Римӧ 15
15
Эн мӧвпав куш ас йывсьыд
1Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным. 2Быдӧнлы колӧ мӧвпавны матыссалы бур вӧчӧм йылысь, сійӧс ёнмӧдӧм могысь. 3Ӧд Кристос эз Ас йывсьыс мӧвпав. Гижӧма: «Тэнӧ омӧльтысьяслӧн лёкӧдӧмыс уси ме вылӧ». 4Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны. 5Бурӧдӧмсӧ да зумыдлунсӧ сетысь Ен мед сетас тіянлы ӧти сьӧлӧм. Ӧд Исус Кристос велӧдӧ, 6мед ті ӧти лолӧн да ӧти вомӧн ошкинныд Енсӧ, миян Господь Исус Кристослысь Батьсӧ.
Енмыс кутӧ Ассьыс кывсӧ
7Сідзкӧ, сибӧдӧй ӧта-мӧднытӧ Кристос сибыдлунӧн, медым лоӧ ошкӧма Енмӧс. 8Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ. 9Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма:
– Та вӧсна ме кута нимӧдны Тэнӧ мукӧд войтыръяс пӧвстын,
кута сьылӧмӧн ошкыны Тэнсьыд нимтӧ.
10Нӧшта гижӧма:
– Нимкодясьӧй, мукӧд войтыръяс, Сылӧн войтыркӧд!
11И нӧшта на:
– Ошкӧй Господьӧс, войтыръяс,
ыдждӧдлӧй Сійӧс, став мувывса йӧз!
12Исай висьталӧ:
– Ессей вужсянь петас вож.
Сійӧ кутас веськӧдлыны войтыръясӧн,
найӧ Сы вылӧ лача кутны пондасны.
13Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.
Павеллӧн кесъялӧм
14Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ. 15Но казьтыштӧм могысь ме мыйсюрӧ гижи тіянлы повтӧг. Тадзи вӧчи, ӧд Енмыс Аслас буралӧмнас корис менӧ 16кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди. 17Исус Кристос пытшкын ме верма ошйысьны Енлы кесъялӧмӧн. 18-19Лысьта висьтавны сӧмын сы йылысь, мый Кристос вӧчис ме пыр, медым вайӧдны ентӧдтӧмъясӧс Енлысь кывзысьӧмас. Сійӧ вӧчис тайӧс Енмыслӧн Лов вынӧн менам сёрниӧй да уджӧй пыр, индысьпасъяс да шензьӧданаторъяс пыр. Ерусалимсянь да водзӧ ме паськӧді Кристос йылысь Бур Юӧрсӧ, весиг Иллирикӧдз вои. 20Мед эз ло вӧчӧма мукӧдлӧн подув вылын, ме зіли висьтавны Бур Юӧрсӧ сэні, кӧні Кристос нимсӧ эз на кывлыны. 21Та йылысь гижӧма:
– Кодъяслы эз висьтавлыны Сы йылысь,
найӧ аддзасны,
кодъяс эз на кывлыны,
найӧ тӧдмаласны.
22Тайӧ уджыс унаысь кутіс менӧ тіян дінӧ волӧмысь. 23Ӧні менам помалӧма тані уджсӧ. Гашкӧ, уна вося кӧсйӧмӧй волыны тіян дінӧ сэсся збыльмас. 24Испанияӧ мунігӧн пырала тіян дінӧ. Кӧсъя аддзысьлыны тіянкӧд, медым вермим ӧтлаын нимкодясьыштны. Лача кута, мый сэсся отсаланныд меным водзӧ туйӧ петны. 25Ӧні ме мӧдӧдча Ерусалимӧ кесъявны вежа войтырлы. 26Македонияса да акайяса эскысьяс шуисны сетны кутшӧмсюрӧ отсӧг ерусалимса гӧль эскысьяслы. 27Тадзи шуисны вӧчны, ӧд найӧ уджйӧзаӧсь иудейяслы. Иудейяс пыр ентӧдтӧмъяслы вичмис енэжвывса бурсиӧмыс, та вӧсна налы колӧ отсавны иудейяслы быдлунъя олӧмын. 28Тайӧ отсӧгсӧ нуӧм бӧрын вӧлисти муна Испанияӧ. Сэтчӧ мунігмоз кежала тіян дінӧ. 29Ме тӧда, мый локта тіян дінӧ Кристослӧн тыр бурсиӧмӧн. 30Вокъяс, миян Господь Исус Кристос нимӧн да Вежа Ловсянь муслунӧн кора тіянӧс: ӧтвывтчӧй менам тышъясӧ да кевмысьӧй ме вӧсна Енмыслы, 31медым эг веськав Иудеяын эскытӧмъяс киӧ, да вайӧм отсӧгыс мед шогмас ерусалимса вежа войтырлы. 32Енлы кӧ лоӧ шогмана, нимкодьпырысь локта тіян дінӧ да шойччышта тіян ордын. 33Лӧньлунсӧ сетысь Ен ставныдкӧд тіянкӧд. Аминь.
