Kesah Rasul 1
1
Tontucu antun pian Lukas
1:1-3
1Indan co tohormat Teopilus:
Akuh Lukas ocop nyurat buku indammu. Nyan ponah buku kuh co kosulak eh yoh,#1:1 Buku co kosulak eh iyohco Buku Lukas. akuh ngesah kokoi eh tintun Yesus, kokon anco ocop tongompiai hintang ajaran-Eh. Akuh ngesah kokoi eh ingkan kotuhin polayanai-Eh 2-3dapot waktu Yesus topangkat hia sorga. Nyan masa polayanai-Eh, Are mili duo balas beti ingkan kawan murid-Eh, co tonisi ka kawan rasul. Nyan ondo torahir Yesus bolum, Are soranta dapot matoi nyan sompolaki Tapi opah iyoh, Are poleha kawan ciri co nyata ika kawan rasul taiyoh porocaya bahawa Are bujur-bujur bolum. Kotahin opat pulu ondo Are poleha arop-Eh pira pira kalima kawan rasul Eh. Are mihi orong macam porentah indan kawan rasul Eh ma kuasan Roh Mohotara co oko nyan Are. Are ka majar iroh tintun Korojaan Mohotara, iyohonon cara dulun sobulih eh bolum minda kuasai Eh.
Yesus bojanji ngirim Roh Mohotara indan kawan rasul Eh
1:4-5
4Nyan ico kotika ponah kurung waktu opat pulu ondo yoh, Yesus dahat kuman hontong ma iroh. Are mantun, “Aroh tulak ingkan kota Yerusalem tuh. Nukui nyan intoi nganto ome co ocop tomonjanji Tamang Kuh iyoh. Akuh ocop piji mara eh ma ikan tintun iyoh. 5Yohanes mombaptis dulun ma danum. Tapi aroh tahi oni Akuh angar mombaptis ikan ma Roh Mohotara.”
Yesus topangkat hia sorga
1:6-11
6Jadi, nyan ondo co bokon eh kole, waktu kawan rasul hokumpur homboh-homboh ma Yesus, iroh ngisok eh ma Are, “Tuhan, main boh makitu pai waktu eh Iko angar nonjok hopuli korojaan Israel?”#1:6 Kawan rasul bopikir angar ngalah korajaan Roma ina nguan korajaan Israel. Deontagas iroh incah arinai paham bahawa Yesus momimpin korajaan Mohotara, iyohonon kawan dulun co porocaya ma Are hintang bolum nyambo kuasai-Eh.
7Hie-Eh, “Mohotara Tama ocop nantu waktu eh. Cioh hak-Eh tarop. Ikan aroh porulu monau nganto arai anconon angar tojadi. 8Tapi Roh Mohotara nukui nyan ponah ikan. Kotika iyoh, ikan angar norima kuasa. Ikan angar momborita tintun Akuh ma dongam nyan kota Yerusalem hintang ngolauh derah Yudea. Ikan angar momborita tintun Akuh ka ngolauh derah Samaria. Ikan angar momborita tintun Akuh dapot kawan ika co ocu.”
9Opah Are mantun nain iyoh, Are topangkat hia sorga. Iroh noto Are dapot Are ciput ma hawun. Paluh iroh aroh lian kito Are bat. 10Tapi, kotika iroh incah noto hia langit hiyah Are topangkat nongkocok oko duo beti dulun co hapo jubah bura. Dulun duo iyoh tonjok nyan topit bolikat doh. 11Dulun duo iyoh mantun, “Ooi kawan dulun ingkan propinsi Galilea. Ikan aroh usah bat borodereng nyan intoi, nolangon hia langit. Ikan ocop noto Yesus topangkat hia sorga ingkan halo ikan. Nyan kotika ondo daai, Are angar dombut hopuli ma cara co samah ma onon.”
