Kesah Rasul 9
9
Saulus jarin porocaya ma Yesus
9:1-19a
1 Hayak kawan rasul momborita Tarung Pio, karas lau angit Saulus. Are mongancam kawan dulun co porocaya ma Tuhan Yesus. Hie eh are angar ngompatoi iroh. Jadi, are tulak hia Imam Kopala co paling bokuasa. 2Ingkan Imam kopala cioh Saulus nyawot surat kuasa. Saulus angar mihi surat cioh hia ika pomimpin lopo ika sombayang dulun agama Yahudi nyan kota Damsyik. Ponah surat cioh tonulih amun kotika are sopopak ma kawan dulun co bolum sosuai ma cara co tomajar pengikut ajaran Tuhan, aroh poduli bakah bawe, Saulus ocop ihin kuasa ika nawan iroh. Ihin hak indai eh ika lian mehen iroh hopuli hia Yerusalem. Nyan Yerusalem iroh boraoi tomongadili.
3Jadi Saulus tulak hia kota Damsyik yoh. Kotika are ocop dokin kota cioh, nongkocok oko cohaya ingkan sorga. Cohaya cioh nyingah toliut eh. 4Are mahi tahak hia tana paluh ngoneh anco nain suara dulun mantun, “Saulus, Saulus, kura iko umpi Akuh mondorita?”
5Saulus ngisok, “Ome boh iko tuh, Tuan?”
Tuhan museh, “Akuh tuh boh Yesus co piam mu mondorita! 6Tapi makitu kokat bat hintang muntam leh hia kota conon. Nyan intin angar tomara ma iko ome anco sobulih tongompiam mu.”
7Oko pira-pira beti dulun somin Saulus ponah solanai eh yoh. Iroh yoh mahi ngoneh suara cioh,#9:7 Ingkan Kesah 22:9, koneh doh suara eh tapi aroh paham ma arti ome anco hie. Suara cioh mula nain anco muhing leh. tapi aroh kitan doh dulun co hopander. Jadi iroh poto danga-dangang.
8Opah ngoneh antun Yesus yoh, Saulus kokat, paluh ngomolat matai eh. Tapi are aroh boraoi kito ome-ome. Jadi kawan dulun co homboh ma are yoh nantot silui eh. Paluh nuntun are hia kota Damsyik yoh. 9Kotahin tolu ondo iroh nyan Damsyik, Saulus tatap aroh lian noto. Are mahi aroh kuman-ngorih ome-ome.
10Nyan Damsyik yoh oko dulun co porocaya ma Yesus. Arai eh Ananias. Are oko ponoto ingkan Tuhan. Nyan ponah ponoto cioh, Tuhan naah are, “Oo Ananias!”
Ananias museh, “Iyoh, Tuhan.”
11Hien Tuhan ma are, “Bosiap siapleh iko! Tulak hia lopo Yudas nyan co araieh Calan Lurus ika nganyap Saulus ingkan kota Tarsus. Saulus makitu dahat bodoa. 12Are ocop oko ponoto co ingkan Akuh ka. Ponah ponoto eh yoh, are kito ico beti dulun co araieh Ananias, iyohonon iko. Are noto iko dombut hia are. Kitai iko dahat mandak silummu hunyung are, ika are lian noto hopuli.”
13Tapi Ananias museh, “Tuhan, akuh ocop ngoneh orong kesah tintun Saulus non. Nyan kota Yerusalem are orong monganiaya dulun co porocaya ma Iko. 14Makitu are dombut hia intoi. Nyan are yoh oko surat kuasa ingkan kawan imam kopala ika nawan kokon dulun co porocaya ma Tuhan.”
15Tapi hien Tuhan ma Ananias, “Tulak leh, awi Saulus yoh ocop tomili Kuh ina jarin hamba Kuh, hintang paluh Are angar momborita tintun Akuh ma kawan dulun co bokon ma Yahudi. Ma kawan laca doh mahi angar tomomborita eh. Are mahi angar momborita ancioh ma kawan dulun Israel. 16Poko tului are momborita tintun Akuh, maka are angar nongkomo orong kosoranta. Akuh leh angar mara ma are tintun kohojok eh yoh.”
17Jadi, Ananias tulak hia lopo Yudas yoh. Hayak eh dapot nyan lopo Yudas, are muntam holuh nyopopak Saulus. Are ngoncamak Saulus samir mantun, “Saulus, Konduang kuh, Tuhan Yesus nyoruhan akuh hia iko. Are boh co kitam ponah solanam hia intoi. Are nyoruhan akuh hia iko ika mu lian noto kole hintang ika Roh Mohotara oko nyan iko.”
18Kotika iyoh ka, oko aang co nokah ingkan matan Saulus, deoi eh isan onap ocin. Opah iyoh are paluh lian noto hopuli. Are kokat, paluh tomombaptis. 19aOpah iyoh, Saulus kuman paluh jarin hopuli kuat.
Saulus momborita Tarung Pio nyan Damsyik
9:19b-25
19bNyan kota Damsyik yoh, Saulus nukui pira pira ondo umba kawan dulun co porocaya ma Yesus. 20Opah eh lian noto bat hintang jarin kuat hopuli, are paluh tulak hia kawan lopo ika sombayang dulun agama Yahudi. Are momborita bahawa Yesus iyohco Anak Mohotara.
21Kokon dulun co ngoneh are jarin korinah hurong. Hien doh, “Boh! Maka nyan Yerusalem, dulun cotuh co herak monyiksa kawan dulun co porocaya bahawa Yesus yoh bokuasa! Onon boh alasai are dombut hia intoi yoh! Are nyau nawan kawan dulun co porocaya ma Yesus. Are jere mehen iroh hia Yerusalem ika tomongadili pian kawan imam kopala.”
22Tapi sasar tahi Saulus sasar poyakin orong dulun. Are mula jelas mombukti bahawa Yesus yoh Laca Co Tomonjanji Mohotara. Mohotara umpi kawan antun Saulus yoh korinah nyolot nyan atoi-songan dulun. Tapi oko ka kawan dulun Yahudi nyan Damsyik co aroh porocaya ma borita co tongorapot Saulus tintun Yesus. Tapi aroh lian doh ngalah Saulus.
23Nyan kotahin aang bat,#9:23 Mungkin kira-kira tolu toun soun ma are tulak hia Yerusalem. Noto nyan Galatia 1:17-18. kawan dulun Yahudi co aroh porocaya ma borita co tongorapot Saulus yoh ngewak jere ngompatoi eh. 24Tapi kewak doh yoh tomonau Saulus. Poko tului iyoh hondo homalom iroh bojaga tungkang kuta cioh. Kewak doh yoh amun Saulus nyihin iroh angar ngompatoi are. 25Tapi, kawan dulun co porocaya nyan kota iyoh jere dohop Saulus pusit ingkan kota cioh. Jadi, nyan kotika homalom iroh mehen hintang muloh are ingkan tungko kuta co toliut kota yoh. Are tomuloh ponah koranyang.
Saulus hokumpur ma kawan dulun co porocaya nyan Yerusalem
9:26-31
26Jadi, Saulus hopuli mahah Yerusalem. Waktu are dapot nyan Yerusalem, are nyuwah hokahung ma kawan dulun co porocaya ma Yesus nyan intin. Tapi iroh incah takut ma are. Iroh aroh porocaya bahawa are yoh ocop bujur-bujur jarin murid Yesus. 27Tapi Barnabas#9:27 Cotuh iyohco Barnabas co samah leh ma co tonisi nyan Kesah 4:36-37. dohop Saulus. Barnabas posono are ma kawan rasul. Tongesah Barnabas maindeoi Saulus ocop kito Tuhan Yesus ponah solanai eh hia Damsyik. Barnabas mahi mara iroh bahawa Tuhan Yesus ocop hopander ma Saulus. Tomonjelas eh ka bahawa Saulus yoh bohanyi momborita tintun Yesus nyan Damsyik. 28Saulus mahi hokahung ma iroh nyan Yerusalem. Nyan indi mahi, Saulus santar bohanyi momborita tintun Tuhan Yesus.
