1 TESALONIKA 3
3
1MBWÔSO pakadi katubiyi kupudikila kabidi, twakamona loko kuxiyibwa ku Atene, mikyecu batupu, 2yi twakatuma Timoteo, mwakunyecu yi musadi a Ncembi mu losangu lunengela lwa Kalistu, ndo kunusubisayi kunubondabonda bwalo bwa kwetabusa kwenu ; 3bitaxenyingixibwa muntu umoumwe ku maxitu aa ; bwalo bunwalubukwa mikyenu ene, twamanamunibwa kudio. 4Bwalo butwakanudimusa buxi, pakadi tutani yinenu, ene, tuxekwombwexebwa buxitu, bea biamalwa noku, yi nonu nwamalubukwa.
5Mbwôso meme kabidi, panakadi kibiyi kupudikila nyô, nakatuma ene, Ndubukwi kwetabusa kwenu, ximbi ambeci mwelekyexi amanwelekyesa, yi mudimo ěcu uxeakala kanana. 6Kaninga papulwa Timoteo mo nkyekyu kutudi, amancuka kunudi, amatucwadila losangu lunengela lwa kwetabusa kwenu yi lwa nyinga yenu, yi binwamatwela nkanyi matuku moso, nudi mu kukyeba kutumona bea coco kabidi kunumona ; 7mbwôso bakunyi, twamabondebwa ku micwe yenu mu bungi bwa buxitu bwecu, yi mpeya yecu, bwalo bwa kwetabusa kwenu ; 8bwalo bututani yi môyo nkyekyu ndo nonu nwamakwemana mu Fumu bô.
9Tunaxinga Ncembi yi biloba kai ku bwalo bwenu ? ku mucwe ă kiango kioso kitwaxekyelela yinakio ku micwe yenu, ku mpala a Ncembi ecu ; 10tudi mu kulomba kungi kungi yi ku Dutuku yi ku munyinya, bituxelwa mona mpala yenu, yi bituxekukisa kintu kioso kiamasaka mu kwetabusa kwenu.
11Nkyekyu Ncembi ecu yi Tetecu mikyenci, yi Fumwecu Yisu axembeyi ncila ecu a kulwa kunudi ; 12yi Fumu anulundisi yi anulekolesi yi nyinga, muntu mwoso kudi muna kwanci, yi kudi bantu boso, bea bitwakala kabidi yinenu ; 13bixesubisayi micima yenu mu babala utena bwalo bubi, ku mpala a Ncembi Tetecu, ku kilulu kia Fumwecu Yisu yi bantu banci boso ba babala.
Currently Selected:
1 TESALONIKA 3: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
