Ап. уджъяс 20
20
Павел мунӧ Ефесысь
1Кор шызьӧмыс лӧнис, Павел чукӧртіс велӧдчысьяссӧ да ышӧдіс найӧс. Сэсся колльӧдчӧм бӧрын мӧдӧдчис Македонияӧ. 2Мунігас быдлаын ышӧдіс-ёнмӧдіс эскысьясӧс. Сэсся локтіс Грецияӧ 3да оліс сэні куим тӧлысь. Павел кӧсйӧ нин вӧлі кывтны Сирияӧ, но кор тӧдмаліс, мый иудейяс сёрнитчӧмаӧсь вины сійӧс, бӧрсӧ шуис мунны Македония пыр. 4Асияӧдз Павелӧс колльӧдісны Верияысь Пирлӧн Сопатр пиыс, Фессалоникаысь Аристарк да Секунд, Дервияысь Гай, Тимофей да Асияысь Тихик Трӧпимкӧд. 5Найӧ водзджык мунісны Троадаӧ да сэні виччысисны миянӧс. 6Шомтӧм нянь сёян лунъяс бӧрын ми петім Филип карысь да вит лунӧн воӧдчим на дінӧ Троадаӧ. Сэні олім вежон чӧж.
Павел ловзьӧдӧ том мортӧс
7Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз. 8Вылі судтаас, кӧні ми пукалім, бура уна би ӧзйис. 9Ӧшинь вылас пукаліс Евтик нима том морт. Павеллӧн дыр сёрнитӧмысь сійӧ чорыда унмовсис да ун йывсьыс усис коймӧд судтасяньыс. Муысь лэптігӧн аддзисны, мый сійӧ кулӧма. 10Павел лэччис, водіс том морт вылӧ, шымыртіс сійӧс да шуис: «Энӧ шогсьӧй, лолыс сылӧн абу петӧма». 11Сэсся Павел бӧр кайис вылі судтаас. Нянь чегӧм бӧрын сійӧ сёйыштіс да бура дыр на, югдытӧдзыс, сёрнитіс велӧдчысьяскӧд, сэсся муніс. 12А том мортӧс ёна нимкодясьӧмӧн колльӧдісны гортас дзоньвидзаӧн.
Павел мунӧ Троадаысь Милитӧ
13Сэсся ми пуксим корабль вылӧ да кывтім Ассӧ, медым босьтны сэтысь Павелӧс. Сійӧ ачыс тадзи тшӧктіс, шуис, мый локтас сэтчӧ подӧн. 14Ассын аддзысьӧм бӧрын ми босьтім Павелӧс да кывтім Митилинаӧ. 15Сэсянь мӧдӧдчим бара водзӧ. Лун мысти ми кывтім нин Киос дінті. Сэсся мӧд луннас ми вуджим Самосӧ, кысянь мунім Трогилияӧ. Нӧшта лун мысти воим Милитӧ. 16Ми кывтім Ефесӧ сувтлытӧг, тадзи Павел шуис, мед Асияын эз ковмы воштыны кадсӧ. Сійӧ ёна тэрмасис, мед эськӧ Ветымынӧд лунся гаж кежлӧ воӧдчыны Ерусалимӧ.
Павел туйдӧдӧ вичкоса юрнуӧдысьясӧс
17Милитсянь Павел ыстіс юӧр – корис ас дінас Ефесысь вичкоса юрнуӧдысьясӧс. 18Ефесысь воӧмаяслы сійӧ шуис:
«Ті асьныд тӧданныд, мый медводдза лунсяньыс Асияӧ воӧмсянь ме пыр вӧлі тіянкӧд. 19Ме кесъялі Господьлы рам сьӧлӧмӧн да синва сорӧн, кор ёна сьӧкыдалі иудейяссянь. 20Йӧз водзын да тіян гортъясын велӧдігӧн ме висьталі тіянлы став коланасӧ. 21Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.
