Румазухъе кагъат 5
5
5 бетӀер
Божи-иманалдалъун ритӀухълъизаруна нилъ
1Божи-иманалдалъун ритӀухълъизарун ругелъул, нилъер ТӀадегӀанав ГӀиса МасихӀидалъун Аллагьгунги рекъана нилъ. 2Гьесдалъун кӀвана нилъеда божи-иман сабаблъун гьанже нилъее бугеб баркаталъе мустахӀикълъизе. Аллагьасул къудраталъулъ нилъееги гӀахьаллъи щвелилан бугеб хьулалдаса рохун руго нилъ. 3Гьелдаса гуребги, гӀазаб-гӀакъубаялдасаги рохун руго, гӀазаб-гӀакъубаялъ сабру кьолеблъиги лъан. 4Сабруялъ рачуна къо хӀехьеялде, къо хӀехьеялъ рачуна хьул лъеялде, 5хьул гӀадада кколаро – нилъеде рещтӀинабураб Илагьияб РухӀалдалъун Аллагьас нилъер рекӀелъе рокьи чвахизабулеб бугелъул.
6Жеги нилъ загӀипго рукӀаго, Аллагьас болжал цӀараб заманалда, МасихӀ хвана мунапикъзабазул мунагьал сабаблъун. 7Муъминчиясе гӀолоцин хвалде чи инадай? ЛъикӀав инсанасе гӀоло холев чи вукӀинеги бегьула. 8Амма Аллагьас бихьизабуна гьесие нилъ рокьулеллъи: мунагьазул цӀун нилъ ругеб мехалда, нилъее гӀоло хвана МасихӀ.
9Гьесул би гӀодобе тӀедалин нилъ гьанже ритӀухълъарал. Аллагьасул ццидадасаги кигӀан цӀикӀкӀунха гьес нилъ хвасарлъизарилел! 10Аллагьасул тушбабилъун нилъ рукӀараб заманалда, гьесул Вас хвей сабаблъун, рекъел ккана гьесдаги нилъедаги гьоркьоб. Рекъел ккун хадуб кигӀан цӀикӀкӀунха нилъ хвасарлъилел гьев чӀаголъи сабаблъун. 11ТӀадежоялъеги нилъ ракълиде рачарав нилъер ТӀадегӀанав ГӀиса МасихӀидалъун Аллагьас тӀуразарурал ишаздаса рохунги руго нилъ.
Адамги МасихӀги
12Гьаб дуниялалде мунагь цо инсан сабаблъун бачӀана, мунагь сабаблъун хвелги бачӀана. Киназго мунагь гьабидал, хвелги киназдего бачӀана. 13Мусал Къанун рещтӀиналдего букӀана дуниялалда мунагь. Амма Къанун гьечӀеб бакӀалда мунагь мунагьлъун рикӀкӀунаро. 14Адамидаса бахъараб Мусаде щвезегӀан киналго хвалил квачӀикь рукӀана, Адамица гӀадинаб мунагь гьабичӀелгицин. Нахъа вачӀине вугесул сипат-суратлъун вукӀана Адам.
15Аллагьасул баркат мунагьалде данде кквезе бегьуларо. Цо инсанасул мунагь сабаблъун гӀемерал гӀадамал хвана. КигӀан гӀемерав чиясеха баркат щвараб цо инсан, ай ГӀиса МасихӀ сабаблъун. 16Цо инсанас гьабураб мунагь Аллагьасул баркаталде данде кквезе бегьуларо. ЦохӀо мунагьалдаса хадуб судги гьабуна, тамихӀги гьабуна. Амма гӀемерал мунагьазда хадуб, тӀубанго ритӀухълъизарун, баркатги рещтӀана. 17Цо инсанас гьабураб цохӀо мунагь сабаблъун хвалие ханлъи щвараб батани, цо инсан, ай ГӀиса МасихӀ сабаблъун кигӀан гӀемерал гӀадамазеха парччахӀлъи щвезе бугеб! Гьарзаго Аллагьасул баркатги щварал ва чӀорого ритӀухълъизеги гьарурал гьел гӀадамазе чӀаголъи насиблъила.
18ХӀакъикъаталдаги, цо инсанасул мунагь сабаблъун, гӀемерал гӀадамазе суд гьабуна. Гьединго, цо инсанасул лъикӀаб иш сабаблъун, киналго гӀадамал ритӀухълъана ва гьезие чӀаголъиги щвана. 19Аллагьасухъ гӀенеккичӀев цо инсан сабаблъун гӀемерал гӀадамал мунагьалъукье ккарал гӀадин, Аллагьасухъ гӀенеккарав цо инсан сабаблъун гӀемерал гӀадамал ритӀухълъизарила. 20Къанун рещтӀана такъсир цӀикӀкӀине. Амма мунагь цӀикӀкӀараб бакӀалда гӀемерго цӀикӀкӀана Аллагьасул баркатги. 21Инсан хвезавулеб мунагьалъ ханлъи гьабулеб букӀараб гӀадин, гьанже Аллагьасул баркаталъги ханлъи гьабила, нилъер ТӀадегӀанав ГӀиса МасихӀидалъун нилъ ритӀухълъизе ва абадияб гӀумруги насиблъизе.
