KIEBEXELU 4

1KUNYUMA kwa bintu bebi nakatebela ; yi mona, mbelo mudipula mu diulu, yi diyi dia buxi dinakakwombwa bea diyi dia mpungi didi mu kutôya yinami ene, Ximuna kunu, yi nakukwebesa bintu bixelwa kunyuma kwa bintu bebi. 2Yi nakadi mu Mwoxixi mangwoso, yi mona, lukwasa luxikika mu diulu, yi Umoumwe uxikamini mu lukwasa. 3Yi You akaxikama akadi yi mpala anci bea luna dibwe dia yasipisi yi dia sadio ; yi nkongolo akadinga lukwasalunamumbidi ă dibwe dia emelada. 4Yi minga nkwasa masangi abidi yi nkwasa inai yakadinga lukwasa, yi mu nkwasa mwakaxikama babakulu masangi abidi yi banai, bamai lata bilamba bia susu ; yi ku micwe yabo kwakadi bilongo bia ôlo.

5Mu lukwasa lolo mwakabatuka misadi ya kapenya, yi meyi, yi makongola ; yi ku mpala a lukwasa kwakalumuka minda sambwali ya mudilu, idi Miexixi sambwali ya Ncembi ; 6yi ku buxi bwa lukwasa kwakadi bea mai manene a mulondo, bea luna mai makwata. Yi bipangu binai bia môyô biakadi pakacikaci pa lukwasa, biakadinga lukwasa, biamakwolubila yi meso yi ku mpala yi ku nyuma. 7Kipangu kia buxi akadi luna ntambwi, kipangu kiamubidi luna mwana a nombi, kipangu kiamusatu kiakadi yi mpala bea mpala a muntu, yi kipangu kiamunai luna mpungu udi mu kupumbuka. 8Yi bipangu binai bia môyo biakadi bipambwi bisambomo bipambwi bisambomo, biakakwolubila yi meso yi kunci yi munda, yi kabisolekyela kutôya yi ku munyinya yi ku butuku, ene, Babala, babala, babala, Fumu Ncembi, Ncembi Xadai, You akadiko, yi udiko, yi unakala. 9Panakala lolo bipangu binai bia môyo biamalongola kinemu yi diedya yi biloba kudi You amaxikama ku lukwasa, udi yi môyo ku mieciya ya mieciya, 10babakulu masangi abidi yi banai banapona buxi bwanci bwa You amaxikama ku lukwasa, yi banaxingila You udi yi môyo ku mieciya ya mieciya ; yi banakwela bilongo biabo ku buxi bwa lukwasa, ene, 11Fumwecu yi Ncembi ecu, Owe wamalelekyela yi kwangata kinemu yi diedya yi ngulu ; bwalo bwakapanga bintu bioso, yi ku bwalo bwa nyinga yebe ndo kwakalabio, yi kwakapangibwabio.

Currently Selected:

KIEBEXELU 4: Luna_NT

Highlight

Copy

Compare