Loma 11
11
Isilie Kun Dunda Feilieghasan Kunla
1Ingiese bi asaye, Huda goya bexinne bendawu? Kenjin uye! Bishiye Isilie kun, Iburaheimuni houdei, Bienyamin jiawuse khizhesan wo. 2Huda melie mejiesan bexinlane ese bendazho. Jinwun jiere Iliyai matugie kieliesei ta ulie mejienu? Hhe Hudade Isilie kunlai zhazhi kieliezho, 3"Ezhan, hhela chii xienzhilai alazhi sidagha gieku chii teizii cheiwo. Jianie bi feiliezhi hhela dou mii aminyi kerene." 4Ingiese Huda matugie huida giewo? Bi goyadene oluzhi Balii ese beiisan 7000 kun feilieghawo giezho. 5Edeku shihouye niekielien wo. Feiliesan kun wine. Hhelai nenjienghala sunghuzho. 6Nenjienghala giese giekughala ese giezho. Qingiese nenjienshi nenjien pusho.
7Ingiese matugie gholuwo? Isilie kunla goya ereisanne ereizhi olu dawo. Zinie Huda sunghusan kunla ereizhi oluwo. Psedu kunlai zhughe khiduzhewo. 8Jinwun jiere jilasan mutun,
"Huda hhelade sudoku zhughe ogizho
nudunlani chanla dane,
chighinlaiye sonosu dazhi eli kuwo."
9Pse Dawude kieliewo,
"Hhelai ijieku xini sa, on,
banjighaku, bouin gieku gholusejiu.
10Hhelai nudun borolozhi chujieghe dasejiu.
Hhelai nurun ibeizi ghodeisejiu."
11Ingiese bi asaye, hhela banjise bosizhe danu? Kenjin pusho! Hhela codadene jiuiku niman kunlade echise Isilie kunlai dubilieghazho. 12Isilie kunlai codasan duyai kunlade haochu ireghazho, hhelai ese olusan niman kunlade gounii ireghazho. Qinse Isilie kunlai man jiuiku dunda oroghase ireku gounii genjia fugie uwonu?
13Bi ta niman kunlade kielieye. Bishi niman kunlade peisan shitu wo. Ene wiliei bi fugiede uzhekushi 14goya minzune dubilieghazhi ezighan jiuine giezho. 15Huda hhelai bendadene duyai kunlare goudazho, hhelai jienliese zhengiejia gou uwonu? Fugusanse aminne olusan niekielien wo. 16Hudade ogiku ghurun ganjinshi nieduizi ghurun man ganjin wo. Mutun genzi ganjinshi chalaye ganjin wo.
17Bilase nie ganlan mutunyi giedun chalani ghigha bouzhedene yeganlan chalai chaiwo. Chishijiu chaisan chala wo. Chaisan chala mutun genzise gounii hhantu xiikude 18ghighasan chalade kuai dane. Kuaine giese chi jila. Chi genzii ese qiezhezho, genzi chii qiezhezho. 19Ingiese chi kieliene, 'Hhezighan chalai ghigha bouzhekushi mii chaine giezho.' 20Oluzho! Hhela xianxin ulie giese ghigha bouzhezho, chi xianxin giese beizho. Ingiese ayizhi goyane undude bu uzhe. 21Huda yenlaiku chalai sheise chiiye sheine. 22Ingie uzhese Huda renyi, yenge wo. Hhezighan xinyan jiere banjisan kunlade yenge wo, tande renyi wo. Chi renyideni chanqi kouise beizhoma, pse chiiye ghigha widaghane. 23Isilie kunla ulie guidene xianxin giese yen chaine. Hudade erchan chaiku nenli wine. 24Chishi goya osisan ganlan mutun jierese ghighazhi bouzhedene zeilasan ganlan mutun jiere zhenchan wide chaisan wo. Qinse yenlaiku chalai yenlaiku mutun jiere chaise genjia zhenchan uwonu?
Soyuji Isilie Kunlai Man Jiuine
25Gaijiula, bi ene mimii tande mejieghaku duran wo. Pse ta goyalane jienzha wo giene. Ene mimishi niman kunlai jiuiku shuzi kurutula niezhan Isilie kunlai zhughei khiduzheghazho. 26Ingiedene Isilie kunlai man jiuine. Jinwun jiere jilasan mutun,
"Xiwunse jiuichen khizhezhi
Yagebuse xienlian wituni widaghane.
27Hhe shihoude bi hhelai zuini widaghane.
Eneshijiu bi hhelare yenjisan kielien wo."
28Gouxioxighala kieliese Isilie kunla Hudare duitou gholudene tande haochu ireghawo. Hhelai xienrenni sunghusei uzhese hhelashi Huda oresan wo. 29Hudai nenjien, uruku ulie bienjine. 30Ta eqighandei Hudai ulie shunjiku mutun ede hhelai ulie shunjiku yenyinghala tande kharei ubali xiizho. 31Niekielien wo. Hhela ede uye shunjizhoma, tande ubali xiisan yenyinghala ede hheladeye ubali xiine. 32Huda soyuji kunlai ulie shunjiku dunda oroghazhi khakushi soyuji kunlade ubali xiine giezho.
33Hudai bayan, agheli, erlin matui fugie wo!
Hhe panjikui kiema mejie dane!
Hhe giekui kiema dunjire dane!
34"Kien Ezhanyi zhughei mejiene?
Kien hhende sughachen danlane?"
35"Kien Hudade xien ogidene khareizhi goyadene honjighane?"
36Soyujila man hhense khizhezhi
hhende kouizhi hhende oluzho.
Kuaikui chanqi hhende ogi! Amine!
Currently Selected:
Loma 11: sce
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.
Loma 11
11
Isilie Kun Dunda Feilieghasan Kunla
1Ingiese bi asaye, Huda goya bexinne bendawu? Kenjin uye! Bishiye Isilie kun, Iburaheimuni houdei, Bienyamin jiawuse khizhesan wo. 2Huda melie mejiesan bexinlane ese bendazho. Jinwun jiere Iliyai matugie kieliesei ta ulie mejienu? Hhe Hudade Isilie kunlai zhazhi kieliezho, 3"Ezhan, hhela chii xienzhilai alazhi sidagha gieku chii teizii cheiwo. Jianie bi feiliezhi hhela dou mii aminyi kerene." 4Ingiese Huda matugie huida giewo? Bi goyadene oluzhi Balii ese beiisan 7000 kun feilieghawo giezho. 5Edeku shihouye niekielien wo. Feiliesan kun wine. Hhelai nenjienghala sunghuzho. 6Nenjienghala giese giekughala ese giezho. Qingiese nenjienshi nenjien pusho.
7Ingiese matugie gholuwo? Isilie kunla goya ereisanne ereizhi olu dawo. Zinie Huda sunghusan kunla ereizhi oluwo. Psedu kunlai zhughe khiduzhewo. 8Jinwun jiere jilasan mutun,
"Huda hhelade sudoku zhughe ogizho
nudunlani chanla dane,
chighinlaiye sonosu dazhi eli kuwo."
9Pse Dawude kieliewo,
"Hhelai ijieku xini sa, on,
banjighaku, bouin gieku gholusejiu.
10Hhelai nudun borolozhi chujieghe dasejiu.
Hhelai nurun ibeizi ghodeisejiu."
11Ingiese bi asaye, hhela banjise bosizhe danu? Kenjin pusho! Hhela codadene jiuiku niman kunlade echise Isilie kunlai dubilieghazho. 12Isilie kunlai codasan duyai kunlade haochu ireghazho, hhelai ese olusan niman kunlade gounii ireghazho. Qinse Isilie kunlai man jiuiku dunda oroghase ireku gounii genjia fugie uwonu?
13Bi ta niman kunlade kielieye. Bishi niman kunlade peisan shitu wo. Ene wiliei bi fugiede uzhekushi 14goya minzune dubilieghazhi ezighan jiuine giezho. 15Huda hhelai bendadene duyai kunlare goudazho, hhelai jienliese zhengiejia gou uwonu? Fugusanse aminne olusan niekielien wo. 16Hudade ogiku ghurun ganjinshi nieduizi ghurun man ganjin wo. Mutun genzi ganjinshi chalaye ganjin wo.
17Bilase nie ganlan mutunyi giedun chalani ghigha bouzhedene yeganlan chalai chaiwo. Chishijiu chaisan chala wo. Chaisan chala mutun genzise gounii hhantu xiikude 18ghighasan chalade kuai dane. Kuaine giese chi jila. Chi genzii ese qiezhezho, genzi chii qiezhezho. 19Ingiese chi kieliene, 'Hhezighan chalai ghigha bouzhekushi mii chaine giezho.' 20Oluzho! Hhela xianxin ulie giese ghigha bouzhezho, chi xianxin giese beizho. Ingiese ayizhi goyane undude bu uzhe. 21Huda yenlaiku chalai sheise chiiye sheine. 22Ingie uzhese Huda renyi, yenge wo. Hhezighan xinyan jiere banjisan kunlade yenge wo, tande renyi wo. Chi renyideni chanqi kouise beizhoma, pse chiiye ghigha widaghane. 23Isilie kunla ulie guidene xianxin giese yen chaine. Hudade erchan chaiku nenli wine. 24Chishi goya osisan ganlan mutun jierese ghighazhi bouzhedene zeilasan ganlan mutun jiere zhenchan wide chaisan wo. Qinse yenlaiku chalai yenlaiku mutun jiere chaise genjia zhenchan uwonu?
Soyuji Isilie Kunlai Man Jiuine
25Gaijiula, bi ene mimii tande mejieghaku duran wo. Pse ta goyalane jienzha wo giene. Ene mimishi niman kunlai jiuiku shuzi kurutula niezhan Isilie kunlai zhughei khiduzheghazho. 26Ingiedene Isilie kunlai man jiuine. Jinwun jiere jilasan mutun,
"Xiwunse jiuichen khizhezhi
Yagebuse xienlian wituni widaghane.
27Hhe shihoude bi hhelai zuini widaghane.
Eneshijiu bi hhelare yenjisan kielien wo."
28Gouxioxighala kieliese Isilie kunla Hudare duitou gholudene tande haochu ireghawo. Hhelai xienrenni sunghusei uzhese hhelashi Huda oresan wo. 29Hudai nenjien, uruku ulie bienjine. 30Ta eqighandei Hudai ulie shunjiku mutun ede hhelai ulie shunjiku yenyinghala tande kharei ubali xiizho. 31Niekielien wo. Hhela ede uye shunjizhoma, tande ubali xiisan yenyinghala ede hheladeye ubali xiine. 32Huda soyuji kunlai ulie shunjiku dunda oroghazhi khakushi soyuji kunlade ubali xiine giezho.
33Hudai bayan, agheli, erlin matui fugie wo!
Hhe panjikui kiema mejie dane!
Hhe giekui kiema dunjire dane!
34"Kien Ezhanyi zhughei mejiene?
Kien hhende sughachen danlane?"
35"Kien Hudade xien ogidene khareizhi goyadene honjighane?"
36Soyujila man hhense khizhezhi
hhende kouizhi hhende oluzho.
Kuaikui chanqi hhende ogi! Amine!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.