Currently Selected:
Римӧ 15: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Римӧ 15
15
Эн мӧвпав куш ас йывсьыд
1Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным. 2Быдӧнлы колӧ мӧвпавны матыссалы бур вӧчӧм йылысь, сійӧс ёнмӧдӧм могысь. 3Ӧд Кристос эз Ас йывсьыс мӧвпав. Гижӧма: «Тэнӧ омӧльтысьяслӧн лёкӧдӧмыс уси ме вылӧ». 4Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны. 5Бурӧдӧмсӧ да зумыдлунсӧ сетысь Ен мед сетас тіянлы ӧти сьӧлӧм. Ӧд Исус Кристос велӧдӧ, 6мед ті ӧти лолӧн да ӧти вомӧн ошкинныд Енсӧ, миян Господь Исус Кристослысь Батьсӧ.
Енмыс кутӧ Ассьыс кывсӧ
7Сідзкӧ, сибӧдӧй ӧта-мӧднытӧ Кристос сибыдлунӧн, медым лоӧ ошкӧма Енмӧс. 8Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ. 9Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма:
– Та вӧсна ме кута нимӧдны Тэнӧ мукӧд войтыръяс пӧвстын,
кута сьылӧмӧн ошкыны Тэнсьыд нимтӧ.
10Нӧшта гижӧма:
– Нимкодясьӧй, мукӧд войтыръяс, Сылӧн войтыркӧд!
11И нӧшта на:
– Ошкӧй Господьӧс, войтыръяс,
ыдждӧдлӧй Сійӧс, став мувывса йӧз!
12Исай висьталӧ:
– Ессей вужсянь петас вож.
Сійӧ кутас веськӧдлыны войтыръясӧн,
найӧ Сы вылӧ лача кутны пондасны.
13Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.
Павеллӧн кесъялӧм
14Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ. 15Но казьтыштӧм могысь ме мыйсюрӧ гижи тіянлы повтӧг. Тадзи вӧчи, ӧд Енмыс Аслас буралӧмнас корис менӧ 16кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди. 17Исус Кристос пытшкын ме верма ошйысьны Енлы кесъялӧмӧн. 18-19Лысьта висьтавны сӧмын сы йылысь, мый Кристос вӧчис ме пыр, медым вайӧдны ентӧдтӧмъясӧс Енлысь кывзысьӧмас. Сійӧ вӧчис тайӧс Енмыслӧн Лов вынӧн менам сёрниӧй да уджӧй пыр, индысьпасъяс да шензьӧданаторъяс пыр. Ерусалимсянь да водзӧ ме паськӧді Кристос йылысь Бур Юӧрсӧ, весиг Иллирикӧдз вои. 20Мед эз ло вӧчӧма мукӧдлӧн подув вылын, ме зіли висьтавны Бур Юӧрсӧ сэні, кӧні Кристос нимсӧ эз на кывлыны. 21Та йылысь гижӧма:
– Кодъяслы эз висьтавлыны Сы йылысь,
найӧ аддзасны,
кодъяс эз на кывлыны,
найӧ тӧдмаласны.
22Тайӧ уджыс унаысь кутіс менӧ тіян дінӧ волӧмысь. 23Ӧні менам помалӧма тані уджсӧ. Гашкӧ, уна вося кӧсйӧмӧй волыны тіян дінӧ сэсся збыльмас. 24Испанияӧ мунігӧн пырала тіян дінӧ. Кӧсъя аддзысьлыны тіянкӧд, медым вермим ӧтлаын нимкодясьыштны. Лача кута, мый сэсся отсаланныд меным водзӧ туйӧ петны. 25Ӧні ме мӧдӧдча Ерусалимӧ кесъявны вежа войтырлы. 26Македонияса да акайяса эскысьяс шуисны сетны кутшӧмсюрӧ отсӧг ерусалимса гӧль эскысьяслы. 27Тадзи шуисны вӧчны, ӧд найӧ уджйӧзаӧсь иудейяслы. Иудейяс пыр ентӧдтӧмъяслы вичмис енэжвывса бурсиӧмыс, та вӧсна налы колӧ отсавны иудейяслы быдлунъя олӧмын. 28Тайӧ отсӧгсӧ нуӧм бӧрын вӧлисти муна Испанияӧ. Сэтчӧ мунігмоз кежала тіян дінӧ. 29Ме тӧда, мый локта тіян дінӧ Кристослӧн тыр бурсиӧмӧн. 30Вокъяс, миян Господь Исус Кристос нимӧн да Вежа Ловсянь муслунӧн кора тіянӧс: ӧтвывтчӧй менам тышъясӧ да кевмысьӧй ме вӧсна Енмыслы, 31медым эг веськав Иудеяын эскытӧмъяс киӧ, да вайӧм отсӧгыс мед шогмас ерусалимса вежа войтырлы. 32Енлы кӧ лоӧ шогмана, нимкодьпырысь локта тіян дінӧ да шойччышта тіян ордын. 33Лӧньлунсӧ сетысь Ен ставныдкӧд тіянкӧд. Аминь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023