1Qimotai 5
5
Kunlade Goude Gieku
1Oqio kunlai hende bu kielie. Goya adane wo giezhi goude kielie. Nasuchighan kunlai goya jiune mutun kielie. 2Oqiolusan biereilai anane mutun kielie. Nasunchighan oqitu kunlai eghechijiune mutun zhughene ganjinde teizhi goude kielie. 3Yama witu guafulai laba giezhi zhaogu gie. 4Guafude kewon sunzi bise xien giedene xioshun olukui sughazhi ada anane qinni beigha. Eneshi Hudai bayasughakui wo. 5Yama witu guafula Hudade kouizhi xieni udu onxian gienema, 6hhe zhonmun xianshou giesan guafula amitu woma, fugusan niekielien wo. 7Chi ene shiqinlai hhelade fenfulazhi hhelade yama kielieku witui gholugha. 8Kun qingune ulie gonjizhi tebieshi giene ulie gonjise xinyanni bendazho, xianxin ulie giesan kunde dou ulie kune. 9Guafui denji giese nasunni bixishi 60 olune, nie ere kunde bierei danlasanni sanane. 10Pse gou wilieni giesan zhenji kerene. Bilazhi kieliese, kesilai laizhi fugiedaghawo, zhochenlai jienliewo, Hudai xianxin giesan kunlai konni waghazhi ushilawo, kunnan penjisan kunlade banman giewo, yanyanji gou wiliede lilian khighawo.
11Nasunchighan guafulade denji giezhi bu ogi. Enelade nefuxin Mexihade orekuse olodose loujide khireine giene. 12Ingiese hhelade zui jinjikushi deiqikude yenjisan kielienne bendazho. 13Pse hhela go gielade han toreizhi langan xigon gholuwo. Zinie langanraku pusho, da xienhua kieliezhi ulie gonjiku shiqinyi gonjine, ulie kielieku kielienlaiye kieliene. 14Ingiese mii duranshi nasuchighan biereila jiehun giedene kewosi oluzhi gie lai. Duitou matai sugiekuni ereizhi bu olu gie. 15Ede niezhan guafula ijin guidaose khireidene Ibilisini daghawo. 16Xianxin giesan biereilani jiawude guafu bise jiohuide achan bu ogi. Ingiese yama wiku guafude jiohui banman gie shidane.
17Jiohuini goude gonjisan zhanlaoni indan shonpeide zunjikuni wo. Yuqishi xinku giezhi daoli jianjisanlade, sughasanlade genjia giekuni wo. 18Enei jinwun jiere kieliezho, "Fughe tughon yanchikude zuilun bu zhogha." Pse kieliezho, "Wiliechi gunzi bareise indanji wo." 19Zhanlaoni zhase ghua ghuran kunni zhenjii kere, pse bu jienlie. 20Kien zui fanjise dajialai melie kheila. Ingiese psedu kunlaye ayine.
21Bi Huda, Mexiha Ersa, sunghusan qienxienlai melie tai goude fenfulaye. Enezighan kielienlai pienxin bu giezhi goude zunji. Yan shiqin giese gundande gie. 22Khane teidene onxian giezhi zhanlao xienjikude suibiende bu gie. Kunla fanzui giekude bu hhantula. Goyane ganjinde bei.
23Chii wide oluzhi pse chan giemerekude oluzhi gon usu bu ochidene jiuye gouji ochi.
24Niezhan kunlai zui minxien wo, xien panjine. Niezhan kunlai zui khuinashi cai xienjighazhi khizhene. 25Niekielien wo. Gou wilielaye minxien wo. Minxien uwoliuzhe niuigha dane.
Currently Selected:
1Qimotai 5: sce
Highlight
Copy
Compare
Share
Want to have your highlights saved across all your devices? Sign up or sign in
© 2020-2024 River Street Publishing.
