उत्पत्ति परीचय
परीचय
पुस्तक परीचय उत्पत्ती सोब्दान मोतलोब छे “सुरु होयने” आरु यो बायबोल सासतुरोन जुनला चापड़ान पेहली कीपात छे। खास हिबरी वी “सुरु मा” बुलो सी सुरु होये। यो देखाड़े की आखो काहिन कां गोतो आयो आरु खास वात यी की मानसो पुठी परमेश्वरन वेवहार कोसु सुरु होयु। आज जानकारी राखन्या जुळ तीना मानुस ने मानसोन वाराम बेस ढेरकी वात छे, जे उत्पत्ती कीपात लीख्या आरु यो वी की यो कोत्यार लीख्या होसे। थुड़ाक मानसोन माननो छे की इनी कीपात काजे 5 सी 6 वी सोताब्दी ईसुन आवने से पेहेल, पेहला चापड़ा मा लीख्या होसे। बेबीलोन मा दिसरा मानसे एनी रीतीक मान्या कोरे की लोगाथोगी मुसा 1300 एन्ते 1400 साल ईसुन आवनेन पेहेल उत्पत्ती, पुठीत् निर्गमन, लेव्यव्यवस्ता, गिनती आरु वेस्तावीवरण लीखली होती।
उत्पत्ती मा बेस खास जानकारी छे जी ईसाय (वीस्वास्या) मानसोन बायबोलोन दिसरे जागे, जुनला नियम आरु नोवला नियम दुयोक सोमेजनेम मोदोत् कोरे। यो हामुक देखाड़े की पाप एनी दुनियाम कोसु आयु आरु मानसोक एक छुड़ावने वावु जुय रोयु होतु। एनु मानसोक वाचाड़ने कोरीन परमेश्वर वीचार कोरे। ईसुन वाराम पेहली ओगवायती वात उत्पत्ति 3:15 आरु अबराहम गोथु कोवी पोर आखा मुलुकोम बोरकोत आपने कोरीन परमेश्वरन वायदा उत्पत्ति 12:3 गोथो लीखलो छे।
रुपरेखा:
1. भोगवान कोळीक आरु आदम आरु होवा काजे बोनायु। अध्याय 1–2
2. आदोम आरु होवा, हेन्दरा पाप आरु हेन्दरी ओवलीयादोन वाराम छे। 3–5
3. नुह आरु ढोन्ड्या पानीन वाराम लीखलो छे। 6–9
4. नुहान टेमे आरु ओबराहोमोन टेमोन इचमा काय होयो, जेरेम बेबीलोनोन खांबान वाराम वी छे। 10–11
5. ओबराहोम, हेरो पोरीवार आरु इसराएल राजोन सुरुन वाराम लीखलो छे। 12–50
6. ओबराहोम आरु हेरी धेन्यारी सारान जीवाय। 12–25
7. इसहाक आरु हेरी धेन्यारी रीबकान जीवाय आरु हेन्दरी मोतोन वाराम पाठ 35 मा लीखलो छे। 21–28
8. याकुब, हेरा पुर्यान जीवाय आरु कोनान गोथा मिसर लोगुन हेन्दरो आवनो। 25–50
9. याकुबोन मोंगावा पुर्या युसुपोन जीवाय पोर लीखलो छे आरु हुयो मिसर मा कोसु राज कोरन्यु बोन्यु। 37–50
Currently Selected:
उत्पत्ति परीचय: Dii25
Highlight
Copy
Compare
Share
Want to have your highlights saved across all your devices? Sign up or sign in
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025