ГӀакъилал рагӀаби 1
1
БЕТӀЕР 1
Байбихьи
1Давудил вас Сулайманил –
Израилалъул парччахӀасул гӀакъилал рагӀаби руго гьал.
2Гьел хъван руго гӀадамазда гӀакълу щвезе,
цӀодорго ва гӀадлу-тадбиралда гьел хьвадизе,
гӀакъилал рагӀабазул магӀна гьезда бичӀчӀизе.
3Гьел хъван руго гӀадамазулъ гӀадлу-тадбир цӀикӀкӀине,
хӀакъабщинабги, ритӀухъабщинабги, бацӀцӀадабщинабги гьезул рекӀелъе лъугьине.
4Жагьилчиясе гӀакълу щвезе,
гӀолохъанчиясе гӀелму-лъайги бичӀчӀиги щвезе.
5Гьел рагӀаби гӀадахъ росани, гӀакъиласулги лъай цӀикӀкӀина,
цӀодорасулги цӀодорлъи-гӀакъиллъи камиллъила.
6Кици-биценалъул магӀнаги гӀужилаб каламги бичӀчӀизе,
гӀакъилазул рагӀабазулъ бахчараб балъголъиги лъазе хъван руго гьал гӀакълаби.
Инсул малъа-хъваялъухъ гӀенекке!
7Аллагьасукьа хӀинкъи – гьеб буго гӀелму-лъаялъул авал.
ГӀабдалзабазни гӀад-хочӀ гьабула гӀакъиллъиги гӀадлу-тадбирги.
8Мун гӀенекке, дир вас, инсул малъа-хъваялъухъ,
эбелалъ малъарабги рехун тоге.
9Дур бетӀералъе бищунго гьайбатаб таж букӀина гьеб,
гарбида базе берцинаб рахаслъунги лъугьина.
10Я дир вас, мунагь-хӀакъалъул агьлуялъ къосинавулев вугони,
мун гьезда нахъвилълъунге.
11Гьез дуда гьадин абила:
«ГъоркьчӀел гьабун, пуланав чи чӀвазе вилълъа нижеда цадахъ.
Багьана-гӀайибго гьечӀев чиясе нух кквезе вилълъа.
12Кквезеги ккун гьел гӀадамал нилъеца,
жужахӀалъ кинигин, тӀубанго къулчӀила,
хобалъ кинигин, цадахъго ракьулъе тӀерхьинарила.
13Нилъее щвела батӀи-батӀияб хазина,
нилъерго рукъзалги бечедаб давлаялъ кьабун цӀезарила.
14Дуцаги нижеда цадахъ можоро рехила,
щвараб давлаги нилъер гӀахьалаб букӀина!»
15Воре, мун гьезул нухдасан унге, дир вас,
гьезул нухдаса рикӀкӀад гьабе дуца дурго хӀетӀ.
16Гьезул хӀатӀал квешлъиялде рекерулел руго,
би гӀодобе тӀезе гӀедегӀулел руго гьел.
17ХӀанчӀазда бихьулеб бакӀалда
гьезие гьин гъеялъул пайда букӀунаро.
18Жидерго би гӀодобе тӀезейин доз гъоркьчӀел гьабулеб бугеб,
жидерго рухӀ паналъизабулебин доз бугеб.
19ХӀарамаб давлаялъухъ гӀашикълъаравщинасул нух гьединаб букӀуна,
гьеб давла кодобе щваравги хвезавула гьелъ.
ГӀакъиллъи буго гӀадан гӀадин кӀалъалеб
20ГӀакъиллъиялъ къотӀноб ахӀи балеб буго,
годекӀанибе бахъун гьелъ гьаракь гьабулеб буго,
21гьаракь-хъуй гьарзаял бакӀазда ахӀдолеб буго,
шагьаралъул кавабахъ чӀун, гӀакъиллъиялъ гьадинал рагӀаби абулел руго:
22«Ле, жагьилзаби,
кидалъагӀан нужее гьеб жагьиллъи хиралъизе бугеб?
Ле, яхӀ-намус гьечӀел гӀадамал,
хириябщинаб гӀад-хочӀ гьабиялдаса
кидалъагӀан нужеца кеп босизе бугеб?
Ле, гӀабдалзаби,
кидалъагӀан нужеда гӀелму-лъай рихине бугеб?
23Дир рагӀаби гӀадахъ росун, нуж кантӀани,
дица нужеде чвахизабила дир рекӀелъ бугебщинаб,
дирго рагӀабиги гьурщила нужеде.
24Дица ахӀи бана – нужеца гӀинтӀамичӀо,
дица квербакъана – лъицаниги гьеб къабул гьабичӀо.
25Нужеца жолъунго рикӀкӀинчӀо киналго дир гӀакълаби,
дир малъа-хъваялги нужее рекӀее гӀечӀо.
26Гьединлъидал дунги белъанхъила
нужеде балагь бачӀараб мехалъ,
дицаги кеп босила
нужеда тӀаде гӀасияб хӀинкъи рещтӀараб мехалъ.
27Зобалазул горо-цӀер гӀадин,
гӀасияб хӀинкъи тӀаде рещтӀараб,
гьалагаб гьури гӀадин,
балагь тӀаде гӀунтӀараб,
гӀакъуба-къварилъиялъ къахӀан ккураб мехалда,
28гьел диде ахӀдезе лъугьаниги,
дица гӀинтӀамиларо,
дун балагьизе лъугьаниги,
гьезда дун батиларо, –
29гӀелму-лъайги гьезда рихиндал,
БетӀергьанасукьа хӀинкъиги гьез тӀаса бищичӀелъул,
30дир гӀакълу-насихӀат гӀадахъ босичӀелъул,
дир малъа-хъвайги сан гьабичӀелъул.
31Жидерго квешал ишазул гъотӀода бижараб пихъ кванала гьез,
жидерго квешал къасдаз гӀорцӀила гьел.
32ТӀирунчӀеялъин жагьилзаби хвезарулел,
пикру гьечӀолъиялъин гӀабдалзаби паналъизарулел.
33Амма дихъ гӀинтӀамулев чи сах-саламатго хутӀила,
балагьалдаса хӀинкъичӀого хӀалхьун вукӀина гьев».
Currently Selected:
ГӀакъилал рагӀаби 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 1
1
БЕТӀЕР 1
Байбихьи
1Давудил вас Сулайманил –
Израилалъул парччахӀасул гӀакъилал рагӀаби руго гьал.
2Гьел хъван руго гӀадамазда гӀакълу щвезе,
цӀодорго ва гӀадлу-тадбиралда гьел хьвадизе,
гӀакъилал рагӀабазул магӀна гьезда бичӀчӀизе.
3Гьел хъван руго гӀадамазулъ гӀадлу-тадбир цӀикӀкӀине,
хӀакъабщинабги, ритӀухъабщинабги, бацӀцӀадабщинабги гьезул рекӀелъе лъугьине.
4Жагьилчиясе гӀакълу щвезе,
гӀолохъанчиясе гӀелму-лъайги бичӀчӀиги щвезе.
5Гьел рагӀаби гӀадахъ росани, гӀакъиласулги лъай цӀикӀкӀина,
цӀодорасулги цӀодорлъи-гӀакъиллъи камиллъила.
6Кици-биценалъул магӀнаги гӀужилаб каламги бичӀчӀизе,
гӀакъилазул рагӀабазулъ бахчараб балъголъиги лъазе хъван руго гьал гӀакълаби.
Инсул малъа-хъваялъухъ гӀенекке!
7Аллагьасукьа хӀинкъи – гьеб буго гӀелму-лъаялъул авал.
ГӀабдалзабазни гӀад-хочӀ гьабула гӀакъиллъиги гӀадлу-тадбирги.
8Мун гӀенекке, дир вас, инсул малъа-хъваялъухъ,
эбелалъ малъарабги рехун тоге.
9Дур бетӀералъе бищунго гьайбатаб таж букӀина гьеб,
гарбида базе берцинаб рахаслъунги лъугьина.
10Я дир вас, мунагь-хӀакъалъул агьлуялъ къосинавулев вугони,
мун гьезда нахъвилълъунге.
11Гьез дуда гьадин абила:
«ГъоркьчӀел гьабун, пуланав чи чӀвазе вилълъа нижеда цадахъ.
