Ап. уджъяс 14
14
Павел да Варнава Иконияынӧсь
1Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны. 2Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм. 3Вокъяс дыркодь олісны сэні да повтӧг висьтавлісны Господь йылысь. На пыр Господь вӧчис шензьӧданаторъяс да петкӧдліс индысьпасъяс, тайӧн вынсьӧдіс Аслас буралӧм йылысь висьталӧмсӧ. 4Йӧзыс карас юксисны кык пельӧ: ӧтияс вӧліны иудейяс дор, мӧдъяс – апостолъяс дор. 5Ентӧдтӧмъяс да иудейяс асланыс юралысьяскӧд шуисны уськӧдчыны Павел да Варнава вылӧ, медым янӧдны да изъявны найӧс. 6Та йылысь тӧдмалӧм бӧрын апостолъяс пышйисны Ликаонияӧ. Сэні Листра да Дервия каръясын, тшӧтш матігӧгӧрас, 7висьтавлісны Бур Юӧр.
Павел да Варнава Листраынӧсь
8Листраын оліс кокнас висьысь морт, чужӧмсяньыс сійӧ абу на сувтлӧма кок вылас. 9Сійӧ пукаліс да кывзіс Павеллысь висьталӧмсӧ. Павел видзӧдліс сы вылӧ да аддзис, мый сылӧн эм эскӧм бурднысӧ. 10Сэки Павел гораа шуис: «Господь Исус Кристос нимӧн шуа тэныд: ”Сувт кок вылад!”» Сійӧ дзик пыр чеччыштіс да пондіс ветлӧдлыны.
11Тайӧс аддзӧм бӧрын йӧзыс асланыс ликаония кыв вылын пондісны гораа шуавны, енъяс пӧ морт кодьӧн лэччисны миян дінӧ. 12Варнаваӧс шуисны Зевсӧн, а Павелӧс – Гермесӧн, ӧд ёнджыкасӧ сійӧ сёрнитіс. 13Зевс енлы юрбитаніныс сулаліс карӧ пыранінас. Сэки Зевслӧн поп вайис сикӧтшъяс да вайӧдіс дзиръя дорӧ ӧшъясӧс, кӧсйис йӧзыскӧд ӧтлаын вись вайны апостолъяслы. 14Тайӧс кылӧм бӧрын апостолъяс, Варнава да Павел, косялісны паськӧмнысӧ да котӧрӧн уськӧдчисны йӧз чукӧр пытшкӧ, пондісны гораа шуавны: 15«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм. 16Воддза кадъясӧ Сійӧ быд войтырлы лэдзис ветлыны асланыс туйясӧд. 17Но бур вӧчӧмнас Сійӧ век казьтывліс да казьтывлӧ Ас йывсьыс: ыстӧ миянлы енэжсяньыс зэр, сетӧ ас кадӧ вотӧс-быдтас, пӧткӧдӧ миянӧс да гажӧдӧ миянлысь сьӧлӧмнымӧс». 18Тадзи висьталӧмнас найӧ ӧдва ӧлӧдісны йӧзсӧ налы вись вайӧмысь да мӧдӧдісны гортаныс.
Павел да Варнава кольччисны Листраӧ да велӧдісны сэні йӧзсӧ. 19Антиокияысь да Иконияысь локтісны сэтчӧ кодсюрӧ иудейяс. Кор апостолъяс повтӧг бурвисьтавлісны, иудейяс эскӧдісны йӧзсӧ, мед найӧ ылыстчасны апостолъясысь. Иудейяс шуисны: «Налӧн висьталӧмныс абу збыль, найӧ сӧмын пӧръясьӧны». Тадзи найӧ кыпӧдісны йӧзсӧ апостолъяслы паныд, йӧзыс изъялісны Павелӧс да кыскисны кар саяс, чайтісны, мый кулӧма нин. 20Но кор велӧдчысьяс чукӧртчисны Павел гӧгӧр, сійӧ чеччис да бӧр локтіс карас. Сэсся мӧд луннас Варнавакӧд Павел муніс Дервияӧ.
Павел да Варнава бӧр локтӧны Антиокияӧ
21Дервияын Павел да Варнава висьтавлісны Евангелльӧ став карыслы, бура уна велӧдчысь сэні лои. Сэсся бӧрсӧ локтісны Листра, Икония да Антиокия пыр. 22Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ. 23Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.
24Сэсся Писидия пыр мунісны Памфилияӧ. 25Сэні Пергия карын Господьлысь кывсӧ висьталӧм бӧрын мунісны Атталияӧ. 26Сэсянь кывтісны Антиокияӧ, ӧд буретш тані найӧс вӧлі сетӧма Енлӧн буралан киӧ, мед вӧчны Енлысь уджсӧ, кодӧс помӧдз вайӧдісны. 27Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ. 28Сэсся дыркодь на олісны найӧ сэтчӧс велӧдчысьяскӧд.
