Румазухъе кагъат 7
7
7 бетӀер
Къануналъе хвеялъул магӀна щиб?
1Дица бицунеб бугеб жо нужеда бичӀчӀила, вацал, Къанун щибали нужеда лъалелъул. Инсан чӀаго вугебгӀан заманалда гурони, Къануналъ гьесда тӀад кверщел гьабуларо. 2Масала, Къануналъ лъади жиндирго росасдехун юхьун йикӀуна гьев чӀаго вугебгӀан заманалда. Гьев хваравго, гьей эркенлъула ригьнал рахъалъ Къануналъул рихьизарияздаса. 3Рос чӀаго вукӀаго гьей цогидасда цадахъ йигони, зина гьабулеб бугин гьелъилан абула. Амма рос хведал гьей эркенлъула Къануналъул кверщелалдаса. Цогидасе аниги, зина гьабулеб бугин гьелъилан абуларо.
4Гьединго нужги хвана, вацал, гьеб Къануналъе, – МасихӀил чорхол лагалъун лъугьун, нуж цогидасухъе, ай хваралъуса вахъинавурасухъе, ине, цинги лъикӀал ишаздалъун Аллагьасе хъулухъ гьабизе. 5Мунагьаб напсалъ нилъеда тӀад кверщел гьабулеб букӀараб заманалда, Къануналъ квешал къасдазул къуват цӀикӀкӀинабулаан нилъер чурхдузулъ, нилъер ишаздалъун хвалие хъулухъги гьабулаан. 6Амма кидаялиго нилъ асирлъуда чӀезарун рукӀараб мунагьалъе гьанже нилъ хун ругелъул, Къануналдаса эркенлъана, – хъван кьураб Къануналъ бихьизабураб басрияб нухдасан инчӀого, РухӀалъ бихьизабураб цӀияб нухдасан ун, Аллагьасе гӀибадат гьабизе.
Къанунги мунагьги
7Щибиланха гьанже абилеб? Къанун мунагьазул иццлъун кколиланищ абилеб? Абиларо! Къанун букӀинчӀебани, мунагь щиб жояли лъалароан дида. Масала, дида лъалароан, жахӀда-хӀусуд щиб жояли: «ЖахӀда-хӀусуд гьабуге!» – ян абураб амру Къануналда батичӀебани. 8Гьеб амруги хӀалае ккун, мунагьалъ дир жахӀдаяб рекӀелъ рижизаруна цогидазул бугебщинаб диеги щвелародайилан абурал пикраби. Къанун гьечӀони, мунагь хвараб жо буго. 9Къанун гьечӀеб заманги букӀана дир гӀумруялъулъ, амма Къануналъул амру рещтӀараб мехалъ, мунагь чӀаголъана, дун хвана. 10Амру рещтӀун букӀана дун чӀаголъизавизе, гьелъин абуни, дун хвалде вачана. 11Амруялъ кьураб ресалдаса пайдаги босун, гьеб мунагьалъин дун гуккарав ва, амруги хӀалае ккун, дун хвезавурав. 12Къанунги бацӀцӀадаб буго, Аллагьасул амруги бацӀцӀадаб, ритӀухъаб ва лъикӀаб буго.
13ЛъикӀаб жоялъ дун хвезавуниланищ дица абулеб бугеб? ГьечӀо! Мунагьалъ гьабуна гьеб, гьедин жиндирго квешлъиги загьир гьабуна гьелъ. Мунагьалъ хвезавуна дун, лъикӀаб жоялдаса пайдаги босун. Гьединаб къагӀидаялъ Аллагьасул амруялъ квербакъана мунагь бищунго гӀасияб жо букӀин загьирлъизе.
