Epesus 6
6
Hubungan halo kawan anggota awu kobian
6:1-9
1Ma kokon anak akuh mantun: Ikan sobulih nuhit dulun ongkome nyan ponah Tuhan. Iyohboh cara bolum co buah. 2Nyan Surat Borasih oko porentah cotuh: “Hormatboh ma tinam hintang tamam.”#6:2 Ingkan buku Koluaran 20:12 hintang Ulangan 5:16. Porentah cotuh iyohco porentah portama co tongohomboh ma janji ka. Tuhboh janjieh: 3“Ina pomolum mu pio hintang ombu umurmu nyan dunia tuh.”
4Ma kokon tama akuh mantun: Aroh pongasar ma kawan anak me dapot umpi iroh jarin sangit. Tapi ikan sobulih mondidik iroh ma ajaran hintang nosehat ingkan Tuhan.
5Ma kokon cipon akuh mantun: ikan sobulih nuhit tuan me co nyan dunia tuh. Nyook ma iroh ma nyaman hormat hintang atoi co montong morong, samah isan cara me nuhit Kristus. 6Ikan sobulih nuhit iroh aroh tului ikan nyau dulun noto hintang nara ikan, tapi tului ikan iyohco kawan dulun co molayani Kristus hintang atoi me nyau nguan ome co tongonjere Mohotara. 7Nguan ehboh kokon alogawim me ma kojorih atoi, soolah-olah ikan bogawi indan Tuhan, aroh baya indan kolunon. 8Ikan monau bahawa kokon dulun, iyoh cipon atawa bokon cipon, amun iroh umpi aang co pio, maka iroh angar norima baleh ingkan Tuhan.
9Ma kokon tuan akuh mantun: ikan mahi sobulih pio atoi ma kawan cipon me. Aroh horoholuh mancam iroh. Mingkat eh! Tuhan nyan sorga iyohco Tuhan co bokuasa ma iroh hintang ikan. Are aroko mila ma kawan dulun totentu.
Cara ngolawan kuasan jahat
6:10-20
10Kojekaieh, kawan konduang, ikan sobulih tenden borohon ponah Tuhan, nyan ponah kokuatan kuasai-Eh. 11Ikan sobulih hapo kokon capa co ihin Mohotara indam me ina me lian botahan ngolawan kawan roncana co tongompian Lacan Setan ika nipu ito. 12Awi, ito kohojat aroh ngolawan kolunon, tapi ngolawan kokon macam kuasan kopindong nyan dunia tuh, ngolawan kokon kawan roh jahat nyan udara. 13Jadi, ikan sobulih hapo kokon capa co ihin Mohotara ina hiah waktu ikan tonyarang pian kuasan jahat, ikan hegah botahan ngolawan iyoh. Hintang ina opah ikan bojuang dapot soropai ngolawan kuasan jahat taiyoh, maka ikan angar tenden tahan borohon.
14Santuhboh caraeh ikan lian tenden tahan borohon: Hapo boh kosotia ma Mohotara sobagai owot kahang me, hintang kobujur harus sobagai lembon umat me. 15Hapoboh kosiapan momborita Tarung Pio tintun kongolandah kongolami ingkan Tuhan jarin sopatu me. 16Ponah kokon koadaan, ikan sobulih tenden borohon porocaya ma Kristus. Iyoh samah isan tolawang co lian hapam me ika micop kokon anak panah apui ingkan Lacan Setan. 17Hapoboh kosolamat co ihin Mohotara isan tupi umat co nyolindung ikan; hintang norimaboh Antun Mohotara ingkan Roh Mohotara. Antun cioh angar jarin isan padang indamme. 18Ikan sobulih horoholuh botawat ina sika ikan bodoa, ikan lian tomombimbing Roh Mohotara. Ponah kokon macam doa hintang sawot asi ma Mohotara. Aroh umbot bodoa indan kokon dulun co porocaya. 19Bodoa ka boh indang kuh, ina sika akuh pander, Mohotara mihi luang antun indang kuh. Bodoaboh ina kuh bohanyi momborita Tarung Pio tintun roncana Mohotara co sinan aroko tomonau kolunon. 20Mula akuh tonyoruhan ika momborita Tarung Pio yoh. Iyohboh alasan akuh tomokuntam hia ponah seper. Jadi, bodoaboh ina kuh bohanyi porapot Tarung Pio yoh, isan co sobulih tongompiang kuh.
Kawan antun tontiput Paulus ponah surat eh
6:21-24
21-22Akuh nyoruhan Tikikus hia ikan. Are iyohco konduang to co tongasih. Are tenden horoholuh molayani Tuhan. Are tonyoruhankuh hia ikan ina ikan boraoi ngoneh langsung ingkaieh tintun koadaan kokon kaih, sohinga ikan boraoi jarin tohibur. 23Kawan konduang, akuh bodoa ina Mohotara Tama hintang Tuhan Yesus Kristus mihi kongolandah kongolami indam me hintang umpi ikan sasar mongasihi hintang sasar porocaya ma-Eh. 24Akuh bodoa ina Mohotara porahan kopion atoi-Eh ma kokom me co mongasihi Tuhan to Yesus Kristus ma asi co aroko koumbot eh.
Currently Selected:
Epesus 6: TBSS
Highlight
Copy
Compare
Share
Want to have your highlights saved across all your devices? Sign up or sign in
Epesus 6
6
Hubungan halo kawan anggota awu kobian
6:1-9
1Ma kokon anak akuh mantun: Ikan sobulih nuhit dulun ongkome nyan ponah Tuhan. Iyohboh cara bolum co buah. 2Nyan Surat Borasih oko porentah cotuh: “Hormatboh ma tinam hintang tamam.”#6:2 Ingkan buku Koluaran 20:12 hintang Ulangan 5:16. Porentah cotuh iyohco porentah portama co tongohomboh ma janji ka. Tuhboh janjieh: 3“Ina pomolum mu pio hintang ombu umurmu nyan dunia tuh.”
4Ma kokon tama akuh mantun: Aroh pongasar ma kawan anak me dapot umpi iroh jarin sangit. Tapi ikan sobulih mondidik iroh ma ajaran hintang nosehat ingkan Tuhan.
5Ma kokon cipon akuh mantun: ikan sobulih nuhit tuan me co nyan dunia tuh. Nyook ma iroh ma nyaman hormat hintang atoi co montong morong, samah isan cara me nuhit Kristus. 6Ikan sobulih nuhit iroh aroh tului ikan nyau dulun noto hintang nara ikan, tapi tului ikan iyohco kawan dulun co molayani Kristus hintang atoi me nyau nguan ome co tongonjere Mohotara. 7Nguan ehboh kokon alogawim me ma kojorih atoi, soolah-olah ikan bogawi indan Tuhan, aroh baya indan kolunon. 8Ikan monau bahawa kokon dulun, iyoh cipon atawa bokon cipon, amun iroh umpi aang co pio, maka iroh angar norima baleh ingkan Tuhan.
9Ma kokon tuan akuh mantun: ikan mahi sobulih pio atoi ma kawan cipon me. Aroh horoholuh mancam iroh. Mingkat eh! Tuhan nyan sorga iyohco Tuhan co bokuasa ma iroh hintang ikan. Are aroko mila ma kawan dulun totentu.
Cara ngolawan kuasan jahat
6:10-20
10Kojekaieh, kawan konduang, ikan sobulih tenden borohon ponah Tuhan, nyan ponah kokuatan kuasai-Eh. 11Ikan sobulih hapo kokon capa co ihin Mohotara indam me ina me lian botahan ngolawan kawan roncana co tongompian Lacan Setan ika nipu ito. 12Awi, ito kohojat aroh ngolawan kolunon, tapi ngolawan kokon macam kuasan kopindong nyan dunia tuh, ngolawan kokon kawan roh jahat nyan udara. 13Jadi, ikan sobulih hapo kokon capa co ihin Mohotara ina hiah waktu ikan tonyarang pian kuasan jahat, ikan hegah botahan ngolawan iyoh. Hintang ina opah ikan bojuang dapot soropai ngolawan kuasan jahat taiyoh, maka ikan angar tenden tahan borohon.
14Santuhboh caraeh ikan lian tenden tahan borohon: Hapo boh kosotia ma Mohotara sobagai owot kahang me, hintang kobujur harus sobagai lembon umat me. 15Hapoboh kosiapan momborita Tarung Pio tintun kongolandah kongolami ingkan Tuhan jarin sopatu me. 16Ponah kokon koadaan, ikan sobulih tenden borohon porocaya ma Kristus. Iyoh samah isan tolawang co lian hapam me ika micop kokon anak panah apui ingkan Lacan Setan. 17Hapoboh kosolamat co ihin Mohotara isan tupi umat co nyolindung ikan; hintang norimaboh Antun Mohotara ingkan Roh Mohotara. Antun cioh angar jarin isan padang indamme. 18Ikan sobulih horoholuh botawat ina sika ikan bodoa, ikan lian tomombimbing Roh Mohotara. Ponah kokon macam doa hintang sawot asi ma Mohotara. Aroh umbot bodoa indan kokon dulun co porocaya. 19Bodoa ka boh indang kuh, ina sika akuh pander, Mohotara mihi luang antun indang kuh. Bodoaboh ina kuh bohanyi momborita Tarung Pio tintun roncana Mohotara co sinan aroko tomonau kolunon. 20Mula akuh tonyoruhan ika momborita Tarung Pio yoh. Iyohboh alasan akuh tomokuntam hia ponah seper. Jadi, bodoaboh ina kuh bohanyi porapot Tarung Pio yoh, isan co sobulih tongompiang kuh.
Kawan antun tontiput Paulus ponah surat eh
6:21-24
21-22Akuh nyoruhan Tikikus hia ikan. Are iyohco konduang to co tongasih. Are tenden horoholuh molayani Tuhan. Are tonyoruhankuh hia ikan ina ikan boraoi ngoneh langsung ingkaieh tintun koadaan kokon kaih, sohinga ikan boraoi jarin tohibur. 23Kawan konduang, akuh bodoa ina Mohotara Tama hintang Tuhan Yesus Kristus mihi kongolandah kongolami indam me hintang umpi ikan sasar mongasihi hintang sasar porocaya ma-Eh. 24Akuh bodoa ina Mohotara porahan kopion atoi-Eh ma kokom me co mongasihi Tuhan to Yesus Kristus ma asi co aroko koumbot eh.