Currently Selected:
Ап. уджъяс 14: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Ап. уджъяс 14
14
Павел да Варнава Иконияынӧсь
1Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны. 2Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм. 3Вокъяс дыркодь олісны сэні да повтӧг висьтавлісны Господь йылысь. На пыр Господь вӧчис шензьӧданаторъяс да петкӧдліс индысьпасъяс, тайӧн вынсьӧдіс Аслас буралӧм йылысь висьталӧмсӧ. 4Йӧзыс карас юксисны кык пельӧ: ӧтияс вӧліны иудейяс дор, мӧдъяс – апостолъяс дор. 5Ентӧдтӧмъяс да иудейяс асланыс юралысьяскӧд шуисны уськӧдчыны Павел да Варнава вылӧ, медым янӧдны да изъявны найӧс. 6Та йылысь тӧдмалӧм бӧрын апостолъяс пышйисны Ликаонияӧ. Сэні Листра да Дервия каръясын, тшӧтш матігӧгӧрас, 7висьтавлісны Бур Юӧр.
Павел да Варнава Листраынӧсь
8Листраын оліс кокнас висьысь морт, чужӧмсяньыс сійӧ абу на сувтлӧма кок вылас. 9Сійӧ пукаліс да кывзіс Павеллысь висьталӧмсӧ. Павел видзӧдліс сы вылӧ да аддзис, мый сылӧн эм эскӧм бурднысӧ. 10Сэки Павел гораа шуис: «Господь Исус Кристос нимӧн шуа тэныд: ”Сувт кок вылад!”» Сійӧ дзик пыр чеччыштіс да пондіс ветлӧдлыны.
11Тайӧс аддзӧм бӧрын йӧзыс асланыс ликаония кыв вылын пондісны гораа шуавны, енъяс пӧ морт кодьӧн лэччисны миян дінӧ. 12Варнаваӧс шуисны Зевсӧн, а Павелӧс – Гермесӧн, ӧд ёнджыкасӧ сійӧ сёрнитіс. 13Зевс енлы юрбитаніныс сулаліс карӧ пыранінас. Сэки Зевслӧн поп вайис сикӧтшъяс да вайӧдіс дзиръя дорӧ ӧшъясӧс, кӧсйис йӧзыскӧд ӧтлаын вись вайны апостолъяслы. 14Тайӧс кылӧм бӧрын апостолъяс, Варнава да Павел, косялісны паськӧмнысӧ да котӧрӧн уськӧдчисны йӧз чукӧр пытшкӧ, пондісны гораа шуавны: 15«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм. 16Воддза кадъясӧ Сійӧ быд войтырлы лэдзис ветлыны асланыс туйясӧд. 17Но бур вӧчӧмнас Сійӧ век казьтывліс да казьтывлӧ Ас йывсьыс: ыстӧ миянлы енэжсяньыс зэр, сетӧ ас кадӧ вотӧс-быдтас, пӧткӧдӧ миянӧс да гажӧдӧ миянлысь сьӧлӧмнымӧс». 18Тадзи висьталӧмнас найӧ ӧдва ӧлӧдісны йӧзсӧ налы вись вайӧмысь да мӧдӧдісны гортаныс.
Павел да Варнава кольччисны Листраӧ да велӧдісны сэні йӧзсӧ. 19Антиокияысь да Иконияысь локтісны сэтчӧ кодсюрӧ иудейяс. Кор апостолъяс повтӧг бурвисьтавлісны, иудейяс эскӧдісны йӧзсӧ, мед найӧ ылыстчасны апостолъясысь. Иудейяс шуисны: «Налӧн висьталӧмныс абу збыль, найӧ сӧмын пӧръясьӧны». Тадзи найӧ кыпӧдісны йӧзсӧ апостолъяслы паныд, йӧзыс изъялісны Павелӧс да кыскисны кар саяс, чайтісны, мый кулӧма нин. 20Но кор велӧдчысьяс чукӧртчисны Павел гӧгӧр, сійӧ чеччис да бӧр локтіс карас. Сэсся мӧд луннас Варнавакӧд Павел муніс Дервияӧ.
Павел да Варнава бӧр локтӧны Антиокияӧ
21Дервияын Павел да Варнава висьтавлісны Евангелльӧ став карыслы, бура уна велӧдчысь сэні лои. Сэсся бӧрсӧ локтісны Листра, Икония да Антиокия пыр. 22Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ. 23Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.
24Сэсся Писидия пыр мунісны Памфилияӧ. 25Сэні Пергия карын Господьлысь кывсӧ висьталӧм бӧрын мунісны Атталияӧ. 26Сэсянь кывтісны Антиокияӧ, ӧд буретш тані найӧс вӧлі сетӧма Енлӧн буралан киӧ, мед вӧчны Енлысь уджсӧ, кодӧс помӧдз вайӧдісны. 27Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ. 28Сэсся дыркодь на олісны найӧ сэтчӧс велӧдчысьяскӧд.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023