैसेकै तुम जौ बात जानौ हौ कै परभु ईसु के हक सै हमनै तुमकै का का सिकार खाओ है।
3परमेसर की इच्छा जौ है कै तुम पबित्तर बने रौह और बैबिचार सै बचे रौह। 4तुम्मै सै हर एक जनी पबित्तर और इज्जत के संग अपनी बईयर के संग रैहए, 5जो लोग परमेसर कै ना जानै हैं और ना बाके ऊपर बिसवास करै हैं। उन लोगौ के हाँई सरीर की गंदी इच्छा कै पूरी कन्नै के ताँई तुम ना सोचिओ। 6इसताँई तुम बी बिसवासी भईया या बहन के संग पाप ना करिओ और ना गलत फाएदा उठईओ, कैसेकै परभु इन सिगरी बातौं को बदलो लेगो। जे सिगरी बात मैंनै तुमकै पैलेई बता दंई और ढंग सै समजा बी दंई हैं। 7कैसेकै परमेसर नै हमकै असुद्द ना पर पबित्तर होनै के ताँई बुलाओ है। 8इसताँई जो कोई जा आगियाँ कै ना मानै है, बौ आदमी की ना पर परमेसर की बेजती करै है, जो हमकै अपनी पबित्तर आत्मा देवै है।
9कैसेकै तुमनै एक दूसरे सै पियार रखनो परमेसर की ओर सैई सीको है, इसताँई एक दूसरे सै पियार कन्नै के बारे मै तुमकै कुछ लिखनै की जरूरत ना है। 10और जौ सच है कै तुम मकिदुनिया के सिगरे मसी भईयौ और बहनौ के संग ऐंसोई पियार रक्खौ हौ। पर हे भईयौ और बहनौ हम तुमकै समजाबै हैं कै पियार मै और बी बढ़ते जाऔ।
11जैसी आगियाँ तुमकै देर खाई है, बैसेई सान्ति के संग जिन्दगी जिऔ और दूसरे के काम मै टांग ना अड़इयो पर अपने हातौ सै कमइयो, 12कै जो लोग बिसवासी ना हैं तौ बे तुमरो बरताब देक्कै तुमरी इज्जत करंगे। तुमकै किसी चीज के बारे मै किसी सै पूँछनै की जरूरत ना है।
परभु को फिर सै आनो
13ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है। 14अगर हम जौ बिसवास करै हैं कै ईसु मर गओ और फिर सै जिन्दो हो गओ है, तौ जो ईसु मै बिसवास करते भए मरे हैं उनकै परमेसर ईसु के संग बैसेई फिर सै बापस लेकै आगो। 15#1 कुर 15:51,52इसताँई हम परभु के बचन के हिसाब सै कैबै हैं कै, हम जो जिन्दे हैं, और परभु के आनै तक जिन्दे रैहंगे, और हम मरे भए लोगौ सै पैले बासै मिलनै ना जा पांगे। 16कैसेकै परभु खुद सुरग सै उतरैगो। बा बखत परभु ऊँची अबाज सै आगियाँ देगो। बड़ो सुरगदूत और परमेसर की तुरही की अबाज सुनाई पड़ैगी। और जो मसी मै मरे हैं, बे पैलेई जिन्दे हो जांगे। 17और बाके बाद जो हम्मै सै जिन्दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे। 18इसताँई इन बातौं कै बतकाते भए एक दूसरे को हौसला बढ़ाऐ करौ।
Currently Selected:
1 थिसलुनीकियौ 4: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
1 थिसलुनीकियौ 4
4
परमेसर कै खुस कन्नै बारी जिन्दगी
1इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्नै के ताँई कैसी जिन्दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ। 2कैसेकै तुम जौ बात जानौ हौ कै परभु ईसु के हक सै हमनै तुमकै का का सिकार खाओ है।
3परमेसर की इच्छा जौ है कै तुम पबित्तर बने रौह और बैबिचार सै बचे रौह। 4तुम्मै सै हर एक जनी पबित्तर और इज्जत के संग अपनी बईयर के संग रैहए, 5जो लोग परमेसर कै ना जानै हैं और ना बाके ऊपर बिसवास करै हैं। उन लोगौ के हाँई सरीर की गंदी इच्छा कै पूरी कन्नै के ताँई तुम ना सोचिओ। 6इसताँई तुम बी बिसवासी भईया या बहन के संग पाप ना करिओ और ना गलत फाएदा उठईओ, कैसेकै परभु इन सिगरी बातौं को बदलो लेगो। जे सिगरी बात मैंनै तुमकै पैलेई बता दंई और ढंग सै समजा बी दंई हैं। 7कैसेकै परमेसर नै हमकै असुद्द ना पर पबित्तर होनै के ताँई बुलाओ है। 8इसताँई जो कोई जा आगियाँ कै ना मानै है, बौ आदमी की ना पर परमेसर की बेजती करै है, जो हमकै अपनी पबित्तर आत्मा देवै है।
9कैसेकै तुमनै एक दूसरे सै पियार रखनो परमेसर की ओर सैई सीको है, इसताँई एक दूसरे सै पियार कन्नै के बारे मै तुमकै कुछ लिखनै की जरूरत ना है। 10और जौ सच है कै तुम मकिदुनिया के सिगरे मसी भईयौ और बहनौ के संग ऐंसोई पियार रक्खौ हौ। पर हे भईयौ और बहनौ हम तुमकै समजाबै हैं कै पियार मै और बी बढ़ते जाऔ।
11जैसी आगियाँ तुमकै देर खाई है, बैसेई सान्ति के संग जिन्दगी जिऔ और दूसरे के काम मै टांग ना अड़इयो पर अपने हातौ सै कमइयो, 12कै जो लोग बिसवासी ना हैं तौ बे तुमरो बरताब देक्कै तुमरी इज्जत करंगे। तुमकै किसी चीज के बारे मै किसी सै पूँछनै की जरूरत ना है।
परभु को फिर सै आनो
13ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है। 14अगर हम जौ बिसवास करै हैं कै ईसु मर गओ और फिर सै जिन्दो हो गओ है, तौ जो ईसु मै बिसवास करते भए मरे हैं उनकै परमेसर ईसु के संग बैसेई फिर सै बापस लेकै आगो। 15#1 कुर 15:51,52इसताँई हम परभु के बचन के हिसाब सै कैबै हैं कै, हम जो जिन्दे हैं, और परभु के आनै तक जिन्दे रैहंगे, और हम मरे भए लोगौ सै पैले बासै मिलनै ना जा पांगे। 16कैसेकै परभु खुद सुरग सै उतरैगो। बा बखत परभु ऊँची अबाज सै आगियाँ देगो। बड़ो सुरगदूत और परमेसर की तुरही की अबाज सुनाई पड़ैगी। और जो मसी मै मरे हैं, बे पैलेई जिन्दे हो जांगे। 17और बाके बाद जो हम्मै सै जिन्दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे। 18इसताँई इन बातौं कै बतकाते भए एक दूसरे को हौसला बढ़ाऐ करौ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0