MAKISA 18

1KUNYUMA kwa bintu bebi kwakancukayi ku Atene, yi akalwa ku Kolinti. 2Yi akasañana muna Yuda dina dienci ene, Akwila, muna Ponto, akadi amalwa mankyelonkyelo ku Italia yi Pilisikila mukasanci, (bwalo bwakatôyela Kolôdyo bena Yuda boso ene, bancuki mu Loma) ; yi akalwa kwabo ; 3yi bwalo bwakadiyi yinabo mudimo umoumwe ndo bwakasalayi yinabo yi bakakwenca. Bwalo bwakadibo yi mudimo ă bapangi ba ncibo ya mbuxa. 4Yi akakwambila mu kixingidilu ku sabado mwoso, yi akakwetabuxisa yi bena Yuda yi bena Ngiliki.

5Mo pakapweka Silasa yi Timoteo ku Makyedonia, Paulu akakixixibwa ku diyi, akasakolela bena Yuda ene, Yisu udi Kalistu. 6Kaninga pakanyañanabo biabo yi pakatangolabo mietangu, yei akakupulula bilamba bienci, yi akabambila ene, Maxi enu akali kulu kwa micwe yenu ; meme namasuwa ; pôi nkyekyu nakuya kudi mabiia. 7Yi akancuka koku yi akabwela munda mwa ncibo a muntu dina dienci ene, Yustu, muxingidi a Ncembi, akadi yi ncibo anci amabakama yi kixingidilu. 8Yi Kilisipo, munami a kixingidilu akakwetabuxila Fumu yi bungi bwa ncibo anci ; yi bena Kolinti bangi, pakakwombwabo, bakakwetabusa, yi bakanumeyebwa. 9Yi Fumu akatoyela Paulu ku dilu ku butuku ene, Kudni, kate tôya, kupudikidi ; 10bwalo buntani meme yinebe, yi muntu kanakusangila ndo kukutatisa ; bwalo buntani yi bantu bangi mu bula bobu. 11Yi akakala koku mbula muncima yi ngondo isambomo, udi mu kweyesa eyesa diyi dia Ncembi kudibo.

12Mo pakakala Ngalio mulopwe munene a Akaya, bena Yuda bakakwombuluka yi lukanyi lumolumwe bwalo bwa Paulu, yi bakamucwala ku kisambolelu 13ene, You muntu axingidisa bantu Ncembi munga muxingidilu utena ă bwadi. 14Ka ninga paxedipuia Paulu musuku ănci, Ngalio akatoyela bena Yuda ene, Ximbi bwalo bwapwakala bwa bubi, ndo bwa kwona kubi, nonu bena Yuda, nxenwombwela ku bwalo bwa nkwami ; 15mo ndo bwaio butani miapangusu ya meyi, yi mena, yi bwadi bwenu, nubudingili mikyenu ; meme kisoli kwakaia musambodi a maio aa. 16Yi akabapiya ku kisambolelu. 17Yi bakakwata Sostene bo-a-bwoso, munami a kixingidilu yi bakamukuma buxi bwa kisambolelu Yi Ngalio akadi kasodinyingisa dia bintu bebi pô.

18Yi Paulu, pakadi amasala matuku mangi kunyuma, akaxiya bakunyi, yi akancuka koku lwa kibusu kuya ku Silia, yi Pilisikila yi Akwila yinand, pakadi amakulula mucwe ănd mu Kyenkyelea, bwalo bwakakalayi yi kiteyi. 19Yi bakalwa ku Efeso, yi akabaxiya koku ; mo mikyenci akabwela mu kixingidilu yi akakwambilañana yi bena Yuda. 20Yi pakamulombabo asali kikondo, akanyañana, 21kate pakabaxiyayi, akatôya, ene, Nakupiñana kabidi kunudi ndo Ncembi ananga ; yi akancuka ku Efeso lwa kibusu 22Pakasabukayi ku Kyesalia akaximuna kuya ela kikokye môyo, yi akapweka ku Antioko. 23Yi pakadi amamana kikondo koku, akancuka, yi akatanga mbata ya Ngalatia yi Filingia ku bula ku bula, udi mu kukolesa bungi bwa beyi.

24Yi munga muna Yuda akalwa ku Efeso, dina dienci ene, Apolo, muna Alesandalia, mulubukwi a bwinu, akadi yi ngulu mingi mu mikanda ya Ncembi. 25You muntu akakweyexebwa mu ncila a Fumu ; yi bwalo bwakakalayi yi mucima mungi, akatôya yi akakweyesa mambi a Yisu bikyebikye, akadi amalubukwa kunumeya kwa Yoano kutupu ; 26yi akabanga kutôya yi mucima mu kixingidilu. Mo pakamwombwa Pilisikila yi Akwila, bakamwangata kwabo yi bakamusakolela ncila a Ncembi dyendeli. 27Yi pakakyebayi kuya ku Akaya, bakunyi bakamuxindikisa yi bakafundila beyi dia kumwangata ; yi pakadi amafika akabakwacisa kungi bamakwetabusa bwalo bwa lwoxixi ; 28bwalo bwakatongolayi bena Yuda yi ngulu mingi ku meso a bantu, akakwebesa ku mikanda ya Ncembi ene, Yisu udi Kalistu.

Currently Selected:

MAKISA 18: Luna_NT

Highlight

Copy