Currently Selected:
Румазухъе кагъат 5: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Румазухъе кагъат 5
5
5 бетӀер
Божи-иманалдалъун ритӀухълъизаруна нилъ
1Божи-иманалдалъун ритӀухълъизарун ругелъул, нилъер ТӀадегӀанав ГӀиса МасихӀидалъун Аллагьгунги рекъана нилъ. 2Гьесдалъун кӀвана нилъеда божи-иман сабаблъун гьанже нилъее бугеб баркаталъе мустахӀикълъизе. Аллагьасул къудраталъулъ нилъееги гӀахьаллъи щвелилан бугеб хьулалдаса рохун руго нилъ. 3Гьелдаса гуребги, гӀазаб-гӀакъубаялдасаги рохун руго, гӀазаб-гӀакъубаялъ сабру кьолеблъиги лъан. 4Сабруялъ рачуна къо хӀехьеялде, къо хӀехьеялъ рачуна хьул лъеялде, 5хьул гӀадада кколаро – нилъеде рещтӀинабураб Илагьияб РухӀалдалъун Аллагьас нилъер рекӀелъе рокьи чвахизабулеб бугелъул.
6Жеги нилъ загӀипго рукӀаго, Аллагьас болжал цӀараб заманалда, МасихӀ хвана мунапикъзабазул мунагьал сабаблъун. 7Муъминчиясе гӀолоцин хвалде чи инадай? ЛъикӀав инсанасе гӀоло холев чи вукӀинеги бегьула. 8Амма Аллагьас бихьизабуна гьесие нилъ рокьулеллъи: мунагьазул цӀун нилъ ругеб мехалда, нилъее гӀоло хвана МасихӀ.
9Гьесул би гӀодобе тӀедалин нилъ гьанже ритӀухълъарал. Аллагьасул ццидадасаги кигӀан цӀикӀкӀунха гьес нилъ хвасарлъизарилел! 10Аллагьасул тушбабилъун нилъ рукӀараб заманалда, гьесул Вас хвей сабаблъун, рекъел ккана гьесдаги нилъедаги гьоркьоб. Рекъел ккун хадуб кигӀан цӀикӀкӀунха нилъ хвасарлъилел гьев чӀаголъи сабаблъун. 11ТӀадежоялъеги нилъ ракълиде рачарав нилъер ТӀадегӀанав ГӀиса МасихӀидалъун Аллагьас тӀуразарурал ишаздаса рохунги руго нилъ.
Адамги МасихӀги
12Гьаб дуниялалде мунагь цо инсан сабаблъун бачӀана, мунагь сабаблъун хвелги бачӀана. Киназго мунагь гьабидал, хвелги киназдего бачӀана. 13Мусал Къанун рещтӀиналдего букӀана дуниялалда мунагь. Амма Къанун гьечӀеб бакӀалда мунагь мунагьлъун рикӀкӀунаро. 14Адамидаса бахъараб Мусаде щвезегӀан киналго хвалил квачӀикь рукӀана, Адамица гӀадинаб мунагь гьабичӀелгицин. Нахъа вачӀине вугесул сипат-суратлъун вукӀана Адам.
15Аллагьасул баркат мунагьалде данде кквезе бегьуларо. Цо инсанасул мунагь сабаблъун гӀемерал гӀадамал хвана. КигӀан гӀемерав чиясеха баркат щвараб цо инсан, ай ГӀиса МасихӀ сабаблъун. 16Цо инсанас гьабураб мунагь Аллагьасул баркаталде данде кквезе бегьуларо. ЦохӀо мунагьалдаса хадуб судги гьабуна, тамихӀги гьабуна. Амма гӀемерал мунагьазда хадуб, тӀубанго ритӀухълъизарун, баркатги рещтӀана. 17Цо инсанас гьабураб цохӀо мунагь сабаблъун хвалие ханлъи щвараб батани, цо инсан, ай ГӀиса МасихӀ сабаблъун кигӀан гӀемерал гӀадамазеха парччахӀлъи щвезе бугеб! Гьарзаго Аллагьасул баркатги щварал ва чӀорого ритӀухълъизеги гьарурал гьел гӀадамазе чӀаголъи насиблъила.
18ХӀакъикъаталдаги, цо инсанасул мунагь сабаблъун, гӀемерал гӀадамазе суд гьабуна. Гьединго, цо инсанасул лъикӀаб иш сабаблъун, киналго гӀадамал ритӀухълъана ва гьезие чӀаголъиги щвана. 19Аллагьасухъ гӀенеккичӀев цо инсан сабаблъун гӀемерал гӀадамал мунагьалъукье ккарал гӀадин, Аллагьасухъ гӀенеккарав цо инсан сабаблъун гӀемерал гӀадамал ритӀухълъизарила. 20Къанун рещтӀана такъсир цӀикӀкӀине. Амма мунагь цӀикӀкӀараб бакӀалда гӀемерго цӀикӀкӀана Аллагьасул баркатги. 21Инсан хвезавулеб мунагьалъ ханлъи гьабулеб букӀараб гӀадин, гьанже Аллагьасул баркаталъги ханлъи гьабила, нилъер ТӀадегӀанав ГӀиса МасихӀидалъун нилъ ритӀухълъизе ва абадияб гӀумруги насиблъизе.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023