Һошээ 2
2
1Аха дүүнэртээ «минии арад зон», эгэшэнэртээ «хайрада хүртэнхэй» гээд хэлэгты.
Эзэн Өөрын забхай һамган Израильтай заргалдана
2Эхэеэ зэмэлэн урдаһаань тулагты, зэмэлэгты!
Тэрэ минии һамган бэшэ, Би тэрэнэй нүхэр бэшэ болооб.
Тэрэ забхай ябадалаа болюулжа, урбахаяа бэшэ болиг лэ!
3Үгы һаань, Би тэрэниие анха мүндэлһэн үдэртэнь адляар
шараа нюсэгэлжэ, газаашань гаргахаб.
Сүл губидал адли үрэжэлгүй хооһон болгожо,
ангаан-хатаан алахаб.
4Үри хүүгэдыеньшье хайрлахагүйб,
юуб гэбэл, тэдэ забхай ябадалай үринэр гээшэл.
5Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл. 6Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб. 7Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл». 8Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл! 9Тиимэһээ тэрэнэй эгээл хэрэглэжэ байгаа сагта эдеэ хоолоо, үзэмэй дараһан архияа тэрээнһээ Би һөөргэнь хуряан абахаб. Бэеэ халхалан хушажа байгааша нооһо, маалингыень Өөртөө бусаан абахаб.
10Амарагуудайнь хараһаар байтар тэрэниие шараа нюсэгэлхэб. Хэнииньшье тэрэниие аршалжа шадахагүй! 11Баяр зугааень – жэл бүриин болон һара бүриин һайндэрнүүдыень, амаралтын үдэрэй һайндэрые, юрэдөө, бүхы сэнгэл зугааень үгы хэхэб. 12«Амарагуудайм бэлэглэһэн зүйл» гэжэ тэрэнэй харуулжа хэлэдэг үзэмэй модоной болон инжирын мүшэрнүүдые хооһолхоб. Ан арьяатан тэдэниие һандааха. 13Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!
Эзэн Өөрын арадтай эбтэй болохо
14Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб. 15Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал. 16Тэрэ үдэр тэрэ Намайе «Минии Үбгэн» гэжэ нэрлэжэ, «Минии Ноён» гэжэ нэрлэхэеэ болёод байха. 17Тэрэ хэзээдэшье бэшэ Баалай#2:17 Баал – ханаһаанай тэнгэри дугаралгын бурхан. Энэ үгэ еврей хэлэн дээрэ баһа «ноён» гэһэн үгэ тэмдэглэдэг. Иигэжэ израильшууд Баалда мүргэхые Эзэндэ мүргэхэтэй холихоёо болихо гэжэ лүндэншэн эндэ айладхана. нэрэ дурдахагүй – Би иимэ хэрэг ябуулхаб.
18Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.
19Израиль, шамайе хэтэ мүнхэдөө Өөрын һамган болгохоб, Би шамда үнэн сэхые, шударга зүбые, хайра дурые, энэрхы сэдьхэл бэлэглэхэб. 20Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.
21Тэрэ үдэр Би газар дэлхэйдэ бороо эльгэхыень огторгойдо захирхаб. 22Езрээлэй газарта таряа талха, үзэм, олива ургуулхаб. 23Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.
Currently Selected:
Һошээ 2: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
Һошээ 2
2
1Аха дүүнэртээ «минии арад зон», эгэшэнэртээ «хайрада хүртэнхэй» гээд хэлэгты.
Эзэн Өөрын забхай һамган Израильтай заргалдана
2Эхэеэ зэмэлэн урдаһаань тулагты, зэмэлэгты!
Тэрэ минии һамган бэшэ, Би тэрэнэй нүхэр бэшэ болооб.
Тэрэ забхай ябадалаа болюулжа, урбахаяа бэшэ болиг лэ!
3Үгы һаань, Би тэрэниие анха мүндэлһэн үдэртэнь адляар
шараа нюсэгэлжэ, газаашань гаргахаб.
Сүл губидал адли үрэжэлгүй хооһон болгожо,
ангаан-хатаан алахаб.
4Үри хүүгэдыеньшье хайрлахагүйб,
юуб гэбэл, тэдэ забхай ябадалай үринэр гээшэл.
5Эхэнь забхай зальхай ябадал гаргаа, хэбэл соогоо шэрээшэнь нэрэеэ гутаагаа. Юуб гэбэл, тэрэ «Эдеэ хоол ба унда, нооһо ба маалинга, оливын тоһо ба үзэмэй дараһан архи үгэдэг амарагуудайнгаа хойноһоо ошохом» гэжэ хэлээ бэлэйл. 6Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб. 7Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл». 8Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл! 9Тиимэһээ тэрэнэй эгээл хэрэглэжэ байгаа сагта эдеэ хоолоо, үзэмэй дараһан архияа тэрээнһээ Би һөөргэнь хуряан абахаб. Бэеэ халхалан хушажа байгааша нооһо, маалингыень Өөртөө бусаан абахаб.
10Амарагуудайнь хараһаар байтар тэрэниие шараа нюсэгэлхэб. Хэнииньшье тэрэниие аршалжа шадахагүй! 11Баяр зугааень – жэл бүриин болон һара бүриин һайндэрнүүдыень, амаралтын үдэрэй һайндэрые, юрэдөө, бүхы сэнгэл зугааень үгы хэхэб. 12«Амарагуудайм бэлэглэһэн зүйл» гэжэ тэрэнэй харуулжа хэлэдэг үзэмэй модоной болон инжирын мүшэрнүүдые хооһолхоб. Ан арьяатан тэдэниие һандааха. 13Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!
Эзэн Өөрын арадтай эбтэй болохо
14Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб. 15Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал. 16Тэрэ үдэр тэрэ Намайе «Минии Үбгэн» гэжэ нэрлэжэ, «Минии Ноён» гэжэ нэрлэхэеэ болёод байха. 17Тэрэ хэзээдэшье бэшэ Баалай#2:17 Баал – ханаһаанай тэнгэри дугаралгын бурхан. Энэ үгэ еврей хэлэн дээрэ баһа «ноён» гэһэн үгэ тэмдэглэдэг. Иигэжэ израильшууд Баалда мүргэхые Эзэндэ мүргэхэтэй холихоёо болихо гэжэ лүндэншэн эндэ айладхана. нэрэ дурдахагүй – Би иимэ хэрэг ябуулхаб.
18Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.
19Израиль, шамайе хэтэ мүнхэдөө Өөрын һамган болгохоб, Би шамда үнэн сэхые, шударга зүбые, хайра дурые, энэрхы сэдьхэл бэлэглэхэб. 20Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.
21Тэрэ үдэр Би газар дэлхэйдэ бороо эльгэхыень огторгойдо захирхаб. 22Езрээлэй газарта таряа талха, үзэм, олива ургуулхаб. 23Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024