1 YOANO 5

1MUNTU mwoso amakwetabusa ene, Yisu udi Kalistu, amalelebwa kudi Ncembi ; yi muntu mwoso amananga you ăkalela, amananga kabidi you amalelebwa kudiyi. 2Nako twalubukwa ene, twananga bana ba Ncembi, ndo twamananga Ncembi yi twamanama milangu yenci. 3Kunu kudi nyinga ya Ncembi, ene, twamanama milangu yenci ; yi milangu yenci kayina maxitu. 4Muntu mwoso amalelebwa kudi Ncembi ndo adika loboko bumanya ; yi kunu kudi bumanya bwamadika loboko bumanya, kwetabusa kwecu. 5Ñani you adika loboko bumanya utena you amakwetabusa ene, Yisu udi Mwana a Ncembi ?

6You ndo yei akalwa ku mai yi ku maxi, Yisu Kalistu ; kumoni ku mai kutupu, kate ku mai yi ku maxi. 7Kudi Mwoxixi lolo amatôbôla ntôbô, bwalo budi Mwoxixi sôsôlwo. 8Bobo batôbôla ntôbô badi basatu ; Mwoxixi, yi mai, yi maxi ; yi busatu bwabo badi yi ntôbô umoumwe. 9Ndo twamangata ntôbô ya bantu, ntôbô ya Ncembi yamadika. Kunu kudi ntôbô ya Ncembi yamatôbôlayi dia Mwananci. 10You amakwetabuxila Mwana a Ncembi udi yi ntôbô munda mwanci ; you utasokwetabusa Ncembi amamwenca muna ncimi, bwalo butakwetabuxilayi ntôbô yamatôbôla Ncembi dia Mwananci. 11Kunu lolo kudi ntôbô ene, Ncembi amatupa môyo ă kô kô, yi môyo ou udi munda mwa Mwananci. 12You apwangata Mwana udi yi môyo ; you utena yi Mwana a Ncembi kiena yi môyo.

13Napunufundila bintu bebi binuxelembetela ene, nudi yi môyo ă kô kô, nonu bamakwetabuxila dina dia Mwana a Ncembi.

14Yi kunu kudi mucima utwapwangata ku bwalo bwanci, ene, ndo tumwalomba kintu kioso kiamalelekyela yi nyinga yenci, yei utwombombwa. 15Yi ndo twamalubukwa ene, utwombombwa ku kintu kioso kitwalomba, twalubukwa ene, twapwangata ndombu yitwamamulombela.

16Ndo muntu mwoso amona muna kwanci udi mu kwona kwona kutena kwa lufu, unalomba ; yi unamupa môyo ku bwalo bwa bantu batasokwona kwona kwa lufu. Kwona kudiko kwa lufu ; kisotôya dia koku noku ene, unalomba lulombu. 17Bwalo bwoso butena yi nkwami budi kwona ; yi kwona kudiko kutena kwa lufu.

18Twamalubukwa ene, muntu mwoso amalelebwa kudi Ncembi kasokwona, kate you amalelebwa kudi Ncembi udianama mikyenci, yi you a bubi kasomubaka kianca. 19Twalubukwa ene, tudi bena Ncembi, yi loboko buncima bwalu lwamalala mu you a bubi. 20Yi twalubukwa ene, Mwana a Ncembi amalwa, yi amatupa lukanyi, bituxelubukwa you udi sôsôlwo ; yi tudi munda mwanci mwa you udi sôsôlwo, mwa Mwananci Yisu Kalistu. Yei ndo Ncembi a sôsôlwo yi môyo ă kô kô. 21Bana, nudinami mikyenu ku ngixi

Currently Selected:

1 YOANO 5: Luna_NT

Highlight

Copy

Compare