22Ӧні Лов нуӧдӧм улын ме муна Ерусалимӧ. Мый менӧ виччысьӧ сэні, ме ог тӧд. 23Тӧда сӧмын, Вежа Лов быд карын эскӧдӧ, мый дзескыдін да сьӧкыдлунъяс виччысьӧны менӧ. 24Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.
25Ӧні ме тӧда, мый ті, кодъяс пӧвстын ме олі да висьтавлі Енлӧн Юралӧм йылысь, онӧ нин аддзылӧй менсьым чужӧмӧс. 26Та вӧсна талун шуа тіянлы: вошас кӧ кодкӧ туй вывсьыс, ме абу мыжа, 27ме ӧд ланьтлытӧг висьтавлі тіянлы Енлысь став кӧсйӧмсӧ.
28Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн. 29Ме тӧда, мый менам мунӧм бӧрын пырасны тіян пӧвстӧ горш кӧинъяс да пондасны усьласьны чукӧрныд вылӧ. 30Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс. 31Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.
32Ӧні, вокъяс, коля тіянӧс Енкӧд да Сылӧн буралан кывйыскӧд. Тайӧ кывйыс вермӧ ёнмӧдны тіянӧс да сетны тіянлы кӧсйысьӧмасӧ, мый вичмас став вежа войтырлы. 33Ме некодсянь эг виччысь эзысь-зарни либӧ кӧм-пась. 34Ті асьныд тӧданныд, мый ме аслам киӧн уджалі, медым менам да тшӧтш ёртъяслӧн вӧлі став коланаыс. 35Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».
36Тайӧс шуӧм бӧрын Павел сувтіс пидзӧс вылас да ставныскӧд ӧтвылысь кевмысис. 37Ставныс кутісны бӧрдны да сывъялӧмӧн окалісны Павелӧс. 38Торъя нин шогсисны Павеллӧн шуӧм кывъясысь, мый найӧ оз нин аддзывны сылысь чужӧмсӧ. Сэсся колльӧдісны Павелӧс корабль вылӧ.
Currently Selected:
Ап. уджъяс 20: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Ап. уджъяс 20
20
Павел мунӧ Ефесысь
1Кор шызьӧмыс лӧнис, Павел чукӧртіс велӧдчысьяссӧ да ышӧдіс найӧс. Сэсся колльӧдчӧм бӧрын мӧдӧдчис Македонияӧ. 2Мунігас быдлаын ышӧдіс-ёнмӧдіс эскысьясӧс. Сэсся локтіс Грецияӧ 3да оліс сэні куим тӧлысь. Павел кӧсйӧ нин вӧлі кывтны Сирияӧ, но кор тӧдмаліс, мый иудейяс сёрнитчӧмаӧсь вины сійӧс, бӧрсӧ шуис мунны Македония пыр. 4Асияӧдз Павелӧс колльӧдісны Верияысь Пирлӧн Сопатр пиыс, Фессалоникаысь Аристарк да Секунд, Дервияысь Гай, Тимофей да Асияысь Тихик Трӧпимкӧд. 5Найӧ водзджык мунісны Троадаӧ да сэні виччысисны миянӧс. 6Шомтӧм нянь сёян лунъяс бӧрын ми петім Филип карысь да вит лунӧн воӧдчим на дінӧ Троадаӧ. Сэні олім вежон чӧж.
Павел ловзьӧдӧ том мортӧс
7Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз. 8Вылі судтаас, кӧні ми пукалім, бура уна би ӧзйис. 9Ӧшинь вылас пукаліс Евтик нима том морт. Павеллӧн дыр сёрнитӧмысь сійӧ чорыда унмовсис да ун йывсьыс усис коймӧд судтасяньыс. Муысь лэптігӧн аддзисны, мый сійӧ кулӧма. 10Павел лэччис, водіс том морт вылӧ, шымыртіс сійӧс да шуис: «Энӧ шогсьӧй, лолыс сылӧн абу петӧма». 11Сэсся Павел бӧр кайис вылі судтаас. Нянь чегӧм бӧрын сійӧ сёйыштіс да бура дыр на, югдытӧдзыс, сёрнитіс велӧдчысьяскӧд, сэсся муніс. 12А том мортӧс ёна нимкодясьӧмӧн колльӧдісны гортас дзоньвидзаӧн.
