ГӀакъилал рагӀаби 3
3
БЕТӀЕР 3
Дир малъа-хъваял кӀочене риччаге
1Я дир вас, дир малъа-хъваял дуца кӀочене риччаге,
дир амруялги рекӀелъ цӀуне.
2Гьез дур гӀумру халалъизабила,
дуе сах-саламалъиги насиблъизабила.
3ГурхӀел-цӀобги божилъиги рехун тоге,
гарбида маххаллъун жеме дуца гьел,
рекӀел тӀанчазда хъванги те.
4Гьебмехалда Аллагьги гӀадамалги разилъила дудаса,
лъикӀаб цӀарги чӀвала дуда.
5РакӀ-ракӀалъго БетӀергьанасда божа мун,
дурго бичӀчӀи-лъаялда божун хьвадуге.
6Кинаб нух ккун гьабуниги,
Аллагь вичӀчӀизе тӀалаб гьабе дуца –
дуе нух битӀизабила Гьес.
7Дудаго мунго гӀакъилав чийилан ккоге.
БетӀергьанасукьа хӀинкъа, квешлъиялдаса рикӀкӀалъе;
8Дур чорхое дарулъун лъугьина гьеб,
дур рукьбиги къвакӀизарила гьелъ.
9БоцӀи-рикъзиялъул бутӀаги
ва хуриб-ахикь гӀезабурабщиналъул тӀоцебесеб бачӀинги
дуца БетӀергьанасе назру гьабе.
10Гьеб мехалда дур царгъал хӀалухъадул цӀела,
чаназухъ цӀияб чагъирги кидаго тӀасан чвахулеб букӀина.
11БетӀергьанасул гӀадлу-тамихӀалдаса мун рекӀекълъуге, дир вас,
Гьес дуда гӀайиб чӀвараб мехалъги, мун данде чӀоге.
12Жиндиего вокьулев чиясе гьабула БетӀергьанас гӀадлу;
инсуца васасул гӀадин, гьесул тӀалабги гьабула.
13Гьардарав гурищ гӀакъиллъи жинда батарав чи
ва жиндие бичӀчӀи-лъай щварав чи!
14ГӀакъиллъи щвей лъикӀаб буго
гӀарцул тӀагӀел щвеялдаса,
бацӀцӀадаб меседалдаса лъикӀаб буго
гӀакъиллъиялдасан бачӀунеб хайирги.
15Жавгьар-якъуталдасаги багьаяб буго гьеб,
дуца анищ гьабулебщинабги гьелда дандеккун бажаруларо.
16Гьелъул кваранаб хъатикь буго гӀумру халалъи,
квегӀаб хъатикь буго бечелъиги къадру-къиматги.
17РакӀ рази гьабулел нухал руго гьелъул,
киналгоги гьел нухаз ракълиде рачуна.
18ГӀакъиллъиялда рекъон хьвадулезе
гӀумруялъул гъветӀ буго гьеб,
гьелде мугъчӀваралги гьардарал гурищ.
19ГӀакъиллъиялдалъунин БетӀергьанас
гьаб ракьалъе кьучӀ лъураб,
гӀакълуялдалъунин зоб къвакӀизабураб.
20Гьесул лъаялдалъунин ракьулъан лъадал иххал чвахизарурал,
накӀкӀилъан ракьалде цӀад базабураб.
21Я дир вас, кӀиго жо берзукьа биччаге дуца –
гӀакълуялда нахъгӀунтӀиги ва квешаб-лъикӀаб бичӀчӀиги.
22Гьеб букӀина дур рухӀалъе чӀаголъилъун
ва гарбида балеб берцинаб рахаслъун.
23Гьебмехалда мун щибго хӀинкъи гьечӀого ина дурго нухдасан,
хӀетӀеги гӀодоб тункиларо.
24Кьижизе вегараб мехалъги дуда хӀинкъи лъаларо,
вегун щвараб макьуги гьуинаб букӀина.
25Нагагьаб балагьалдасаги хӀинкъуге,
мунагь цӀикӀкӀаразде бачӀунеб къварилъиялдасаги хӀинкъуге.
26БетӀергьан вукӀина дуе мугъ чӀвазе ва ракӀ гъезе,
дур хӀетӀе кӀичӀикье ккезе биччаларо Гьес.
27Духъа бажарулеб бугони,
воре, рес къотӀарасе лъикӀлъи гьабичӀого тоге.
28Гьесие къваригӀараб-хӀажатаб жо духъ бугони,
гӀагарав чиясдаги абуге дуца,
гьанже нахъе айин, цинги вачӀайин, метер кьелин.
29Божа-рокьигун дуда аскӀов вугев мадугьаласе
квешлъиялъеги ургъуге.
30Дуе квешлъи гьабичӀев чигун гӀадада дагӀбадуге.
31Зулмучиясдаги мун бахиллъуге,
гьесул киналго нухазул цонигияб тӀаса бищуге.
32Зулмучи БетӀергьанасеги рихарав вуго,
вализаби Гьес жиндего гӀагар гьарула.
33Квешасул рукъалде БетӀергьанасул нагӀана рещтӀуна,
муъминзабазул къайи-свериялде Гьес баркат рещтӀинабула.
34ЯхӀ-намус гьечӀезда тӀад Гьев велъанхъулев ватани,
мутӀигӀаздаса Гьев разилъула.
35ГӀакъилазе ирсалъе къадру-къимат щола,
гӀабдалзабаз жидедаго тӀаде хӀакъирлъи-къабихӀлъи чвахизабула.
Currently Selected:
ГӀакъилал рагӀаби 3: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 3
3
БЕТӀЕР 3
Дир малъа-хъваял кӀочене риччаге
1Я дир вас, дир малъа-хъваял дуца кӀочене риччаге,
дир амруялги рекӀелъ цӀуне.
2Гьез дур гӀумру халалъизабила,
дуе сах-саламалъиги насиблъизабила.
3ГурхӀел-цӀобги божилъиги рехун тоге,
гарбида маххаллъун жеме дуца гьел,
рекӀел тӀанчазда хъванги те.
4Гьебмехалда Аллагьги гӀадамалги разилъила дудаса,
лъикӀаб цӀарги чӀвала дуда.
5РакӀ-ракӀалъго БетӀергьанасда божа мун,
дурго бичӀчӀи-лъаялда божун хьвадуге.
6Кинаб нух ккун гьабуниги,
Аллагь вичӀчӀизе тӀалаб гьабе дуца –
дуе нух битӀизабила Гьес.
7Дудаго мунго гӀакъилав чийилан ккоге.
БетӀергьанасукьа хӀинкъа, квешлъиялдаса рикӀкӀалъе;
8Дур чорхое дарулъун лъугьина гьеб,
дур рукьбиги къвакӀизарила гьелъ.
9БоцӀи-рикъзиялъул бутӀаги
ва хуриб-ахикь гӀезабурабщиналъул тӀоцебесеб бачӀинги
дуца БетӀергьанасе назру гьабе.
10Гьеб мехалда дур царгъал хӀалухъадул цӀела,
чаназухъ цӀияб чагъирги кидаго тӀасан чвахулеб букӀина.
11БетӀергьанасул гӀадлу-тамихӀалдаса мун рекӀекълъуге, дир вас,
Гьес дуда гӀайиб чӀвараб мехалъги, мун данде чӀоге.
12Жиндиего вокьулев чиясе гьабула БетӀергьанас гӀадлу;
инсуца васасул гӀадин, гьесул тӀалабги гьабула.
13Гьардарав гурищ гӀакъиллъи жинда батарав чи
ва жиндие бичӀчӀи-лъай щварав чи!
14ГӀакъиллъи щвей лъикӀаб буго
гӀарцул тӀагӀел щвеялдаса,
бацӀцӀадаб меседалдаса лъикӀаб буго
гӀакъиллъиялдасан бачӀунеб хайирги.
15Жавгьар-якъуталдасаги багьаяб буго гьеб,
дуца анищ гьабулебщинабги гьелда дандеккун бажаруларо.
16Гьелъул кваранаб хъатикь буго гӀумру халалъи,
квегӀаб хъатикь буго бечелъиги къадру-къиматги.
17РакӀ рази гьабулел нухал руго гьелъул,
киналгоги гьел нухаз ракълиде рачуна.
18ГӀакъиллъиялда рекъон хьвадулезе
гӀумруялъул гъветӀ буго гьеб,
гьелде мугъчӀваралги гьардарал гурищ.
19ГӀакъиллъиялдалъунин БетӀергьанас
гьаб ракьалъе кьучӀ лъураб,
гӀакълуялдалъунин зоб къвакӀизабураб.
20Гьесул лъаялдалъунин ракьулъан лъадал иххал чвахизарурал,
накӀкӀилъан ракьалде цӀад базабураб.
21Я дир вас, кӀиго жо берзукьа биччаге дуца –
гӀакълуялда нахъгӀунтӀиги ва квешаб-лъикӀаб бичӀчӀиги.
22Гьеб букӀина дур рухӀалъе чӀаголъилъун
ва гарбида балеб берцинаб рахаслъун.
23Гьебмехалда мун щибго хӀинкъи гьечӀого ина дурго нухдасан,
хӀетӀеги гӀодоб тункиларо.
24Кьижизе вегараб мехалъги дуда хӀинкъи лъаларо,
вегун щвараб макьуги гьуинаб букӀина.
25Нагагьаб балагьалдасаги хӀинкъуге,
мунагь цӀикӀкӀаразде бачӀунеб къварилъиялдасаги хӀинкъуге.
26БетӀергьан вукӀина дуе мугъ чӀвазе ва ракӀ гъезе,
дур хӀетӀе кӀичӀикье ккезе биччаларо Гьес.
27Духъа бажарулеб бугони,
воре, рес къотӀарасе лъикӀлъи гьабичӀого тоге.
28Гьесие къваригӀараб-хӀажатаб жо духъ бугони,
гӀагарав чиясдаги абуге дуца,
гьанже нахъе айин, цинги вачӀайин, метер кьелин.
29Божа-рокьигун дуда аскӀов вугев мадугьаласе
квешлъиялъеги ургъуге.
30Дуе квешлъи гьабичӀев чигун гӀадада дагӀбадуге.
31Зулмучиясдаги мун бахиллъуге,
гьесул киналго нухазул цонигияб тӀаса бищуге.
32Зулмучи БетӀергьанасеги рихарав вуго,
вализаби Гьес жиндего гӀагар гьарула.
33Квешасул рукъалде БетӀергьанасул нагӀана рещтӀуна,
муъминзабазул къайи-свериялде Гьес баркат рещтӀинабула.
34ЯхӀ-намус гьечӀезда тӀад Гьев велъанхъулев ватани,
мутӀигӀаздаса Гьев разилъула.
35ГӀакъилазе ирсалъе къадру-къимат щола,
гӀабдалзабаз жидедаго тӀаде хӀакъирлъи-къабихӀлъи чвахизабула.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023