Matai 5
5
Ubulumbilili bwa pakyamba
(Luk 6.20-23)
1Umwene Yesu bo afibwene ifilundilo, alinkufyuka pakyamba; lelo bo atugesye pasi, abafundigwa bake balinkwisa kumyake. 2Popapo alinkwanda ukubamanyisya, alinkubabula alinkuti:
3“Basayigwa ababimenye ubulondo mumbepo iya nkati;
buno bo ubutwa bwa kumwanya bwabo.
4 #
Yes 61.2 Basayigwa aba bikusulumania;
buno bo Kyala isa kubasubisyaga.
5 #
Salimo 37.11
Basayigwa abatengamoyo;
buno bo bisakukingilangapo ikisu.
6 #
Yes 55.1-2
Basayigwa aba bali ninjala nikyumilwa kya bugolofu;
buno bo bisakwikutaga.
7Basayigwa abakibabilisi;
buno bo bisakukyagaga ikibabilisi.
8 #
Salimo 24.3-4
Basayigwa abelu mundumbula;
buno bo bisakunketaga Kyala.
9Basayigwa abapelalutengano;
buno bo bisakuyobigwaga ukuyabana ba Kyala.
10 #
1 Pet 3.14
Basayigwa aba bikufwimigwaga panongwa ya bugolofu;
buno bo ubutwa bwa kumwanya bwabo.
11 #
1 Pet 4.14 “Muli Basayigwa linga abandu bikubatuka nukubafwima, nukubatungulupila imbibi syosa panongwa yangu. 12#2 Syambu 36.16; Imbo 7.52 Amusekelege mululutilege, buno ifya kubahomba umwe fingi kumwanya; namanga mo mumo babafwimilaga abasololi, aba baliko bo mukali nanumwe.
Isyamunyu nisya lumuli
(Mar 4.21; 9.50; Luk 8.16; 11.33; 14.34-35)
13“Umwe muli munyu gwa kisu; loli linga umunyu gusukile, kali fiyepo fikufya kugupelela ubukali? Bo gukayanimbombo na yimo, loli kwene kukutagigwa panja ukuti abandu bagukanyege itolo. 14#Yoh 8.12; 9.5Umwe muli lumuli lwa kisu. Akaya aka kali pamwanya pakyambakakabagila ukwibilila; 15#Mar 4.21; Luk 8.16; 11.33kangi nayumo atikukolesyamo inyale nukuyibika kusi kukitundu, loli pamwanya pakikolelanyale; lelo po yikubamulika bosa aba balimo nnyumba. 16#1 Pet 2.12Bo lwakege bunobuno ulumuli lwinu nkyeni mbandu, ukuti basibonege imbombo syinu inunu, po bende nukuntufya uGwisemwe uyu ali kumwanya.
Ukumanyisya isya ndagilo
17“Munginogonaga ukuti nisile nkomola indagilo sya Mose pamo inongwa sya basololi; mma, ngisa nkomola, loli nisile nkusimalisya. 18#Luk 16.17Naloli nikubabula une nikuti, ukufika papo ikya kumwanya nikya pasi fisakuyongaga, katisakomokako nakamo akanandi pamo akakusulo ka mundagilo, ukwakufika papo syosa sisakumalikilaga. 19Buno uyu linga ikukafuya kamo ntukomelesyo utunandi utu nukubamanyisya abandu ukufuya, isakubilikiligwaga ukuya yo nnandi kuli bosa mbutwa bwa kumwanya. Loli uyu linga ikusibomba nukumanyisya, yo isakubilikiligwaga ukuya nkulumba mbutwa bwa kumwanya. 20Bunoni kubabula umwe nikuti, linga ubugolofu bwinu butikubukinda ubwa bamanyandagilo nubwa baFarisai, mutisakwingilamo siku mbutwa bwa kumwanya.
Ukumanyisya nisya bukalale
(Luk 12.57-59)
21 #
Kuso 20.13; Kukumbu 5.17 “Mupilike ukuti, abambukulu babuligwe ukuti, ‘Ungagogaga, kangi uyu linga ikugoga, yo gwa kulongigwa.’ 22Une loli nikubabula nikuti, gwesa uyu linga ikunkalalila ugwamyabo, yo gwa kulongigwa; uyu linga ikunjoba ugwamyabo ikuti, ‘Gwe gwa itolo ugwe,’ yo gwa kulongigwa pabulongelo; uyu linga ikuntuka ugwamyabo ikuti, ‘Gwe ikonyofu ugwe,’ bo gwa kusopigwa muGehena yamoto. 23Bunobuno linga kutwala ifyabupefyako pabwikemekesyo, lelo palapala gwage kukumbuka ukuti ugwamyinu ali nasyo simo isi akindene nanugwe, 24po ufilekege papo ifyabupe fyako nkyeni mbwikemekesyo, ubukege tasi kukusayana nugwamyinu, po lelo gwisege nukufitwala ifyabupe fyako. 25Gwitikane mbibimbibi nugwa nongwa yako bomukali mulimwesa munjila; ukuti ugwa nongwa yako angisakukubika kundongi, yope nundongi akubike kunsikali, po gwende nukutagigwa munyumba ya bannyololo. 26Naloli nikukubula une nikuti, utisakusokamo siku mumo bo ukahomba akatalama aka bumalikisyo.
Ulumanyisyo pa sya bulogwe
27 #
Kuso 20.14; Kukumbu 5.18 “Mupilike ukuti, liyobigwe ilyakuti, ‘Ungalogwaga.’ 28Une loli nikubabula nikuti, gwesa uyu linga ikunketela unkikulumbunyonywe bwabulogwe, bo alogilwe nagwe mundumbula yake. 29#Mat 18.9; Mar 9.47Lingaikisige kyako ikya kukililo kikukusofya, fyula ukitage; namanga kununupo ukusitakuya nakambakasya kamo, ukukinda ukuti umbili gwako gosa gusopigwege muGehena. 30#Mat 18.8; Mar 9.43Kangi linga ikiboko kyako ikililo kikukusofya, tumula ukitage; namanga kununupo ukusitakuya nakambakasya kamo, ukukinda ukuti umbili gwako gosa gusopigwege muGehena.
Ulumanyisyo kuli aba bikulekana mbwegi
(Mat 19.9; Mar 10.11-12; Luk 16.18)
31 #
Kukumbu 24.1-4; Mat 19.7; Mar 10.4 “Kangi lyayobigwe ilya kuti, ‘Gwesa uyu linga ikulekana nunkasi, fikuti ampege kalata gwa kulekana.’ 32#Mat 19.9; Mar 10.11-12; Luk 16.18; 1 Kor 7.10-11Une loli nikubabula nikuti, gwesa uyu linga ikulekana nunkasi, bo akatulamo inongwa ya bulogwe, bo ampelile ukuya ndogwe. Kangi uyu linga ikumwega unkikulu uyu alekigwe, bo ikulogwa.
Ukumanyisya pa sya lufingo
33 #
Levi 19.12; Kuba 30.2; Kukumbu 23.21 “Kangi mupilike ukuti abambukulu babuligwe ukuti, ‘Ungomolaga isi linga ufingile, loli isi ufingile kuNtwa syo usibombege.’ 34#Yak 5.12; Yes 66.1; Mat 23.22Une loli nikubabula ukuti, komma ukulapa apa linga kufinga ulufingo; komma ukulapa nukusosola ku kumwanya, buno kyo kikota kya butwa kya Kyala; 35#Yes 66.1; Salimo 48.2komma ukuyiganikila na kukisu, papo ko kakota ka kubikapo amalundi gake; komma ukulapa na kukaya ka Yerusalemu, papo ko kaya ka Ntwa unkulumba; 36komma nukulapa kuntu gwako, papo ukamanya ukulupela ulunywililumo ukuyalwelu pamo lutitu. 37Loli ilisyu lyinu ilya ‘ena’ ayege yo ‘ena’, ilya ‘mma’ ayege yo ‘mma’; aga kongelapo pali aga gikufuma kumbibi.
Isya lubukisyo
(Luk 6.29-30)
38 #
Kuso 21.24; Levi 24.20; Kukumbu 19.21 “Mupilike ukuti, liyobigwe ilya kuti, ‘Pakisige mupyanikisyengepo kikisige, pope na palino mupyanikisyengepoli lino.’ 39Une loli nikubabula ukuti, komma ukulwa numbibi; loli uyu linga ikukukoma palusaya ulwa kukililo, unsanukisyege lope nulunine. 40Uyu linga ikulonda ukukutwala pabulongi ukuti ege unselekesye gwako, undekelege na kikilundo. 41Uyu linga ikukufimbilisya ukwenda injila ya kilomita yumo, gwendege nagwe amakilomita mabili. 42Uyu linga ikukusuma, yo umpege; kangi uyu linga ikulonda ukukopa kumyako, yo ungansindaga inyuma.
Ukubagana abalugu
(Luk 6.27-28,32-36)
43 #
Levi 19.18
“Mupilike ukuti, liyobigwe ilya kuti, ‘Unganege unnino, umbengege undugu gwako.’ 44Une loli nikubabula nikuti, amubaganege abalugu binu, nukubiputila aba bikubafwima; 45ukutimuyege bana ba Gwisemwe uyu ali kumwanya, buno ilisubalyake likubabalila ababibi nabanunu, kangi ikubatimikisya ifula abagolofu nababomba mbibi. 46A pene linga mubaganile aba babaganile umwe, bo mukabile fiki? Abene abasongesyasongo batikubomba bunobuno? 47Kangi linga mukubaponia ba bamyinu bene, bo mubombile kaliku akakinde? Abene abapanja batikubomba bo bunobuno? 48#Levi 19.2; Kukumbu 18.13Popapo lelo amuyege bapelelesye itolo, bo apa yope nuGwisemwe kumwanya mpelelesye itolo.
Currently Selected:
Matai 5: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
Matai 5
5
Ubulumbilili bwa pakyamba
(Luk 6.20-23)
1Umwene Yesu bo afibwene ifilundilo, alinkufyuka pakyamba; lelo bo atugesye pasi, abafundigwa bake balinkwisa kumyake. 2Popapo alinkwanda ukubamanyisya, alinkubabula alinkuti:
3“Basayigwa ababimenye ubulondo mumbepo iya nkati;
buno bo ubutwa bwa kumwanya bwabo.
4 #
Yes 61.2 Basayigwa aba bikusulumania;
buno bo Kyala isa kubasubisyaga.
5 #
Salimo 37.11
Basayigwa abatengamoyo;
buno bo bisakukingilangapo ikisu.
6 #
Yes 55.1-2
Basayigwa aba bali ninjala nikyumilwa kya bugolofu;
buno bo bisakwikutaga.
7Basayigwa abakibabilisi;
buno bo bisakukyagaga ikibabilisi.
8 #
Salimo 24.3-4
Basayigwa abelu mundumbula;
buno bo bisakunketaga Kyala.
9Basayigwa abapelalutengano;
buno bo bisakuyobigwaga ukuyabana ba Kyala.
10 #
1 Pet 3.14
Basayigwa aba bikufwimigwaga panongwa ya bugolofu;
buno bo ubutwa bwa kumwanya bwabo.
11 #
1 Pet 4.14 “Muli Basayigwa linga abandu bikubatuka nukubafwima, nukubatungulupila imbibi syosa panongwa yangu. 12#2 Syambu 36.16; Imbo 7.52 Amusekelege mululutilege, buno ifya kubahomba umwe fingi kumwanya; namanga mo mumo babafwimilaga abasololi, aba baliko bo mukali nanumwe.
Isyamunyu nisya lumuli
(Mar 4.21; 9.50; Luk 8.16; 11.33; 14.34-35)
13“Umwe muli munyu gwa kisu; loli linga umunyu gusukile, kali fiyepo fikufya kugupelela ubukali? Bo gukayanimbombo na yimo, loli kwene kukutagigwa panja ukuti abandu bagukanyege itolo. 14#Yoh 8.12; 9.5Umwe muli lumuli lwa kisu. Akaya aka kali pamwanya pakyambakakabagila ukwibilila; 15#Mar 4.21; Luk 8.16; 11.33kangi nayumo atikukolesyamo inyale nukuyibika kusi kukitundu, loli pamwanya pakikolelanyale; lelo po yikubamulika bosa aba balimo nnyumba. 16#1 Pet 2.12Bo lwakege bunobuno ulumuli lwinu nkyeni mbandu, ukuti basibonege imbombo syinu inunu, po bende nukuntufya uGwisemwe uyu ali kumwanya.
Ukumanyisya isya ndagilo
17“Munginogonaga ukuti nisile nkomola indagilo sya Mose pamo inongwa sya basololi; mma, ngisa nkomola, loli nisile nkusimalisya. 18#Luk 16.17Naloli nikubabula une nikuti, ukufika papo ikya kumwanya nikya pasi fisakuyongaga, katisakomokako nakamo akanandi pamo akakusulo ka mundagilo, ukwakufika papo syosa sisakumalikilaga. 19Buno uyu linga ikukafuya kamo ntukomelesyo utunandi utu nukubamanyisya abandu ukufuya, isakubilikiligwaga ukuya yo nnandi kuli bosa mbutwa bwa kumwanya. Loli uyu linga ikusibomba nukumanyisya, yo isakubilikiligwaga ukuya nkulumba mbutwa bwa kumwanya. 20Bunoni kubabula umwe nikuti, linga ubugolofu bwinu butikubukinda ubwa bamanyandagilo nubwa baFarisai, mutisakwingilamo siku mbutwa bwa kumwanya.
Ukumanyisya nisya bukalale
(Luk 12.57-59)
21 #
Kuso 20.13; Kukumbu 5.17 “Mupilike ukuti, abambukulu babuligwe ukuti, ‘Ungagogaga, kangi uyu linga ikugoga, yo gwa kulongigwa.’ 22Une loli nikubabula nikuti, gwesa uyu linga ikunkalalila ugwamyabo, yo gwa kulongigwa; uyu linga ikunjoba ugwamyabo ikuti, ‘Gwe gwa itolo ugwe,’ yo gwa kulongigwa pabulongelo; uyu linga ikuntuka ugwamyabo ikuti, ‘Gwe ikonyofu ugwe,’ bo gwa kusopigwa muGehena yamoto. 23Bunobuno linga kutwala ifyabupefyako pabwikemekesyo, lelo palapala gwage kukumbuka ukuti ugwamyinu ali nasyo simo isi akindene nanugwe, 24po ufilekege papo ifyabupe fyako nkyeni mbwikemekesyo, ubukege tasi kukusayana nugwamyinu, po lelo gwisege nukufitwala ifyabupe fyako. 25Gwitikane mbibimbibi nugwa nongwa yako bomukali mulimwesa munjila; ukuti ugwa nongwa yako angisakukubika kundongi, yope nundongi akubike kunsikali, po gwende nukutagigwa munyumba ya bannyololo. 26Naloli nikukubula une nikuti, utisakusokamo siku mumo bo ukahomba akatalama aka bumalikisyo.
Ulumanyisyo pa sya bulogwe
27 #
Kuso 20.14; Kukumbu 5.18 “Mupilike ukuti, liyobigwe ilyakuti, ‘Ungalogwaga.’ 28Une loli nikubabula nikuti, gwesa uyu linga ikunketela unkikulumbunyonywe bwabulogwe, bo alogilwe nagwe mundumbula yake. 29#Mat 18.9; Mar 9.47Lingaikisige kyako ikya kukililo kikukusofya, fyula ukitage; namanga kununupo ukusitakuya nakambakasya kamo, ukukinda ukuti umbili gwako gosa gusopigwege muGehena. 30#Mat 18.8; Mar 9.43Kangi linga ikiboko kyako ikililo kikukusofya, tumula ukitage; namanga kununupo ukusitakuya nakambakasya kamo, ukukinda ukuti umbili gwako gosa gusopigwege muGehena.
Ulumanyisyo kuli aba bikulekana mbwegi
(Mat 19.9; Mar 10.11-12; Luk 16.18)
31 #
Kukumbu 24.1-4; Mat 19.7; Mar 10.4 “Kangi lyayobigwe ilya kuti, ‘Gwesa uyu linga ikulekana nunkasi, fikuti ampege kalata gwa kulekana.’ 32#Mat 19.9; Mar 10.11-12; Luk 16.18; 1 Kor 7.10-11Une loli nikubabula nikuti, gwesa uyu linga ikulekana nunkasi, bo akatulamo inongwa ya bulogwe, bo ampelile ukuya ndogwe. Kangi uyu linga ikumwega unkikulu uyu alekigwe, bo ikulogwa.
Ukumanyisya pa sya lufingo
33 #
Levi 19.12; Kuba 30.2; Kukumbu 23.21 “Kangi mupilike ukuti abambukulu babuligwe ukuti, ‘Ungomolaga isi linga ufingile, loli isi ufingile kuNtwa syo usibombege.’ 34#Yak 5.12; Yes 66.1; Mat 23.22Une loli nikubabula ukuti, komma ukulapa apa linga kufinga ulufingo; komma ukulapa nukusosola ku kumwanya, buno kyo kikota kya butwa kya Kyala; 35#Yes 66.1; Salimo 48.2komma ukuyiganikila na kukisu, papo ko kakota ka kubikapo amalundi gake; komma ukulapa na kukaya ka Yerusalemu, papo ko kaya ka Ntwa unkulumba; 36komma nukulapa kuntu gwako, papo ukamanya ukulupela ulunywililumo ukuyalwelu pamo lutitu. 37Loli ilisyu lyinu ilya ‘ena’ ayege yo ‘ena’, ilya ‘mma’ ayege yo ‘mma’; aga kongelapo pali aga gikufuma kumbibi.
Isya lubukisyo
(Luk 6.29-30)
38 #
Kuso 21.24; Levi 24.20; Kukumbu 19.21 “Mupilike ukuti, liyobigwe ilya kuti, ‘Pakisige mupyanikisyengepo kikisige, pope na palino mupyanikisyengepoli lino.’ 39Une loli nikubabula ukuti, komma ukulwa numbibi; loli uyu linga ikukukoma palusaya ulwa kukililo, unsanukisyege lope nulunine. 40Uyu linga ikulonda ukukutwala pabulongi ukuti ege unselekesye gwako, undekelege na kikilundo. 41Uyu linga ikukufimbilisya ukwenda injila ya kilomita yumo, gwendege nagwe amakilomita mabili. 42Uyu linga ikukusuma, yo umpege; kangi uyu linga ikulonda ukukopa kumyako, yo ungansindaga inyuma.
Ukubagana abalugu
(Luk 6.27-28,32-36)
43 #
Levi 19.18
“Mupilike ukuti, liyobigwe ilya kuti, ‘Unganege unnino, umbengege undugu gwako.’ 44Une loli nikubabula nikuti, amubaganege abalugu binu, nukubiputila aba bikubafwima; 45ukutimuyege bana ba Gwisemwe uyu ali kumwanya, buno ilisubalyake likubabalila ababibi nabanunu, kangi ikubatimikisya ifula abagolofu nababomba mbibi. 46A pene linga mubaganile aba babaganile umwe, bo mukabile fiki? Abene abasongesyasongo batikubomba bunobuno? 47Kangi linga mukubaponia ba bamyinu bene, bo mubombile kaliku akakinde? Abene abapanja batikubomba bo bunobuno? 48#Levi 19.2; Kukumbu 18.13Popapo lelo amuyege bapelelesye itolo, bo apa yope nuGwisemwe kumwanya mpelelesye itolo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.