उत्पत्ति 4
4
कैन और हाबिल
1फिर आदम अपनी बईय्यर हव्वा से संबंध बनाई, और फिर बौ गर्भवती भई। बाको एक लौड़ा पैदा भौ, और बौ कही, “प्रभु की मदत से मोकै एक लौड़ा मिलो है।” इसलै बौ बाको नाओं कैन रखी। 2जाके बाद बौ एक और लौड़ा कै जनम दई। हाबिल एक बरदिया बनो, लेकिन कैन एक किसान बनो। 3कुछ समय के बाद, कैन प्रभु के झोने अपनी फसल मैं से कुछ भेंट लैकै आओ। 4तौ हाबिल अपनी भेंड़ को पहलोठो मेमना बाकै भेंट करन के ताहीं लाई और बाकै मारकै चर्बी बारे मास कै भेंट करी। प्रभु हाबिल की भेंट से भौत खुस भौ।#4:4 इब्रानियो 11:4 5लेकिन बौ कैन की भेंट कै ठुकराए दई। जौ बजह से कैन के मोहों मैं उदासी छाए गई, और बौ गुस्सा से भर गौ। 6तौ प्रभु कैन से कही, “तू गुस्सा काहे होथै? तेरे चैहरा मैं उदासी काहे है? 7अगर तू सई काम करतो, तौ का मैं तेरी भेंट ना अपनाओ होतो? लेकिन तू तौ गलत करो है, और पाप तेरे मोहोट मैं बैठो है। जौ तेरे ऊपर सासन करनो चाहथै, लेकिन तोकै जाके ऊपर बिजय पाने होगो।”#4:7 उत 3:16
8तौ कैन अपने भईय्या हाबिल से कही, “आ आपन मैदान मैं चलथैं।” और जब बे मैदान मैं रहैं, कैन अपने भईय्या ऊपर हमला कर देथै और बाकै मार डारथै।#4:8 मत 23:35; 1 यो 3:12;
9प्रभु कैन से पूँछी, तेरो भईय्या हाबिल कहाँ है? बौ जबाब दई, “मोए न पता है, मैं का अपने भईय्या की देखरेख करन बारो हौं?”
10तौ प्रभु कही, तैं जौ का करो है? सुन; तेरो भईय्या को खून जमीन से मेरे घाँईं चिल्लाए कै मोए पुकार रौ है।#4:10 इब्र 12:24 11इसलै अब मट्टी तेरे भईय्या को खून पीन ताहीं अपनो मोहो खोली है, और अब जौ मट्टी मैं तू खेती नाय कर पागो काहैकि तैं अपने भईय्या कै मारन की बजह से तू स्रापित है। 12तैं पूरी ताकत से खेती करन की कोसिस करैगो, तौ भी तोकै पूरी फसल नाय मिलैगी; और तोकै पृथ्वी मैं घर ना मिलैगो और भटकन बारो रहगो।
13तौ कैन प्रभु से कही, “जौ सजा मेरे सहन से बाहर है। 14तू मोए जमीन और अपनी मौजूदगी से दूर कर दौ है। मैं पृथ्वी मैं बेघर भटकत फिरंगो, और जो कोई मोए पागो बौ मोए मार डारैगो।”
15लेकिन प्रभु जबाब दई, “न। अगर कोई तोकै मार डारैगो तौ बासे सात गुना बदला लौ जागो।” और प्रभु कैन के ताहीं एक चिन्ह ठहराई, ऐसो ना होबै कि कोई बाकै पाएकै मार डारै। 16और कैन प्रभु के सामने से दूर ही गौ और “नोद” नाओं के देस मैं रहन लगो, जो अदन के अगार दिसा मैं है।
कैन के बंस
17कैन अपनी बईय्यर के संग संबंध बनाई, और बौ गर्भवती भई और बौ हनोक कै जनम दई; फिर कैन एक नगर बसाई और बाको नाओं अपने लौड़ा के नाओं के ऊपर “हनोक नगर” रखी। 18हनोक को लौड़ा इराद और इराद को लौड़ा महूयाएल और महूयाएल को लौड़ा मातुसाएल और मातुसाएल को लौड़ा लेमेक को जनम भौ। 19लेमेक दुई बईंय्यरन से बिहा करी, एक को नाओं आदा और दुसरी को नाओं सिल्ला रहै। 20आदा याबाल कै जनम दई, याबाल बे लोगन को पुरखा बनो जो तम्बून मैं रहथै और जानवरन को पालन करकै जिंदगी चलाथैं। 21उनके भईय्या को नाओं यूबाल रहै, जो बुसली बजान बारे सब संगीतकारन को पुरखा रहै। 22सिल्ला जो तूबल कैन कै जनम दई, जो पहलो पीतर और लोहो से सब तराहनी के औजार बनान बारो रहै। तूबल की बहेनिया को नाओं नामाह रहै।
23लेमेक अपनी बईंय्यरन से कही,
“अरे आदा और सिल्ला मेरी सुनौ:
मैं एक जुआन आदमी कै मार डारो हौं काहैकि बौ मोकै चोट पहोंचाई रहै।
24अगर लेमेक कै मारन के ताहीं सात की ज्यान लई जाथै,
तौ अगर कोई मोए मारैगो तौ सत्तर गुना लोगन की ज्यान लै जागी।”
सेत और एनोस
25आदम और अपनी बईय्यर के संग फिर से संबंध बनाई; और बौ एक और लौड़ा कै जनम दई और बाको नाओं जौ कहकै सेत रखी कि “परमेस्वर मेरे ताहीं हाबिल के बदले, जोकै कैन मार डारी रहै।” एक और लौड़ा दई है। 26सेत को एक लौड़ा भौ, जोको नाओं एनोस रखी। और तभई से लोग आराधना मैं परमेस्वर को पवित्र नाओं कै लेनो सुरु कर दईं।
Currently Selected:
उत्पत्ति 4: RTu2025
Highlight
Copy
Compare
Share
Want to have your highlights saved across all your devices? Sign up or sign in
The Rana Tharu Bible ©The Word for the World International and Rana Tharu Translation Samithi, Khatima, UttraKhanda, India. 2025
उत्पत्ति 4
4
कैन और हाबिल
1फिर आदम अपनी बईय्यर हव्वा से संबंध बनाई, और फिर बौ गर्भवती भई। बाको एक लौड़ा पैदा भौ, और बौ कही, “प्रभु की मदत से मोकै एक लौड़ा मिलो है।” इसलै बौ बाको नाओं कैन रखी। 2जाके बाद बौ एक और लौड़ा कै जनम दई। हाबिल एक बरदिया बनो, लेकिन कैन एक किसान बनो। 3कुछ समय के बाद, कैन प्रभु के झोने अपनी फसल मैं से कुछ भेंट लैकै आओ। 4तौ हाबिल अपनी भेंड़ को पहलोठो मेमना बाकै भेंट करन के ताहीं लाई और बाकै मारकै चर्बी बारे मास कै भेंट करी। प्रभु हाबिल की भेंट से भौत खुस भौ।#4:4 इब्रानियो 11:4 5लेकिन बौ कैन की भेंट कै ठुकराए दई। जौ बजह से कैन के मोहों मैं उदासी छाए गई, और बौ गुस्सा से भर गौ। 6तौ प्रभु कैन से कही, “तू गुस्सा काहे होथै? तेरे चैहरा मैं उदासी काहे है? 7अगर तू सई काम करतो, तौ का मैं तेरी भेंट ना अपनाओ होतो? लेकिन तू तौ गलत करो है, और पाप तेरे मोहोट मैं बैठो है। जौ तेरे ऊपर सासन करनो चाहथै, लेकिन तोकै जाके ऊपर बिजय पाने होगो।”#4:7 उत 3:16
8तौ कैन अपने भईय्या हाबिल से कही, “आ आपन मैदान मैं चलथैं।” और जब बे मैदान मैं रहैं, कैन अपने भईय्या ऊपर हमला कर देथै और बाकै मार डारथै।#4:8 मत 23:35; 1 यो 3:12;
9प्रभु कैन से पूँछी, तेरो भईय्या हाबिल कहाँ है? बौ जबाब दई, “मोए न पता है, मैं का अपने भईय्या की देखरेख करन बारो हौं?”
10तौ प्रभु कही, तैं जौ का करो है? सुन; तेरो भईय्या को खून जमीन से मेरे घाँईं चिल्लाए कै मोए पुकार रौ है।#4:10 इब्र 12:24 11इसलै अब मट्टी तेरे भईय्या को खून पीन ताहीं अपनो मोहो खोली है, और अब जौ मट्टी मैं तू खेती नाय कर पागो काहैकि तैं अपने भईय्या कै मारन की बजह से तू स्रापित है। 12तैं पूरी ताकत से खेती करन की कोसिस करैगो, तौ भी तोकै पूरी फसल नाय मिलैगी; और तोकै पृथ्वी मैं घर ना मिलैगो और भटकन बारो रहगो।
13तौ कैन प्रभु से कही, “जौ सजा मेरे सहन से बाहर है। 14तू मोए जमीन और अपनी मौजूदगी से दूर कर दौ है। मैं पृथ्वी मैं बेघर भटकत फिरंगो, और जो कोई मोए पागो बौ मोए मार डारैगो।”
15लेकिन प्रभु जबाब दई, “न। अगर कोई तोकै मार डारैगो तौ बासे सात गुना बदला लौ जागो।” और प्रभु कैन के ताहीं एक चिन्ह ठहराई, ऐसो ना होबै कि कोई बाकै पाएकै मार डारै। 16और कैन प्रभु के सामने से दूर ही गौ और “नोद” नाओं के देस मैं रहन लगो, जो अदन के अगार दिसा मैं है।
कैन के बंस
17कैन अपनी बईय्यर के संग संबंध बनाई, और बौ गर्भवती भई और बौ हनोक कै जनम दई; फिर कैन एक नगर बसाई और बाको नाओं अपने लौड़ा के नाओं के ऊपर “हनोक नगर” रखी। 18हनोक को लौड़ा इराद और इराद को लौड़ा महूयाएल और महूयाएल को लौड़ा मातुसाएल और मातुसाएल को लौड़ा लेमेक को जनम भौ। 19लेमेक दुई बईंय्यरन से बिहा करी, एक को नाओं आदा और दुसरी को नाओं सिल्ला रहै। 20आदा याबाल कै जनम दई, याबाल बे लोगन को पुरखा बनो जो तम्बून मैं रहथै और जानवरन को पालन करकै जिंदगी चलाथैं। 21उनके भईय्या को नाओं यूबाल रहै, जो बुसली बजान बारे सब संगीतकारन को पुरखा रहै। 22सिल्ला जो तूबल कैन कै जनम दई, जो पहलो पीतर और लोहो से सब तराहनी के औजार बनान बारो रहै। तूबल की बहेनिया को नाओं नामाह रहै।
23लेमेक अपनी बईंय्यरन से कही,
“अरे आदा और सिल्ला मेरी सुनौ:
मैं एक जुआन आदमी कै मार डारो हौं काहैकि बौ मोकै चोट पहोंचाई रहै।
24अगर लेमेक कै मारन के ताहीं सात की ज्यान लई जाथै,
तौ अगर कोई मोए मारैगो तौ सत्तर गुना लोगन की ज्यान लै जागी।”
सेत और एनोस
25आदम और अपनी बईय्यर के संग फिर से संबंध बनाई; और बौ एक और लौड़ा कै जनम दई और बाको नाओं जौ कहकै सेत रखी कि “परमेस्वर मेरे ताहीं हाबिल के बदले, जोकै कैन मार डारी रहै।” एक और लौड़ा दई है। 26सेत को एक लौड़ा भौ, जोको नाओं एनोस रखी। और तभई से लोग आराधना मैं परमेस्वर को पवित्र नाओं कै लेनो सुरु कर दईं।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Rana Tharu Bible ©The Word for the World International and Rana Tharu Translation Samithi, Khatima, UttraKhanda, India. 2025