Галатияын оліссезлӧ 1
1
Гижны пондӧтӧм
1Гижӧ апостол Павел. Апостолнас ме эг вӧв пуктӧм морт висьталӧм сьӧрті, менӧ эзӧ бӧрйӧ отир, бӧрйисӧ Кристос Исус да Сійӧ кулӧмись ловзьӧтісь Ен Ай. 2Галатияись вичкуэзлӧ#1:2 вичку ─ церковь, община верующих мекӧт ӧтлаын гижӧны и воннэзӧ. 3Бурсетӧм#1:3 бурсетӧм ─ благодать да лӧнь олан#1:3 лӧнь олан ─ мир тіянлӧ Ен Айнымсянь да миян Дӧсвидзись Кристос Исуссянь! 4Сія сетіс Асьсӧ миян умӧль керӧммез понда, медбы мездыны миянӧс ӧння кадісь, кӧда тырӧма лёкнас. Исусыс сійӧ керис Ен Айным лӧсьӧтӧм сьӧрті. 5Сылӧ пырся-пыр ошкӧм! Аминь.
Ӧтік Бур Юӧр
6Менӧ диво кутӧ: тійӧ сэтшӧм чожа колит Сійӧ, Кӧда корис тіянӧс Кристослӧн бурсетӧмӧн, да вуджит мӧдкодь бур юӧрӧ. 7Да и видзӧтны кӧ, сія велӧтӧмыс абу мӧдік бур юӧр. Эмӧсь эд отир, кӧдна тіянӧс ӧштӧтӧны. Нія Кристосыс йылісь Бур Юӧрсӧ мӧдӧрӧ бергӧтӧны. 8Но енӧжсянь ангел али мийӧ пондам кӧ тіянлӧ висьтасьны мӧдік юӧр, кӧда оз ло одзжык миян висьтасьӧм Бур Юӧр кодь, сэтшӧмсӧ юӧртісьыс ась лоас ёрдӧм! 9Одзжык висьталӧмным сьӧрті мӧдпӧв висьтала: кин мӧдік бур юӧр тіянлӧ вайӧ, абу кӧ сія сэтшӧм, кӧдӧ тійӧ босьтіт одзжык, сэтшӧмсӧ висьтасисьыс лоас ёрдӧм.
10Кинсянь ме видзчися ошкӧмсӧ: отирсянь али Енсянь? Поди, вынсьӧтча керны отирыс сьӧрті? Ӧнӧдз кери бы ме отирыс сьӧрті кӧ, сэк эг бы вӧв Кристослӧн раб.
Енӧн бӧрйӧм апостол
11Воннэзӧ, тӧдӧ: Бур Юӧрыс, кӧдӧ ме висьтася, эз пет отирсянь. 12Ме эг босьт сійӧ отирсянь. Менӧ эзӧ велӧтӧ отир. Меным сійӧ осьтіс Кристос Исусыс. 13Тійӧ эд кывлітӧ иудейезлӧн велӧтӧммез сьӧрті менам одззася олӧм йылісь. Ме лёка вашӧтлі Еныслісь Вичкусӧ, мӧді пӧдтыны сійӧ. 14Менам годсяэз коласын ме медуна кери Иудейез велӧтӧм сьӧрті олӧм понда. Ме ёна сулалі айезнымлӧн тшӧктӧммез#1:14 тшӧктӧм ─ заповедь, повеление дор. 15Еныс тай менӧ бӧрйӧм вӧлі мамӧ кынӧмын ни. Сія корис менӧ Аслас бурсетӧм вынӧн. 16Сія лӧсьӧтӧм вӧлі меным мыччавны Ассис Зонсӧ, медбы ме висьтаси Сы йылісь Бур Юӧрсӧ ентӧдтӧм отирлӧ#1:16 ентӧдтӧм отир ─ язычники. Эта йылісь ме эг понды баитчыны отиркӧт. 17Ме эг мун Ерусалимӧ месся одзжык сувтӧтӧм апостоллэз дынӧ. Муні Аравияӧ, а сэсся бӧр берті Дамаскас.
18Сэсся вӧлись куим во бӧрті ме ветлі Ерусалимас адззисьлыны Петраыскӧт. Сы дынын олі дасвит#1:18 дасвит ─ 15 лун. 19Сэтчин адззылі Дӧсвидзисьлісь Яков вонсӧ. Апостоллэс коласісь сэсся некинӧс эг адззыв.
20Висьтала тіянлӧ Ен одзын: мый гижа, сія быдӧс вӧлі, ог бӧбӧт.
21Сы бӧрсянь муні Сирияӧ да Киликияӧ. 22Иудеясис Кристослӧн вичкуэс сэк менӧ эзӧ на адззывлӧ. 23Нылӧ дзир кывсьӧм, кӧркӧ нійӧ вашӧтлісьыс пӧ ӧні юӧртӧ веритӧмсӧ, кӧдӧ одзжык мӧдіс пӧдтыны. 24Нія ме понда ошкӧмась Енсӧ.
Павел да мӧдік апостоллэз
Currently Selected:
Галатияын оліссезлӧ 1: БЮ19
Highlight
Share
Copy
Want to have your highlights saved across all your devices? Sign up or sign in
