उत्पत्ति 13
13
अब्राम और लूत को अलग होनो
1अब्राम अपनी बईय्यर और अपनी पूरी जायदाद समेत मिस्र देस छोड़ कै अगार घाँईं से आए कै कनान देस के तरहाएँ के हिस्सा मैं नेगेब जघा मैं गै, और लूत भी बाके संग गौ। 2अब्राम अपने जानवर भेड़-बकरिया और मवेसिन और सोनो-चाँदी के बजह से भौत सेठ हुई गौ। 3फिर बौ नेगेब से चले गौ, और बेतेल नगर घाँईं से एक जघा से दुसरे जघा मैं चले गौ। बौ बेतेल और ए नगर के बीच बहे जघा मैं पहोंचो जहाँ बौ अग्गु डेरा डारी रहै। 4और जहाँ पहली बार बेदी बनाई रहै। अब्राम हूँनै प्रभु के नाओं से आराधना करी।
5लूत के झोने भी जो अब्राहम को सहकर्मी रहै भेड़-बकरिया, गईंय्या-बरधा, और बाको अपनो परिवार और नौकर-नौकरानी रहैं। 6जे दोनों के एक संग रहन के ताहीं, उनके हिसाब के मुताबिक चुगा-चुगान की जघा नाय रहै, काहैकि इनके झोने भौत जाधे जानवर रहैं। 7तौ जो लोग अब्राम के जानवर और लूत के जानवरन की देखरेख करत रहैं, उनके बीच मैं लड़ाई होन लगी। बौ समय कनानी और परिज्जी हबै भी जौ देस मैं रहत रहैं।
8फिर अब्राहम लूत से कही, आपन हितुआ हैं, और तेरे बर्दियन और मेरे बर्दियन के बीच लड़ाई ना होनी चाहिए। 9देख, पूरो देस तुम्हारे सामने है, तुम मोसे अलग हुई जाबौ। अगर तुम बाँए घाँईं जागो तौ मैं दहने घाँईं जांगो। अगर तैं दहने जागो तौ मैं बाँए घाँईं जांगो।
10लूत चारौ घाँईं नजर करकै देखी, बौ देखी कि, पूरी यरदन नदिया मै, सोअर सहर ले भौत एक पानी है। प्रभु की वाटिका या मिस्र देस के तराहनी भौत जाधे पानी है। जौ तौ की बात है जब प्रभु सदोम और गमोरा के नगर कै नास कर दई रहै। 11फिर लूत पूरी घाटी कै अपने ताहीं यरदन चुन लई और अगार दिसा मैं चले गौ। और ऐसिये करकै बे एक दुसरे से अलग ही गै। 12अब्राहम कनान देस मैं बस गौ, और लूत तराई के सहरन मैं बसो, बौ सदोम नगर के झोने अपनो डेरा डारी, 13प्रभु की नजर मैं सदोम नगर के लोग भौत दुस्ट और पापी रहैं।
अब्राहम हेब्रोन सहर कै जाथै
14लूत के जान के बाद प्रभु अब्राहम से कही, “तैं जहाँ है, हूँनै से अपनी नजर चारौ घाँईं घुमा और ध्यान से देख। 15काहैकि मैं तोकै और तेरे बंस कै बौ सब जमीन जो तू देखथै, देन जाए रौ हौं, और बौ हमेसा तुमरी रैहगी। 16मैं तेरे वंसज कै पृथ्वी के कनकी के समान करंगो, हिंयाँ तक कि जो कोई पृथ्वी के धूधर की कनकी कै गिन सकैगो बहे तेरे बंस कै भी गिन सकैगो! 17उठ, जौ पूरे देस मैं घूम-फिर; काहैकि मैं जौ देस तोकै दुंगो।” 18फिर अब्राम अपनो डेरा हटाएकै हेब्रोन के ममरे के पवित्र पेंड़ के झोने बस गौ, और हूँना बौ प्रभु के ताहीं एक बेदी बनाई।
Currently Selected:
उत्पत्ति 13: RTu2025
Highlight
Copy
Compare
Share
Want to have your highlights saved across all your devices? Sign up or sign in
The Rana Tharu Bible ©The Word for the World International and Rana Tharu Translation Samithi, Khatima, UttraKhanda, India. 2025
Videos for उत्पत्ति 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show