Инсанасулъ лъикӀлъиги квешлъиги цоцалъ къеркьолеб буго
14Нилъеда лъала Къанун илагьияб букӀин, дунин абуни, холев-унев чи вуго, мунагьалъе лагълъун вичунги вуго. 15Дидаго бичӀчӀулеб гьечӀо дие щиб бокьун бугебали. Диего бокьараб дица гьабуларо, рекӀее рихараб гьабун батула. 16Диего бокьулареб жо дица гьабулеб бугони, гьелъул магӀна ккола Къанун лъикӀаб жо букӀин дида бичӀчӀулеб бугеблъи. 17ХӀакъикъаталда дица гуро квешлъи гьабулеб, гьеб гьабула дилъ бугеб мунагьалъ. 18Дида лъала дир напсалъ биччалеб гьечӀеблъи дица лъикӀлъи гьабизе: лъикӀлъи гьабизе дие бокьаниги, дихъа гьеб лъугьунаро. 19Дица гьабулеб бугеб иш доб дие гьабизе бокьун бугеб лъикӀаб иш кколаро. Дицаго гьабизе бокьун гьечӀеб квешлъиги гьабулеб буго дица. 20Гьединаб къагӀидаялъ диего бокьулареб жо дица гьабуни, гьеб дица гьабураблъун кколаро, дилъ бугеб мунагьалъ гьабула гьеб.
21ХӀасил, дие загьирлъана инсанасул хасият: лъикӀлъи гьабизе бокьараб мехалъ, квешлъи гьабун бахъун кколеб буго. 22Аллагьасул Къануналдаса бохун букӀуна дир ракӀ. 23Амма дида лъала дир чорхол лугбузул хасият батӀияб букӀин. Гьеб дир гӀакълуялда дандечӀола. Дир чорхол лугбузул гьеб хасият сабаблъун гьабураб мунагьалъул асирлъунги ккана дун.
24Дидаса талихӀ къосарав чиго вугодай! Дун хвалде вачунеб чорхол хасияталдаса лъица дун хвасар гьавилев? 25Нилъер ТӀадегӀанав ГӀиса МасихӀидалъун дун хвасар гьавулев Аллагьасе рецц!
Дир гӀакълуни Аллагьасул Къануналъул лагъ буго. Амма дир мунагьаб напс мунагьаб хасияталъул лагъ буго.
Currently Selected:
Румазухъе кагъат 7: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Румазухъе кагъат 7
7
7 бетӀер
Къануналъе хвеялъул магӀна щиб?
1Дица бицунеб бугеб жо нужеда бичӀчӀила, вацал, Къанун щибали нужеда лъалелъул. Инсан чӀаго вугебгӀан заманалда гурони, Къануналъ гьесда тӀад кверщел гьабуларо. 2Масала, Къануналъ лъади жиндирго росасдехун юхьун йикӀуна гьев чӀаго вугебгӀан заманалда. Гьев хваравго, гьей эркенлъула ригьнал рахъалъ Къануналъул рихьизарияздаса. 3Рос чӀаго вукӀаго гьей цогидасда цадахъ йигони, зина гьабулеб бугин гьелъилан абула. Амма рос хведал гьей эркенлъула Къануналъул кверщелалдаса. Цогидасе аниги, зина гьабулеб бугин гьелъилан абуларо.
4Гьединго нужги хвана, вацал, гьеб Къануналъе, – МасихӀил чорхол лагалъун лъугьун, нуж цогидасухъе, ай хваралъуса вахъинавурасухъе, ине, цинги лъикӀал ишаздалъун Аллагьасе хъулухъ гьабизе. 5Мунагьаб напсалъ нилъеда тӀад кверщел гьабулеб букӀараб заманалда, Къануналъ квешал къасдазул къуват цӀикӀкӀинабулаан нилъер чурхдузулъ, нилъер ишаздалъун хвалие хъулухъги гьабулаан. 6Амма кидаялиго нилъ асирлъуда чӀезарун рукӀараб мунагьалъе гьанже нилъ хун ругелъул, Къануналдаса эркенлъана, – хъван кьураб Къануналъ бихьизабураб басрияб нухдасан инчӀого, РухӀалъ бихьизабураб цӀияб нухдасан ун, Аллагьасе гӀибадат гьабизе.
