3 YOANO 1
1
1MWAMUKULU kudi Ngayo munangibwi, ungwananga mu sôsôlwo.
2Munangibwi, ngwakyeba uxetundwa mu bintu bioso, uxeakala yi mumbidi kukola, bea biaputundwa kidimu kiebe. 3Bwalo bunakaxekyelela kungi, pakalwa bakunyi, yi bakatôbôla ntôbo dia sôsôlwo ebe, bea biendenda owe mu sôsôlwo. 4Meme kiena yi kinga kiango kiamadika malo aa angwombombwa dia bana bamene ene, badi mu kwenda mu sôsôlwo.
5Munangibwi, wamakwenca mudimo ă kibaku ku kintu kioso kiamakixila bakunyi, isanga badi bantu babene ; 6bamatôbôla dia nyinga yebe ku mpala a kikokye ; bobo ndo unabendesa ku lwendo lwabo yi mwendexelu ă Ncembi, unakwenca bimpe ; 7bwalo bwamabatukabo ku mucwe ă Dina, kutena kwangata kintu kudi mabila. 8Mbwôso coco tuxeangata bena noku, bituxeakala basadisañani yi sôsôlwo.
9Nakafundila kikokye diyi ; kate Diotolefe, amananga kwakala ku kidi kia buxi yinabo, kasotwangata. 10Mbwôso, aka ndolwa, nakwela makisa anci lukanyi amakisayi, utwatabakanina ntabakani ya meyi mabi ; mo kasoxikila papo ; mikyenci kasoangata bakunyi, yi bobo baxebangata, yei amabakanda, yi amabatenyeka mu kikokye.
11Munangibwi, kwokodi bubi kate okola kunengela. You encenca kunengela udi munda Ncembi ; you encenca bubi kamoneni Ncembi. 12Demetelio amatôbôlebwa ntôbô kudi bantu boso, yi ku sôsôlwo mikyenci ; yi coco kabidi twatôbôla ntôbô yi wamalubukwa ene, ntôbô yecu idi sôsôlwo.
13Nakadi yi mambi mangi a kukufundila, kate kisokyeba kukufundila yi mai a mukanda yi kaci ; 14-15mo ngwencenca ene, nakukumona mangwoso, yi tunakwambilañana ku mpala. Polo akali yinebe. Bimbila bikwelela môyo. Ela bimbila môyo ku dina ku dina.
Currently Selected:
3 YOANO 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève