ГӀакъилал рагӀаби 16
16
БЕТӀЕР 16
1РекӀел пикру-хиял инсанасдасан буго,
кӀалзул жаваб БетӀергьанасдасан буго.
2Инсанасда ракӀалде ккола жиндир ният-къасд бацӀцӀадаб бугилан,
БетӀергьанас борцун-цӀан буго щибаб рухӀалъул пикру-хиял.
3Дурго ишал БетӀергьанасде тӀамун тани,
ракӀалда бугебщинаб тӀубала.
4Цо мурад гьечӀого щибниги бижичӀо БетӀергьанас,
пасикъалгицин гьес рижун руго
балагьалъул къоялъ паналъизе.
5ГӀамал кӀудиявщинав чи БетӀергьанасе рихарав вуго,
гьев тамихӀалдаса ворчӀунгутӀиялда ракӀчӀараб буго.
6ГурхӀел-рахӀмуялъги божилъиялъги мунагьал рахчула,
БетӀергьанасукьа хӀинкъиялъ квешлъи нахъчӀвала.
7Инсанасул ишаздаса БетӀергьан разилъун вугони,
гьесул тушманзабазулгунцин рекъел букӀинабула Гьес.
8ХӀалалаб-бацӀцӀадаб дагьаб лъикӀ,
хӀилла-рекӀкӀалдалъун щвараб гӀемералдаса.
9Инсанас тӀаса бищула живго хьвадизе нух,
гьеб нухдасанги гьев БетӀергьанас вачуна.
10Аллагьасул кӀалдисан кӀалъала парччахӀ,
диван къотӀулеб мехалъги гьесул мацӀалца мунагь гьабуларо.
11РитӀарал цӀадирабиги
цӀадирабазул суркӀбиги
БетӀергьанасдасан руго,
базарганасул таргьинир ругел гирабиги
Гьесдасан руго.
12Квешлъи гьаби парччахӀзабазе рихараб буго,
ритӀухълъиялъин гьесул ханлъи щулалъизабулеб!
13Гьереси бицунареб кӀал парччахӀзабазе бокьула,
битӀараб бицунесул къиматги гьабула гьез.
14ПарччахӀасул ццин – хвалил чапар,
амма гӀакъилав чиясда кӀола гьев гӀодове виччазавизе.
15ПарччахӀасул гьумер роцӀун бугони, рагӀияталъул хӀал хьола,
гьев разилъи релълъуна ихдалил цӀадал накӀкӀалда.
16ГӀакъиллъи щвей – месед щвеялдаса лъикӀ,
гӀакълу-насихӀат щвейги лъикӀ – бацӀцӀадаб гӀарац щвеялдаса.
17РацӀцӀадал гӀадамазул нух – квешлъиялдаса лъути;
жиндирго нух цӀунарас рухӀги цӀунула.
18Гьалаглъи-паналъиялъул цебехъан – чӀухӀи,
кӀалагъоркье речӀчӀиялъул цебехъан – гӀамалкӀодолъи.
19Мискиназда гьоркьов сабруялда вукӀин лъикӀ,
чӀухӀаразулгун давла бикьулев вукӀиналдаса.
20БетӀергьанасул рагӀи гӀадахъ босарасе лъикӀлъи насиблъула,
гьардарав гурищха Гьесде тӀамун тарав.
21БотӀролъ гӀакълу бугесда цӀодоравилан абула,
гьуинаб кӀал кӀалъалесул гӀелму-лъайги цӀикӀкӀуна.
22ЦӀодорасе малъа-хъвай – маулхӀаят ккола,
гӀабдалзабазе тамихӀ-жаза жидерго гӀантлъи буго.
23ГӀакъиласул рекӀеда бараб буго гьесул кӀалалъ бицунебги,
гьесул кӀалдисанин гӀакълу-насихӀатги бачӀунеб.
24Гьуинаб калам найил гьоцӀолъун рикӀкӀуна:
рекӀее лазатги кьола гьелъ, рукьбузе сахлъиги кьола.
25Буго нух инсанасда битӀарабилан кколеб,
амма ахиралда гьелъ хвалде рачуна.
26Гьавудулев чи ракъиялъ хӀалтӀизавула,
гьесул чохьоца квалквадизе тӀамулев вугелъулха гьев.
27ХӀалихьатав-къадарав чияс квешлъи ургъула,
гьесул мацӀалдасан гьелегьараб цӀа бурулеб бугин ккола.
28ТӀекъав чияс дагӀба-рагӀи тӀибитӀизабула,
мацӀихъанас гьудулзабиги цоцаздаса ратӀа гьарула.
29Хъубаб къасд бугес живго гӀадинав чи къосинавула,
квешаб нухдасан ине гьесизавула гьев.
30Берзул ишанал гьарун валагьула макруялъе ургъулев чи,
рекӀелъ квешлъи бугесги кӀал кӀичӀизабула.
31ХъахӀаб рас ккола чӀухӀараб таж,
ритӀухъго гӀумру тӀамурасдайин гьеб баккулеб.
32Сабру кӀудияв чи
багьадурасдасаги лъикӀавила,
жиндирго напс квегъизе кӀолевги –
шагьар кверде босарасдаса лъикӀавила.
33Можоро квенчӀелтӀе рехула,
амма можороялъул тӀолабго хӀукму БетӀергьанас къотӀула.
