उत्पत्ति 5
5
आदम क ओवलीयाद
1आदम क ओवलियाद यी छे। जोतयार परमेश्वर न मानुसक बोनायो ती आपसात रुपो मा ओको बोनायो (उत्पत्ती 1:27) 2हुयो नर आरु नारी कोरीन मानशो क बोनायो की आरु हेनुक बोरकोत आपे, आरु हेनुक बोनावने क दीन ओको नाव आदम पाड्यो। (उत्पत्ती 1:27-28) 3जोतयार आदम एक सोव तीस साल क हुयो, ती ओका द्वारा ओकोत जोसा मात हेना सी हेरेजोसो एक पुर्य पोयदा हुयो। ओको नाव शेत पाड़्यो। 4आरु शेत क पोयदा होयने क वाद आदम आठ सोव साल जीवतलो रोयो, आरु ओका आरु वी पुर्या पुरायटा पोयदा होया। 5ओस कोरीन आदम क आखा मेवीन नोव सोव साल क हुयो, तेवाद हुयो मोर गोयो। 6जब शेत एक सोव पाच साल क हुयो, हेनासी एनोश हुयो। 7एनोश क पोयदा होयने क वाद शेत आठ सोव साल जीवतलो रोयो, आरु ओका आरु वी पुर्या पुरायटा पोयदा होया। 8ओस कोरीन शेत क पुरी उमोर नोव सोव बारे साल क हुयो; ओळतेन मोर गोयु। 9जोतयार एनोश नब्बे साल क हुयो, ती हुयो केनान क जन्म देदो। 10केनान क जन्म क वाद एनोश आठ सोव पोन्द्रे साल जीवतलो रोयो, आरु ओका आरु वी पुर्या पुरायटा पोयदा होया। 11ओस कोरीन एनोश क पुरी उमोर नोव सोव पाच साल हुयो; ती हुयो मोर गोयो। 12जब केनान सत्तर साल क हुयो, ती हुयो महललेल जन्म देदो। 13महललेल क जन्म क वाद केनान आठ सोव चाळीस साल जीवतलो रोयो, आरु ओका आरु वी पुर्या पुरायटा पोयदा हुया। 14ओस कोरीन केनान क पुरी उमोर नोव सोव दस साल क हुयो; ती हुयो मोर गोयो। 15जब महललेल पेसठ साल क हुयो, ती हुयो येरेद क जन्म देदो। 16येरेद क जन्म क वाद महललेल आठ सोव तीस साल जीवतलो रोयो, आरु ओका आरु वी पुर्या पुरायटा पोयदा हुया। 17ओस कोरीन महललेल क आखी उमोर आठ सोव साल पंचानवे साल क हुयो; ती ओळतेन हुयो मोर गोयो। 18जोतयार येरेद एक सोव बासठ साल क हुयो, जब हेनोक क जन्म देदो। 19हनोक क जन्म क वाद येरेद आठ सोव साल जीवतलो रोयो, आरु ओका आरु वी पुर्या पुरायटा होया। 20ओस कोरीन येरेद क पुरी उमोर नोव सोव बासठ साल क हुयो; तेरे वाद हुयो मोर गोयो। 21जब हनोक पेसठ साल क हुयो, ती हुयो मतुशेलह क जन्म देदो। 22मतुशेलह क जन्म क वाद हनोक तीन सोव साल लोगुन परमेश्वर क सात साते चालतो रोयो, आरु ओका आरु वी पुर्या पुरायटा पोयदा होया। 23ओस कोरीन हनोक क पुरी उमोर तीन सोव पेसठ साल क हुयो। 24हनोक परमेश्वर क सात साते चालतो हुतो; ओळतेन हुयो लोप हुय गोयो काहकी परमेश्वर न ओको उठाय लेदो (इब्रानियो 11:5, प्रकशित 4:10, 2 राजा 2:11, युहन्ना 14) 25जब मतुशेलह एक सोव सत्तासी साल क हुयो, ती हुयो लेमेक क जन्म देदो। 26लेमेक क जन्म क वाद मतुशेलह सात सोव बयासी साल जीवतलो रोयो, आरु ओका आरु वी पुर्या पुरायटा पोयदा हुया। 27ओस कोरीन मतुशेलह क पुरी उमोर नोव सोव उनसोतोर क हुयो; तेर वाद मोर गोयो। 28जब लेमेक एक सोव बयासी साल क हुयो, ती हुयो एक पुर्या क जन्म देदो। 29हुयो यो कोहीन ओको नाव नुह पाड़्यो, की “योहोवा न कोळी क शाप आपलो छे, ओका वारामा यो पुर्य आमरे काम मा, आरु ओको कोठिन मेहनोत मा जो हामु कोरजे, आमुक शांती आपसे।” 30नुह क जन्म क वाद लेमेक पाच सोव पंचानवे साल जीवतलो रोयो, आरु ओका आरु वी पुर्या पुरायटा पोयदा होया। 31ओस कोरीन लेमेक क पुरी उमोर सात सोव सतहतर साल क हुयो; तेरे वाद हुयो मोर गोयो। 32आरु नुह पाच सोव साल क हुयो; आरु नुह न शेम, आरु हाम आरु येपेत क जन्म देदो।
Currently Selected:
उत्पत्ति 5: Dii25
Highlight
Copy
Compare
Share
Want to have your highlights saved across all your devices? Sign up or sign in
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025
