Даниил 10

Даниилда Бурханай эльгээмэл үзэгдэнэ

1Персиин хаан Киирэй гурбадахи жэлээ зонхилжо байхада Бэлтэшаццаар гэжэ нэрэ зүүдэг Даниилда үзэгдэл – үнэн зүб мэдээсэл болон агууехэ ашаан – харагдаһан байна. Даниил тэрэ айладхал ойлгобо, үзэгдэлдөө харахадаа, тэрэниие ойлгоо бэлэй.

2Тэрэ үедэ би, Даниил, гурбан долоон хоногой туршада уй гашуудалда абтанхай байгаа һэм#10:2 Иерусалимай нангин үргөөгэй һандаргагдаһанһаа боложо гээд ойлгомоор.. 3Амтатай эдеэ эдеэгүйб, мяха, үзэмэй дараһан архи амандаа хүргөөгүйб, энэ гурбан долоон хоногой туршада тоһо бэедээ түрхеэгүйб.

4Жэлэй түрүүшын һарын#10:4 Нисаан һара – март-апрель. хорин дүрбэдэхи үдэр би агууехэ Тигр голой эрьедэ байгааб. 5Харахадам, улһан хубсаһа үмдэнхэй, Упаазай шэжэр алтан бүһэ бүһэлэнхэй нэгэ хүн зогсожо байба. 6Бэень биндарьяа шулуун мэтэ, шарайнь сахилгаандал, нюдэдынь дүрэжэ байһан галдал, гар ба хүлынь үрэгдөөтэй гуулиндал, абяа дууниинь түмэн зоной абяан мэтэ бэлэй.

7Би, Даниил, гансаараал энэ үзэгдэлые харааб. Намтай байгааша зон энэ үзэгдэлые хараагүй, гэбэшье угаа ехээр айжа, хоргодон тэрьедээ һэн. 8Би гансаараа үлэжэ, энэ агууехэ үзэгдэл хараа һэм. Тэнхээ тамиргүй болоод, шэг шарайм хубилан сухиижа, хүсэ шадалгүй болоо бэлэйб. 9Тэрэнэй абяа дууламсаараа би мэдээ табижа, нюураараа газар шаан унаа һэм. 10Тиихэдэм намда нэгэ гар хүрэжэ, дээшэнь болгобо: би шэшэрэн үбдэг дээрээ, гараараа газар тулган зогсобоб.

11Тэрэ намда:

– Бурханай шэлэгшэ Даниил! Минии шамда хэлэхэ гэжэ байгааша үгэнүүдые ойлгоорой. Дээшээ бодо, юуб гэхэдэ, би шам руу эльгээгдэнхэйб, – гэбэ.

Тиигэжэ хэлэхэдэнь, би шэшэрһээр дээшээ бодобоб.

12Тэрэ намда:

– Даниил, бү ай. Юумэ ойлгожо абахаар, Бурханайнгаа урда һүгэдэн байхаар эрмэлзэдэг болоһоор түрүүшын үдэрһөөшни эхилэн гуйлташни Бурханаар дуулдагдаа. Шинии үгэнүүдэйл түлөө би энэ мүнөө ерээд байнаб. 13Персиин хаан хорин нэгэн үдэрэй туршада намда эсэргүүсээ. Персиин хаашуулай урда байхадам, эгээл хүсэтэй Бурханай Эльгээмэл сахюусан Михаээл#10:13 Израилиин сахюусан, Бурханай эльгээмэл. намда туһалхаяа ерээ бэлэй. 14Сагай үнгэрхэдэ шинии арад түмэнтэй юун тохёолдохо байһан тухай шамда ойлгуулхаяа би мүнөө ерээб. Юуб гэхэдэ, энэ үзэгдэл ерээдүй саг тушаа юм, – гэбэ.

15Иимэ үгэнүүдые намда хэлэжэ байхадань би газар руу хараад, абяагүй зогсоо һэм. 16Хүн шэнги дүрсэтэй хэн нэгэн минии уралда хүрэбэ. Тиихэдэнь би дуугаржа шадаха боложо, урдамни зогсоошо тэрээндэ хандан:

– Эзэмни! Үзэгдэл үзэхэдөө намда угаа үбшэнтэй, ямаршье тэнхээ тамиргүй болоо һэм. 17Эзэн танайнгаа богоол болохо би тантай хөөрэлдэжэ шадаха гээшэ гүб? Ямаршье хүсэгүйлби, амяа арай гэжэ абажа байнаб, – гэбэб.

18Тиихэдэм хүнэй дүрэтэй хэн нэгэн намда дахин хүрэжэ, намайе шадалтай болгобо. 19Тэрэ:

– Бурханай шэлэгшэ хүн, бү ай! Амар тэниглэн бай, зоригтой, зоригтой бай! – гэбэ. Иигэжэ хэлэхэдэнь би хүсэ тэнхээтэй боложо:

– Эзэмни, дуугарыт! Намда тэнхээ тамир бусаагаалта, – гэбэб.

20-21Тиихэдэм тэрэ:

– Минии шам руу юунэй түлөө ерэһые ойлгожо байна гүш? Үнэн бэшэгтэ#10:20-21 Дэлхэйн хуби заяан тэрэ ном соо бэшээтэй. юун гэжэ бэшээтэйе би шамда дуулгахаб. Мүнөө би һөөргэлжэ, Персиин удамаршатай дайлалдахаб. Дүүргэхэдэм, Грециин удамарша бии болохо. Танай сахюусан Михаээлһээ бэшэ хэншье намда туһалнагүй.

Currently Selected:

Даниил 10: BurBBL2024

Highlight

Copy

Compare