ዮናሳ ቲንቢቴ 3
3
ዮናሳ ኣዛዜቴ
1ጎዳ ቃላይ ናምኣን ዮናሳኮ፥ 2«ዴንዳዳ ሄ ጊታ ካታማ ናናዌ ባዳ ታኒ ኔስ ዮቲዛ ቃላ ኢስታስ ኣዋጃ» ጊሼ ዪዴስ።
3ሂስቲን ዮናሲ ዴንዲዲ ጎዳ ቃላ ናናዌ ቢዴስ። ናናዌይ ኬሂ ጊታ ካታማ፤ ሃ ጋጻፔ ሄ ጋጻ ጋካናስ ሄ ጋላስ ሄሜስ። 4ዮናሲ ናናዌ ካታማ ቢ ጋኪዲ ኢሲ ጋላሳ ኦጌ ማላ ካታማስ ጊዶ ቢዲ፥ «ኦይዱ ታሙ#3፡4 ኦይዱ ታሙ ጊዛይሳ ላፑን ታሙ ኤራንቻታ ቢርሼን ሄ ጋላስ ጌስ። ጋላሳፌ ጉዬ ናናዌይ ያና» ጊዲ ኣዋጂዴስ።
5ሂስቲን ናናዌ ኣሳይ ጾሳ ኣማኒዲ ጾማ ኣዋጂዴስ፤ ጊታታፔ ጉታ ጋካናስ ዉሪካ ማቃ ማይኢዳ።#ማቶ 12፡41፤ ሉቃ 11፡32
6ዮኦዚ ናናዌ ካዎኮ ጋኪን ኢዚ ባ ካዎቴ ኣራታፔ ዎዲ ካዎቴ ማይኦ ማይኢዳይሳ ቃሪዲ ማቃ ማይኢዲ ቢዲንን ኡቲዴስ። 7ሂስቲዲ ናናዌ ኣሳስ፥ «ካዎዛፔኔ ካዎ ኦሳንቻታፔ ኢሜቲዳ ኣዛዞ ማላ ሃቺፌ ዶሚዲ ኣሲኔ ሜሄይ ኡባይ ኣይኮካ ሞፖ፤ ሃካ ኡዮፖ። 8ኣሳይካ ሜሄይካ ዉሪ ማቃ ማይኦ፤ ኣሲ ዉሪ ሚንዲ ጾሳኮ ዋሶ፤ ባ ኢታ ኦጌፔኔ ቆሆ ኦሶፔካ ሲሞ። 9ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።
10ኢስቲ ባ ኢታ ኦጌፔ ሲሚዳይሳ ጾሳይ ቤኢዲ ኢስታስ ቃቲዲ ኢስታ ቦላ ኤሃና ጊዳ ፒርዳ ኣጊዴስ።
Currently Selected:
ዮናሳ ቲንቢቴ 3: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia
