Make 4
4
Fure Shizhikui Bilazho
(Mat 13:1-9; Luj 8:4-8)
1 Ersa pse haibienzide sughazhi qiiwo. Tebieji olon kunla hhei shida hhantulase hhe haini chon jiere khirei souwo. Kunla man haibienzide wo. 2Ersa hhelade bilazhi olon sughazho. Sughakudeni hhelade kieliewo, 3"Ta chenliendu, nie kun shizhile echiwo. 4Shizhikudeni niezhanla mo jiere luise bunzhula ire ijie agiwo. 5Niezhanla tura olon witu tashitu oronde luise tura ninkienshi niazi faizhi ghujin woma, 6genzi uwoshi naran khizhe nie xiese ghowo. 7Pse niezhanla eghesun dunda luise eghesun khizhezhi jigheidase bolu dawo. 8Da niezhanla gou ghazhade luise osizhi fugiedadene 30 pei, 60 pei, 100 pei zhonjia souwo." 9Ersa pse kieliewo, "Chighin bitu kunla chenliendu!"
Bilasanni Muji
(Mat 13:10-17; Luj 8:9-10)
10 Ersa niezheghanne bikude daghasan kunla, 12 gie shitu bilasan isii asazho. 11Ersa hhelade kieliewo, "Hudai gojiai mimii tande mejieghawoma, ghadanedu kunlade bilazhi kieliekushi,
12'Hhela uzhese minbai olu dane,
chenliese dunjire dane.
Pse kharei daorese Huda hhelai zuini mienliekuse ayizho.'"
Bilasanni Mejieghazho
(Mat 13:18-23; Luj 8:11-15)
13Pse hhelade kieliewo, "Ta ene bilasei mejie danu? Qinse ta soyuji bilasei matugie mejiene? 14Fure shizhisan kun shizhisanshi Hudai kielien wo. 15Mo bienzide luisanshi kun Hudai kielienyi chenliedene Ibilisi deigo ire sudoro shizhisan kielienyi agi echiwo. 16Tashitu oronde luisanshi kun kielienyi chenliedene bayasuzhi deigo jienliewoma, 17zhughedeni genzi wise niechaku wo. Kielienyi yenyinghala zeinan onu heiku kuzhese deigo furawo. 18Eghesun dunda luisanshi kun kielienyi chenliewoma, 19duyai munan gieku, baer miiku, pse duyai yanyanji onxian giekughala kielienyi jigheidazhi yama sou dawo. 20Gou ghazhade luisanshi kun kielienyi chenliezhi jienliedene 30 pei, 60 pei, 100 pei zhonjia souwo."
Igha Douradu Zhula
(Luj 8:16-18)
21 Ersa pse kieliewo, "Kun zhulai agi irese ighaghala komoronu? Chonban doura jienu? Zhula teiku teizi jiere jiene. 22Niuighasanlai ulie khizheghakui uwo. Ghulazhi giesan shiqinlai ulie khizheghakui uwo. 23Chighin bitu kunla chenliendu!"
24 Ersa pse kieliewo, "Ta goude chenliendu, ta kunlade yanghala nanjizhi ogise tandeye yanghala nanjizhi ogine, da olon ogine. 25Bichen kunde pse olon ogine. Wichen kunse bisanlainiye agi echine."
Fure Osikui Bilazho
26 Ersa pse kieliewo, "Hudai gojia kun fureni ghazhade shizhisei xianli. 27Xieni kijiene, udu bosine, ene fure matui niazi faizhi osisei hhe kun ulie mejiene. 28Ghazhase zhonjia goya osine. Xien niazi faine, khuinashi fugiedazhi qiorun khidene chuduzho. 29Zhonjia boluse liendaoghala ghadune. Ghuraku shihou oluwo."
Caizi Furei Bilazho
(Mat 13:31-32; Luj 13:18-19)
30 Ersa pse kieliewo, "Hudai gojia yanni xianli? Matan yanghala bilane? 31Nie caizi furei xianli. Zemin jiere shizhisan furese zui gaji woma, 32shizhidene khizhese yan caiseliuzhe fugie wo. Chalani fugiedazhi asiman jieredu bunzhula holiene."
33 Ersa zhao hhela dunjire shidaku mutun bilazhi olon kieliezho. 34Bilazhi ulie kieliese hhelade ulie kieliene. Kun widakude tujiladene isii kieliezhi man mejieghazho.
Ersa Keini Beighazho
(Mat 8:23-27; Luj 8:22-25)
35Hhe xii Ersa tujiladene kieliewo, "Matan hai duimiende daoye." 36Tujilani olon kunlase likai gie Ersa sousan chon jiere khireidene hhantu echiwo. Psedu chonlaye hhantu yozho. 37Menzhali honfen kei bosidene lan chonni eghizhi chonde usu durune giezho. 38Ersa chonni khuina zhentouni zhentoula kijie hhunturazho. Tujilani hhei xiereigha kieliewo, "Loushi, bijienyi amin widane giezho! Chi ulie gonjinu?" 39Ersa xiereidene keini nie sugiezhi haide kieliewo, "Bei! Nanranshi!" Ingiese kei beiwo, fugiede nanranshiwo. 40Ersa hhelade kieliewo, "Ta yangiezhi ayizho? Tande xianxin giekui uwonu?" 41Hhela fugiede ayizhi nieniedene kieliezho, "Eneshi yan kun wo? Kei, haiye kielienyini chenliene."
Currently Selected:
Make 4: sce
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.
Make 4
4
Fure Shizhikui Bilazho
(Mat 13:1-9; Luj 8:4-8)
1 Ersa pse haibienzide sughazhi qiiwo. Tebieji olon kunla hhei shida hhantulase hhe haini chon jiere khirei souwo. Kunla man haibienzide wo. 2Ersa hhelade bilazhi olon sughazho. Sughakudeni hhelade kieliewo, 3"Ta chenliendu, nie kun shizhile echiwo. 4Shizhikudeni niezhanla mo jiere luise bunzhula ire ijie agiwo. 5Niezhanla tura olon witu tashitu oronde luise tura ninkienshi niazi faizhi ghujin woma, 6genzi uwoshi naran khizhe nie xiese ghowo. 7Pse niezhanla eghesun dunda luise eghesun khizhezhi jigheidase bolu dawo. 8Da niezhanla gou ghazhade luise osizhi fugiedadene 30 pei, 60 pei, 100 pei zhonjia souwo." 9Ersa pse kieliewo, "Chighin bitu kunla chenliendu!"
Bilasanni Muji
(Mat 13:10-17; Luj 8:9-10)
10 Ersa niezheghanne bikude daghasan kunla, 12 gie shitu bilasan isii asazho. 11Ersa hhelade kieliewo, "Hudai gojiai mimii tande mejieghawoma, ghadanedu kunlade bilazhi kieliekushi,
12'Hhela uzhese minbai olu dane,
chenliese dunjire dane.
Pse kharei daorese Huda hhelai zuini mienliekuse ayizho.'"
Bilasanni Mejieghazho
(Mat 13:18-23; Luj 8:11-15)
13Pse hhelade kieliewo, "Ta ene bilasei mejie danu? Qinse ta soyuji bilasei matugie mejiene? 14Fure shizhisan kun shizhisanshi Hudai kielien wo. 15Mo bienzide luisanshi kun Hudai kielienyi chenliedene Ibilisi deigo ire sudoro shizhisan kielienyi agi echiwo. 16Tashitu oronde luisanshi kun kielienyi chenliedene bayasuzhi deigo jienliewoma, 17zhughedeni genzi wise niechaku wo. Kielienyi yenyinghala zeinan onu heiku kuzhese deigo furawo. 18Eghesun dunda luisanshi kun kielienyi chenliewoma, 19duyai munan gieku, baer miiku, pse duyai yanyanji onxian giekughala kielienyi jigheidazhi yama sou dawo. 20Gou ghazhade luisanshi kun kielienyi chenliezhi jienliedene 30 pei, 60 pei, 100 pei zhonjia souwo."
Igha Douradu Zhula
(Luj 8:16-18)
21 Ersa pse kieliewo, "Kun zhulai agi irese ighaghala komoronu? Chonban doura jienu? Zhula teiku teizi jiere jiene. 22Niuighasanlai ulie khizheghakui uwo. Ghulazhi giesan shiqinlai ulie khizheghakui uwo. 23Chighin bitu kunla chenliendu!"
24 Ersa pse kieliewo, "Ta goude chenliendu, ta kunlade yanghala nanjizhi ogise tandeye yanghala nanjizhi ogine, da olon ogine. 25Bichen kunde pse olon ogine. Wichen kunse bisanlainiye agi echine."
Fure Osikui Bilazho
26 Ersa pse kieliewo, "Hudai gojia kun fureni ghazhade shizhisei xianli. 27Xieni kijiene, udu bosine, ene fure matui niazi faizhi osisei hhe kun ulie mejiene. 28Ghazhase zhonjia goya osine. Xien niazi faine, khuinashi fugiedazhi qiorun khidene chuduzho. 29Zhonjia boluse liendaoghala ghadune. Ghuraku shihou oluwo."
Caizi Furei Bilazho
(Mat 13:31-32; Luj 13:18-19)
30 Ersa pse kieliewo, "Hudai gojia yanni xianli? Matan yanghala bilane? 31Nie caizi furei xianli. Zemin jiere shizhisan furese zui gaji woma, 32shizhidene khizhese yan caiseliuzhe fugie wo. Chalani fugiedazhi asiman jieredu bunzhula holiene."
33 Ersa zhao hhela dunjire shidaku mutun bilazhi olon kieliezho. 34Bilazhi ulie kieliese hhelade ulie kieliene. Kun widakude tujiladene isii kieliezhi man mejieghazho.
Ersa Keini Beighazho
(Mat 8:23-27; Luj 8:22-25)
35Hhe xii Ersa tujiladene kieliewo, "Matan hai duimiende daoye." 36Tujilani olon kunlase likai gie Ersa sousan chon jiere khireidene hhantu echiwo. Psedu chonlaye hhantu yozho. 37Menzhali honfen kei bosidene lan chonni eghizhi chonde usu durune giezho. 38Ersa chonni khuina zhentouni zhentoula kijie hhunturazho. Tujilani hhei xiereigha kieliewo, "Loushi, bijienyi amin widane giezho! Chi ulie gonjinu?" 39Ersa xiereidene keini nie sugiezhi haide kieliewo, "Bei! Nanranshi!" Ingiese kei beiwo, fugiede nanranshiwo. 40Ersa hhelade kieliewo, "Ta yangiezhi ayizho? Tande xianxin giekui uwonu?" 41Hhela fugiede ayizhi nieniedene kieliezho, "Eneshi yan kun wo? Kei, haiye kielienyini chenliene."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.