Матвей 19
19
(Мк 10:1-12)
1Иигэжэ һургаһанайнгаа һүүлээр Иисүүс Галилейһээ гаража, Иордан голой саада бэеын Иудейн можо хүрэжэ ерэбэ. 2Хойноһоонь олон хүн дахажа ябаа, тиин Иисүүс тэдэнэй үбшэн зонииень бултыень аргалба.
3Хэдэн фарисейнүүд Иисүүстэ ойртожо, Тэрэниие туршаха һанаатайгаар:
– Хүн ямаршье шалтагаанаар һамганһаа һалаха эрхэтэй гү? – гэжэ һураба.
4Иисүүс харюусаба:
– Бүтээгшэ түрүүшээр эрэ эмэ хоёрые бүтээгөө гэжэ таанар уншаагүй аалта? 5Тиигээд: «Эрэ хүн эхэ эсэгэеэ орхёод, һамгантайгаа нэгэдэхэ, тиин тэрэ хоёр ганса бэе болон эблэрхэ» гэжэ хэлээ юм. 6Тиихэлээрээ тэдэ хоёр болбол хоёр бэшэ, харин нэгэ бэе гээшэ. Тиимэһээ Бурханай нэгэдүүлһэн юумые хүн хубааха ёһогүй.
7Урдаһаань фарисейнүүд:
– Тиигээ һаа, юундэ Моисей һалаха тухай гэршэлгэ һамгандаа үгөөд лэ, тэрээнһээ һалажа болохо гэһэн зүбшөөл үгөөб? – гэжэ Иисүүсһээ һураба. 8Иисүүс тэдэндэ:
– Шулуун сэдьхэлтэй байһан хадатнай һамганһаа һалаха зүбшөөл Моисей таанарта үгөө; теэд Бурхан анханһаа тиигэжэ заяагаагүй юм. 9Зүгөөр Би таанарта иигэжэ хэлэхэб: өөртэнь урбаагүй һамганһаа һалаад, ондоо эхэнэртэй гэрлэһэн хүн бүхэн урбагша болоно, – гэжэ хэлээ.
10Шабинарынь тэрээндэ:
– Хэрбээ хүн һамганайнгаа урда тиимэ уялгатай байбалнь, юрэдөө һамга абангүй байбал дээрэ бэшэ гү, – гэжэ хэлэбэ.
11Иисүүс тэдэндэ иигэжэ харюусаа:
– Энэнь хүн бүхэндэ хамаатай бэшэ, гансал Бурханай заяаһан хүнүүдтэ хамаатай юм. 12Яахадааб гэхэдэ, хүнүүд элдэб янзын шалтагаанаар һамга абадаггүй: зариман түрэхэһөөн зэмдэг дутагдалтай байдаг, бусадые хүнүүд тиимэ болгожорхидог, үшөө зариман Огторгойн хаан ороной аша туһада һамга абадаггүй. Зүгөөр энээниие ойлгожо абаха арга бэлигтэй хүнүүд ойлгожо абаха ёһотой.
Иисүүс балшар үхибүүдые адислана
13Иисүүсэй гарһаа адис абуулжа, зальбаралдань хүртөөхын тула зарим хүнүүд Тэрээндэ үхибүүдээ асарба. Гэбэшье шабинарынь тэдэ зондо дурагүйгөөр дуугаржа байгаа. 14Теэд Иисүүс:
– Үхибүүдые наашань табигты, Намда ерэхэдэнь һаалта бү хэгты, ушарынь юуб гэбэл, эдэ үхибүүдтэл адли зон Огторгойн хаан түрын мэдэлдэ юм, – гэжэ хэлээ.
15Иисүүс үхибүүдые гараараа адислаад, тэндэһээ ябаа һэн.
Залуу баян хүн
16Хэншьеб нэгэтэ Иисүүстэ ерэжэ:
– Эрхим багша! Мүнхын амидаралда хүртэхын тула би ямар буянтай юумэ хэхэ ёһотойбиб? – гэжэ һураба.
17– Юундэ Намайе эрхим гэбэш? Гансал Бурхан эрхим гээшэ. Хэрбээ мүнхын амидаралда хүртэхэеэ һанабал, Тэрэнэй захяа заабаринуудые сахижа бай, – гэжэ Иисүүс тэрэ хүндэ харюусаба.
18– Ямар захяа заабаринуудые? – гэжэ нүгөөдэнь асууба.
Тиихэдэнь Иисүүс:
– Бү ала, ханидаа бү урба, хулгай бү хэ, бусад тухай худал юумэ бү хэлэ, 19эхэ эсэгэеэ хүндэлэ, баһа өөртөө дуратай байдагтал адляар дүтынгөө хүндэ дуратай бай, – гэжэ тоолон хэлэбэ.
