गिनती 3
3
हारून क पोर्या
1जेने टेमे योहोवा न सीनै बोयड़ा क धड़ मूसा सू वाते क हेने टेमे हारून आरू मूसा क यी ओवलियाद होती। 2हारून क पुर्या क नाव ये छे नादाब जो हेको मटलो पोर्यो हुतो, आरू अबीहू,एलीआजर आरू ईतामार: 3हारून क पुर्या, जे अभिषिक्त याजक हुता, आरू ओको अभिषेक पुजारान क काम कोरने क लिय हुयो हुतो,ओका नाव ये छे। 4नादाब आरू अबीहू जेने टेमे सीनै क जोंगल मा योहोवान करता पटे नी असी भेंटन करता आग्ठी ली गिया उनात टेमे योहोवा क सामने मर गिया हुता; आरू त्या विगुर पुर्या क वी होता। एलीआजार आरू एलीआजर आरू ईतामार आपसा बाब हारून क सात याजक क काम कोरता रोहे
लेवीयो क याजको क चाखरी क लिय नेवाड़नो
5ओळतेन योहोवा न मूसा सी कोयो, 6लेवीया कुळ वाळा क धोड़े ली आवीन हारून पुजारान क अगोळ उबो कोर की हुये सहायता कोरे। 7जो कोय हेरे भिनी सी आरू आखी मण्डळी क भीनी सी हेनूक आप्यो जाय ओकी राखवाळी हुये मिलापवाळा तम्बू क ओगोळ कोरे, ओस कोरीन हुये तम्बू क सेवा कोरे; 8त्या मिलापवाळा तम्बू क सब सोमान क आरू इसराएलिया क सौंपली चीजो क वी गुवावी कोरे, ओस कोरीन हुये रोहन्या-जागा क सेवा कोरे। 9आरू तू लेवीयो क हारुन आरू ओका पुर्या क सौंप देये; आरू हुये इसराएलियों क भिणी सी हारुन क आखी रीते सी सौपलो होय। 10आरू हारून आरू ओका पुर्याक याजक क पद पोर नेवाड़ीन आरू हुये आपना याजक पद क सोमाळे; आरू काहमाईन बाहरला धोड़े आवे, ती चो मोर्यो जाय। 11ओळतेन योहोवान मूसा सी कोयो, 12“समोळ इसराएली बाई क आखा पहिलौठे क बोदले, मैं इसराएलियो मा सी लेवीयो क ली लेयो; एकालिय लेवीय मारोतहोये। 13सब पहलौठा मारा छे; काहकी जेने दाहड़े मैं मिस्र देश क आखा पहलौठा क मारे, तेने दाहड़े हाव काय मानुस काय ढुरे इसराएलियों क सब पहलौंठो क अपने लिय चुखो कोयो;एकालिय हुये मारातकोहायसे; मैं योहोवा छे।”#नीरगमन 13:2
लेवीया न गिनती
14ओळतेन योहोवा न सीनै क जंगल मा मूसा सी कोयो, 15“लेवीयो मासी जोतरा मानसे एक मोहना एने हेरेसे जादा उमोर क होय ओको ओकाज पितरो क घोराना आरू ओका कुळौ क ओनसारे गिन लेये।” 16यो हुकूम मिळ्यो मुसा न योहोवा न कोहे ओनसारे हेनूक गिन लेदो। 17लेवी क पुर्या क नाव ये छे, यानी गेर्शोन, कहात, आरू मरारि। 18आरू गेर्शोन क पोर्या जेरेसी ओका कुळ चले ओके नाव ये छे,यानी लिबनी आरू शिमि। 19कहात क पोर्या जेरेसी ओका कुळ चले ओकोनावये छे, यानी अम्राम , यिसहार,हेब्रोन, आरू उज्जीएल। 20आरू मरारि क पुर्या जेरेसी ओको कुळ चाले यै छे, यानी महली आरू मूशी। ये लेवीयो क कूल आपना पितरो क घोराना क ओनसारे छे। 21गेर्शोन मुल सी लिब्नियों आरू शिमियों क कूल चाले; गेर्शोनवंशियों क कुळ ये त छे। 22एरेमा सी जोतरा ओदेमड़ा उमोर एक मोहना क एने हेरेसि जादाहोती, हेनु आखा क गिनती साढ़े सात होजार होती। 23गेर्शोनवाऴा कुळ जागान पछोळ बुडेवने भिनी डेरो डाला कोरे; 24आरू गेर्शोनवासीयो क मूलपुरूष सी घोराना क डाहला लाएल क पुर्य एल्यासाप होय। 25आरू मिलापवाळा तम्बू क जे चीजे गेर्शोन ओवलियाद क सौंपी जाय हुये ये होये , यानी निवास आरू तम्बू, आरू ओको ढाकनेन परदो, आरू मेलमिलावाऴा तम्बू क झोपला क पोरदा न बी देख भाळ करता हुता, 26आरू जो आँगना रोहन्यो आरू बेदी क च्यारू मेर छे ओका पोर्दा, आरू ओका झोपला क पोरदो, आरू आखा दुवड़ा जे हेरेमा काम आवे। 27ओळतेन कहात वंश सी अम्रामियों, यिसहारियों, हेब्रोनियों, आरू उज्जीएलियों क कुळ चाले; कहातियो क कुळ ये त छे। 28हेरेमा सी जोतरा मानसो क उमोर एक मोहना क एने हेरेसी जादा हुती ओकी गिनती आठ हजार छ: सौ होती। हेरे पोर चुखलाजागा क देख-रेखन जवाबदारी हुती। 29कहातीयो क कुळ रोहन्या जागान भेणी आपसा डेरा न्हाकीया करे दोखेवरे भीनी छे; 30आरू कहातियो क मुल मनुष क घोराना क डाहलो उज्जीएल क पोर्यो एलीसापान हुये। 31आरू जो चिजे ओको सौपी जाय चे सन्दुक , मेज, दिवट, बेदी, आरू चुखलाजागा क हुयो सोमान जेरेसी चाखरी होये छे, आरू पोरदा; यानी चुखला जागा मा काम मा आवनेवाळो आखो सोमान हय। 32आरू लेवीयो क डाहला क डाहलो हारून पुजारान क पुर्य एलीआजर होये, आरू जे मानसे चुखला जागा क सौंपली चीजो क राखवाळी कोरसे हेर पोर हुयो डाहलो कोहाये। 33ओळतेन मरारी सी महलियों आरू मूशियों क कुळ चाले; मरारी क कुळ येत छे। 34एरेमा सि जोतरा मानसि क उमोर एक मोहना क एने हेरेसी जादा होती ओकी सबन गिनती छ: हजार दौ सौ होती। 35आरू मरारी न कुळन क मुखी ओदेमड़ा क घोराना क डाहला अबीहैल क पुर्य सूरीएल होय; ये मानसे निवास क बोखेवरे भिनी आपना डेरा उबो कोरे। 36आरू जे चीजे मरारीवंशियो क आपे त्या हेकी राखवाळी करे, त्या निवास क तख्ते, बेंड़े, खम्बा,पाटलो आरू आखो सोमान : इनासी जुड़ायलो जो काहय हेको लगाड़नेन काम मा आवे; 37आरू च्यारू मेर क आँगना क खाम्बा , आरू हेका पाटला, खुटा आरू दुवड़ा हय। 38आरू जे मेलमिलापवाळा तम्बू क ओगोळ यानी निवास क ओगोळ, उगेवने ओख्ये जाँ सी दाहडु उगेछे,आपसा डेरा उबो कोरे, हुये मूसा आरू हारून आरू ओका पुर्या क डेरा होय, आरू चुखलाजागा क राखवाळी इसराएलियो बोदले हुयेत कोर्या कोरे, आरू दिसरा जे काई ओका धोड़ आवे चो मोर्यो जासे। 39योहोवा क एना हुकुम क पाळीन एक मोहना क एने हेरेसी जादा उमोर जोतरा लेवीय मानसे क मूसा आरू हारून ओका कुळ क ओनसारे गिन्या, हुतये सब क सब बाईस होजार होता।
पेहलखुळीयान जागाक लेनो
40ओळतेन योहोवा न मूसा सि कोयो, “इसराएलियो क जोत्रा पहलौठा मानसो क उमोर एक मोहना क एने हेरेसी जादा छे , ओको सब क नाव ली लीन गिन ले। 41आरू मार लिय इसराएलियो क सब पहलौठा क बोदले लेवीयो क, आरू इसराएलियो क डुरो क सब पहलौठा क बोदले के लेवीयो क ढुरो क लिन; हाव योहोवा छे।” 42योहोवा क इना हुकुम क ओनसारे मूसा न इसराएलियान क सब पेहलखुळियान क गिन लेये। 43आरू सब पहलौठा अदेमड़ा जिनुन उमोर एक मोहना क एने हेरेसी जादा हुती, ओका नाव क गिनती बाईस हजार दौ सौ तिहत्तर हुती। 44ती योहोवा न मूसा सि कोयो, 45“इसराएलियो क सब पेहलखुळीयान क बोदले लेवीयो क, आरू ओका ढुरो क बोदले लेवीयो क ढुरो क लीन; आरू लेवीय मारात होये; मैं योहोवा छे। 46आरू इसराएलियो क पहलौठा मा सी जो दुय सौ तिहत्तर गिनायला मा लेवीयो सी जादा छे, ओको छुडावने क लिय, 47मानुस पाच शेकेल#3:47 शेकेल एक 20 गेरे का शेकेल मतलब 12 ग्राम चाँदी, मतलब 1 शेकेल 60 ग्राम लीन; हुये चुखलाजागा क शेकेल क हिसाब सी होय, यानी बिस गेरा क शेकेल होय। 48आरू जे रुपया हेनू जादा पहलौठो क छुड़ावने क होयसे हेनको हारून आरू ओका पोर्यान क आप देजू।” 49अत: जे इसराएली पहलौठो लेवीयो क लारे छुड़ावला सी जादा हुता हेन्दरे हात सी मूसा न छुड़ावनेन रुपया लेदो। 50आरू इसराएलन एक हजार तीन सौ पैंसठ चाँदीन शिक्कान दाम मा चुखलाजागान क शिक्कान हिसाब सी वसूल हुयो। 51आरू योहोवा क हुकूम क ओनसारे मूसा न छुड़ाय हुया क रुपया हारून आरू ओका पुर्या क आप देदो।
Currently Selected:
गिनती 3: Dii25
Highlight
Copy
Compare
Share
Want to have your highlights saved across all your devices? Sign up or sign in
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025