29Saulus mahi derek hotaleh ma kawan dulun agama Yahudi co hobohasa Yunani. Tapi iroh aroh porocaya. Iroh nganyap cara ika ngompatoi Saulus. 30Tapi kewak doh yoh tongoneh pira-pira beti dulun co porocaya ma Yesus. Jadi, kawan dulun taiyoh nucu Saulus hia polabuhan nyan kota Kaisarea. Ingkan intin iroh nyuhu eh tulak hia kota Tarsus, ika asal eh.
31Kotahin pira-pira waktu opah iyoh, kawan dulun co porocaya ma Yesus lian bolum landah. Aroko co monganiaya kokon dulun co porocaya nyan ngolauh derah Yudea, propinsi Galilea, hintang derah Samaria. Roh Mohotara dohop iroh. Bohimat lau Roh Mohotara umpi ika iroh labih porocaya. Poko tului Roh Mohotara yoh, sasar tahi sasar orong dulun co jarin porocaya ma Yesus hintang kokon doh nongkomo takut kawun hormat ma Tuhan co bokuasa.
Nyan kota Lida, Petrus pomambuh Eneas
9:32-35
32Nyan kotika iyoh, Petrus nyalan ngoliling derah taiyoh. Ico kotika, are tulak nyari kawan dulun co porocaya ma Yesus nyan kota Lida. 33Nyan intin, are sopopak ico beti co lumpuh. Arai eh Eneas. Eneas yoh ocop jalu toun kotahi eh lumpuh.
34Petrus mantun ma eh, “Eneas, Yesus Kristus pomambuh iko. Tonjok bat! Ngorimpoh ika ponirui mu”. Hanyih iyoh ka Eneas kokat.
35Orong ponduduk kota Lida hintang derah datah Saron noto bahawa Eneas ocop mambuh. Opah iyoh, iroh naat kawan dosan doh paluh porocaya ma Tuhan Yesus.
Nyan kota Yope, Petrus umpi Dorkas bolum hopuli
9:36-43
36 Aroh dalo ocu ingkan intin nyan kota Yope yoh oko ico beti bawe. Arai eh Tabita. (Ponah bohasa Yunani ara cioh tonisi Dorkas.) Dorkas iyohco dulun co porocaya ma Yesus. Are santar umpi kawan anco pio indan dongai. Are mahi derek dohop dulun mala. 37Nyan waktu Petrus oko nyan kota Lida, Dorkas hotoro paluh matoi. Ontui eh tomondui paluh tomokaling nyan laoh loteng.
38Nyan kota Yope yoh, oko kawan dulun co porocaya ma Yesus. Iroh ngoneh bahawa Petrus oko nyan kota Lida. Jadi, awi kota Lida aroh ocu ingkan kota Yope, iroh nyoruhan dulun duo beti hia intin. Doruo mula nyawot asi ma Petrus. Hien doh, “Nyawot dohop nyua tulakhomboh kaih hia Yope.”
39Jadi, Petrus bosiap siap paluh tulak ngonulu iroh. Dapot nyan Yope, Petrus tonucu doh hia laoh loteng cioh niin. Uras bawen balu co koliling Petrus nyan intin. Samir nangih iroh pototo ma Petrus kawan sapoi hintang tonga lembon co tonampa pian Dorkas. Hiah waktu Dorkas incah bolum, are nampa kokon lembon taiyoh ika dohop iroh.
40Opah iyoh, Petrus nyuhu kokon dulun pusit ingkan laoh cioh. Are ngelop kalop eh paluh bodoa. Are maling arop eh hia patang cioh. Hie, “Tabita, monyun bat.” Kotika iyoh ka Tabita ngomolat matai eh. Paluh noto Petrus, kokat hintang tuot tongkorong. 41Petrus nyoro silui eh, dohop Tabita tonjok. Opahiyoh, Petrus naah kokon bawen balu hintang kawan dulun co bokon co porocaya ma Yesus. Are pototo eh ma iroh bahawa Tabita ocop hopuli bolum.
42Borita tintun aang co mosotahir cioh tosebar hia ngolauh kota Yope. Jadi, orong dulun jarin porocaya ma Tuhan Yesus. 43Opah iyoh, Petrus nukui cukup tahi nyan Yope. Are nukui umba ico beti dulun co tukang mongolola upak ocinlouk. Arai eh Simon.