Currently Selected:
ГӀакъилал рагӀаби 16: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 16
16
БЕТӀЕР 16
1РекӀел пикру-хиял инсанасдасан буго,
кӀалзул жаваб БетӀергьанасдасан буго.
2Инсанасда ракӀалде ккола жиндир ният-къасд бацӀцӀадаб бугилан,
БетӀергьанас борцун-цӀан буго щибаб рухӀалъул пикру-хиял.
3Дурго ишал БетӀергьанасде тӀамун тани,
ракӀалда бугебщинаб тӀубала.
4Цо мурад гьечӀого щибниги бижичӀо БетӀергьанас,
пасикъалгицин гьес рижун руго
балагьалъул къоялъ паналъизе.
5ГӀамал кӀудиявщинав чи БетӀергьанасе рихарав вуго,
гьев тамихӀалдаса ворчӀунгутӀиялда ракӀчӀараб буго.
6ГурхӀел-рахӀмуялъги божилъиялъги мунагьал рахчула,
БетӀергьанасукьа хӀинкъиялъ квешлъи нахъчӀвала.
7Инсанасул ишаздаса БетӀергьан разилъун вугони,
гьесул тушманзабазулгунцин рекъел букӀинабула Гьес.
8ХӀалалаб-бацӀцӀадаб дагьаб лъикӀ,
хӀилла-рекӀкӀалдалъун щвараб гӀемералдаса.
9Инсанас тӀаса бищула живго хьвадизе нух,
гьеб нухдасанги гьев БетӀергьанас вачуна.
10Аллагьасул кӀалдисан кӀалъала парччахӀ,
диван къотӀулеб мехалъги гьесул мацӀалца мунагь гьабуларо.
11РитӀарал цӀадирабиги
цӀадирабазул суркӀбиги
БетӀергьанасдасан руго,
базарганасул таргьинир ругел гирабиги
Гьесдасан руго.
12Квешлъи гьаби парччахӀзабазе рихараб буго,
ритӀухълъиялъин гьесул ханлъи щулалъизабулеб!
13Гьереси бицунареб кӀал парччахӀзабазе бокьула,
битӀараб бицунесул къиматги гьабула гьез.
14ПарччахӀасул ццин – хвалил чапар,
амма гӀакъилав чиясда кӀола гьев гӀодове виччазавизе.
15ПарччахӀасул гьумер роцӀун бугони, рагӀияталъул хӀал хьола,
гьев разилъи релълъуна ихдалил цӀадал накӀкӀалда.
16ГӀакъиллъи щвей – месед щвеялдаса лъикӀ,
гӀакълу-насихӀат щвейги лъикӀ – бацӀцӀадаб гӀарац щвеялдаса.
17РацӀцӀадал гӀадамазул нух – квешлъиялдаса лъути;
жиндирго нух цӀунарас рухӀги цӀунула.
18Гьалаглъи-паналъиялъул цебехъан – чӀухӀи,
кӀалагъоркье речӀчӀиялъул цебехъан – гӀамалкӀодолъи.
19Мискиназда гьоркьов сабруялда вукӀин лъикӀ,
чӀухӀаразулгун давла бикьулев вукӀиналдаса.
20БетӀергьанасул рагӀи гӀадахъ босарасе лъикӀлъи насиблъула,
гьардарав гурищха Гьесде тӀамун тарав.
21БотӀролъ гӀакълу бугесда цӀодоравилан абула,
гьуинаб кӀал кӀалъалесул гӀелму-лъайги цӀикӀкӀуна.
22ЦӀодорасе малъа-хъвай – маулхӀаят ккола,
гӀабдалзабазе тамихӀ-жаза жидерго гӀантлъи буго.
23ГӀакъиласул рекӀеда бараб буго гьесул кӀалалъ бицунебги,
гьесул кӀалдисанин гӀакълу-насихӀатги бачӀунеб.
24Гьуинаб калам найил гьоцӀолъун рикӀкӀуна:
рекӀее лазатги кьола гьелъ, рукьбузе сахлъиги кьола.
25Буго нух инсанасда битӀарабилан кколеб,
амма ахиралда гьелъ хвалде рачуна.
26Гьавудулев чи ракъиялъ хӀалтӀизавула,
гьесул чохьоца квалквадизе тӀамулев вугелъулха гьев.
27ХӀалихьатав-къадарав чияс квешлъи ургъула,
гьесул мацӀалдасан гьелегьараб цӀа бурулеб бугин ккола.
28ТӀекъав чияс дагӀба-рагӀи тӀибитӀизабула,
мацӀихъанас гьудулзабиги цоцаздаса ратӀа гьарула.
29Хъубаб къасд бугес живго гӀадинав чи къосинавула,
квешаб нухдасан ине гьесизавула гьев.
30Берзул ишанал гьарун валагьула макруялъе ургъулев чи,
рекӀелъ квешлъи бугесги кӀал кӀичӀизабула.
31ХъахӀаб рас ккола чӀухӀараб таж,
ритӀухъго гӀумру тӀамурасдайин гьеб баккулеб.
32Сабру кӀудияв чи
багьадурасдасаги лъикӀавила,
жиндирго напс квегъизе кӀолевги –
шагьар кверде босарасдаса лъикӀавила.
33Можоро квенчӀелтӀе рехула,
амма можороялъул тӀолабго хӀукму БетӀергьанас къотӀула.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023