Багьана-гӀайибго гьечӀев чиясе нух кквезе вилълъа.
12Кквезеги ккун гьел гӀадамал нилъеца,
жужахӀалъ кинигин, тӀубанго къулчӀила,
хобалъ кинигин, цадахъго ракьулъе тӀерхьинарила.
13Нилъее щвела батӀи-батӀияб хазина,
нилъерго рукъзалги бечедаб давлаялъ кьабун цӀезарила.
14Дуцаги нижеда цадахъ можоро рехила,
щвараб давлаги нилъер гӀахьалаб букӀина!»
15Воре, мун гьезул нухдасан унге, дир вас,
гьезул нухдаса рикӀкӀад гьабе дуца дурго хӀетӀ.
16Гьезул хӀатӀал квешлъиялде рекерулел руго,
би гӀодобе тӀезе гӀедегӀулел руго гьел.
17ХӀанчӀазда бихьулеб бакӀалда
гьезие гьин гъеялъул пайда букӀунаро.
18Жидерго би гӀодобе тӀезейин доз гъоркьчӀел гьабулеб бугеб,
жидерго рухӀ паналъизабулебин доз бугеб.
19ХӀарамаб давлаялъухъ гӀашикълъаравщинасул нух гьединаб букӀуна,
гьеб давла кодобе щваравги хвезавула гьелъ.
ГӀакъиллъи буго гӀадан гӀадин кӀалъалеб
20ГӀакъиллъиялъ къотӀноб ахӀи балеб буго,
годекӀанибе бахъун гьелъ гьаракь гьабулеб буго,
21гьаракь-хъуй гьарзаял бакӀазда ахӀдолеб буго,
шагьаралъул кавабахъ чӀун, гӀакъиллъиялъ гьадинал рагӀаби абулел руго:
22«Ле, жагьилзаби,
кидалъагӀан нужее гьеб жагьиллъи хиралъизе бугеб?
Ле, яхӀ-намус гьечӀел гӀадамал,
хириябщинаб гӀад-хочӀ гьабиялдаса
кидалъагӀан нужеца кеп босизе бугеб?
Ле, гӀабдалзаби,
кидалъагӀан нужеда гӀелму-лъай рихине бугеб?
23Дир рагӀаби гӀадахъ росун, нуж кантӀани,
дица нужеде чвахизабила дир рекӀелъ бугебщинаб,
дирго рагӀабиги гьурщила нужеде.
24Дица ахӀи бана – нужеца гӀинтӀамичӀо,
дица квербакъана – лъицаниги гьеб къабул гьабичӀо.
25Нужеца жолъунго рикӀкӀинчӀо киналго дир гӀакълаби,
дир малъа-хъваялги нужее рекӀее гӀечӀо.
26Гьединлъидал дунги белъанхъила
нужеде балагь бачӀараб мехалъ,
дицаги кеп босила
нужеда тӀаде гӀасияб хӀинкъи рещтӀараб мехалъ.
27Зобалазул горо-цӀер гӀадин,
гӀасияб хӀинкъи тӀаде рещтӀараб,
гьалагаб гьури гӀадин,
балагь тӀаде гӀунтӀараб,
гӀакъуба-къварилъиялъ къахӀан ккураб мехалда,
28гьел диде ахӀдезе лъугьаниги,
дица гӀинтӀамиларо,
дун балагьизе лъугьаниги,
гьезда дун батиларо, –
29гӀелму-лъайги гьезда рихиндал,
БетӀергьанасукьа хӀинкъиги гьез тӀаса бищичӀелъул,
30дир гӀакълу-насихӀат гӀадахъ босичӀелъул,
дир малъа-хъвайги сан гьабичӀелъул.
31Жидерго квешал ишазул гъотӀода бижараб пихъ кванала гьез,
жидерго квешал къасдаз гӀорцӀила гьел.
32ТӀирунчӀеялъин жагьилзаби хвезарулел,
пикру гьечӀолъиялъин гӀабдалзаби паналъизарулел.
33Амма дихъ гӀинтӀамулев чи сах-саламатго хутӀила,
балагьалдаса хӀинкъичӀого хӀалхьун вукӀина гьев».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023