Currently Selected:
Kesah Rasul 9: TBSS
Highlight
Copy
Compare
Share
Want to have your highlights saved across all your devices? Sign up or sign in
Kesah Rasul 9
9
Saulus jarin porocaya ma Yesus
9:1-19a
1 Hayak kawan rasul momborita Tarung Pio, karas lau angit Saulus. Are mongancam kawan dulun co porocaya ma Tuhan Yesus. Hie eh are angar ngompatoi iroh. Jadi, are tulak hia Imam Kopala co paling bokuasa. 2Ingkan Imam kopala cioh Saulus nyawot surat kuasa. Saulus angar mihi surat cioh hia ika pomimpin lopo ika sombayang dulun agama Yahudi nyan kota Damsyik. Ponah surat cioh tonulih amun kotika are sopopak ma kawan dulun co bolum sosuai ma cara co tomajar pengikut ajaran Tuhan, aroh poduli bakah bawe, Saulus ocop ihin kuasa ika nawan iroh. Ihin hak indai eh ika lian mehen iroh hopuli hia Yerusalem. Nyan Yerusalem iroh boraoi tomongadili.
3Jadi Saulus tulak hia kota Damsyik yoh. Kotika are ocop dokin kota cioh, nongkocok oko cohaya ingkan sorga. Cohaya cioh nyingah toliut eh. 4Are mahi tahak hia tana paluh ngoneh anco nain suara dulun mantun, “Saulus, Saulus, kura iko umpi Akuh mondorita?”
5Saulus ngisok, “Ome boh iko tuh, Tuan?”
Tuhan museh, “Akuh tuh boh Yesus co piam mu mondorita! 6Tapi makitu kokat bat hintang muntam leh hia kota conon. Nyan intin angar tomara ma iko ome anco sobulih tongompiam mu.”
7Oko pira-pira beti dulun somin Saulus ponah solanai eh yoh. Iroh yoh mahi ngoneh suara cioh,#9:7 Ingkan Kesah 22:9, koneh doh suara eh tapi aroh paham ma arti ome anco hie. Suara cioh mula nain anco muhing leh. tapi aroh kitan doh dulun co hopander. Jadi iroh poto danga-dangang.
8Opah ngoneh antun Yesus yoh, Saulus kokat, paluh ngomolat matai eh. Tapi are aroh boraoi kito ome-ome. Jadi kawan dulun co homboh ma are yoh nantot silui eh. Paluh nuntun are hia kota Damsyik yoh. 9Kotahin tolu ondo iroh nyan Damsyik, Saulus tatap aroh lian noto. Are mahi aroh kuman-ngorih ome-ome.
10Nyan Damsyik yoh oko dulun co porocaya ma Yesus. Arai eh Ananias. Are oko ponoto ingkan Tuhan. Nyan ponah ponoto cioh, Tuhan naah are, “Oo Ananias!”
Ananias museh, “Iyoh, Tuhan.”
11Hien Tuhan ma are, “Bosiap siapleh iko! Tulak hia lopo Yudas nyan co araieh Calan Lurus ika nganyap Saulus ingkan kota Tarsus. Saulus makitu dahat bodoa. 12Are ocop oko ponoto co ingkan Akuh ka. Ponah ponoto eh yoh, are kito ico beti dulun co araieh Ananias, iyohonon iko. Are noto iko dombut hia are. Kitai iko dahat mandak silummu hunyung are, ika are lian noto hopuli.”
13Tapi Ananias museh, “Tuhan, akuh ocop ngoneh orong kesah tintun Saulus non. Nyan kota Yerusalem are orong monganiaya dulun co porocaya ma Iko. 14Makitu are dombut hia intoi. Nyan are yoh oko surat kuasa ingkan kawan imam kopala ika nawan kokon dulun co porocaya ma Tuhan.”
15Tapi hien Tuhan ma Ananias, “Tulak leh, awi Saulus yoh ocop tomili Kuh ina jarin hamba Kuh, hintang paluh Are angar momborita tintun Akuh ma kawan dulun co bokon ma Yahudi. Ma kawan laca doh mahi angar tomomborita eh. Are mahi angar momborita ancioh ma kawan dulun Israel. 16Poko tului are momborita tintun Akuh, maka are angar nongkomo orong kosoranta. Akuh leh angar mara ma are tintun kohojok eh yoh.”
17Jadi, Ananias tulak hia lopo Yudas yoh. Hayak eh dapot nyan lopo Yudas, are muntam holuh nyopopak Saulus. Are ngoncamak Saulus samir mantun, “Saulus, Konduang kuh, Tuhan Yesus nyoruhan akuh hia iko. Are boh co kitam ponah solanam hia intoi. Are nyoruhan akuh hia iko ika mu lian noto kole hintang ika Roh Mohotara oko nyan iko.”
18Kotika iyoh ka, oko aang co nokah ingkan matan Saulus, deoi eh isan onap ocin. Opah iyoh are paluh lian noto hopuli. Are kokat, paluh tomombaptis. 19aOpah iyoh, Saulus kuman paluh jarin hopuli kuat.
Saulus momborita Tarung Pio nyan Damsyik
9:19b-25
19bNyan kota Damsyik yoh, Saulus nukui pira pira ondo umba kawan dulun co porocaya ma Yesus. 20Opah eh lian noto bat hintang jarin kuat hopuli, are paluh tulak hia kawan lopo ika sombayang dulun agama Yahudi. Are momborita bahawa Yesus iyohco Anak Mohotara.
21Kokon dulun co ngoneh are jarin korinah hurong. Hien doh, “Boh! Maka nyan Yerusalem, dulun cotuh co herak monyiksa kawan dulun co porocaya bahawa Yesus yoh bokuasa! Onon boh alasai are dombut hia intoi yoh! Are nyau nawan kawan dulun co porocaya ma Yesus. Are jere mehen iroh hia Yerusalem ika tomongadili pian kawan imam kopala.”
22Tapi sasar tahi Saulus sasar poyakin orong dulun. Are mula jelas mombukti bahawa Yesus yoh Laca Co Tomonjanji Mohotara. Mohotara umpi kawan antun Saulus yoh korinah nyolot nyan atoi-songan dulun. Tapi oko ka kawan dulun Yahudi nyan Damsyik co aroh porocaya ma borita co tongorapot Saulus tintun Yesus. Tapi aroh lian doh ngalah Saulus.
23Nyan kotahin aang bat,#9:23 Mungkin kira-kira tolu toun soun ma are tulak hia Yerusalem. Noto nyan Galatia 1:17-18. kawan dulun Yahudi co aroh porocaya ma borita co tongorapot Saulus yoh ngewak jere ngompatoi eh. 24Tapi kewak doh yoh tomonau Saulus. Poko tului iyoh hondo homalom iroh bojaga tungkang kuta cioh. Kewak doh yoh amun Saulus nyihin iroh angar ngompatoi are. 25Tapi, kawan dulun co porocaya nyan kota iyoh jere dohop Saulus pusit ingkan kota cioh. Jadi, nyan kotika homalom iroh mehen hintang muloh are ingkan tungko kuta co toliut kota yoh. Are tomuloh ponah koranyang.
Saulus hokumpur ma kawan dulun co porocaya nyan Yerusalem
9:26-31
26Jadi, Saulus hopuli mahah Yerusalem. Waktu are dapot nyan Yerusalem, are nyuwah hokahung ma kawan dulun co porocaya ma Yesus nyan intin. Tapi iroh incah takut ma are. Iroh aroh porocaya bahawa are yoh ocop bujur-bujur jarin murid Yesus. 27Tapi Barnabas#9:27 Cotuh iyohco Barnabas co samah leh ma co tonisi nyan Kesah 4:36-37. dohop Saulus. Barnabas posono are ma kawan rasul. Tongesah Barnabas maindeoi Saulus ocop kito Tuhan Yesus ponah solanai eh hia Damsyik. Barnabas mahi mara iroh bahawa Tuhan Yesus ocop hopander ma Saulus. Tomonjelas eh ka bahawa Saulus yoh bohanyi momborita tintun Yesus nyan Damsyik. 28Saulus mahi hokahung ma iroh nyan Yerusalem. Nyan indi mahi, Saulus santar bohanyi momborita tintun Tuhan Yesus.
29Saulus mahi derek hotaleh ma kawan dulun agama Yahudi co hobohasa Yunani. Tapi iroh aroh porocaya. Iroh nganyap cara ika ngompatoi Saulus. 30Tapi kewak doh yoh tongoneh pira-pira beti dulun co porocaya ma Yesus. Jadi, kawan dulun taiyoh nucu Saulus hia polabuhan nyan kota Kaisarea. Ingkan intin iroh nyuhu eh tulak hia kota Tarsus, ika asal eh.
31Kotahin pira-pira waktu opah iyoh, kawan dulun co porocaya ma Yesus lian bolum landah. Aroko co monganiaya kokon dulun co porocaya nyan ngolauh derah Yudea, propinsi Galilea, hintang derah Samaria. Roh Mohotara dohop iroh. Bohimat lau Roh Mohotara umpi ika iroh labih porocaya. Poko tului Roh Mohotara yoh, sasar tahi sasar orong dulun co jarin porocaya ma Yesus hintang kokon doh nongkomo takut kawun hormat ma Tuhan co bokuasa.
Nyan kota Lida, Petrus pomambuh Eneas
9:32-35
32Nyan kotika iyoh, Petrus nyalan ngoliling derah taiyoh. Ico kotika, are tulak nyari kawan dulun co porocaya ma Yesus nyan kota Lida. 33Nyan intin, are sopopak ico beti co lumpuh. Arai eh Eneas. Eneas yoh ocop jalu toun kotahi eh lumpuh.
34Petrus mantun ma eh, “Eneas, Yesus Kristus pomambuh iko. Tonjok bat! Ngorimpoh ika ponirui mu”. Hanyih iyoh ka Eneas kokat.
35Orong ponduduk kota Lida hintang derah datah Saron noto bahawa Eneas ocop mambuh. Opah iyoh, iroh naat kawan dosan doh paluh porocaya ma Tuhan Yesus.
Nyan kota Yope, Petrus umpi Dorkas bolum hopuli
9:36-43
36 Aroh dalo ocu ingkan intin nyan kota Yope yoh oko ico beti bawe. Arai eh Tabita. (Ponah bohasa Yunani ara cioh tonisi Dorkas.) Dorkas iyohco dulun co porocaya ma Yesus. Are santar umpi kawan anco pio indan dongai. Are mahi derek dohop dulun mala. 37Nyan waktu Petrus oko nyan kota Lida, Dorkas hotoro paluh matoi. Ontui eh tomondui paluh tomokaling nyan laoh loteng.
38Nyan kota Yope yoh, oko kawan dulun co porocaya ma Yesus. Iroh ngoneh bahawa Petrus oko nyan kota Lida. Jadi, awi kota Lida aroh ocu ingkan kota Yope, iroh nyoruhan dulun duo beti hia intin. Doruo mula nyawot asi ma Petrus. Hien doh, “Nyawot dohop nyua tulakhomboh kaih hia Yope.”
39Jadi, Petrus bosiap siap paluh tulak ngonulu iroh. Dapot nyan Yope, Petrus tonucu doh hia laoh loteng cioh niin. Uras bawen balu co koliling Petrus nyan intin. Samir nangih iroh pototo ma Petrus kawan sapoi hintang tonga lembon co tonampa pian Dorkas. Hiah waktu Dorkas incah bolum, are nampa kokon lembon taiyoh ika dohop iroh.
40Opah iyoh, Petrus nyuhu kokon dulun pusit ingkan laoh cioh. Are ngelop kalop eh paluh bodoa. Are maling arop eh hia patang cioh. Hie, “Tabita, monyun bat.” Kotika iyoh ka Tabita ngomolat matai eh. Paluh noto Petrus, kokat hintang tuot tongkorong. 41Petrus nyoro silui eh, dohop Tabita tonjok. Opahiyoh, Petrus naah kokon bawen balu hintang kawan dulun co bokon co porocaya ma Yesus. Are pototo eh ma iroh bahawa Tabita ocop hopuli bolum.
42Borita tintun aang co mosotahir cioh tosebar hia ngolauh kota Yope. Jadi, orong dulun jarin porocaya ma Tuhan Yesus. 43Opah iyoh, Petrus nukui cukup tahi nyan Yope. Are nukui umba ico beti dulun co tukang mongolola upak ocinlouk. Arai eh Simon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in