उत्पत्ति 17
17
खतना यो वाचा को चिन्ह हइ
1जब अब्राम निन्यानवे साल को हुय गयो, तब परमेश्वर ने ओ खे दर्शन दि खे बोल्यो, “मी सर्वशक्तिमान परमेश्वर आय; मरी उपस्थिति मे चल अरु सिद्ध होतो जा. 2मी तरा साथ वाचा बाँध्यु, अरु तरा कुल खे भोत ही बडायु.” 3तब अब्राम मुंडा का बल गिर्यो अरु परमेश्वर ओकासे या बातहोन करतो गयो, 4“देख, मरी वाचा तरा साथ बांधी र्हिये, येकालिए तू जातहोन का समूह को मूलपिता हो जाएगा. 5येकालिये अब से तेरो नाम अब्राम नी रिये परन्तु तरो नाम अब्राहम हुये; क्युकि मेने तो खे जातिहोन का समूह को मूलबाप ठैर्ये दियो हइ. #17:5 रोम 4:17 6मी तो खे भोत फलवन्त कर्यु, अरु तो खे जाति-जाति को मूल बनैय दियुँ, अरु तरा कुल मे राजो पैदा हुये. 7अरु मी तरा साथ, अरु तरा पीढी-पीढी तक तरा कुल का साथ भी युग-युग की वाचा बाँधुस हइ, कि मी तरो अरु तरा बाद तरा कुल को भी परमेश्वर र्हियु.#17:7 लुक 1:55 8अरु मी तो खे, अरु तरा बाद तरा कुल खे भी, यो पुरो कनान देश, जेमे तू परदेशी हुय खे र्हेस हइ, यो तरहा दियु कि उ युग-युग उनकी निज भूमि र्हिये, अरु मी उनको परमेश्वर हुय जायु.”#17:8 प्रेरीत 7:5 9फिर परमेश्वर ने अब्राहम से बोल्यो, “तू भी मरा साथ बाँधी हुय वाचा को पालन करनु; तू अरु तरा बाद तरो कुल भी अपनी-अपनी पीढी मे ओको पालन कर्ये. 10मरा साथ बाँधी हुय वाचा, जेको पालन तो खे अरु तरा बाद तरो कुल खे करनो पड्ये, उ यो हइ: तुम मे से एक-एक इन्सान को खतनो कर्यो जाये.#17:10 रोम 4:11 प्रेरीत 7:8 11तुम अपनी-अपनी खलड़ी को खतनो कर्ये लेनु: जो वाचा मरा अरु तुम्हारा बीच मे हइ, ओको योही चिन्ह हुये. 12पीढी-पीढी मे फक्त तरो कुल ही का इन्सान नी पर जो तरा घर मे पैदा हुया हों, अथवा परदेशिहोन खे रुप्या दि खे मोल लिया जाये, असा सब इन्सान भी जब आठ दिन का हुय जाएँ, तब उनको खतनो कर्या जाये. 13जो तरा घर मे पैदा हुया, अथवा तरा रुप्या से मोल लिया जाये, ओको खतनो जरुरी ही कर्या जाये; यो प्रकार मरी वाचा जेको चिन्ह तुम्हारा आंग मे हुये उ युग-युग र्हिये. 14जो इन्सान खतना बिना र्हिये, अर्थात् जेको खलड़ी को खतनो नी हुये, उ जनवर अपना इन्सानहोन मे से खत्म कर्यो जाये, क्युकि ओने मरा साथ बाँधी हुय वाचा खे तोडी दि.”
15फिर परमेश्वर ने अब्राहम से बोल्यो, “तरी जो लुगय सारा#17:15 सारा राजमाता हइ, ओ खे तू अब सारा नी बोलनु, ओको नाम सारा हुये. 16मी ओ खे आशिर्वाद दियु, अरु तो खे ओका वजेसे एक बेटो दियु; अरु मी ओ खे असो आशिर्वाद दियु, कि वा जात-जात की मूलमाता हुय जाये; अरु ओका कुल मे राज्य-राज्य का राजा पैदा हुये.” 17तब अब्राहम मुडा का बल गिर पड्यो अरु हस्यो, अरु मन ही मन बोलन लग्यो, “का सौ साल का इन्सान खे भी सन्तान हुये अरु का सारा जो नब्बे साल की हइ बेटो जन्ये?” 18अरु अब्राहम ने परमेश्वर से बोल्यो, “इश्माएल तरा नजर मे बन्यो रिये! योहि बहुत हइ.” 19तब परमेश्वर ने बोल्यो, “निश्चय तरी लुगय सारा खे तरा से एक बेटो पैदा हुये; अरु तू ओको नाम इसहाक #17:19 इसहाक वह हसता हैरखनु; अरु मी ओका साथ असी वाचा बाँध्युँ जो ओका बाद ओका कुल का लिये युग-युग की वाचा हुये. 20इश्माएल का बारे मे भी मेने तरी सुनी हइ; मी ओ खे भी आशिर्वाद दियु, अरु ओ खे फलवन्त कर्यु अरु भोत ही बड्ये दियु; ओकासे बारा प्रधान पैदा हुये, अरु मी ओकासे एक बड़ी जाति बनायुँ. 21पर मी अपनी वाचा इसहाक ही का साथ बाँधु जो सारा से अगला साल को यो चुन्या टेंम मे पैदा हुये.” 22तब परमेश्वर ने अब्राहम से बातहोन करनो बन्द करी अरु ओका पास से उपर चडी गयो. 23तब अब्राहम ने अपना बेटा इश्माएल खे लियो अरु, ओका घर मे जेत्ता पैदा हुया, अरु जेत्ता ओका रुप्या से मोल लिया गया था, अर्थात् ओका घर मे जेत्ता इन्सान था, उन सभी खे लि खे उय दिन परमेश्वर का वचन का अनुसार उनकी खलड़ी को खतनो कर्यो. 24जब अब्राहम को खतनो हुयो तब उ निन्यानबे साल को थो. 25अरु जब ओको बेटो इश्माएल को खतनो हुयो तब उ तेरा साल को थो. 26अब्राहम अरु ओको बेटा इश्माएल दोय को खतनो एक ही दिन हुयो. 27अरु ओका घर मे जेत्ता इनसान था जो घर मे पैदा हुया, तथा जो परदेशिहोन का हाथ से मोल लिया गया था, सब को खतनो ओका साथ ही हुयो.
Currently Selected:
उत्पत्ति 17: Gnn25
Highlight
Copy
Compare
Share
Want to have your highlights saved across all your devices? Sign up or sign in
The Gowlan Bible ©The Word for the World International and Gawlan Translation Samiti, Telkhar, Maharashtra, India, 2025.
