यहूदा परिचय
परिचय
यहूदा नाओं की चिट्ठी को नाओं जाके लेखक के नाओं पर रखो गौ है। यहूदा खुदकै ईसु के भईय्या, याकूब के भईय्या के रूप मैं मानथै। तभईये बाकै ईसु के भईय्यन मैं से एक भी मानो जाथै1। हम नाय जानथैं कि का जौ चिट्ठी एक बिसेस कलीसिया के ताहीं अभिप्रेत रहै और पुराने नियम के संदर्भन के कारड़, यहूदा के मूल पढ़न बारे, हुई सकथैं: यहूदियन से बने रहैं। हालाकि, बौ अपनी चिट्ठी कै “बे सबन कै संबोधित करथै जो बुलाए गै हैं, जो दऊवा परमेस्वर मैं प्रेम करथैं और ईसु मसीह के ताहीं रखे जाथैं 1।” जौ चिट्ठी हुई सकथै: ईसु के जनम के 60 के आसपास लिखी गई रहै।
सबै मसीहियन कै चिट्ठी लिखन को बाको उद्देस्य उनकै झूठे सिक्छकन के जरिया गुमराह करे जान के खिलाप चितौनी देनो है 4। बौ अपने तर्कन कै बल देन के ताहीं पुराने नियम की घटनाओं और वृतांतन को संदर्भ देथै। जौ चिट्ठी 2 पतरस के संग तमान बिचारन कै साझा करथै जामैं झूठे सिक्छकन के खिलाप चितौनी के संग-संग स्वर्गदूतन और सदोम और अमोरा के संदर्भ सामिल हैं। यहूदा 4, 2 पतरस 2:1
रूपरेखा:
1. यहूदा पहले अपने पढ़न बारेन कै संबोधित करथै। 1-2
2. जाके बाद, बौ लिखन को अपनो कारड़ बताथै जो उन्हैं झूठे सिक्छकन के खिलाप चितौनी देनो है। 3-4
3. बाके बाद बौ पुराने नियम मैं लोगन और घटनाओं से उदाहरड़ देथै। 5-16
4. फिर बौ उनकै बताथै कि चितौनी के प्रति उनकी प्रतिसाद का होनी चाहिए। 17-23
5. आखरी मैं बौ परमेस्वर की स्तुति करत भै चिट्ठी कै बंद करथै। 24-25
Currently Selected:
यहूदा परिचय: RTu2025
Highlight
Copy
Compare
Share
Want to have your highlights saved across all your devices? Sign up or sign in
The Rana Tharu Bible ©The Word for the World International and Rana Tharu Translation Samithi, Khatima, UttraKhanda, India. 2025