2ቆሮንቶሴ ኣሳስ ጊዶ ቆፋ
ጊዶ ቆፋ
ጳዉሎሲ ቆሮንቶሴ ኣሳስ ናምኣን ኪታ ጻፊዳ ጋሶይካ ቆሮንቶሴን ዲዛ ዎሳ ኬይራ ኢዛስ ዲዛ ጋይቶቴይ ዳሮ ሎኦንታ ጊሻሳ። ኢሲ ኢሲ ኣማኒዛ ኣሳቲ ዴጺዛ ካ ቃላታ ኢዛ ቦላ ሺሺኮካ ጳዉሎሲ ኢስታራ ጊጋናስ ኬሂ ኮዪዳይሳ ቤሴስ፤ ኢዚ ኢስታራ ጊጊኮ ኢዛስ ጊታ ኡፋይሲ ሲዬታናይሳ ቆንጪሴስ።
ባ ጻፊዳ ኮይሮ ኪታ ቦላ ጳዉሎሲ ቆሮንቶሴን ዲዛ ዎሳ ኬይራ ኢዛስ ዲዛ ጋይቶቴ ቆንጪሴን ሄ ዎሳ ኬይን ዴንዲዳ ቦሮ ዮኦዛሲኔ ኢስታ ኤቄቴስ ኣይስ ኢዚ ሚኖ ዛሮ ኢሚዳኮ ኤሪሴስ። ኢዚ ሄሳራ ኢሲ ቦላ ጋዲ ኢዛ ሃንቆዛን ኣሳይ ማሮቴሲኔ ማቃይኖስ ጋዳ ጊሻስ ሄሲ ኢዛስ ሲዬቲዳ ኡፋይሳ ቆንጪሴስ። ቃሴካ ዩሁዳን ዲዛ ኣማኒዛ ኣሳ ማዳናስ ኪያቴ ማዶ ኢማና ማላ ኢስታ ቆፍሴስ፤ ዉርሴ ሼምፖታ ቦላ ጳዉሎሲ ባ ሃዋሬቴ ቦላ ዴንዲዳ ሞቶዛ ጊሻስ ባና ማዲዛ ማካልካያ ዛሮ ኢሜስ። ቆሮንቶሴ ዎሳ ኬን ኢሲ ኢሲ ኣሳቲ ባርካ ባና ቱሙ ሃዋሬቲ ኑና ጉሳን ጳዉሎሳ ዎርዶ ሃዋሬ ጊዲ ሞቴቴስ።
ሃ ማጻፋይ ኦይኪዳ ኩሜ ቆፋ
ጌሎሶ 1፡1-11
ጳዉሎሳኔ ቆሮንቶሴ ዎሳ ኬ 1፡12—7፡16
ዩሁዳን ዲዛ ኣማኒዛ ኣሳ ማዳናስ ሚሼ ኬሶ 8፡1—9፡15
ጳዉሎሲ ባስ ሃዋሬቴ ጊሻስ ሺሺዳ ማካልካያ ዛሮ 10፡1—13፡10
ኩሻ ቆፋ 13፡11-14
Currently Selected:
2ቆሮንቶሴ ኣሳስ ጊዶ ቆፋ: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia