उत्पत्ति 9

नुह आरु हेका पुर्या क बरकत

1ओळतेन परमेश्वर नुह आरु ओका पुर्या क बोरकोत आप्यो आरु उना सी कयो फुलो–फलो, आरु वोदु, आरु कोळी मा भोराय जावु। 2तुमरी बीक आरु भय कोळी क आखो ढुरो, आरु आकाश क सब चील्‌ला, आरु कोळी पोर क सब रेंगनेवाळा जीवो, आरु दरीया क सब माछा पोर बोनलो रोहसे: ये आखा तुमरा होको मा कोर दिदो जातो छे। 3आखा चालनेवाळा जीवे तुमरो खानो बोनसे; जोसो तुमुक निळ्वा निव्वा नानला झाड़ आपला हुता, तोसोत हिमी वी आखो आपो। 4बाखुन मांस क जीवो साते अर्थात् लुहुय भेव तमु झुणी खाता। (लेव्यव्यवस्ता 19:26, 15:23, व्यव्थावीवरण 12:16,23, उत्पत्ती 17:10-1) 5आरु खोरीत हांव तुमरे लुहुय अर्थात जीवोन बोदलु लीस: आखा ढुरे आरु मानसो, दुयो सी हांव हुयो लीस; मानसोन जीवो क बदलो एक एक क भाई बोन्या सी लीस। 6जो कुदु मानषोन लुहुय उहवाड़से तेरो लुहुय मानषोन से उहावाड़ीयो जासे, काहकी परमेश्वर मानुसकाजे आपसा रुपोन ओनसारे बनावलो छे। (उत्पत्ती 1:26, निर्गमन 20:13) 7आरु तुमु फुलो–फलो, आरु वोदु, आरु कोळी पोर घोनसोटा ओवलीयाद पोयदा कोरीन एरेम भोरय जावु (उत्पत्ती 1:28) 8ओळतेन परमेश्वर नुह आरु ओका पुर्या से कयो, 9“सोमळु, हांव तुमरे साते आरु तुमरे वाद मा जी तुमरी ओवलीयाद होयसे, ओका सात मा वी वायदु बाधो; 10आरु आखा जीवतला जीवो सी वी जे तुमरे साते छे काय चील्‌ला काय पावन्या ढुरे काय कोळी क सब बनेले ढुरे, कोळी क जोतरा जीवजोनतु ढोन्ड्या सी निकोवला छे। 11आरु हांव तुमरे साते आपसु यु वायदु बांधो की आखा जीव ओळतेन जळ–प्रलय सी नष्ट नी होयसे: आरु कोळी क नाश कोरने क लीय ओळी जळ–प्रलय नी होयसे।” 12ओळतेन परमेश्वर कयो, “जु वायदु हांव तुमरे साते, आरु जोतरा जीवतला जीवे तुमरे साते छे तेनु सब क साथ वी जोलोम जोलोम् क पीढ़ी क लीय बांधो, ओकी यी सोहलानी छे: 13हांव वादळा मा आपनु बाम मेकलु छे, चो मारे आरु कोळी क वीच मा वाचा क सोहलानी रोहसे। 14आरु जोत्यार हांव कोळी पोर वादळो फेलावीस ती वादळा मा बाम देखा पोड़से। 15ती मारी जी वाचा तुमरे आरु सब जीवतला डीलवाळा जीवो क सात बन्धी छे; उको हांव फोम राखीस, ती ओसो जळ–प्रलय ओळी नी होयसे जीनासी सब जीवो क वीनाश होय। 16वादवा मा जो धनुष होयसे हांव तेनाक देखीन यो हमीशा फोम राखीस, जो परमेश्वर क आरु कोळी पोर सब जीवतला डीलोवाळा जीवे क वीच वायदु छे।” 17ओळतेन परमेश्वर नुह सी कुयो, “जी वाचा हांव कोळी भोर क सब जीवो क सात मा बांदली छे, ओकी सोहलानी यी छे।”

नुह आरु हेका पोर्या

18नुह क पुर्य जो ढोन्ड्या मा सी निकोळया चे, शेम, हाम आरु येपेत हुता; आरु हामु कनान का बाबो हुतो। 19नुह क तीन पुर्या येत छे, आरु ओकी ओवलीयाद आखी कोळी पोर जात रोया। 20नुह जो एक कीरसान हुतो, दाखन वाड़ी लगाड़ने वाळो पेहलो मानुस हुयो। 21आरु हुयो दाखमधु पीन छाक गुयो; आरु आपसा घोर धोड़्ये नांगरु हुय गोयु। 22ती कनान क बाबो हाम आपसा क नांगो देख्यो, आरु खोयड़े आवीन आपसा दुयो भाई क कय दिदो (लेव्यव्यवस्ता 20:13) 23ती शेम आरु येपेत दुयु छिंदरो लीन आपसा खांदा पोर मेल्या आरु पोछोळ फिरीन ओन्दा चलीन आपसा बास क नांगा क डील क ढाक दिदा, आरु चे आपसो मुख पोछोल कोरला हुता एकालीय हिये आपसा बाबा क नांगो नी देख्या। 24जोत्यार नुह क नशो उतरीयो गियो। ती हियो जान लीयो की ओको नानलो पुर्‌यो ओका सात मा काय कोरलो छे। 25एकालीय हियो कयो, “कनान शापित होये हियो आपसा भाय बोन्यान क दासो क दास होये।” 26ओळी हीयो कयो, “शेम का परमेश्वर योहोवा सोयाव्वु छे, आरु कनान शेम का दास होये। 27परमेश्वर येपेत क ओवलीयाद क फेलावे; आरु हुयो शेम क तम्बुओं मा वोसे, आरु कनान ओको दास हुये।” 28जळ–प्रलय क वाद मा नुह तीन सोव पचास साल जीवतलो रयो। 29ओस कोरीन नुह क उमोर साढ़े नोव सोव साल हुयो; तेर वाद मा मोर गयो।

Currently Selected:

उत्पत्ति 9: Dii25

Highlight

Copy

Compare

Want to have your highlights saved across all your devices? Sign up or sign in

The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025

Learn More About Dhankavi Bible, 2025

Popular Bible Verses from
उत्पत्ति 9

Videos for उत्पत्ति 9

Episode 36:Are We Near the End? The Bible’s Hidden Pattern

Under The Hood

EP 25. Why Do So Many Cultures Have Flood Myths? The Truth Behind the Stories

Under The Hood

Ep 34. Genesis 10: How Noah’s Sons Shaped the World & God's Redemption Story

The Bible Show

Episode 19: Feeding of Four thousand with the Syrophonecian woman