ማርቆሳ ሚሺራቾ ጊዶ ቆፋ
ጊዶ ቆፋ
ማርቆሳ ሚሺራቾ ቃላይ፥ «ሃይሲ ጾሳ ና ዬሱስ ኪርስቶሳ ሚሺራቾ ቃላስ ኮይሮ» ጉሳን ዶሜስ። ሃይሳ ሃ ሚሺራቾ ቃላዛ ጊዶን ዬሱሲ ኦሳንቻኔ ኢዚ ጎዳቴራ ዲዛዴ ጊዲ ሺቂዴስ። ጎዳቴካ ኢዛ ቲሚርቴን፥ ዳይዳንታ ቦላ ዲዛ ዎልቃኒኔ ኢዚ ኣሳ ናጋራ ኣቶ ጊዳይሳን ኤሬቲዴስ። ዬሱሲ፥ «ናጋራ ኣይሌቴፌ ኣሳ ኬሲ ኤካናስ ታ ሼምፖ ኣሳ ጊሻስ ኣ ኢማናስ ዪዳ ኣሳ ናይ ታና» ጊዲ ባርካ ዮቲዴስ።
ማርቆሲ ዬሱሳ ታሪኬ ሺሺዳይ ቆንጬኒኔ ዎልቃይ ኩሚዳ ኦጌራ ጊዲሺን ኢዚ ቲሺ ሂስቲ ጼሊዳይ ዬሱሳ ቃላኔ ኢዛ ቲሚርቴዛ ጊዶንታ ኢዚ ኦዳ ጊታ ማላታ ኦሶታ። ኢዚ ጻማቂዛ ዮሃኒሳ ጊሻስ፥ ዬሱሳ ጺንቃታ ጊሻሲኔ ኢዚ ኤኪዳ ሜቶዛ ጊሻስ ቃንራ ዮቲዳፔ ጉዬ ዬሱሲ ታማርሲዳ ቲሚርቴዛ ጊሻሲኔ ኢዚ ሃርጋንቻታ ፓዳይሳ ቢርሺ ዮቴስ። ዬሱሳ ካሊዛይቲ ጉዬፔ ዬሱሳ ሎኤ ኤሪ ኤሪ ቢዳ ማላ ዬሱሳራ ኤቄቲዛይቲ ቃሴ ዬሱሳ ካሴፔ ኣ ኢጺ ኢጺ ቢዳ። ማጻፋስ ዉርሴ ሼምፖቲ ዬሱሲ ቢታ ቦላ ዴኢዳ ዉርሴ ላይን ዉርሴ ሳሚንታን ፖሌቲዳ ኦሶታ፥ ሃራፔካ ኢዛ ካቄቴ ጊሻሲኔ ኢዛ ዴን ጊሻስ ዮቴቴስ።
ማርቆሳ ሚሺራቾ ቃላስ ዉርሴን ዲዛ ናምኡ ኪፊሌቲ ኢሲ ኢሲ ማጻፋታን ጻላ ዴቴስ።
ሃ ማጻፋይ ኦይኪዳ ኩሜ ቆፋ
ሚሺራቾ ቃላስ ኮይሮ ዶሜ 1፡1-13
ዬሱሲ ባ ኦሶ ኮይሮ ጋሊላን ዶሚዴስ 1፡14—9፡50
ዬሩሳላሜን ዬሱሳ ኦሶ 10፡1-52
ዬሩሳላሜኒኔ ሄ ሄራን ዉርሴ ሳሚንታን ዬሱሳ ጋኪዳ ሜቶ 11፡1—15፡47
ሃይቆፔ ጎዳ ዴን 16፡1-8
ሃይቆፔ ዴንዲዳ ጎዳ ቆንጬኔ ፑዴ ሳሎ ቡስ 16፡9-20
Currently Selected:
ማርቆሳ ሚሺራቾ ጊዶ ቆፋ: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia