MAKISA 23

1YI Paulu akatebela kikokye sosonyi, yi akatôya ene, Bena kwami, namakwenda ku mpala a Ncembi yi kilubukilu kioso kinengela pôi dituku dedi. 2Yi bokanda bunene Anania bwakabatôyela bamakwemana pepe yinanci bamukumi ku musuku. 3Paulu lolo akamutôyela ene, Ncembi unakukuma owe, kididi kixinga lupemba ; owe waxikama kungusambola bea bialelekyela yi bwadi, kaninga watôya ene, akumibwi bea bitasolelekyela yi bwadi ? 4Yi bobo bakakwemana pepe bakatôya ene, Wakisa bokanda bunene bwa Ncembi ? 5Yi Paulu akatôya ene, Kiamulubukwa, bena kwami, ene, udi bokanda bunene ; bwalo bwamafundibwa ene, Kutôyi bubi bwalo bwa muntu munene a bubila bwebe. 6Kaninga pakamona Paulu badi kicini kimokimwe baSaduki, kimo kicini pako baFalixi, akakwamena mu kikokye ene, Bena kwami, meme ndi muFalixi, mwana a baFalixi ; meme namasanyibwa ku bwalo bwa mudingidilu ă bafu yi kubika kwabo, 7Yi pakadi amatôya nako, pakalwa mbata yi baFalixi yi baSaduki, yi kikokye kiakanamukanana. 8Bwalo bwatôya baSaduki ene, kakuna kubika kwa bafu, ndo mwangele, ndo kidimu ; kaninga baFalixi basakola malo aa bubidi bwao. 9Kwakalwa lolo muyengi bongonco, yi bafundi ba mikanda ba ku kicini kia baFalixi bakakwemana, yi bakafwilañana, ene, Katusomona bubi yi muntu you ; yi ndo kidimu kiapumutôyela, ndo mwangele, beci ? 10Pakafika muyengi mungi, kiliaka kiakacina, ximbi Paulu uxepancolebwa kudibo, yi akatôyela masalai ene, bapweki, bamunculi ku ngulu kudibo, bamubwesi mu lumbu lwa masalai.

11Kaninga ku butuku bobu, kwakakwemana Fumu padiyi, yi akatôya ene, Kolesa mucima ; bea biapungutôbôlela ntôbô ku Yelusaleme, bixengutôbôlela ku Loma kabidi.

12Pakalwa munyinya, pakakwetabusañana bena Yuda, bakafingañana difingu ene, kabanadya, kabananwa, buxi butaxipabo Paulu. 13Yi bakadika masangi anai bamaputolañana ku difingu dedi ; 14yi bakalwa kudi makanda manene yi kudi babakulu ene, Twamafingañana difingu ene, katunakikisa kintu kioso buxi bututaxipili Paulu. 15Mbwôso nonu yi kikokye nutôyeli kiliaka, ene, amupwesi kunudi, bea binuxesambola bimpe ku bwalo bwanci ; coco lolo, buxi butakokyelayi pepe, twamakunga kumuxipa. 16Kaninga mwana a Paulu ngasananci akakwombwa dia kupolama kwabo, yi akalwa bwela mu lumbu lwa masalai yi akatôyela Paulu. 17Yi Paulu akabikila kanga kapalai ka masalai, yi akatôya ene, Fikisa dipulwa dedi kudi kiliaka, bwalo budiyi yi diyi dia kumwambila. 18Biakamwangatayi, yi akamucwala kudi kiliaka, yi akatôya ene, Paulu musungi, apungubikila, apungulomba ncwali dipulwa dedi kudi, udi yi diyi dia kukwambila. 19Yi kiliaka kiakamukwata ku kianca, akaya ku dituku yi akamwapangusa ku busoko ene, Kiñani kieki kiakyeba kungwambila. 20Yi akatôya ene, Bena Yuda bamakwetabusañana dia kukulomba ene, wapwesapo Paulu mankyelo ku kikokye, bea ndo kumwapanguxila kintu sôsôlwo ku bwalo bwanci. 21Mbwôso owe kubetabuxidi ; bwalo bwamamupolamina bantu badika masangi anai, bamafingafiana difingu kumoni kudya kumoni kunwa biamamuxipabo ; nkyekyu lolo bamakunga, badi mu kudingidila kilaka kudi. 22Kiliaka kiakapingasa dipulwa papa noku, kiakamutôyela ene, Kusakoledi muntu mwoso bwalo bwapungwambila bintu bebi. 23Yi akabikila tupalai tubidi twa masalai, yi akatôya ene, Nulungiki masalai nkama ibidi, bayi pôi ku Kyesalia, yi bena tubala masangi sambwali, yi bena makonga nkama ibidi, pa ola amusatu a butuku ; 24balungiki lolo nyama ya kwombulula Paulu kulu, ndo kumucwala bimpe kudi Felixi mulopwe. 25Yi akafunda mukanda ă kutôya noku, ene, 26Kolôdyo Lisiasa kudi mulopwe unengela Felixi, môyo. 27Mwamulumi you akakwacibwa kudi bena Yuda, uxexipibwa kudibo, mo nakalwa yi masalai, yi nakamupaula, bwalo bunakakwombwa ene, udi muna Loma. 28Binakapalala kulubukwa bwalo bwamamusanyabo, nakamupwesa mu kikokye kiabo ; 29unakasafiana amasanyibwa ku malo a bwadi bwabo, kaninga kiena yi bwalo bwamamubakibwa bwalelekyela yi ndo lufu ndo lukanu. 30Mo papungwebexebwa ene, baxekwela mwamulumi ndambu, napumutuma kudi mangwoso, yi namatôyela kabidi bantu bamwasanya, ene, batôyi ku mpala ebe dia malo amakwencayi.

31Mbwôso masalai akangata Paulu bea biakabambidibwa, yi bakamu-cwala ku butuku ku Antipatili, 32yi ku diba dia mankyelo bakaxiya bena tubala bayi yinanci, yi bakapifiana ku lumbu lwa masalai. 33Yiba lolo, pakafikabo ku Kyesalia, baka-longola mukanda kudi mulopwe, yi bakateka kabidi Paulu ku mpala anci. 34Pakamanayi kubala aka-kwapangusa pa mbata anci, yi paka-lembetelayi ene, udi muna Kilikia, 35akatôya ene, Nakwombwa bwalo bwebe papulwa bantu bakwasanya kabidi. Yi akatôya ene, anamibwi mu kimana kia Elodo.

Currently Selected:

MAKISA 23: Luna_NT

Highlight

Copy