ZEKARIYA 14
14
Yerusalemu nifikolo fya bandu
1Akabalilo kasegelile apa Untwa isakwitugasya pa bulongelo. Po lelo aba mu Yerusalemu abandu bisakubapupa ifindu fyabo; abene bisakuyabanaga bomukuketa namaso ginu. 2Untwa isakufibungania ifikolo fyosa fya bandu ukwisa kukulwa ubwite na ba mu Yerusalemu, bisakupoka akaya ka Yerusalemu, nukupupa ifi filimo nnyumba, kangi abanyambala bisakubakolaga pa maka itolo abakikulu. Abandu hafu bisakukoligwaga ukubuka mbutumwa, loli abangi bosa nkaya kala batisa kukoligwaga mma nukutwaligwa mbutumwa. 3Po lelo Untwa isakusoka nukwakulwa nifikolo fya bandu bala, bo mumo abombelaga ntubalilo twa mbukulu.
4Pa kabalilo kala, po umwene isakwima pa Kyamba kya Misyunguti, ku busokelo isuba bwa kaya ka Yerusalemu. Po Ikyamba kya Misyunguti kisa kutapukana pabili nikikoga ikinywamu ukufuma kubusokelo ilisuba nukwakufika kubwingililo ilisuba. Hafu gwa kyamba kila kisakulabila ku lubafu lwa kululu, kangi hafu unnine isakulabila kulubafu lwa kwitongo. 5Mwisakuponela nkikoga kikiki iki kikwenda pakati pa kyamba ukwakufika ku lubafu ulungi. Mwise mubopege bo mumo babombile abisukulu binu lula akasenyenda kisege nkabalilo ka Uziya umalafyale gwa kisu kya Yuda. Po lelo Untwa Kyala gwangu isakwisa palikimo na bandumi bake.
6Bo kisile akabalilo kala, poyitisa kuyangako kangi imbepo pamo imbepo iyi yikukaka, 7nalinga yo ngisi. Gwisakuyaga musi itolo bwila kangi napakilo. Akabalilo aka sisakuyangako sisisi, ko akamenye yu Ntwa.
8 #
Eze 47.1; Yoh 7.38; Buset 22.1 Bo kisile akabalilo kala, po amisi amanunu gisakwendaga ukufuma mu Yerusalemu, gisakutapukana pakati, gamo gisakulabilaga ku Nyanja ya Munyu, agangi gisakulabilaga ku Nyanja Ingulumba. Ulusoko lululu lwisakwendaga ikyinja kyosa. 9Po lelo Untwa Kyala isakuyaga yo malafyale gwa kisu kyosa kya pasi, umundu gwesa isakumbungulukilaga yuyo kangi isakummanyaga Kyala ukuya yo yu Kyala mwene.
10Ikisu kyosa ukufuma nkaya ka Geba kululu, ukwakufika kwitongo nkaya ka Rimoni, kisakuya kisu kitengamu. Akaya ka Yerusalemu kisakwinukaga pamwanya pa kisu kyosa iki kikasyungutile. Akaya ka Yerusalemu kisakwisula nabandu ukwanda pa kipata kya Benjamini, ukwakufika pa kipata kya pa nguto apa kyayangapo ikipata ikitasi, kangi ukwanda pa ngasya ya Hananeli, ukwakufika kuno bikukamila amafilu ga malafyale. 11#Buset 22.3Abandu ba mumo bisakwitugalaga ndutengano, sitisa kuyako kangi isya kubogofya nulupalaganiko.
12Untwa isakutwala imbungo imbalapala pa bandu ba fikolo fyosa aba bikulwa ubwite naba nkaya ka Yerusalemu. Imibili gyabo gisakubolaga bo abene bakali bumi, amaso gabo gisakubolaga palikimo nindimi syabo.
13Pakabalilo kala, po Untwa Kyala isakubingisya mbufwalanganifu nandutende, apa umundu gwesa isakunsambukilaga umpalamani gwake nukulwa nagwe.
14Aba nkisu kya Yuda bisakulwaga ubwite ukuti bakapoke akaya ka Yerusalemu ku ba lugu. Ikyuma kya fikolo fyosa: golide, siliva nimyenda gi mingi itolo fyo fisakuyaga fipupilwa fyabo.
15Imbungo imbalapala yisakusikolaga ifalasi syabo, inumbu syabo, ingamila nimbunda syabo, kangi nifitimigwa fyosa ifi bali nafyo mmasasa gabo. 16#Levi 23.39-43Po lelo bosa aba basyeleko mfikolo fya bandu aba balwaga naba mu Yerusalemu, bisakubukaga mumo ikyinja nikyinja nukumbungulukila Untwa Umwenemaka gosa ukuti yo yu malafyale, kangi bisakuyaga nikyaka kya masasa, po bope bisakukoligwaga nimbungo yilayila.
17Linga ikikolo kimo kikukana ukubukako nukwakumbungulukila Untwa Kyala Umwenemaka gosa ukuya yo yu malafyale, po lelo ifula yitisa kutimangamo nkisu kila.
18Linga aba nkisu kya Egiputi bikukana ukwakuya nikyaka kya masasa, po bope bisakukoligwaga nimbungo yilayila iyi Untwa isakutumaga pa fikolo ifi fikukana ukubukako. 19Lululu lo lwisa kuya lufundo lwa kisu kya Egiputi nifikolo fyosa ifingi linga fitikuya nifyaka fya masasa.
20Pa kabalilo kala po na ga mabangala aga sikufwala ifalasi bisakusimbangapo amasyu agakuti, “Nsunguligwa ku Ntwa.” 21Syosa indeko syakupiyilamo mu Yerusalemu na nkisu kyosa kya Yuda bisakusisungulaga ukuya fibombelo fya mbombo ya lwiputo ku Ntwa Umwenemaka gosa. Abandu aba ikwikemesya amakemo bo bisakubombelaga indeko sila ukupiyilamo inyama ya makemo. Pa kabalilo kala, po atisakuyamo yumo ugwakubomba isya kyusi nnyumba ya Ntwa Kyala Umwenemaka gosa.
Currently Selected:
ZEKARIYA 14: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
ZEKARIYA 14
14
Yerusalemu nifikolo fya bandu
1Akabalilo kasegelile apa Untwa isakwitugasya pa bulongelo. Po lelo aba mu Yerusalemu abandu bisakubapupa ifindu fyabo; abene bisakuyabanaga bomukuketa namaso ginu. 2Untwa isakufibungania ifikolo fyosa fya bandu ukwisa kukulwa ubwite na ba mu Yerusalemu, bisakupoka akaya ka Yerusalemu, nukupupa ifi filimo nnyumba, kangi abanyambala bisakubakolaga pa maka itolo abakikulu. Abandu hafu bisakukoligwaga ukubuka mbutumwa, loli abangi bosa nkaya kala batisa kukoligwaga mma nukutwaligwa mbutumwa. 3Po lelo Untwa isakusoka nukwakulwa nifikolo fya bandu bala, bo mumo abombelaga ntubalilo twa mbukulu.
4Pa kabalilo kala, po umwene isakwima pa Kyamba kya Misyunguti, ku busokelo isuba bwa kaya ka Yerusalemu. Po Ikyamba kya Misyunguti kisa kutapukana pabili nikikoga ikinywamu ukufuma kubusokelo ilisuba nukwakufika kubwingililo ilisuba. Hafu gwa kyamba kila kisakulabila ku lubafu lwa kululu, kangi hafu unnine isakulabila kulubafu lwa kwitongo. 5Mwisakuponela nkikoga kikiki iki kikwenda pakati pa kyamba ukwakufika ku lubafu ulungi. Mwise mubopege bo mumo babombile abisukulu binu lula akasenyenda kisege nkabalilo ka Uziya umalafyale gwa kisu kya Yuda. Po lelo Untwa Kyala gwangu isakwisa palikimo na bandumi bake.
6Bo kisile akabalilo kala, poyitisa kuyangako kangi imbepo pamo imbepo iyi yikukaka, 7nalinga yo ngisi. Gwisakuyaga musi itolo bwila kangi napakilo. Akabalilo aka sisakuyangako sisisi, ko akamenye yu Ntwa.
8 #
Eze 47.1; Yoh 7.38; Buset 22.1 Bo kisile akabalilo kala, po amisi amanunu gisakwendaga ukufuma mu Yerusalemu, gisakutapukana pakati, gamo gisakulabilaga ku Nyanja ya Munyu, agangi gisakulabilaga ku Nyanja Ingulumba. Ulusoko lululu lwisakwendaga ikyinja kyosa. 9Po lelo Untwa Kyala isakuyaga yo malafyale gwa kisu kyosa kya pasi, umundu gwesa isakumbungulukilaga yuyo kangi isakummanyaga Kyala ukuya yo yu Kyala mwene.
10Ikisu kyosa ukufuma nkaya ka Geba kululu, ukwakufika kwitongo nkaya ka Rimoni, kisakuya kisu kitengamu. Akaya ka Yerusalemu kisakwinukaga pamwanya pa kisu kyosa iki kikasyungutile. Akaya ka Yerusalemu kisakwisula nabandu ukwanda pa kipata kya Benjamini, ukwakufika pa kipata kya pa nguto apa kyayangapo ikipata ikitasi, kangi ukwanda pa ngasya ya Hananeli, ukwakufika kuno bikukamila amafilu ga malafyale. 11#Buset 22.3Abandu ba mumo bisakwitugalaga ndutengano, sitisa kuyako kangi isya kubogofya nulupalaganiko.
12Untwa isakutwala imbungo imbalapala pa bandu ba fikolo fyosa aba bikulwa ubwite naba nkaya ka Yerusalemu. Imibili gyabo gisakubolaga bo abene bakali bumi, amaso gabo gisakubolaga palikimo nindimi syabo.
13Pakabalilo kala, po Untwa Kyala isakubingisya mbufwalanganifu nandutende, apa umundu gwesa isakunsambukilaga umpalamani gwake nukulwa nagwe.
14Aba nkisu kya Yuda bisakulwaga ubwite ukuti bakapoke akaya ka Yerusalemu ku ba lugu. Ikyuma kya fikolo fyosa: golide, siliva nimyenda gi mingi itolo fyo fisakuyaga fipupilwa fyabo.
15Imbungo imbalapala yisakusikolaga ifalasi syabo, inumbu syabo, ingamila nimbunda syabo, kangi nifitimigwa fyosa ifi bali nafyo mmasasa gabo. 16#Levi 23.39-43Po lelo bosa aba basyeleko mfikolo fya bandu aba balwaga naba mu Yerusalemu, bisakubukaga mumo ikyinja nikyinja nukumbungulukila Untwa Umwenemaka gosa ukuti yo yu malafyale, kangi bisakuyaga nikyaka kya masasa, po bope bisakukoligwaga nimbungo yilayila.
17Linga ikikolo kimo kikukana ukubukako nukwakumbungulukila Untwa Kyala Umwenemaka gosa ukuya yo yu malafyale, po lelo ifula yitisa kutimangamo nkisu kila.
18Linga aba nkisu kya Egiputi bikukana ukwakuya nikyaka kya masasa, po bope bisakukoligwaga nimbungo yilayila iyi Untwa isakutumaga pa fikolo ifi fikukana ukubukako. 19Lululu lo lwisa kuya lufundo lwa kisu kya Egiputi nifikolo fyosa ifingi linga fitikuya nifyaka fya masasa.
20Pa kabalilo kala po na ga mabangala aga sikufwala ifalasi bisakusimbangapo amasyu agakuti, “Nsunguligwa ku Ntwa.” 21Syosa indeko syakupiyilamo mu Yerusalemu na nkisu kyosa kya Yuda bisakusisungulaga ukuya fibombelo fya mbombo ya lwiputo ku Ntwa Umwenemaka gosa. Abandu aba ikwikemesya amakemo bo bisakubombelaga indeko sila ukupiyilamo inyama ya makemo. Pa kabalilo kala, po atisakuyamo yumo ugwakubomba isya kyusi nnyumba ya Ntwa Kyala Umwenemaka gosa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.