Павел мунӧ Троадаысь Милитӧ
13Сэсся ми пуксим корабль вылӧ да кывтім Ассӧ, медым босьтны сэтысь Павелӧс. Сійӧ ачыс тадзи тшӧктіс, шуис, мый локтас сэтчӧ подӧн. 14Ассын аддзысьӧм бӧрын ми босьтім Павелӧс да кывтім Митилинаӧ. 15Сэсянь мӧдӧдчим бара водзӧ. Лун мысти ми кывтім нин Киос дінті. Сэсся мӧд луннас ми вуджим Самосӧ, кысянь мунім Трогилияӧ. Нӧшта лун мысти воим Милитӧ. 16Ми кывтім Ефесӧ сувтлытӧг, тадзи Павел шуис, мед Асияын эз ковмы воштыны кадсӧ. Сійӧ ёна тэрмасис, мед эськӧ Ветымынӧд лунся гаж кежлӧ воӧдчыны Ерусалимӧ.
Павел туйдӧдӧ вичкоса юрнуӧдысьясӧс
17Милитсянь Павел ыстіс юӧр – корис ас дінас Ефесысь вичкоса юрнуӧдысьясӧс. 18Ефесысь воӧмаяслы сійӧ шуис:
«Ті асьныд тӧданныд, мый медводдза лунсяньыс Асияӧ воӧмсянь ме пыр вӧлі тіянкӧд. 19Ме кесъялі Господьлы рам сьӧлӧмӧн да синва сорӧн, кор ёна сьӧкыдалі иудейяссянь. 20Йӧз водзын да тіян гортъясын велӧдігӧн ме висьталі тіянлы став коланасӧ. 21Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.
22Ӧні Лов нуӧдӧм улын ме муна Ерусалимӧ. Мый менӧ виччысьӧ сэні, ме ог тӧд. 23Тӧда сӧмын, Вежа Лов быд карын эскӧдӧ, мый дзескыдін да сьӧкыдлунъяс виччысьӧны менӧ. 24Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.
25Ӧні ме тӧда, мый ті, кодъяс пӧвстын ме олі да висьтавлі Енлӧн Юралӧм йылысь, онӧ нин аддзылӧй менсьым чужӧмӧс. 26Та вӧсна талун шуа тіянлы: вошас кӧ кодкӧ туй вывсьыс, ме абу мыжа, 27ме ӧд ланьтлытӧг висьтавлі тіянлы Енлысь став кӧсйӧмсӧ.
28Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн. 29Ме тӧда, мый менам мунӧм бӧрын пырасны тіян пӧвстӧ горш кӧинъяс да пондасны усьласьны чукӧрныд вылӧ. 30Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс. 31Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.
32Ӧні, вокъяс, коля тіянӧс Енкӧд да Сылӧн буралан кывйыскӧд. Тайӧ кывйыс вермӧ ёнмӧдны тіянӧс да сетны тіянлы кӧсйысьӧмасӧ, мый вичмас став вежа войтырлы. 33Ме некодсянь эг виччысь эзысь-зарни либӧ кӧм-пась. 34Ті асьныд тӧданныд, мый ме аслам киӧн уджалі, медым менам да тшӧтш ёртъяслӧн вӧлі став коланаыс. 35Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».
36Тайӧс шуӧм бӧрын Павел сувтіс пидзӧс вылас да ставныскӧд ӧтвылысь кевмысис. 37Ставныс кутісны бӧрдны да сывъялӧмӧн окалісны Павелӧс. 38Торъя нин шогсисны Павеллӧн шуӧм кывъясысь, мый найӧ оз нин аддзывны сылысь чужӧмсӧ. Сэсся колльӧдісны Павелӧс корабль вылӧ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023