ኤፌሶኔ ኣሳስ 1
1
1ጾሳ ሼኔ ማላ ዬሱስ ኪርስቶሳ ሃዋሬ ጊዲዳ ጳዉሎሳፔ፥ ዬሱስ ኪርስቶሳን ዲዛ ኣማኔቲዛይታስ ኤፌሶኔን ኣማኒዛ ኣሳስ፥#ሃዋ 18፡19-21 2ኑ ኣዋ ጾሳፌኔ ጎዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።
ኪርስቶሳፔ ቤቲዛ ኣያና ኣንጆ
3ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ። 4ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ። 5ዬሱስ ኪርስቶሳ ባጋራ ኑ ኢዛ ና ጊዳና ማላ ባ ሎኦ ቆፋን ኮይሮ ኡባ ዎዴስ። 6ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።
7ጾሳ ኣ ኪያቴ ዱሬቴፌ ዴንዶይሳን ዬሱሳ ሱን ዎዜቲዲ ናጋራፔ ኑ ማሬቲዶስ።#ቆላ 1፡14 8ኢዚ ባ ኪያቴ፥ ሂላቴኒኔ ኤራቴ ኡባን ኑ ቦላ ኬሂ ዳርሲዴስ። 9ጾሲ ቆፒዳ ባ ጹራ ቆፋ ኪርስቶሳ ባጋራ ባ ሎኦ ቆፋ ማላ ኑና ኤሪሲዴስ። 10ቡሮፔ ዎዴ ዉርሴን ሃናናስ ዲዛ ኢዛ ቆፋይ ሳሎ ቦላኔ ቢታ ቦላ ዲዛይታስ ኡባስ ሁኤ ጊዲዳ ዬሱስ ኪርስቶሳፔ ኡባ ጋርስ ኣናሳ። 11ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ። 12ኑኒ ካሴቲዲ ኪርስቶሳ ባጋራ ኤካና ጊዲ ኡፋይሳን ናጊዛይቲ ጾሳ ቦንቾ ጋላታን ቆንጪሳናሳ።
13ኢንቴካ ቃሴ ቱማ ቃላ ሄሲካ ኢንቴና ኣሺዛ ሚሺራቾ ቃላ ሲዪዲ ኪርስቶሳን ኣማኒዴታ፤ ኢዛ ኣማኒዲ ካሴ ኢሜታና ጌቴቲዳ ጺሎ ኣያና ማታሜን ኣታሜቲዴታ። 14ሄ ኣያናዚካ ኢዛ ቦንቾ ጋላታን ቆንጪሳና ማላ ጾሲ ባስ ጊዲዳይታ ኡባታ ዎዛና ጋካናስ ኑ ላታስ ኦይሶ።
ጋላታኔ ዎሳ
15-16ሄሳ ጊሻስ ኢንቴ ጎዳ ዬሱሳ ኣማኒዳ ጊሻሲኔ ኣማኒዛ ኣሳ ኢንቴ ሲቂዛይሳ ታ ሲዮሶፔ ሃ ሲሚን ኢንቴና ቆፓ ቆፓ ኤካዳ ታኒ ታ ዎሳን ኢንቴ ጊሻስ ጾሳስ ጋላታ ሺሾ ኣጋቤኬ። 17ቦንቾ ኣዋ ጊዲዳ ኑ ጎዳ ዬሱስ ኪርስቶሳ ኣዋ ጾሳ ኢንቴ ሎኤ ኤራና ማላ ቆንጪሲዛ ኣያናይኔ ኤራቴ ኣያናይ ኢንቴስ ኢሜታና ማላ ታ ኢንቴስ ፓጬይ ባይንዳ ዎሳይስ። 18ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።
19-20ኑስ ኣማኒዛይታስ ኡባፌ ቦላ ጊዲዳ ኢዛ ዎልቃ ቃቴ ኢንቴ ኤራና ማላ ታ ዎሳይስ፤ ሄ ዎልቃይካ ኢዛ ጊታ ሚኖቴ ኦሶን ቤሲዳይሲ ሃይቆፔ ኪርስቶሳ ዴንዲ ሳሎን ባ ኡሻቻን ኡቲሲዳ ኪርስቶሳ ባጋራ።#ማዛ 110፡1 21ኣይሲዛይታፔ፥ ጎዳቴፌ፥ ዎልቃፌኔ ካዎቴፌ ቃሴካ ሃኢ ጻላ ጊዶንታ ቡሮፔ ያና ዎዴካ ጊዲን ሱን ኡባፌ ኢዚ ቦላ። 22ጾሲ ሃራ ዉርሲ ኢዛ ቶሆፔ ጋርሳን ሃሪሲዴስ፤ ዎሳ ኬንካ ኡባ ቦላ ሁኤ ኦዴስ።#ማዛ 8፡6 23ዎሳ ኬያ ኪርስቶሳ ኣሳቴ፤ ሄ ኢዛካ ኡባሶን ኡባ ሚሽ ኩንዛ ሄ ኢዛ ኩሜ።
Currently Selected:
ኤፌሶኔ ኣሳስ 1: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia
ኤፌሶኔ ኣሳስ 1
1
1ጾሳ ሼኔ ማላ ዬሱስ ኪርስቶሳ ሃዋሬ ጊዲዳ ጳዉሎሳፔ፥ ዬሱስ ኪርስቶሳን ዲዛ ኣማኔቲዛይታስ ኤፌሶኔን ኣማኒዛ ኣሳስ፥#ሃዋ 18፡19-21 2ኑ ኣዋ ጾሳፌኔ ጎዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።
ኪርስቶሳፔ ቤቲዛ ኣያና ኣንጆ
3ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ። 4ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ። 5ዬሱስ ኪርስቶሳ ባጋራ ኑ ኢዛ ና ጊዳና ማላ ባ ሎኦ ቆፋን ኮይሮ ኡባ ዎዴስ። 6ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።
7ጾሳ ኣ ኪያቴ ዱሬቴፌ ዴንዶይሳን ዬሱሳ ሱን ዎዜቲዲ ናጋራፔ ኑ ማሬቲዶስ።#ቆላ 1፡14 8ኢዚ ባ ኪያቴ፥ ሂላቴኒኔ ኤራቴ ኡባን ኑ ቦላ ኬሂ ዳርሲዴስ። 9ጾሲ ቆፒዳ ባ ጹራ ቆፋ ኪርስቶሳ ባጋራ ባ ሎኦ ቆፋ ማላ ኑና ኤሪሲዴስ። 10ቡሮፔ ዎዴ ዉርሴን ሃናናስ ዲዛ ኢዛ ቆፋይ ሳሎ ቦላኔ ቢታ ቦላ ዲዛይታስ ኡባስ ሁኤ ጊዲዳ ዬሱስ ኪርስቶሳፔ ኡባ ጋርስ ኣናሳ። 11ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ። 12ኑኒ ካሴቲዲ ኪርስቶሳ ባጋራ ኤካና ጊዲ ኡፋይሳን ናጊዛይቲ ጾሳ ቦንቾ ጋላታን ቆንጪሳናሳ።
13ኢንቴካ ቃሴ ቱማ ቃላ ሄሲካ ኢንቴና ኣሺዛ ሚሺራቾ ቃላ ሲዪዲ ኪርስቶሳን ኣማኒዴታ፤ ኢዛ ኣማኒዲ ካሴ ኢሜታና ጌቴቲዳ ጺሎ ኣያና ማታሜን ኣታሜቲዴታ። 14ሄ ኣያናዚካ ኢዛ ቦንቾ ጋላታን ቆንጪሳና ማላ ጾሲ ባስ ጊዲዳይታ ኡባታ ዎዛና ጋካናስ ኑ ላታስ ኦይሶ።
ጋላታኔ ዎሳ
15-16ሄሳ ጊሻስ ኢንቴ ጎዳ ዬሱሳ ኣማኒዳ ጊሻሲኔ ኣማኒዛ ኣሳ ኢንቴ ሲቂዛይሳ ታ ሲዮሶፔ ሃ ሲሚን ኢንቴና ቆፓ ቆፓ ኤካዳ ታኒ ታ ዎሳን ኢንቴ ጊሻስ ጾሳስ ጋላታ ሺሾ ኣጋቤኬ። 17ቦንቾ ኣዋ ጊዲዳ ኑ ጎዳ ዬሱስ ኪርስቶሳ ኣዋ ጾሳ ኢንቴ ሎኤ ኤራና ማላ ቆንጪሲዛ ኣያናይኔ ኤራቴ ኣያናይ ኢንቴስ ኢሜታና ማላ ታ ኢንቴስ ፓጬይ ባይንዳ ዎሳይስ። 18ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።
19-20ኑስ ኣማኒዛይታስ ኡባፌ ቦላ ጊዲዳ ኢዛ ዎልቃ ቃቴ ኢንቴ ኤራና ማላ ታ ዎሳይስ፤ ሄ ዎልቃይካ ኢዛ ጊታ ሚኖቴ ኦሶን ቤሲዳይሲ ሃይቆፔ ኪርስቶሳ ዴንዲ ሳሎን ባ ኡሻቻን ኡቲሲዳ ኪርስቶሳ ባጋራ።#ማዛ 110፡1 21ኣይሲዛይታፔ፥ ጎዳቴፌ፥ ዎልቃፌኔ ካዎቴፌ ቃሴካ ሃኢ ጻላ ጊዶንታ ቡሮፔ ያና ዎዴካ ጊዲን ሱን ኡባፌ ኢዚ ቦላ። 22ጾሲ ሃራ ዉርሲ ኢዛ ቶሆፔ ጋርሳን ሃሪሲዴስ፤ ዎሳ ኬንካ ኡባ ቦላ ሁኤ ኦዴስ።#ማዛ 8፡6 23ዎሳ ኬያ ኪርስቶሳ ኣሳቴ፤ ሄ ኢዛካ ኡባሶን ኡባ ሚሽ ኩንዛ ሄ ኢዛ ኩሜ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia