1Qiesalonijia 1
1
Kielien Asazho
1 Baolo, Seila, Qimotai ghurelie Ada Huda, Ezhan Ersa Mexihai xianxin giesan Qiesalonijiai jiohuide xin huaizho. Tande nenjien, pinnan ogi gie!
Qiesalonijia Jiohuide Oluzhi Mafan Kieliezho
2Bijien ta ashighalade oluzhi Hudade chan mafan kieliezho. Onxian giekude tai qiizhi kieliezho. 3Bijien mai Ada Hudai melie tai izhigie jilazhi kieliezho. Ta xianxin giekughala giesan wilie, orezhi khishulasan, pse mai Ezhan Ersa Mexihai panjizhi rennai giesei jilazhi onxian giezho. 4Huda oresan gaijiula, tai sunghusei bijien mejiene. 5Bijien tande gouxioxini chonjikude zinie kielienghala giesan pusho, nenli, Shenlin, hende xianxin gieku zhugheghala giesan wo. Bijien tanre hhantu bikude tande oluzhi matugie giesei ta goyalane qinchu wo. 6Ta bijien, Ezhan mutun qingie giezhi heikui fugiede shouiliuzhe Shenlin banman giedene daolini bayasuzhi jienliewo. 7Ingiese Maqidun, Yagaiyani#1:7 Maqidun, Yagaiyashi Xila gojiani beimien, nanmiende wo. orondedu xianxin giesan kunlade yanzi uzheghawo. 8Ezhanyi kielien tai hhense chonji khizhezhi zinie Maqidun, Yagaiyade pusho, gochude man chonji kuruwo. Ta Hudai xianxin giesan xioxii gochui kunla man mejiese bijien yama kielieku biyo uwo. 9Ta matugiezhi goude bijienyi jienliesei, pse nigiedalai bendadene amitu, zhen Hudai shunjisei hhela goyane kielienduzho. 10Pse ta asiman jierese ireku Hudai Kewonni sagheizho giene. Hheshi Huda fugusan kun dundase aminne olughasan Ersa wo, jianlai ireku Hudai hokurukuse matanyi jiuine.
Currently Selected:
1Qiesalonijia 1: sce
Highlight
Copy
Compare
Share
Want to have your highlights saved across all your devices? Sign up or sign in
© 2020-2024 River Street Publishing.