Kawan rasul bodoa samir nganto Roh Mohotara dombut
1:12-14
12Opah ingkan Lungkuh Jaitun, kawan rasul taiyoh hopuli hia Yerusalem kira-kira ico kilometer kocun solanai eh. 13Hayak dapot kota, iroh tulak hia lopo ika doh hiloi. Nyan lopo cioh iroh nukat hia laoh doh nyan loteng. Kawan rasul taiyoh iyohco: Petrus, Yohanes, Yokobus, Andreas, Pilipus, Tomas, Bartolomeus, Matius, Yokobus (anak Alpeus), Simon (dulun Jelot),#1:13 Selot = Kolompok dulun Yahudi co bojuang mordeka ingkan kokuasan Romawi. hintang Yudas (anak Yokobus).#1:13 Yokobus (taman Yudas) bokon ma duo rasul co araieh Yokobus.
14Umba iroh oko ka pira pira beti kawan baweh tomasuk (Maria tinan Yesus). Oko ka nyan intin kawan konduang Yesus. Kokon doh pompaluh bokumpur ika bodoa. Tunuh lau iroh bodoa, hintang ma kohico songan doh.
Matius tomili ika kanti Yudas
1:15-26
15Opah pira pira ondo, oko kira-kira solatuh duan pulu beti dulun co porocaya ma Yesus bokumpur kotika iyoh. Petrus tonjok nyan halo kokon dulun taiyoh. Hie eh, 16-20“Kawan konduang bawe bakah, tumun aang tuh Yudas Iskariot tomasuk ponah kolompok kaih kawan rasul. Are molayan homboh kaih. Are ka co monuntun kawan dulun co nyau nawan Yesus.
(Yudas haba duit ika nompi kojahatan cioh. Ma duit cioh are moli ico kobidang tana. Nyan intin are tahak tontukom dapot kokon ponah olom eh pusit, paluh are matoi. Kokon dulun nyan kota Yerusalem ocop ngoneh tarung conon. Maka ponah bohasa doh tana cioh tonisi ‘Hakal-Dama’, arti eh ‘Tana Daha’.)
“Tapi,” hien Petrus, ‘sinan lau kojadian cotuh ocop tonulih ponah Surat Borasih. Kojadian cioh tojadi sosuai ma aang co tonulih yoh. Sinan lau Roh Mohotara momimpin Laca Daud nulih tintunhukuman co cucuk indan Yudas nyan Buku Puisi Masmur. Tuh nai surat cioh:
Olubat lopo tioh jarin buhang;
Olubat aroko dulun co nukui inyai.’#1:16-20 Ingkan Masmur 69:26.
Antun cotuh ka tonulih: ‘Olubat jabatan dulun cioh tomonu dulun bokon.’#1:16-20 Ingkan Masmur 109:8.
21-22Poko tului iyoh, ito porulu mili ico beti rasul kole ika kanti Yudas. Are angar tenden umba kaih kawan rasul ika momborita bahawa Tuhan Yesus ocop bolum hopuli ingkan pompatoi. Malah pio ito mili dulun cioh ingkan halo ito co oko nyan intoi. Tapi, are ka sobulih dulun co horoholuh homboh ma kaih nyan waktu Yesus oko nyan halo kaih. Are sobulih dulun co tenden homboh ma kaih molai ingkan waktu Yohanes mombaptis Yesus dapot Yesus topangkat hia sorga ingkan halo kaih.”
23Jadi, kawan dulun porocaya co hokumpur nyan intin mongusul duo beti bahum co ika kanti Yudas. Dulun duo iyoh araieh Matias hintang Yusuf. Yusuf ka tonisi ma duo arai bokon, iyohonon Barsabas hintang Yustus). 24-25Opah iyoh iroh uras bodoa. Hien doh, “Tuhan, Iko monau ponah songan sika dulun. Yudas ocop naat tugas eh sobagai rasul. Are ocop matoi, paluh muntam hia ika co pantas indai eh. Jadi, nunjuk eh bat ma kaih ome angar co ika kanti are. Oko duo beti dulun tuh. Comoh co tomili Mu ika molayan sobagai rasul ika kanti Yudas.” 26Opah iyoh iroh moundi.#1:26 Ma cara cioh iroh monau ome co tomili Tuhan nyan songkolang dulun duo iyoh.
Tonyata aran Matias boh co pusit ponah undian cioh. Jadi, are tomangkat jarin rasul umba sobalas rasul co bokon.
Currently Selected:
Kesah Rasul 1: TBSS
Highlight
Copy
Compare
Share
Want to have your highlights saved across all your devices? Sign up or sign in
Kesah Rasul 1
1
Tontucu antun pian Lukas
1:1-3
1Indan co tohormat Teopilus:
Akuh Lukas ocop nyurat buku indammu. Nyan ponah buku kuh co kosulak eh yoh,#1:1 Buku co kosulak eh iyohco Buku Lukas. akuh ngesah kokoi eh tintun Yesus, kokon anco ocop tongompiai hintang ajaran-Eh. Akuh ngesah kokoi eh ingkan kotuhin polayanai-Eh 2-3dapot waktu Yesus topangkat hia sorga. Nyan masa polayanai-Eh, Are mili duo balas beti ingkan kawan murid-Eh, co tonisi ka kawan rasul. Nyan ondo torahir Yesus bolum, Are soranta dapot matoi nyan sompolaki Tapi opah iyoh, Are poleha kawan ciri co nyata ika kawan rasul taiyoh porocaya bahawa Are bujur-bujur bolum. Kotahin opat pulu ondo Are poleha arop-Eh pira pira kalima kawan rasul Eh. Are mihi orong macam porentah indan kawan rasul Eh ma kuasan Roh Mohotara co oko nyan Are. Are ka majar iroh tintun Korojaan Mohotara, iyohonon cara dulun sobulih eh bolum minda kuasai Eh.
Yesus bojanji ngirim Roh Mohotara indan kawan rasul Eh
1:4-5
4Nyan ico kotika ponah kurung waktu opat pulu ondo yoh, Yesus dahat kuman hontong ma iroh. Are mantun, “Aroh tulak ingkan kota Yerusalem tuh. Nukui nyan intoi nganto ome co ocop tomonjanji Tamang Kuh iyoh. Akuh ocop piji mara eh ma ikan tintun iyoh. 5Yohanes mombaptis dulun ma danum. Tapi aroh tahi oni Akuh angar mombaptis ikan ma Roh Mohotara.”
Yesus topangkat hia sorga
1:6-11
6Jadi, nyan ondo co bokon eh kole, waktu kawan rasul hokumpur homboh-homboh ma Yesus, iroh ngisok eh ma Are, “Tuhan, main boh makitu pai waktu eh Iko angar nonjok hopuli korojaan Israel?”#1:6 Kawan rasul bopikir angar ngalah korajaan Roma ina nguan korajaan Israel. Deontagas iroh incah arinai paham bahawa Yesus momimpin korajaan Mohotara, iyohonon kawan dulun co porocaya ma Are hintang bolum nyambo kuasai-Eh.
7Hie-Eh, “Mohotara Tama ocop nantu waktu eh. Cioh hak-Eh tarop. Ikan aroh porulu monau nganto arai anconon angar tojadi. 8Tapi Roh Mohotara nukui nyan ponah ikan. Kotika iyoh, ikan angar norima kuasa. Ikan angar momborita tintun Akuh ma dongam nyan kota Yerusalem hintang ngolauh derah Yudea. Ikan angar momborita tintun Akuh ka ngolauh derah Samaria. Ikan angar momborita tintun Akuh dapot kawan ika co ocu.”
9Opah Are mantun nain iyoh, Are topangkat hia sorga. Iroh noto Are dapot Are ciput ma hawun. Paluh iroh aroh lian kito Are bat. 10Tapi, kotika iroh incah noto hia langit hiyah Are topangkat nongkocok oko duo beti dulun co hapo jubah bura. Dulun duo iyoh tonjok nyan topit bolikat doh. 11Dulun duo iyoh mantun, “Ooi kawan dulun ingkan propinsi Galilea. Ikan aroh usah bat borodereng nyan intoi, nolangon hia langit. Ikan ocop noto Yesus topangkat hia sorga ingkan halo ikan. Nyan kotika ondo daai, Are angar dombut hopuli ma cara co samah ma onon.”
Kawan rasul bodoa samir nganto Roh Mohotara dombut
1:12-14
12Opah ingkan Lungkuh Jaitun, kawan rasul taiyoh hopuli hia Yerusalem kira-kira ico kilometer kocun solanai eh. 13Hayak dapot kota, iroh tulak hia lopo ika doh hiloi. Nyan lopo cioh iroh nukat hia laoh doh nyan loteng. Kawan rasul taiyoh iyohco: Petrus, Yohanes, Yokobus, Andreas, Pilipus, Tomas, Bartolomeus, Matius, Yokobus (anak Alpeus), Simon (dulun Jelot),#1:13 Selot = Kolompok dulun Yahudi co bojuang mordeka ingkan kokuasan Romawi. hintang Yudas (anak Yokobus).#1:13 Yokobus (taman Yudas) bokon ma duo rasul co araieh Yokobus.
14Umba iroh oko ka pira pira beti kawan baweh tomasuk (Maria tinan Yesus). Oko ka nyan intin kawan konduang Yesus. Kokon doh pompaluh bokumpur ika bodoa. Tunuh lau iroh bodoa, hintang ma kohico songan doh.
Matius tomili ika kanti Yudas
1:15-26
15Opah pira pira ondo, oko kira-kira solatuh duan pulu beti dulun co porocaya ma Yesus bokumpur kotika iyoh. Petrus tonjok nyan halo kokon dulun taiyoh. Hie eh, 16-20“Kawan konduang bawe bakah, tumun aang tuh Yudas Iskariot tomasuk ponah kolompok kaih kawan rasul. Are molayan homboh kaih. Are ka co monuntun kawan dulun co nyau nawan Yesus.
(Yudas haba duit ika nompi kojahatan cioh. Ma duit cioh are moli ico kobidang tana. Nyan intin are tahak tontukom dapot kokon ponah olom eh pusit, paluh are matoi. Kokon dulun nyan kota Yerusalem ocop ngoneh tarung conon. Maka ponah bohasa doh tana cioh tonisi ‘Hakal-Dama’, arti eh ‘Tana Daha’.)
“Tapi,” hien Petrus, ‘sinan lau kojadian cotuh ocop tonulih ponah Surat Borasih. Kojadian cioh tojadi sosuai ma aang co tonulih yoh. Sinan lau Roh Mohotara momimpin Laca Daud nulih tintunhukuman co cucuk indan Yudas nyan Buku Puisi Masmur. Tuh nai surat cioh:
Olubat lopo tioh jarin buhang;
Olubat aroko dulun co nukui inyai.’#1:16-20 Ingkan Masmur 69:26.
Antun cotuh ka tonulih: ‘Olubat jabatan dulun cioh tomonu dulun bokon.’#1:16-20 Ingkan Masmur 109:8.
21-22Poko tului iyoh, ito porulu mili ico beti rasul kole ika kanti Yudas. Are angar tenden umba kaih kawan rasul ika momborita bahawa Tuhan Yesus ocop bolum hopuli ingkan pompatoi. Malah pio ito mili dulun cioh ingkan halo ito co oko nyan intoi. Tapi, are ka sobulih dulun co horoholuh homboh ma kaih nyan waktu Yesus oko nyan halo kaih. Are sobulih dulun co tenden homboh ma kaih molai ingkan waktu Yohanes mombaptis Yesus dapot Yesus topangkat hia sorga ingkan halo kaih.”
23Jadi, kawan dulun porocaya co hokumpur nyan intin mongusul duo beti bahum co ika kanti Yudas. Dulun duo iyoh araieh Matias hintang Yusuf. Yusuf ka tonisi ma duo arai bokon, iyohonon Barsabas hintang Yustus). 24-25Opah iyoh iroh uras bodoa. Hien doh, “Tuhan, Iko monau ponah songan sika dulun. Yudas ocop naat tugas eh sobagai rasul. Are ocop matoi, paluh muntam hia ika co pantas indai eh. Jadi, nunjuk eh bat ma kaih ome angar co ika kanti are. Oko duo beti dulun tuh. Comoh co tomili Mu ika molayan sobagai rasul ika kanti Yudas.” 26Opah iyoh iroh moundi.#1:26 Ma cara cioh iroh monau ome co tomili Tuhan nyan songkolang dulun duo iyoh.
Tonyata aran Matias boh co pusit ponah undian cioh. Jadi, are tomangkat jarin rasul umba sobalas rasul co bokon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in