Къанунги мунагьги
7Щибиланха гьанже абилеб? Къанун мунагьазул иццлъун кколиланищ абилеб? Абиларо! Къанун букӀинчӀебани, мунагь щиб жояли лъалароан дида. Масала, дида лъалароан, жахӀда-хӀусуд щиб жояли: «ЖахӀда-хӀусуд гьабуге!» – ян абураб амру Къануналда батичӀебани. 8Гьеб амруги хӀалае ккун, мунагьалъ дир жахӀдаяб рекӀелъ рижизаруна цогидазул бугебщинаб диеги щвелародайилан абурал пикраби. Къанун гьечӀони, мунагь хвараб жо буго. 9Къанун гьечӀеб заманги букӀана дир гӀумруялъулъ, амма Къануналъул амру рещтӀараб мехалъ, мунагь чӀаголъана, дун хвана. 10Амру рещтӀун букӀана дун чӀаголъизавизе, гьелъин абуни, дун хвалде вачана. 11Амруялъ кьураб ресалдаса пайдаги босун, гьеб мунагьалъин дун гуккарав ва, амруги хӀалае ккун, дун хвезавурав. 12Къанунги бацӀцӀадаб буго, Аллагьасул амруги бацӀцӀадаб, ритӀухъаб ва лъикӀаб буго.
13ЛъикӀаб жоялъ дун хвезавуниланищ дица абулеб бугеб? ГьечӀо! Мунагьалъ гьабуна гьеб, гьедин жиндирго квешлъиги загьир гьабуна гьелъ. Мунагьалъ хвезавуна дун, лъикӀаб жоялдаса пайдаги босун. Гьединаб къагӀидаялъ Аллагьасул амруялъ квербакъана мунагь бищунго гӀасияб жо букӀин загьирлъизе.
Инсанасулъ лъикӀлъиги квешлъиги цоцалъ къеркьолеб буго
14Нилъеда лъала Къанун илагьияб букӀин, дунин абуни, холев-унев чи вуго, мунагьалъе лагълъун вичунги вуго. 15Дидаго бичӀчӀулеб гьечӀо дие щиб бокьун бугебали. Диего бокьараб дица гьабуларо, рекӀее рихараб гьабун батула. 16Диего бокьулареб жо дица гьабулеб бугони, гьелъул магӀна ккола Къанун лъикӀаб жо букӀин дида бичӀчӀулеб бугеблъи. 17ХӀакъикъаталда дица гуро квешлъи гьабулеб, гьеб гьабула дилъ бугеб мунагьалъ. 18Дида лъала дир напсалъ биччалеб гьечӀеблъи дица лъикӀлъи гьабизе: лъикӀлъи гьабизе дие бокьаниги, дихъа гьеб лъугьунаро. 19Дица гьабулеб бугеб иш доб дие гьабизе бокьун бугеб лъикӀаб иш кколаро. Дицаго гьабизе бокьун гьечӀеб квешлъиги гьабулеб буго дица. 20Гьединаб къагӀидаялъ диего бокьулареб жо дица гьабуни, гьеб дица гьабураблъун кколаро, дилъ бугеб мунагьалъ гьабула гьеб.
21ХӀасил, дие загьирлъана инсанасул хасият: лъикӀлъи гьабизе бокьараб мехалъ, квешлъи гьабун бахъун кколеб буго. 22Аллагьасул Къануналдаса бохун букӀуна дир ракӀ. 23Амма дида лъала дир чорхол лугбузул хасият батӀияб букӀин. Гьеб дир гӀакълуялда дандечӀола. Дир чорхол лугбузул гьеб хасият сабаблъун гьабураб мунагьалъул асирлъунги ккана дун.
24Дидаса талихӀ къосарав чиго вугодай! Дун хвалде вачунеб чорхол хасияталдаса лъица дун хвасар гьавилев? 25Нилъер ТӀадегӀанав ГӀиса МасихӀидалъун дун хвасар гьавулев Аллагьасе рецц!
Дир гӀакълуни Аллагьасул Къануналъул лагъ буго. Амма дир мунагьаб напс мунагьаб хасияталъул лагъ буго.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023