KIEBEXELU 17

1YI munga a bangele sambwali bakadi yi mpamba sambwali akalwa, yi akatôya yinami yi akangwambila ene, Lwaka kunu, yi nakukwebesa lopelo iwa mudibi munene amaxikama kulu kwa mai mangi, 2akamwendela bafumu ba loboko mendela ; yi bantu bamaxikama ku loboko bakakolexebwa nkowa ku malufu a budibi bwanci.

3Yi akangucwala mu mwoxixi ku mbata a kisobe ; yi nakamona mwamukaxi uxikamini pa Nyama a mumbidi ă maxi, amakwolubila yi mena a mietangu, yi udi yi micwe sambwali yi xiba disangi. 4Mwamukaxi akalatixibwa mbuxa a tululu a bwinu yi a mumbidi ă maxi, yi akabongexebwa yi ôlo yi mabwe a mapiko yi mabwe a mayamba. Mu kianca kienci mwakadi mpamba a ôlo amakwolubila yi nyete, yi bintu bia mbindu bia budibi bwanci. 5Yi ku mpala anci kwakadi dina difunda, ene, “ BWALO BUSOKOKA, BABELONO MUNENE, MAMA A BADIBI YI A NYETE YA LOBOKO. ” 6Yi nakamona mwamukaxi amakolwa nkolwa ya maxi a bena babala, yi maxi a batôbôdi ba Yisu. Yi panabamona, nakakama dikamu dingi.

7Yi mwangele akangwambila ene, Wamakama dikamu kukai ? Meme nakukusakolela bwalo busokoka bwa mwamukaxi, yi bwa Nyama amamucwala, udi yi micwe sambwali yi xiba disangi. 8Nyama akamona owe akadiko yi kienako ; yi utanalanda kuximuna mu dina twakô kuya ncimina nya. Yi bantu bamaxikama ku loboko batena yi mena mafunda mu mukanda ă môyo pôi kibangolelu kia loboko, banakama kama pa kumona Nyama ene, akadiko, yi kienako, yi unalwa.

9Kunu kudi lukanyi ludi yi bwinu ; micwe sambwali idi mpongo sambwali ; yamaxikama mwamukaxi kulu kwayo. 10Idi lolo bafumu sambwali, batano bamapona ; umoumwe udiko ; munga ukidi kaluli ; yi palolwayi unakala kakondo kabende. 11Yi Nyama you akadiko yi kienako, yei kabidi udi muna yenana, yi udi a sambwali, yi uyeya kuya ncimina nya. 12Yi xiba disangi yakamona owe idi bafumu disangi, bakidi kabasoangata bufumu, kate ku ola umoumwe kunangatabo bumanya yi Nyama ndongo luna bafumu. 13Baba badi yi lukanyi lumolumwe, yi banalongolela Nyama ngulu yabo yi bumanya bwabo. 14Baba banatanda yi Mwana a mukwakwa mbita, yi Mwana a mukwakwa unabapidila, bwalo budiyi Yangabita a baYangabita yi Fumu a bafumu, yi bobo badi yinanci bamabikidibwa, bamasungudibwa, badi bena kibaku.

15Yi akangwambila ene, Mai akamona owe, amaxikama mudibi kulu, adi bantu yi bimbukuma yi mabila yi ndimi. 16Yi xiba disangi yakamona, yi Nyama, baba bananyañana mudibi, banamuteka makaci matupu, yi butaka, yi banadya nyama anci yi banamwosa mudilu. 17Bwalo bwamateka Ncembi mu micima yabo ndo kwenca lukanyi lwanci, yi kwakala yi lukanyi lumolumwe, yi kulongolela Nyama bufumu bwabo, pôi kikondo kinafikixibwa meyi a Ncembi. 18Yi mwamukaxi akamona owe udi bula bunene butani yi bufumu kulu kwa bafumu ba loboko.

Currently Selected:

KIEBEXELU 17: Luna_NT

Highlight

Copy

Compare