Яков 5
5
1Ӧні кывзӧ тійӧ, бура оліссез, горзӧ да герьялӧ сьӧкытыс-умӧльыс кузя, кӧда локтӧ тіян вылӧ. 2Тіян ӧктӧмныт быдӧс сісьмӧм. Паськӧмнытӧ кор кералӧм. 3Зарниныт да эзысьныт тіян сімӧм. Нылӧн сімыс тіян умӧль керӧммез йылісь висьтасьны пондас, тіянлісь вывтырнытӧ би моз сёяс. Тійӧ сьӧмнытӧ ӧктіт медбӧрья луннэз кежӧ. 4Тіянлісь ыббезнытӧ уджаліссес вундісӧ. Нылісь шедтӧмсӧ тійӧ эдӧ вештӧ, колит аслыныт. Кольӧм сьӧмыс горӧтлӧ. Вундіссеслӧн горзан-норасян шыэзныс локтісӧ Дӧсвидзись Саваоф дынӧдз. 5Тійӧ му вылас оліт кокнита, быдпӧлӧснас асьнытӧ чӧсмӧтіт, жыв подаӧс начкисян лун кежӧ асьнытӧ вердіт. 6Ме вичкуыслӧ#5:6 вичку ─ церковь, община верующих гижлі ни, но нылӧн асьсӧ ыджытӧ пуктісь Диотрефыс оз лэдз миянӧс локны. Тійӧ судитіт да вийит Ен сьӧрті веськыта олісьсӧ. Сія тіянлӧ паныт эз лэбтісь.
Дӧсвидзисьлӧн локтӧмыс матын
7Воннэзӧ, тійӧ видзчисят Дӧсвидзисьлісь бертӧмсӧ. Сідзкӧ, видзчисьны мыланыт ась оз быр. Босьтам му вылын уджалісьӧс. Сія дыр видзчисьӧ тулысся да арся зэрресӧ, медбы му вывсис босьтны дона воӧмсӧ. 8Ыджыт мылаӧн видзчисьӧ и тійӧ. Вынсьӧтӧ ассиныт сьӧлӧммезнытӧ, Дӧсвидзисьлӧн локтӧмыс сибалӧ. 9Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.
10Менам воннэзӧ, вайӧтӧ тӧдвыланыт Енсянь юӧртіссесӧ, кӧдна кӧркӧ баитлӧмась Дӧсвидзись нимсянь. Велӧтчӧ нысянь. Нія пессьӧм-мырсьӧм#5:10 пессьӧм-мырсьӧм ─ страдание коста видзсьӧмась ыджыт мылаӧн. 11Мийӧ бурнас касьтылам нійӧ, кӧдна ыджыт мылаӧн вермӧмась видзсьыны. Тійӧ кывлітӧ Иовыслісь ыджыт мылаӧн видзсьӧм йылісь да тӧдатӧ, мый сетӧм сылӧ Дӧсвидзисьыс медбӧрын. Дӧсвидзисьыс эд жалейтӧ отирсӧ, Сія небыт сьӧлӧма. 12Менам воннэзӧ, кывнытӧ эд сетӧ#5:12 сетны кыв ─ поклясться немӧн: енӧжӧн, муӧн да и мыйӧнкӧ мӧдікӧн. Шуатӧ кӧ «ну», сэтчӧ нем эд содтӧ. Шуатӧ кӧ «ог», сэтчӧ нем эд содтӧ. Сэк тійӧ одӧ сюрӧ суд вылас.
Кеймӧмлӧн вын
13Тіян коласісь кин пессьӧ-мырсьӧ кӧ, ась кеймӧ. Кинлӧ гаж, ась ошкӧ-сьылӧтӧ Енсӧ. 14Тіян коласісь кин шогалӧ кӧ, ась корӧ Вичкусис веськӧтліссесӧ. Нія Дӧсвидзись нимӧн мавтыштасӧ шогалісьсӧ виӧн да кеймасӧ сы понда. 15Веритӧмӧн кеймӧмыс веськӧтас шогалісьсӧ. Дӧсвидзисьыс сійӧ лэбтас. Умӧльӧ кӧ мый керис, сійӧ проститас. 16Ӧтамӧдныт одзын висьталӧ умӧль керӧмнытӧ. Кеймӧ ӧтамӧдныт понда, медбы тійӧ веськаліт. Уна вермӧ керны Ен сьӧрті веськыта олісьлӧн вына кеймӧмыс.
17Енсянь юӧртісь Илляыс вӧлӧм миян кодь морт. Сія кеймисьӧмӧн корӧм, ась пӧ му вылас оз ло зэрыс. Зэрыс му вылас сэк абу вӧлӧм куим во да квать тӧлісь сьӧрна. 18Илляыс бӧра кеймӧм. Енӧжсянь локтӧм зэрыс. Муыс быдтӧм быдмассэсӧ.
Ылалӧм мортӧс бергӧтӧм
19Воннэзӧ, тіян коласісь кинкӧ ылалас кӧ быльыс дынісь, а мӧдік сійӧ бӧр бергӧтас, 20тӧдӧ: ылалӧм туй вывсис умӧль керисьсӧ бергӧтісьыс мездас сылісь ловсӧ да вевттяс уна умӧль керӧм.
Currently Selected:
Яков 5: БЮ19
Highlight
Share
Copy
Want to have your highlights saved across all your devices? Sign up or sign in
Яков 5
5
1Ӧні кывзӧ тійӧ, бура оліссез, горзӧ да герьялӧ сьӧкытыс-умӧльыс кузя, кӧда локтӧ тіян вылӧ. 2Тіян ӧктӧмныт быдӧс сісьмӧм. Паськӧмнытӧ кор кералӧм. 3Зарниныт да эзысьныт тіян сімӧм. Нылӧн сімыс тіян умӧль керӧммез йылісь висьтасьны пондас, тіянлісь вывтырнытӧ би моз сёяс. Тійӧ сьӧмнытӧ ӧктіт медбӧрья луннэз кежӧ. 4Тіянлісь ыббезнытӧ уджаліссес вундісӧ. Нылісь шедтӧмсӧ тійӧ эдӧ вештӧ, колит аслыныт. Кольӧм сьӧмыс горӧтлӧ. Вундіссеслӧн горзан-норасян шыэзныс локтісӧ Дӧсвидзись Саваоф дынӧдз. 5Тійӧ му вылас оліт кокнита, быдпӧлӧснас асьнытӧ чӧсмӧтіт, жыв подаӧс начкисян лун кежӧ асьнытӧ вердіт. 6Ме вичкуыслӧ#5:6 вичку ─ церковь, община верующих гижлі ни, но нылӧн асьсӧ ыджытӧ пуктісь Диотрефыс оз лэдз миянӧс локны. Тійӧ судитіт да вийит Ен сьӧрті веськыта олісьсӧ. Сія тіянлӧ паныт эз лэбтісь.
Дӧсвидзисьлӧн локтӧмыс матын
7Воннэзӧ, тійӧ видзчисят Дӧсвидзисьлісь бертӧмсӧ. Сідзкӧ, видзчисьны мыланыт ась оз быр. Босьтам му вылын уджалісьӧс. Сія дыр видзчисьӧ тулысся да арся зэрресӧ, медбы му вывсис босьтны дона воӧмсӧ. 8Ыджыт мылаӧн видзчисьӧ и тійӧ. Вынсьӧтӧ ассиныт сьӧлӧммезнытӧ, Дӧсвидзисьлӧн локтӧмыс сибалӧ. 9Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.
10Менам воннэзӧ, вайӧтӧ тӧдвыланыт Енсянь юӧртіссесӧ, кӧдна кӧркӧ баитлӧмась Дӧсвидзись нимсянь. Велӧтчӧ нысянь. Нія пессьӧм-мырсьӧм#5:10 пессьӧм-мырсьӧм ─ страдание коста видзсьӧмась ыджыт мылаӧн. 11Мийӧ бурнас касьтылам нійӧ, кӧдна ыджыт мылаӧн вермӧмась видзсьыны. Тійӧ кывлітӧ Иовыслісь ыджыт мылаӧн видзсьӧм йылісь да тӧдатӧ, мый сетӧм сылӧ Дӧсвидзисьыс медбӧрын. Дӧсвидзисьыс эд жалейтӧ отирсӧ, Сія небыт сьӧлӧма. 12Менам воннэзӧ, кывнытӧ эд сетӧ#5:12 сетны кыв ─ поклясться немӧн: енӧжӧн, муӧн да и мыйӧнкӧ мӧдікӧн. Шуатӧ кӧ «ну», сэтчӧ нем эд содтӧ. Шуатӧ кӧ «ог», сэтчӧ нем эд содтӧ. Сэк тійӧ одӧ сюрӧ суд вылас.
Кеймӧмлӧн вын
13Тіян коласісь кин пессьӧ-мырсьӧ кӧ, ась кеймӧ. Кинлӧ гаж, ась ошкӧ-сьылӧтӧ Енсӧ. 14Тіян коласісь кин шогалӧ кӧ, ась корӧ Вичкусис веськӧтліссесӧ. Нія Дӧсвидзись нимӧн мавтыштасӧ шогалісьсӧ виӧн да кеймасӧ сы понда. 15Веритӧмӧн кеймӧмыс веськӧтас шогалісьсӧ. Дӧсвидзисьыс сійӧ лэбтас. Умӧльӧ кӧ мый керис, сійӧ проститас. 16Ӧтамӧдныт одзын висьталӧ умӧль керӧмнытӧ. Кеймӧ ӧтамӧдныт понда, медбы тійӧ веськаліт. Уна вермӧ керны Ен сьӧрті веськыта олісьлӧн вына кеймӧмыс.
17Енсянь юӧртісь Илляыс вӧлӧм миян кодь морт. Сія кеймисьӧмӧн корӧм, ась пӧ му вылас оз ло зэрыс. Зэрыс му вылас сэк абу вӧлӧм куим во да квать тӧлісь сьӧрна. 18Илляыс бӧра кеймӧм. Енӧжсянь локтӧм зэрыс. Муыс быдтӧм быдмассэсӧ.
Ылалӧм мортӧс бергӧтӧм
19Воннэзӧ, тіян коласісь кинкӧ ылалас кӧ быльыс дынісь, а мӧдік сійӧ бӧр бергӧтас, 20тӧдӧ: ылалӧм туй вывсис умӧль керисьсӧ бергӧтісьыс мездас сылісь ловсӧ да вевттяс уна умӧль керӧм.
Currently Selected:
:
Highlight
Share
Copy
Want to have your highlights saved across all your devices? Sign up or sign in