Kesah Rasul 12
12
Laca Herodes Agripa monyiksa kawan dulun co porocaya ma Yesus
12:1-4
1 Sopondehan Barnabas doruo Saulus incah nyan Antiokia, Laca Herodes nyuhu kawan tontara eh nawan pira pira dulun Kristennyan Yerusalem. Kojere Herodes monyiksa kawan dulun co porocaya ma Yesus. 2Are nyuhu ika Rasul Yokobus ongka Yohanes tongompatoi hapo padang. 3Kotika Yokobus tongompatoi kawan pomimpin dulun Yahudi jarin jorih. Jadi, waktu Herodes monau ancioh, are mahi nyuhu ika Petrus tonawan. (Ancioh tojadi nyan kotika porayaan Paskah hintang ondo Raya Rute co aroh bodagi). 4Jadi, Petrus tonawan paluh topokuntam hia ponah seper. Tonyuhu Herodes ika Petrus hopompaluh tomonjaga. Oko opat regu tontara, hopomasing regu opat beti tontara. Roncana Herodes jere mongadili Petrus nyan tohimo masarakat umum, ika eh tomohukum matoi. Tapi Herodes nyau nganto dapot opah porayaan Paskah#12:4 Paskah co tomaksud nyan intoi iyoh onon ondo kotika tatu-hiayang dulun Israel pusit ingkan tana Mesir co ika doh tohocipon. yoh ocop umbot.#12:4 Oko orong kawan dulun nganda hia kota Yerusalem ika moraya Ondo Raya Paskah. Jadi, mungkin Herodes takut ma orong dulun boruntak amun Petrus tongohukum matoi nyan kotika porayaan cioh.
Molekat ngompusit Petrus ingkan seper
12:5-19
5Kotahin Petrus tonahan ponah seper, kawan dulun co porocaya ma Yesus hopompaluh bodoa hia Mohotara indai eh. 6Dapot nyan ondo sorinai Herodes nyau mongadili Petrus. Nyan momi cioh, Petrus tirui nyan oang duo tontara. Duo kuhat rantai umat ika doh mowot silui eh. Oko ka kawan tontara co bokon monjaga seper nyan muka bauntungkang. 7Songola oko molekat Tuhan poleha arop eh ma Petrus. Kosah kosah lau kopanda ponah seper cioh tului eh. Molekat cioh nongkowet Petrus ika eh monyun. Hien molekat cioh, “Nyua bat monyun!” Kotika cioh ka kawan rantai umat co ika mowot silun Petrus yoh pukoi.
8Paluh hien molekat cioh ma Petrus, “Nongkorong lembon mu. Paluh nyungkop sandalmu.” Petrus mahi umpi anco samah ma co hien molekat cioh. Molekat cioh mantun kole, “Hapo jubahmu non paluh umba akuh.”
9Petrus paluh umba molekat cioh pusit. Tapi are aroh kojuan momikir amun anco pian molekat cioh mula tuu-tuu tojadi. Sompan eh samah ma noto aang nyan ponah nupi leh. 10Holuh nyalan leh iroh nyihin pos jaga co kotuhi paluh co koduo dapot nyan antop tungkang umat hia kota. Antop cioh ngundo pukap tarop. Iroh pusit ingkan intin paluh nyalan dapot calan co bokon. Nyan intin molekat cioh songola hobingop naat are.
11Kotika cioh ka, Petrus potosadar ome anco tojadi. Hie eh, “Punang kuh makitu monau ancotuh mula tuu-tuu tojadi. Tuhan ocop nyoruhan molekat-Eh ika nyolamat akuh ingkan kokuasaan Herodes. Herodes nyau mohukum akuh dapot matoi. Kawan pomimpin Yahudi mahi boharap isan iyoh. Tapi Tuhan nyolamat akuh ingkan uras antanon.”
12Jadi, Petrus ocop monau amun Mohotara mula tuu-tuu ngombebas are ingkan ponah seper. Opah iyoh, are tulak hia lopo Maria, tinan Yohanes (co herak tonisi ka Markus). Nyan lopo cioh orong dulun dahat hokumpur hintang bodoaindan Petrus. 13Kotika Petrus ngatuk antop lopo cioh. Pombantu nyan lopo cioh dombut ika monau ome co oko nyan muka tungkang. Aran bawe cioh Rode. 14Kotika are nyan dokin tungkang, koneh eh suara Petrus. Rode ocop nyono suara eh. Jadi, paluh karas kojorih eh. Maka tului iyoh, are tokoru hia ponah, solingo eh mukap antop. Tulak mara eh ma dulun co dahat kumpur. Hieeh, “Petrus oko nyan muka tungkang!”
15“Bobujon iko tuh!” Hien doh ma are. Tapi are tatap nukas amun Petrus yoh mula oko nyan muka tungkang. Jadi hien doh, “Pai ancioh molekat ehco tonugas hopompaluh ika jaga are.”
16Lambak iyoh, Petrus incah hopompaluh ngatuk antop. Paluh oko dulun ingkan songkolang iroh yoh co nyalan mukap antop. Kitan doh bat cioh mula tuu Petrus. Jadi karas lau kohurong doh. 17Tapi Petrus mihi ciri hapo silui ika iroh aroh ngomboho. Are ngesah eh ma iroh maindeoi Tuhan ngompusit are ingkan seper. Hie ma iroh, “Mara ancotuh ma Yokobus#12:17 Cotuh bokon ma Rasul Yokobus co tongompatoi nyan Kesah 12:2. Yokobus tuh iyohonon pomimpin dulun Kristen nyan Yerusalem. Are mahi umba nyurat Surat Yokobus. Oko kawan ahli Alkitab co bopikir bahawa Yokobus tuh tarin Yesus. hintang kawan dulun porocaya co bokon.” Opah iyoh bat, are tulak hia kota co bokon.
18Manyuap ondo eh, kawan tontara co monjaga Petrus nin paluh giha. Karas kobingung doh, maindeoi huli Petrus boraoi pusit ingkan seper. 19Herodes nyuhu kawan tontara eh nganyap Petrus. Tapi aroh popak doh are. Paluh, Herodes ma angit eh ngisok ma kawan tontara co monjaga seper cioh hintang nyuhu ika kawan tontara taiyoh tongompatoi. Opah iyoh, Herodes tulak ingkan derah Yudea paluh nukui nyan kota Kaisarea.
Herodes matoi
12:20-23
20Nyan kotika cioh, Herodes karas sangit ma masarakat nyan kota Tirus hintang Sidon. Tapi iroh porulu lau haba anco boraoi ika libang kanon ingkan derah Laca Herodes yoh. Tului iyoh, ponduduk duo kota yoh sama-samah nganyap cara ika boraoi bodamai ma are. Waktu Herodes nukui nyan kota Kaisarea, tonyoruhan doh kawan coruhan hia are. Harapan doh ika boraoi mohadap Laca. Maka iroh ngonok ico beti pojabat laca ika momihak ma iroh. Aran pojabat cioh Blastus. Are yoh pojabat pribadi Laca Herodes. 21Kosodahai eh, iroh haba bantuan ingkan Blastus. Opah iyoh, Herodes nantu ondo ika sopopak ma kawan coruhan co ingkan Tirus hintang Sidon yoh.
Nyan ondo cioh, Herodes hapo jubah husus laca, tuot nyan tungkui tahta eh, paluh podatu ma iroh. 22Kokon doh noriak nara are. Hien doh, “Cotuh suara dewa, bokon ma suara kolunon!”#12:22 Iroh co hokumpur yoh iyoh onon kawan dulun ingkan kota Tirus hintang Sidon. Mungkin dulun bokon mahi oko nyan intin. Mungkin iroh mula tuu-tuu bopikir bahawa Herodes yoh mula dewa. Tapi mungkin ka iroh baya nyuwah mohibur Herodes ika are kolu bodamai hopuli ma iroh. 23Herodes otoi norima koponara doh co isan iyoh. Are aroh mihi hormat indan Mohotara. Pokotului iyoh, paluh oko molekat ingkan Tuhan co mohukum are. Tonoieh tonorop kawan lungkung. Aroh tahi opah iyoh, are paluh matoi.
Barnabas doruo Saulus tonyoruhan ika molayan Mohotara
12:24–13:3
24Sasar tahi sasar orong dulun co ngoneh Tarung Pio ingkan Mohotara. Sasar orong dulun co jarin porocaya ma Yesus.
25Barnabas doruo Saulus ocop nucu sumbangan hia kawan ponotua dulun co porocaya nyan Yerusalem. Hayak polayanan doh umbot doruo paluh buli ingkan Yerusalem hia kota Antiokia. Ehen doruo ka Yohanes (co herak tonisi ka Markus yoh).
Currently Selected:
Kesah Rasul 12: TBSS
Highlight
Copy
Compare
Share
Want to have your highlights saved across all your devices? Sign up or sign in
Kesah Rasul 12
12
Laca Herodes Agripa monyiksa kawan dulun co porocaya ma Yesus
12:1-4
1 Sopondehan Barnabas doruo Saulus incah nyan Antiokia, Laca Herodes nyuhu kawan tontara eh nawan pira pira dulun Kristennyan Yerusalem. Kojere Herodes monyiksa kawan dulun co porocaya ma Yesus. 2Are nyuhu ika Rasul Yokobus ongka Yohanes tongompatoi hapo padang. 3Kotika Yokobus tongompatoi kawan pomimpin dulun Yahudi jarin jorih. Jadi, waktu Herodes monau ancioh, are mahi nyuhu ika Petrus tonawan. (Ancioh tojadi nyan kotika porayaan Paskah hintang ondo Raya Rute co aroh bodagi). 4Jadi, Petrus tonawan paluh topokuntam hia ponah seper. Tonyuhu Herodes ika Petrus hopompaluh tomonjaga. Oko opat regu tontara, hopomasing regu opat beti tontara. Roncana Herodes jere mongadili Petrus nyan tohimo masarakat umum, ika eh tomohukum matoi. Tapi Herodes nyau nganto dapot opah porayaan Paskah#12:4 Paskah co tomaksud nyan intoi iyoh onon ondo kotika tatu-hiayang dulun Israel pusit ingkan tana Mesir co ika doh tohocipon. yoh ocop umbot.#12:4 Oko orong kawan dulun nganda hia kota Yerusalem ika moraya Ondo Raya Paskah. Jadi, mungkin Herodes takut ma orong dulun boruntak amun Petrus tongohukum matoi nyan kotika porayaan cioh.
Molekat ngompusit Petrus ingkan seper
12:5-19
5Kotahin Petrus tonahan ponah seper, kawan dulun co porocaya ma Yesus hopompaluh bodoa hia Mohotara indai eh. 6Dapot nyan ondo sorinai Herodes nyau mongadili Petrus. Nyan momi cioh, Petrus tirui nyan oang duo tontara. Duo kuhat rantai umat ika doh mowot silui eh. Oko ka kawan tontara co bokon monjaga seper nyan muka bauntungkang. 7Songola oko molekat Tuhan poleha arop eh ma Petrus. Kosah kosah lau kopanda ponah seper cioh tului eh. Molekat cioh nongkowet Petrus ika eh monyun. Hien molekat cioh, “Nyua bat monyun!” Kotika cioh ka kawan rantai umat co ika mowot silun Petrus yoh pukoi.
8Paluh hien molekat cioh ma Petrus, “Nongkorong lembon mu. Paluh nyungkop sandalmu.” Petrus mahi umpi anco samah ma co hien molekat cioh. Molekat cioh mantun kole, “Hapo jubahmu non paluh umba akuh.”
9Petrus paluh umba molekat cioh pusit. Tapi are aroh kojuan momikir amun anco pian molekat cioh mula tuu-tuu tojadi. Sompan eh samah ma noto aang nyan ponah nupi leh. 10Holuh nyalan leh iroh nyihin pos jaga co kotuhi paluh co koduo dapot nyan antop tungkang umat hia kota. Antop cioh ngundo pukap tarop. Iroh pusit ingkan intin paluh nyalan dapot calan co bokon. Nyan intin molekat cioh songola hobingop naat are.
11Kotika cioh ka, Petrus potosadar ome anco tojadi. Hie eh, “Punang kuh makitu monau ancotuh mula tuu-tuu tojadi. Tuhan ocop nyoruhan molekat-Eh ika nyolamat akuh ingkan kokuasaan Herodes. Herodes nyau mohukum akuh dapot matoi. Kawan pomimpin Yahudi mahi boharap isan iyoh. Tapi Tuhan nyolamat akuh ingkan uras antanon.”
12Jadi, Petrus ocop monau amun Mohotara mula tuu-tuu ngombebas are ingkan ponah seper. Opah iyoh, are tulak hia lopo Maria, tinan Yohanes (co herak tonisi ka Markus). Nyan lopo cioh orong dulun dahat hokumpur hintang bodoaindan Petrus. 13Kotika Petrus ngatuk antop lopo cioh. Pombantu nyan lopo cioh dombut ika monau ome co oko nyan muka tungkang. Aran bawe cioh Rode. 14Kotika are nyan dokin tungkang, koneh eh suara Petrus. Rode ocop nyono suara eh. Jadi, paluh karas kojorih eh. Maka tului iyoh, are tokoru hia ponah, solingo eh mukap antop. Tulak mara eh ma dulun co dahat kumpur. Hieeh, “Petrus oko nyan muka tungkang!”
15“Bobujon iko tuh!” Hien doh ma are. Tapi are tatap nukas amun Petrus yoh mula oko nyan muka tungkang. Jadi hien doh, “Pai ancioh molekat ehco tonugas hopompaluh ika jaga are.”
16Lambak iyoh, Petrus incah hopompaluh ngatuk antop. Paluh oko dulun ingkan songkolang iroh yoh co nyalan mukap antop. Kitan doh bat cioh mula tuu Petrus. Jadi karas lau kohurong doh. 17Tapi Petrus mihi ciri hapo silui ika iroh aroh ngomboho. Are ngesah eh ma iroh maindeoi Tuhan ngompusit are ingkan seper. Hie ma iroh, “Mara ancotuh ma Yokobus#12:17 Cotuh bokon ma Rasul Yokobus co tongompatoi nyan Kesah 12:2. Yokobus tuh iyohonon pomimpin dulun Kristen nyan Yerusalem. Are mahi umba nyurat Surat Yokobus. Oko kawan ahli Alkitab co bopikir bahawa Yokobus tuh tarin Yesus. hintang kawan dulun porocaya co bokon.” Opah iyoh bat, are tulak hia kota co bokon.
18Manyuap ondo eh, kawan tontara co monjaga Petrus nin paluh giha. Karas kobingung doh, maindeoi huli Petrus boraoi pusit ingkan seper. 19Herodes nyuhu kawan tontara eh nganyap Petrus. Tapi aroh popak doh are. Paluh, Herodes ma angit eh ngisok ma kawan tontara co monjaga seper cioh hintang nyuhu ika kawan tontara taiyoh tongompatoi. Opah iyoh, Herodes tulak ingkan derah Yudea paluh nukui nyan kota Kaisarea.
Herodes matoi
12:20-23
20Nyan kotika cioh, Herodes karas sangit ma masarakat nyan kota Tirus hintang Sidon. Tapi iroh porulu lau haba anco boraoi ika libang kanon ingkan derah Laca Herodes yoh. Tului iyoh, ponduduk duo kota yoh sama-samah nganyap cara ika boraoi bodamai ma are. Waktu Herodes nukui nyan kota Kaisarea, tonyoruhan doh kawan coruhan hia are. Harapan doh ika boraoi mohadap Laca. Maka iroh ngonok ico beti pojabat laca ika momihak ma iroh. Aran pojabat cioh Blastus. Are yoh pojabat pribadi Laca Herodes. 21Kosodahai eh, iroh haba bantuan ingkan Blastus. Opah iyoh, Herodes nantu ondo ika sopopak ma kawan coruhan co ingkan Tirus hintang Sidon yoh.
Nyan ondo cioh, Herodes hapo jubah husus laca, tuot nyan tungkui tahta eh, paluh podatu ma iroh. 22Kokon doh noriak nara are. Hien doh, “Cotuh suara dewa, bokon ma suara kolunon!”#12:22 Iroh co hokumpur yoh iyoh onon kawan dulun ingkan kota Tirus hintang Sidon. Mungkin dulun bokon mahi oko nyan intin. Mungkin iroh mula tuu-tuu bopikir bahawa Herodes yoh mula dewa. Tapi mungkin ka iroh baya nyuwah mohibur Herodes ika are kolu bodamai hopuli ma iroh. 23Herodes otoi norima koponara doh co isan iyoh. Are aroh mihi hormat indan Mohotara. Pokotului iyoh, paluh oko molekat ingkan Tuhan co mohukum are. Tonoieh tonorop kawan lungkung. Aroh tahi opah iyoh, are paluh matoi.
Barnabas doruo Saulus tonyoruhan ika molayan Mohotara
12:24–13:3
24Sasar tahi sasar orong dulun co ngoneh Tarung Pio ingkan Mohotara. Sasar orong dulun co jarin porocaya ma Yesus.
25Barnabas doruo Saulus ocop nucu sumbangan hia kawan ponotua dulun co porocaya nyan Yerusalem. Hayak polayanan doh umbot doruo paluh buli ingkan Yerusalem hia kota Antiokia. Ehen doruo ka Yohanes (co herak tonisi ka Markus yoh).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in