1 थिसलुनीकियौ 1
1
1 #
चेलौ 17:1
जौ चिट्ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम मै है जो परम पिता परमेसर और परभु ईसु मसी मै बिसवास करै है। तुमकै किरपा और सान्ति मिलती रैह।
थिसलुनीकी के लोगौ की जिन्दगी और बिसवास
2हम अपनी पिराथनाऔ मै तुमकै याद करते भए परमेसर को हमेसा धन्नबाद देवै हैं। 3और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।
4ओ पियारे भईयौ और बहनौ, हम जानै हैं कै परमेसर तुमसै पियार करै है और बानै तुमकै चुन लओ है। 5कैसेकै हमरी अच्छी खबर तुमरे धौंरे सिरप बातौंई सै ना बलकन पबित्तर आत्मा की सकति और पक्के बिसवास सै तुम लोगौ के बीच मै पौंची है। तुम लोग जौ बी जानौ हौ कै हम जब तुमरे संग हे तौ तुमरे फाएदा के ताँई हमनै कैसी जिन्दगी बिताई ही। 6#चेलौ 17:5–9तुम लोग बड़े दुख मै होनै के बाद बी पबित्तर आत्मा के खुसी के संग बचन की बातौं कै मानकै हमरे और परभु के हाँई जिन्दगी बिताई।
7इसताँई तुम मकिदुनिया और अखाया देस के बिसवासी लोगौ के ताँई एक नमूना बन गए। 8कैसेकै तुमनै ना सिरप मकिदुनिया और अखाया देस मै परभु को बचन सुनाओ, पर जो बिसवास तुमरो परमेसर मै है बौ खबर हर जघै फैल गई। इसताँई हमकै कुछ कैनै की जरूरत ना है। 9कैसेकै बे खुद हमरे बारे मै बताबै हैं कै तुमनै हमरो सुआगत कैसो करो और तुम मूरतिऔं कै छोड़कै परमेसर की ओर कैसे आए, जिस्सै कै बे जिन्दे और सच्चे परमेसर की सेवा करैं। 10और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्दो करो यानी ईसु, जो हमकै परमेसर की आनै बारी घुस्सा सै बचागो।
Currently Selected:
1 थिसलुनीकियौ 1: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
1 थिसलुनीकियौ 1
1
1 #
चेलौ 17:1
जौ चिट्ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम मै है जो परम पिता परमेसर और परभु ईसु मसी मै बिसवास करै है। तुमकै किरपा और सान्ति मिलती रैह।
थिसलुनीकी के लोगौ की जिन्दगी और बिसवास
2हम अपनी पिराथनाऔ मै तुमकै याद करते भए परमेसर को हमेसा धन्नबाद देवै हैं। 3और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।
4ओ पियारे भईयौ और बहनौ, हम जानै हैं कै परमेसर तुमसै पियार करै है और बानै तुमकै चुन लओ है। 5कैसेकै हमरी अच्छी खबर तुमरे धौंरे सिरप बातौंई सै ना बलकन पबित्तर आत्मा की सकति और पक्के बिसवास सै तुम लोगौ के बीच मै पौंची है। तुम लोग जौ बी जानौ हौ कै हम जब तुमरे संग हे तौ तुमरे फाएदा के ताँई हमनै कैसी जिन्दगी बिताई ही। 6#चेलौ 17:5–9तुम लोग बड़े दुख मै होनै के बाद बी पबित्तर आत्मा के खुसी के संग बचन की बातौं कै मानकै हमरे और परभु के हाँई जिन्दगी बिताई।
7इसताँई तुम मकिदुनिया और अखाया देस के बिसवासी लोगौ के ताँई एक नमूना बन गए। 8कैसेकै तुमनै ना सिरप मकिदुनिया और अखाया देस मै परभु को बचन सुनाओ, पर जो बिसवास तुमरो परमेसर मै है बौ खबर हर जघै फैल गई। इसताँई हमकै कुछ कैनै की जरूरत ना है। 9कैसेकै बे खुद हमरे बारे मै बताबै हैं कै तुमनै हमरो सुआगत कैसो करो और तुम मूरतिऔं कै छोड़कै परमेसर की ओर कैसे आए, जिस्सै कै बे जिन्दे और सच्चे परमेसर की सेवा करैं। 10और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्दो करो यानी ईसु, जो हमकै परमेसर की आनै बारी घुस्सा सै बचागो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0