20– Эдэ захяа заабаринуудые бултыень би эдир наһанһаа сахижа ябадаг хүнби. Энээнһээ гадна би юу хэхэ ёһотойбиб? – гэжэ залуу хүбүүн һураба. 21Иисүүс тэрээндэ:
– Хэрбээ эрхим түгэс байха гэбэл, ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хойноһоомни ябаарай, – гэбэ.
22Энээниие дуулахадаа залуу хүбүүн уйдхартайгаар саашалба, ушарынь юуб гэхэдэ, тэрэ хүбүүн аргагүй ехэ эд зөөритэй һэн.
23Иисүүс шабинартаа:
– Баян хүнэй Огторгойн хаан орондо орохонь ехэл бэрхэтэйл байха даа. 24Баян хүнэй Бурханай хаан орондо орохоһоонь бэлээр зүүнэй һүбөөр тэмээн ороод гарахал гэжэ таанарта дабтан хэлэхэб, – гээ бэлэй.
25Энээниие дуулаад, шабинарынь ехээр гайхалдан:
– Тиигэхэдээ хэн абарагдаха аргатайб? – гэлсэбэ.
26Иисүүс тэдэнээ шэртэн хараад:
– Хүнүүд өөһэдыгөө абаржа шадахагүй, харин Бурхан юушье хэхэ аргатай, – гэбэ.
27Тиихэдэнь Пётр:
– Бидэ хамаг юумэеэ орхёод, Таниие дахаабди. Бидэ юундэ хүртэхэбибди? – гэжэ Иисүүсһээ һураба.
28Иисүүс тэдэндэ хэлэбэ:
– Хүн түрэлхитэнэй Хүбүүнэй Өөрынгөө алдарта Хаан шэрээдэ һуухадань, Намайе дахажа ябаһан таанад баһа арбан хоёр хаан шэрээдэ һуужа, Израилиин арбан хоёр угсаатаниие шүүбэрилхэт гэжэ баталан таанадта хэлэнэб. 29Баһа Минии түлөө гэр байраяа гү, аха дүүнэрээ гү, эгэшэ дүүнэрээ гү, аба эжыгээ гү, һамга үхибүүдээ гү, али эдлэжэ байһан газараа орхиһон хүн бүхэн зуу дахин ехэ юумэ абаха, үшөө тиихэдэ мүнхын амидаралда хүртэхэ. 30Зүгөөр мүнөө түрүү зэргэдэ байгшадай олониинь һүүл хабида орохо, тиихэдэ мүнөө һүүл зэргэдэ байһанай олониинь түрүүлэн гараха.
Currently Selected:
Матвей 19: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
Матвей 19
19
(Мк 10:1-12)
1Иигэжэ һургаһанайнгаа һүүлээр Иисүүс Галилейһээ гаража, Иордан голой саада бэеын Иудейн можо хүрэжэ ерэбэ. 2Хойноһоонь олон хүн дахажа ябаа, тиин Иисүүс тэдэнэй үбшэн зонииень бултыень аргалба.
3Хэдэн фарисейнүүд Иисүүстэ ойртожо, Тэрэниие туршаха һанаатайгаар:
– Хүн ямаршье шалтагаанаар һамганһаа һалаха эрхэтэй гү? – гэжэ һураба.
4Иисүүс харюусаба:
– Бүтээгшэ түрүүшээр эрэ эмэ хоёрые бүтээгөө гэжэ таанар уншаагүй аалта? 5Тиигээд: «Эрэ хүн эхэ эсэгэеэ орхёод, һамгантайгаа нэгэдэхэ, тиин тэрэ хоёр ганса бэе болон эблэрхэ» гэжэ хэлээ юм. 6Тиихэлээрээ тэдэ хоёр болбол хоёр бэшэ, харин нэгэ бэе гээшэ. Тиимэһээ Бурханай нэгэдүүлһэн юумые хүн хубааха ёһогүй.
7Урдаһаань фарисейнүүд:
– Тиигээ һаа, юундэ Моисей һалаха тухай гэршэлгэ һамгандаа үгөөд лэ, тэрээнһээ һалажа болохо гэһэн зүбшөөл үгөөб? – гэжэ Иисүүсһээ һураба. 8Иисүүс тэдэндэ:
– Шулуун сэдьхэлтэй байһан хадатнай һамганһаа һалаха зүбшөөл Моисей таанарта үгөө; теэд Бурхан анханһаа тиигэжэ заяагаагүй юм. 9Зүгөөр Би таанарта иигэжэ хэлэхэб: өөртэнь урбаагүй һамганһаа һалаад, ондоо эхэнэртэй гэрлэһэн хүн бүхэн урбагша болоно, – гэжэ хэлээ.
10Шабинарынь тэрээндэ:
– Хэрбээ хүн һамганайнгаа урда тиимэ уялгатай байбалнь, юрэдөө һамга абангүй байбал дээрэ бэшэ гү, – гэжэ хэлэбэ.
11Иисүүс тэдэндэ иигэжэ харюусаа:
– Энэнь хүн бүхэндэ хамаатай бэшэ, гансал Бурханай заяаһан хүнүүдтэ хамаатай юм. 12Яахадааб гэхэдэ, хүнүүд элдэб янзын шалтагаанаар һамга абадаггүй: зариман түрэхэһөөн зэмдэг дутагдалтай байдаг, бусадые хүнүүд тиимэ болгожорхидог, үшөө зариман Огторгойн хаан ороной аша туһада һамга абадаггүй. Зүгөөр энээниие ойлгожо абаха арга бэлигтэй хүнүүд ойлгожо абаха ёһотой.
Иисүүс балшар үхибүүдые адислана
13Иисүүсэй гарһаа адис абуулжа, зальбаралдань хүртөөхын тула зарим хүнүүд Тэрээндэ үхибүүдээ асарба. Гэбэшье шабинарынь тэдэ зондо дурагүйгөөр дуугаржа байгаа. 14Теэд Иисүүс:
– Үхибүүдые наашань табигты, Намда ерэхэдэнь һаалта бү хэгты, ушарынь юуб гэбэл, эдэ үхибүүдтэл адли зон Огторгойн хаан түрын мэдэлдэ юм, – гэжэ хэлээ.
15Иисүүс үхибүүдые гараараа адислаад, тэндэһээ ябаа һэн.
Залуу баян хүн
16Хэншьеб нэгэтэ Иисүүстэ ерэжэ:
– Эрхим багша! Мүнхын амидаралда хүртэхын тула би ямар буянтай юумэ хэхэ ёһотойбиб? – гэжэ һураба.
17– Юундэ Намайе эрхим гэбэш? Гансал Бурхан эрхим гээшэ. Хэрбээ мүнхын амидаралда хүртэхэеэ һанабал, Тэрэнэй захяа заабаринуудые сахижа бай, – гэжэ Иисүүс тэрэ хүндэ харюусаба.
18– Ямар захяа заабаринуудые? – гэжэ нүгөөдэнь асууба.
Тиихэдэнь Иисүүс:
– Бү ала, ханидаа бү урба, хулгай бү хэ, бусад тухай худал юумэ бү хэлэ, 19эхэ эсэгэеэ хүндэлэ, баһа өөртөө дуратай байдагтал адляар дүтынгөө хүндэ дуратай бай, – гэжэ тоолон хэлэбэ.
20– Эдэ захяа заабаринуудые бултыень би эдир наһанһаа сахижа ябадаг хүнби. Энээнһээ гадна би юу хэхэ ёһотойбиб? – гэжэ залуу хүбүүн һураба. 21Иисүүс тэрээндэ:
– Хэрбээ эрхим түгэс байха гэбэл, ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хойноһоомни ябаарай, – гэбэ.
22Энээниие дуулахадаа залуу хүбүүн уйдхартайгаар саашалба, ушарынь юуб гэхэдэ, тэрэ хүбүүн аргагүй ехэ эд зөөритэй һэн.
23Иисүүс шабинартаа:
– Баян хүнэй Огторгойн хаан орондо орохонь ехэл бэрхэтэйл байха даа. 24Баян хүнэй Бурханай хаан орондо орохоһоонь бэлээр зүүнэй һүбөөр тэмээн ороод гарахал гэжэ таанарта дабтан хэлэхэб, – гээ бэлэй.
25Энээниие дуулаад, шабинарынь ехээр гайхалдан:
– Тиигэхэдээ хэн абарагдаха аргатайб? – гэлсэбэ.
26Иисүүс тэдэнээ шэртэн хараад:
– Хүнүүд өөһэдыгөө абаржа шадахагүй, харин Бурхан юушье хэхэ аргатай, – гэбэ.
27Тиихэдэнь Пётр:
– Бидэ хамаг юумэеэ орхёод, Таниие дахаабди. Бидэ юундэ хүртэхэбибди? – гэжэ Иисүүсһээ һураба.
28Иисүүс тэдэндэ хэлэбэ:
– Хүн түрэлхитэнэй Хүбүүнэй Өөрынгөө алдарта Хаан шэрээдэ һуухадань, Намайе дахажа ябаһан таанад баһа арбан хоёр хаан шэрээдэ һуужа, Израилиин арбан хоёр угсаатаниие шүүбэрилхэт гэжэ баталан таанадта хэлэнэб. 29Баһа Минии түлөө гэр байраяа гү, аха дүүнэрээ гү, эгэшэ дүүнэрээ гү, аба эжыгээ гү, һамга үхибүүдээ гү, али эдлэжэ байһан газараа орхиһон хүн бүхэн зуу дахин ехэ юумэ абаха, үшөө тиихэдэ мүнхын амидаралда хүртэхэ. 30Зүгөөр мүнөө түрүү зэргэдэ байгшадай олониинь һүүл хабида орохо, тиихэдэ мүнөө һүүл зэргэдэ байһанай олониинь түрүүлэн гараха.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024