Яков 1
1
1Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан#1:1 лӧнь олан ─ мир тіянлӧ!
Веритӧм да мывкыда олӧм
2Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс. 3Тӧдат эд, веритӧмӧн кӧ мунат сьӧкытӧттяс, сэк велалатӧ видзсьыны ыджыт мылаӧн#1:3 мыла ─ терпение. 4Видзсьыны велалӧмыс тіянӧс быд ладорсянь вынсьӧтас. Сэк тійӧ лоат быдсӧн бурӧсь, тіян сайын умӧльыс нем оз ло.
5Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг#1:5 ӧмавны ─ упрекать быд корисьлӧ. 6Корӧ веритӧмӧн, юраныт эд видзӧ, сетас, а поди, оз. Сэтшӧмсӧ юрас видзисьыс вачкисьӧ саридзын#1:6 саридз ─ море ва вылӧ, кӧдӧ тӧлыс лэбтӧ да ӧтмӧдӧрӧ койӧ. 7Сэтшӧм мортыс ась оз видзчись мыйкӧ босьтны Дӧсвидзисьсянь. 8Сэтшӧм тӧвбӧрыс#1:8 тӧвбӧр ─ человек с двоящимися мыслями оланын оз вермы чорыта сулавны кок вылас.
9Умӧля олісь вон ась гажмӧ, Еныс эд сійӧ вылына лэбтӧ. 10Бура олісь вон ась гажмӧ, кӧр асьсӧ колӧ улынжыка видзны. И бура олісьыс эд ыб вылын дзоридз моз ӧшас. 11Петӧ шонді, аслас пым югӧррезӧн турунсӧ косьтӧ. Дзоридзыс киссьӧ, абу ни басӧк. Сідз и бура олісь мортлӧн педзикас#1:11 педзны ─ суетиться оланыс видзчисьтӧг орас.
12Шуда#1:12 шуда ─ счастливый, блаженный мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ. 13Ылӧтаныскӧт пантасьӧм коста эн висьтав: Менӧ Еныс ылӧтӧ. Енсӧ умӧльнас он ылӧт, и Ачыс Сія некинӧс оз ылӧт. 14Быдыс эд ачыс асьсӧ ылӧтӧ. Мортлӧн ӧзйӧтчӧмыс#1:14 ӧзйӧтчӧм ─ похоть кыскӧ керны умӧльсӧ. 15Ӧзйӧтчӧмыс морт сьӧлӧмӧ лэдзӧ вуджжесӧ, сысянь чужӧ умӧль керӧм, а умӧль керӧмыс вайӧ кулӧм.
16Менам дона воннэзӧ, асьнытӧ эд бӧбӧтлӧ! 17Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды. 18Сылӧ колӧм миянӧс чужтыны Аслас былись Кылӧн, медбы вӧвны миянлӧ Сы аркмӧтӧммез#1:18 аркмӧтӧм ─ создание коласын медодззаэзӧн.
Енсӧ кывзісьӧм
19Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны. 20Лӧгувьяныт тійӧ одӧ вермӧ Ен сьӧрті веськыта керны. 21Сійӧн кольӧ быдӧс сэрпӧсьсӧ да лӧгнытӧ. Рам сьӧлӧмӧн босьтӧ тіянлӧ вайӧм Кывсӧ. Сія эд вына мездыны тіянлісь ловнытӧ.
22Олӧ сія Кыв сьӧрті. Эд пӧртчӧ дзир Кывсӧ кывзіссезӧ, асьнытӧ бӧбӧтіссезӧ. 23Кин кывзӧ вайӧм Кывсӧ, а ачыс оз ов сы сьӧрті, сія видзӧтчанын#1:23 видзӧтчан ─ зеркало асьсӧ видзӧтісь морт кодь. 24Сія нёджжаліс асьсӧ, вешшис да сэтӧн жӧ вунӧтіс, кытшӧм сія. 25Но Енлӧн Туйдӧтыс быдсӧн бур. Кин бура видзӧтӧ Енлісь мездӧтан Туйдӧтсӧ, оз вунӧт сійӧ, а олӧ да керӧ сы сьӧрті, сэтшӧм мортсӧ Еныс пондас бласлӧвитны керӧмыс понда.
26Кин тіян коласісь пуктӧ асьсӧ Енлӧ юрбитісь мортӧ, а оз вермы видзны ассис кывсӧ да уна ковтӧмсӧ баитӧ, сія асьсӧ бӧбӧтӧ. Сылӧн Енлӧ юрбитӧмыс абутӧм туйӧ. 27Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.
Быдсӧ ӧтмоза радейтӧм
Currently Selected:
Яков 1: БЮ19
Highlight
Share
Copy
Want to have your highlights saved across all your devices? Sign up or sign in
Яков 1
1
1Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан#1:1 лӧнь олан ─ мир тіянлӧ!
Веритӧм да мывкыда олӧм
2Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс. 3Тӧдат эд, веритӧмӧн кӧ мунат сьӧкытӧттяс, сэк велалатӧ видзсьыны ыджыт мылаӧн#1:3 мыла ─ терпение. 4Видзсьыны велалӧмыс тіянӧс быд ладорсянь вынсьӧтас. Сэк тійӧ лоат быдсӧн бурӧсь, тіян сайын умӧльыс нем оз ло.
5Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг#1:5 ӧмавны ─ упрекать быд корисьлӧ. 6Корӧ веритӧмӧн, юраныт эд видзӧ, сетас, а поди, оз. Сэтшӧмсӧ юрас видзисьыс вачкисьӧ саридзын#1:6 саридз ─ море ва вылӧ, кӧдӧ тӧлыс лэбтӧ да ӧтмӧдӧрӧ койӧ. 7Сэтшӧм мортыс ась оз видзчись мыйкӧ босьтны Дӧсвидзисьсянь. 8Сэтшӧм тӧвбӧрыс#1:8 тӧвбӧр ─ человек с двоящимися мыслями оланын оз вермы чорыта сулавны кок вылас.
9Умӧля олісь вон ась гажмӧ, Еныс эд сійӧ вылына лэбтӧ. 10Бура олісь вон ась гажмӧ, кӧр асьсӧ колӧ улынжыка видзны. И бура олісьыс эд ыб вылын дзоридз моз ӧшас. 11Петӧ шонді, аслас пым югӧррезӧн турунсӧ косьтӧ. Дзоридзыс киссьӧ, абу ни басӧк. Сідз и бура олісь мортлӧн педзикас#1:11 педзны ─ суетиться оланыс видзчисьтӧг орас.
12Шуда#1:12 шуда ─ счастливый, блаженный мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ. 13Ылӧтаныскӧт пантасьӧм коста эн висьтав: Менӧ Еныс ылӧтӧ. Енсӧ умӧльнас он ылӧт, и Ачыс Сія некинӧс оз ылӧт. 14Быдыс эд ачыс асьсӧ ылӧтӧ. Мортлӧн ӧзйӧтчӧмыс#1:14 ӧзйӧтчӧм ─ похоть кыскӧ керны умӧльсӧ. 15Ӧзйӧтчӧмыс морт сьӧлӧмӧ лэдзӧ вуджжесӧ, сысянь чужӧ умӧль керӧм, а умӧль керӧмыс вайӧ кулӧм.
16Менам дона воннэзӧ, асьнытӧ эд бӧбӧтлӧ! 17Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды. 18Сылӧ колӧм миянӧс чужтыны Аслас былись Кылӧн, медбы вӧвны миянлӧ Сы аркмӧтӧммез#1:18 аркмӧтӧм ─ создание коласын медодззаэзӧн.
Енсӧ кывзісьӧм
19Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны. 20Лӧгувьяныт тійӧ одӧ вермӧ Ен сьӧрті веськыта керны. 21Сійӧн кольӧ быдӧс сэрпӧсьсӧ да лӧгнытӧ. Рам сьӧлӧмӧн босьтӧ тіянлӧ вайӧм Кывсӧ. Сія эд вына мездыны тіянлісь ловнытӧ.
22Олӧ сія Кыв сьӧрті. Эд пӧртчӧ дзир Кывсӧ кывзіссезӧ, асьнытӧ бӧбӧтіссезӧ. 23Кин кывзӧ вайӧм Кывсӧ, а ачыс оз ов сы сьӧрті, сія видзӧтчанын#1:23 видзӧтчан ─ зеркало асьсӧ видзӧтісь морт кодь. 24Сія нёджжаліс асьсӧ, вешшис да сэтӧн жӧ вунӧтіс, кытшӧм сія. 25Но Енлӧн Туйдӧтыс быдсӧн бур. Кин бура видзӧтӧ Енлісь мездӧтан Туйдӧтсӧ, оз вунӧт сійӧ, а олӧ да керӧ сы сьӧрті, сэтшӧм мортсӧ Еныс пондас бласлӧвитны керӧмыс понда.
26Кин тіян коласісь пуктӧ асьсӧ Енлӧ юрбитісь мортӧ, а оз вермы видзны ассис кывсӧ да уна ковтӧмсӧ баитӧ, сія асьсӧ бӧбӧтӧ. Сылӧн Енлӧ юрбитӧмыс абутӧм туйӧ. 27Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.
Быдсӧ ӧтмоза радейтӧм
Currently Selected:
:
Highlight
Share
Copy
Want to have your highlights saved across all your devices? Sign up or sign in