2 Петра 3
3
1Донаэзӧ, этӧ ме мӧдпырись ни гижа тіянлӧ. Кыкнан гижӧтас казьмӧтлӧммезнам ӧзйӧта тіянӧс, юраныт авйӧмныт#3:1 авйыны ─ смыслить медбы вӧлі сӧстӧм. 2Видзӧ юраныт Енлӧн вежа юӧртіссезлісь кӧркӧ висьтавлӧмсӧ да Дӧсвидзись Мездӧтісьлісь тшӧктӧмсӧ, кӧдӧ тіянлӧ висьтасисӧ апостоллэзныт.
3Ӧнісянь тіянлӧ колӧ тӧдны: медбӧрья кадас лэбтісясӧ згальниккез#3:3 згальник ─ насмешник, ругатель. Нійӧ нем оз понды видзны. Нія пондасӧ керны асланыс ӧзйӧтчӧммез сьӧрті. 4Нія пондасӧ шуны: «Кытӧн нӧ Сія, Кӧда кӧсйисис локны? Миян айезлӧн айес кулісӧ, а быдӧс аркмӧтӧмсянь#3:4 аркмӧтӧм ─ сотворение сё тай кольччӧ важ моз». 5Сідз баитіссес тай жыв озӧ тӧдӧ, Еныс Кылӧн эд кӧркӧ вӧлі аркмӧтӧм муыс енӧжнас, аркмӧтӧм ваӧн да васис. 6Нія жыв озӧ тӧдӧ, кыдз одзза олансӧ Еныс орӧтіс ваӧн вӧтьӧмӧн. 7А ӧнняся енӧжыс да муыс видзсьӧны сія жӧ Кылӧн. Еныс нійӧ видзӧ, медбы сотны биын Суд Лунӧ. Сія лунӧ Ентӧг оліссесӧ изводаласӧ.
8Менам донаэзӧ, этӧ тіянлӧ оз ков вунӧтны: Еныслӧн ӧтік луныс кыдз сюрс во#3:8 сюрс во ─ тысяча лет, сюрс воыс кыдз ӧтік лун. 9Кӧсйӧмсӧ керны Дӧсвидзисьыс оз падмӧтчы. Мукӧдыс тай сійӧ шуӧны падмӧтчӧмӧн. Сія миянӧс ыджыт мылаӧн видзчисьӧ. Сылӧ оз ков, медбы кинкӧ ӧшис, а видзчисьӧ Сылань быдӧннымлісь бергӧтчӧмсӧ, умӧльсӧ керны дугдӧмсӧ. 10Дӧсвидзисьлӧн Луныс локтас видзчисьтӧг, ойӧн гусясись моз. Сэк енӧжыс ыджыт шыӧн ӧшас. Быдӧс, мый эм енӧжас, сылас биын. Сідз и муыс сы вылісьнас быдсӧн сотчас. 11Сідз кӧ быдӧс разьсяс, то кытшӧм вежа отирӧн да Енлӧ юрбитіссезӧн сэк тіянлӧ колӧ лоны? 12Тійӧ видзчисят, тэрмасят адззывны Еныслісь Лунсӧ. Сія лунӧ ӧзйӧм енӧжжес разьсясӧ, и быдӧс, мый эм енӧжас, сылас биас. 13Висьтавны кӧ, мийӧ видзчисям Еныслісь кӧсйӧмсӧ: виль енӧж да виль му. Сэтчин быдӧнныс олӧны Ен сьӧрті веськыта.
14Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь. 15Миян Дӧсвидзисьлісь ыджыт мылаӧн видзчисьӧмсӧ лыддьӧ аслыныт мезман кадӧн. Дона Павел вонным Енсянь сетӧм мывкыдӧн эта йылісь тіянлӧ гижліс ни. 16Эта йылісь сія быд гижӧтын баитӧ. Сы гижӧттэзісь мукӧдсӧ сьӧкыт вежӧртны. Етша тӧдіссес да етшаӧ велалӧммес сійӧ гижӧмсӧ бергӧтӧны мӧдӧрӧ. Нія и мӧдік Вежа Гижӧттэзкӧт сійӧ керӧны. Сідз асланыс юр вылӧ кулӧмсӧ вайӧтӧны.
17Донаэзӧ, тійӧ эта йылісь пондіт тӧдны одзжык. Сідзкӧ, видзӧтчӧ, медбы умӧльсӧ кериссес ылалӧмсянь асьныт эдӧ ылалӧ да эдӧ кежӧ сэтісь, мыйын тійӧ чорыта сулалат. 18Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ#3:18 Пырся Лун ─ Вечный День ошкӧм! Аминь.
Currently Selected:
2 Петра 3: БЮ19
Highlight
Share
Copy
Want to have your highlights saved across all your devices? Sign up or sign in
